夫妻沸片-台式麻辣火鍋 (已結業)

尋晚夜晚去咗打邊爐，知道呢間食台式火鍋，就約咗朋友兩個人去試一試。平時食港式邊爐就食得多，但係食台灣嘅，就真係比較少。火鍋店並不是任食的，我哋叫咗個二人套餐， $488 ，裏面有蔬菜拼盤、肉類拼盤、丸類、炸響鈴、炸魚皮，同埋薯粉。而火鍋湯底就叫咗個夫妻鍋，少少辣，裏面仲有鴨血食。湯底裏邊仲有豆腐乾。呢啲係佢哋嘅肉類拼盤，有牛舌、豬肉、肥牛，佢嘅牛肉油脂分布非常均勻，食落去嘅時候好好食。另外就係，佢啲牛舌亦都切得比較薄，食落去嘅時候都比較有口感。之後就係蔬菜拼盤，蔬菜拼盤啲蔬菜🥬好優質，冇咩爛，而且亦都好鮮味。一定要提一提就係佢哋嘅牛丸，牛丸裏便會有啲碎牛筋，多汁，有咬口。貢丸面都有餡料，幾好味。炸魚皮同響鈴炸得幾脆。最後食埋佢個薯粉，撈埋個麻辣湯，薯粉朔晒啲汁值得最後一提的是，這一間餐廳所用的火鍋湯料，淨係個湯底都已經係飲得，因為佢本身係用咗好多個鐘頭嘅骨頭整嘅湯，而唔係單純地用味精溝出嚟，所以真係唔好嘥咗個湯底。