夫妻沸片-台式麻辣火鍋 (已結業)

今日決定嚟一個美人鍋火鍋！我哋今次嚟到位於旺角雅蘭中心旁的地庫《夫妻沸片》‼️店員細心安排坐位，服務一流！亦好細心講解火鍋資料！今次叫咗個《精選肉類二人火鍋套餐》食物非常豐富！因為非常欣賞夫妻嘅美人鍋，所以加錢叫了一大鍋🥰美人鍋非常足料！裡面有原隻雞，好多花膠！美人鍋湯底係足料熬製12個鐘！每啖湯都係精華！個湯仲要好好飲😍火鍋套餐包含一份丸餃類，一份肉類，一份蔬菜，一份響鈴及炸魚皮！丸餃類分別有豚肉黑松露丸，牛筋丸，鮮蝦菜肉雲吞，菜肉餃！黑松露丸有驚喜！牛筋丸非常彈牙！鮮蝦菜肉雲吞冇得輸，菜肉餃就餡料豐富！肉類分別有美國頂級肥牛，美國穀飼牛肉，加拿大牛舌，西班牙黑毛豬！全部肉類都好新鮮！唔同嘅肉有唔同嘅口感！另外叫咗份厚切午餐肉，正正！之後仲有叫咗兩杯珍珠奶茶！濃郁嘅鐵觀音！茶味香濃！食火鍋飲杯嘢非常解渴😍值得一讚嘅係，呢度食物水準之上之餘，店員服務非常一流！非常有禮貌！今次用餐體驗真係非常滿足！出街食飯非常欣賞店員，就算辛苦都以禮待人嘅服務態度精神！讚