太興 (八號花園)

营业中

休息中

凍檸檬茶都可以啦，有檸檬及茶的香味，但可以更好。餐牌上寫著頂級餐肉滑蛋公仔面，午餐肉好似是三花牌的，認真足料。面好似是出前一丁的，點解我會話好似，因為我唔肯定佢的牌子，但肯定佢好味，要向各大食家推介吓這個頂級餐肉滑蛋公仔面，真是幾好味，值得一試。埋單呢餐成為$55，唔貴。

天氣明顯轉冷, 想食個早餐先出去番工, 又唔去得太遠, 就太興啦, 見今日唔使等位, 平時 weekend 好多人咖!! $24 蚊個餐仲要無咩 choice, 好想飲 ice tea, 因為好似好好味, 但係最後都要左奶茶, 暖 d ma!叫左個餐旦公仔面轉太陽旦, 嘩, 個旦好 sharp, 好d假, 不過, 見到佢好開心囉!!太陽伯伯早晨!

太興，一個新派燒味檔，一改以前傳統格局同裝修，行一啲前衞進取既方向發展 ﹗太興啲燒味我都好欣賞，我一向都唔太喜歡叉燒，只有一兩間燒味我會食佢，太興係其中一間。十幾年前我係廣東既 fans，但依家佢地啲出品真係好唔掂。其實太興好多選擇，但每次都係食燒味飯。奇怪地，係太興堂食係超好食，但一外賣返屋企食啲味道同口感都差好遠，到底係咁巧合？係黑仔？定係餐廳既市場手腕呢？十二點幾未到已有人等緊位，好采只係等三四張，可以啦。叫我地號碼喇喎，但要搭枱，我當然唔制啦，寧願等多陣。又再叫我地號碼喇，我好似中奬咁滿心歡喜跟住個侍應，一望到張枱時，我面色一沉，心諗我等咁鬼耐居然比張摺枱我 ﹗比張迷您方形摺枱我 ﹗有無搞錯呀 ﹗我用左約十秒鍾舒緩我既情緒，照坐。硑究吓個 menu，坐左幾分鐘野都未叫，見後面寬倘既卡位啲人走喇喎，我就即刻問侍應可以轉枱，佢就問用對講機問門口位同事，答我話會嘗試安排，我就話唔緊要，算啦。但我當時感到心底裡面已起起地火，面有難色。我朋友就即刻用重一點既語調駁落去話，我地等咁耐都係想坐得舒服啲咁食野 ﹗可否依家就轉比我地呀 ？侍應諗左半秒，就話無問題就依家轉啦。係依件事上面我發現我應

8個人, 叫左5個小菜set西蘭花班片 - 呢個一般, d班片冇味, 西蘭花好生 ...翠玉瓜蝦仁 - 味道ok, 但只得4隻蝦仔, 就算翠玉瓜呢d咁平的份量都唔多, 最多係腰果豆腐上素煲 - 豆腐好滑, 味道唔錯咕嚕肉 - ok蒸滑雞 - 味道ok, 但份量真係好少, 剛好一人一口雞, 多少少都冇另加左半隻燒鵝, 這個真係唔錯, 好入味總括來說味道是可以的, 但份量真係唔太足, 同埋服務唔係太好, 我地叫d嘢飲到食晒d嘢都重未到呢 ...

是日到外父外母家吃飯, 先來這裡暫料. 在大埔中心附近吃燒味的選擇不少, 這裡是比較貴的一家, 當然, 集團式的經營, 是讓人更有信心.叉燒: 5分, 要了半肥瘦的叉燒, 但實在強差人意, 瘦肉部份是實實的, 幾難咬得開, 肥肉部份還算幾香口, 但佔了一大半都是瘦肉. 肉質乾乾的, 用來送飯, 也不太對口味.燒肉: 7分, 比叉燒出色, 雖是外賣, 皮還算幾脆, 肉是肥瘦相間, 但都忍不住要連肥連瘦同吃, 是骨頭比較多, 吃完面頭一層, 更發現下面部份是啖啖骨.大家用實際行動來道出那一項較好. 燒肉是一陳就吃光, 叉燒就吃剩不少, 大家吃完一件也嚇怕了, 不敢再要它搏鬥.

今日食晏, 兩人點了lunch special. 雪菜肉絲米粉+炒蛋治, 雪菜肉絲米算大碗, 但味精都幾重手. 今日份蛋治就細左少少, 炒蛋仍然香滑. 因為食蛋治要用手, 剛啱我覺得對手唔係咁乾淨, 想去廁所洗手, 原來呢間太興的廁所在街外. 收銀姐姐話出門口轉右去到街口再轉右. 吓咁遠我又唔係好想去, 於事問佢有冇濕紙巾, 原來冇. 有冇消毒啫哩呢, 又冇. 好在啲阿姐都好helpful, 搵咗張紙巾倒啲熱水俾我抺手.服務精神真係周到, 不過病毒肆虐, 咁大間連鎖店真係要改進下. 香茅豬扒飯, 呢碟飯都幾失敗, 豬扒同啲炸過蒜蓉一副乾爭爭look, 完全冇汁, 側邊有倒轉的半碗飯, 上面有半匙更豉油印, 兩樣乾爭爭的物體放在碟上, 感覺好沙漠, 碟上面半條菜、 甚至青豆都冇粒. 賣相非常之唔開胃之餘. 食落口更證實佢乾, 老公要响我碗雪菜米度畢啲湯淋落啲飯度至啃得落, 唔掂唔掂. 好在太興的凍熱奶茶永冇失拖.

今日要辦點事, 入到黎大埔搞D野. 首要任務, 要搞掂太興既野, 咁就順便係度食埋啦. 太興, 是一間燒臘店. 入到黎, 一個人的話, 唔食燒味, 唔通食炒粉麵咩. 至於飲品方面, 奶茶要熱飲才好, 冰鎮始終不是我所好. 首次正式寫太興食評, 一定是燒味加奶茶啦.叉鵝飯是是日選擇, 叉燒, 是正宗的蜜汁叉燒, 外層燶了的, 不是肉燶, 是蜜汁燒燶, 咬落叉燒, 帶有厚厚兼脆脆地既蜜汁.....感覺, 這才是真正的蜜汁叉燒. 鵝肉, 帶點肥, 點上酸梅醬, 肥肉, 淡淡肉的燒鵝, 味道十足. 感覺上好比深井既出品.係太興, 飲上他們的招牌奶茶. 這裡的奶茶濃香滑俱全, 按排名, 是 1) 香, 2) 濃, 3) 滑. 好過一般茶餐廳既多多聲. 燒味好, 奶茶好, 太興不失為新一代既改良版燒臘店.

本人成日都會幫襯太興~不論早,午,晚餐都食過好多次~不過今日第1次食佢個早餐---> 燸米雞 $22 （連餐飲）料 : 一舊瘦叉燒 , 雞肉 , 一粒馬碲 , 幾粒蓮子(唔鐘意食,所以無食) ,一片仔蠟腸 , 蝦米........無肥肉~~GOOD!!!!都幾好食

表面上平凡既港式早餐但係品嚐過後發現當中有不俗既一面當然唔小得著名冰鎮奶茶..火腿通好多火腿...味道幾好overall黎講..廿六蚊個早餐黎講唔差!

四月八日自己也未在這間連鎖燒味集團早,午,晚吃過,想不到今次來得不是燒味,而是早餐,找個位罝坐下.叫了侍應二, 三次.終於有回應.要了一個火腿通粉,奄列多士和一杯凍奶茶.凍奶菜這裏特色在於用上冰鎮,不能不說和普通奶茶沒有冰沒有多的分別,只不過早就雪凍了,然後放下碎冰就算,奶味略為少了一點,多士來得有點脆.但伴著奄列也煎得較生了一點.看著火腿通粉,只不過是通粉變別的貨色.食下去也沒有多的問題,火腿用水煮熟,沒有什麼味.但是它是通粉的好朋友,最後陪伴通粉還生菜,最後也食掉.一個早餐二十六元,相比起其他茶餐廳來得貴,味道又不過是茶餐廳級數,有那麼多選擇,這間很難回頭了.

同外婆& mum 去太興食lunch。燒味雙拼：叉燒拼油雞叉燒幾淋，味道正常，不會過咸或過甜；油雞乃新鮮雞，肉質幾滑，有雞味。泰式炒河($38, 配湯)：超搵笨之作，完全食唔到何謂"泰式"囉！唔抵食，得芥蘭、蕃茄同芹菜去炒，又咸又肥，連一粒肉丁都無，太過份！搵笨嫌呃錢！公司三文治：幾個就似樣喇，有cheese, ham, egg, tomato, 足料面包烘得脆口，唔錯咸魚雞粒炒飯：雞粒多，但咸魚就唔多覺有囉！味道適中，不會太咸服務態度不俗，有禮貌同笑容，尚算醒目。

有個朋友送左張拼盤COUPO比我,琴日同老婆2人去食,覺得一般,拼盤D肉好小,又叫左個通棻套餐,放通棻個盤好大,但份量就好小,又無送甜品,價錢貴左D,成$56,食物品質普通............可能我要求高啦.............

20080601下午一點零鐘, 我和仔仔會合, 他見議到大 x x 食嘢, 但很多人排哂長龍, 於是另找目標便來到此餐廰, 門外亦有人輪候, 不過祇需等三數張枱便可! 大埔這個社區真繁盛, 很多食肆都擠滿食客...由於剛吃的魚旦麪仍在消化中, 所以我在午餐menu 中揀咗較輕食的雪菜肉絲米粉配腸蛋多士, 而我仔仔就叫了义燒紅腸飯. 等了不久, 食物來得都很快, 我不知道這是那類的米粉,外貌鬈鬈曲曲, 似即食麪模様, 不過它是米粉的味兒! 煑得剛好, 不會糊口.我問仔仔的义紅腸飯如何? 他說跟大 x x 差不多啦. 他人仔細細也吃哂成碟飯, 但太飽連凍檸水也喝不下, 而我杯冰鎮咖啡, 好滑!! 沒有多餘的冰粒浸在咖啡內, 不會愈飲愈淡.. okay

下午茶餐泰式雜菜炒河+凍奶茶外賣泰式雜菜炒河-類似乾牛河,一大陣九層塔味,不是小弟至愛,但都可接受凍奶茶-樽裝的,好飲程度令我以後不再買雀巢/捷榮罐裝奶茶下次要入去試下冰鎮奶茶

10月8日中午，游完吐露港渡海泳後，到大埔市中心這家太興吃午餐。我們點了燒味雙拼、火腿通及奶醬多等，還有冰奶茶和凍檸茶。真的名不虛傳，燒肉很香脆，叉燒烤得很均勻，燒鵝皮脆肉嫰，保留肉汁原味，不但賣相好，而且很好吃!奶茶更是滑得出色，非美心和大家樂等快餐可比，入口後那陣奶香茶甘之味長駐咀裡，揮之不去，很令人回味!尤其是太興老板的用心良苦，把大量碎冰撒在玻璃小盆裡，再將杯奶茶放置其中，避免奶茶因碎冰溶化在杯裡而淡化，很體貼客人。店內環境明亮衛生，侍應的服務快捷週到，也不會急急收杯收碟趕客，客人可以好好地享受美食，有別於傳統港式茶餐廳。...難怪這麼多人寧願在外排長龍，也要一嚐美食。唯一要彈的是，店內並無順應潮流，實施禁煙，希望能改善啦!