太興 (八號花園)

营业中

休息中

大集團既早餐收得咁上下貴既價錢，唔係煮隻蛋都煮到咁老呀!! 究竟有冇心返工？作為消費者畀錢出黎係幫你食垃圾、食失敗品？衰過茶記。仲有， 正正常常一杯咖啡, 都可以加咁多奶，多奶到咁為之正常？叫左餐蛋麵，就黎左雪菜肉絲麵，吾緊要，但更換時間耐到同枱都食哂都仲未到，為我們枱負責的店員的態度簡直不敢恭維！感覺整體質素吾多掂！

想食大排檔的味道而又想坐得舒服，首選一定是太興從前太興的確比一般餐廳貴，但久而久之已經拉近了，真係唔介意每樣俾多幾蚊，最緊要享受話就話貴過人，但佢亦能夠做到每道菜都較為精緻，感覺是值得，難怪成日都排長龍今次我就無食燒味，但燒肉鬆軟皮卻脆卜卜的確令人難以忘懷。佢既咕嚕肉亦唔錯，外面少少脆，肉嫩滑，的確一讚只是個胡椒雞窩略為濃味左，唔知係咪滾得耐，有少少咸整體黎講係值得一試的

上次飲唔到杏汁潤肺湯，今次入坐前確定仲有先入坐。食物一貫有水準。個餐蛋麵係優惠活動送既，但過機時遇到麻煩，扣唔到個優惠。多得姓曾的員工（經理？）協助解決，處理得宜，抵讚

我以前覺得太興食早晨好貴但自從周圍都加晒價之後太興變得相對抵食鍾意佢嘅小卡位坐得幾舒服早半個鐘起身就可以嘆一個豐富早餐都係雪菜肉絲米粉湯底夠味米粉肥嘟嘟餐肉蛋煎得夠香厚多士脆口好香港式好地道嘅凍奶茶絲襪奶茶真係夠晒香濃因為夠奶所以入口好滑

先睇下餐牌有咩食。幾十蚊個餐，俾茶餐廳貴D。好多太興都好受自由行歡迎。但大埔呢間唔多覺，眼見多數係街坊，GOOD~叫左兩個餐。瑞士汁牛柳炒河。甜甜地，夠鑊氣。荷葉蒸雞。好靚仔，咸左少少。但味道不錯。黎太興，梗係要整返杯冰鎮奶茶，夠原味。唔怕溶冰溝淡晒。今日仲出奇地幼滑，比平日好飲喎，奇! 個人勁鍾意飲湯，加上杏汁白肺湯唔係度度有得飲，所以兩個人叫左兩盅。單點$48。如果叫小菜加$19有杯野飲有個白飯。再加$28餐飲可轉做湯。 第一次叫呢個湯，好大盅，一盅大概等於四個白飯碗。飲到肚漲漲，但真係勁勁勁好飲。人地話太興係味精湯，但我又唔覺喎，個人黎講好滿意。湯料梗係冇佢張相咁料啦，誇張。 但都有杏仁、好香既杏汁、瘦肉同雞肉。 呢個湯好驚喜，令我好回味，會成為我黎太興食既主因。

真係做開野先入大埔 煩緊一支公食乜好 就見到有太興就入啦係有驚喜喎 唔洗70蚊既乳豬墨魚雙拼飯質素一d都唔弱 乳豬皮係燒到脆扑扑 肉咸度適中 最正係肥高唔多墨魚就唔算太“un” 份量都算多

早上有時間便來太興吃個早餐，連早上也要排隊。不過都快，大概7分鐘有位。叫了個$34糯米雞配熱奶茶。糯米雞d料都足，還有一片臘腸，有肉碎但沒有肥豬肉。整體來說也ok. 早餐價錢和其他茶記差不多，而當然是太興好坐d，吃完不用馬上走，還可坐下玩下手機打發時間：）不錯

都有幾年無幫襯，突然好想食雞髀叉燒飯，撞啱順路，又撞啱見到大把位唔洗等，今晚就食您啦！雖然一早已決定左食咩，但都要㖮㖮個 menu，溫故知新。燒味 menu 都係咁上下啦，同以前一模一樣。發現有燉湯供應喎，驚喜！當然要飲啦。但查詢之後，原來今晚只有杏汁豬肺湯，我一向對依個湯麻麻，𣎴過無選擇，照要啦。獨獨晚餐食自己，有菜有肉有飯有湯有飲品，全餐 $129 都好合理。到齊，影張全家福先！一個人更加要對自己好啲，日日都要開心！好豐富啊！食可以暫時忘卻煩惱，所以要 keep 住食！濃香杏汁潤肺湯、切雞髀叉燒飯、蠔油生菜！超水準表現，好好好味！濃香杏汁潤肺湯，即係杏汁白肺湯。四眼弟弟侍應原盅段上，仲提醒個盅好熱要小心，讚！揭開盅蓋，釋出縷縷白煙，係杏仁既香氣。未見過咁靚既杏汁，香味特濃，雪白幼滑，香甜味美。豬肺乾淨軟棉仲非常嫩滑，質地彈彈的。仲加入瘦肉同雞件增加甜味及肉香，全部湯渣通通消減始盡，滿分！第一碗我讚既杏汁白肺湯，無得彈！香噴噴！湯跟料同樣出眾！蠔油生菜，太興咁多年供應既蔬菜質數無變過，keep 住低於水平，特別係生菜及菜芯。生菜唔夠爽嫩，葉片粗糙帶澀味，而且欠缺蔬菜鮮甜味道。切雞髀叉

原先係想去 Jingle 鋸扒食生蠔，點知行遲一步，比前面位師拉攞左最後兩個 walk-in 位，其他都被留座。而我向四眼侍應哥哥查詢還有無位時，又被冷淡對待，係無晒 mood 既情況下，行過太興見有位咪是但坐低囉，但萬料不及，今餐係我食太興咁多次最劣最差最垃圾既一次 ﹗咸蟲三重奏晚飯套餐！黑氣指數爆燈！是晚例湯淡如水，唔記得左落鹽？熱就非常夠熱，飲完都唔知飲左啲咩喎。啫啫蝦醬通菜煲，其實都食過兩三次，都幾滿意。滾熱辣炸炸聲又出晒煙上枱，侍應弟弟即刻撈混蝦醬，數秒即閃，見蝦醬份量幾多吓，心感不妙。又比我估中，救命咸到苦呀﹗終於都深徹體會咩叫做咸到苦。唯有試試送白飯啦，勁隊都唔掂，真係咸到食吾到﹗連好咸得既女友都投晒降喇﹗時間關係都費事要求換，倒左兩三杯滾水想溝淡去，但完全無效，咸味已完全滲透入通菜之中，我放棄唔食喇。但女友唔想浪費，最後攞左碗滾水過水，佢免強食晒，真係辛苦晒呢﹗食到腎衰竭都似。超咸既啫啫蝦醬通菜煲，嘗試搶救，但已返魂乏術喇，無符。勁落水企圖沖淡都無補於事，依舊咸到苦﹗變左勁咸泥水浸通菜！早前食過依度菜味道完全無問題，仲好香好好食添，今次廚房叔叔失手喇，就算您走黎我地張枱

近來太興多左好多新菜色，好想試試，但食完依個 lunch 就北上食雞煲，唔可以食得太飽呢，打打底就上路喇。人頭擁擁勁多食客呀！原來太興係無出前一丁供應架！套餐 set 死晒，侍應大陸阿姐話連太蛋都唔比轉，係咪真呀？無選擇，唯有照食餐。炒滑蛋厚切極上午餐肉即食麵，滑蛋真係炒得幾好，又香又滑，蛋味香濃又夠熱。極上午餐肉又真係瘦肉係比較多喎，煎得外層香口、裡面 juicy 軟棉又肥美，高質美味。普通即食麵不過不失啦，無過生亦無過腍，湯都好夠熱。條菜芯咩事呀？玩健身架？強化菜芯韌到咬唔斷，真係食唔到囉，仲好多渣添，放棄！瑞士汁安格斯牛柳絲炒河，瑞士汁味道帶甜而非常濃郁，滷水味唔係好食到，豉油味就好突出，都幾好食﹗顏色炒得均勻，眼看似乎好油，但食落無油膩感覺噃。河粉幼滑而彈彈的，炒得完整，無一舊舊又無散筲筲，師傅功夫到加。安格斯牛一向牛味濃，醃得濃及不過火，質地有嚼勁。因為醬汁濃郁，味道偏重，雖然好味，但食完會有點滯呢。咸魚雞粒炒飯，鑊氣出眾，香就好香喇，但油左少少，成口油淋淋。飯粒都每粒分開夠乾爽，炒功都好滿意。幾經辛苦搵到幾粒硬咸魚肉，雞粒細到雞蓉一樣，落料太少，只食到鹽味同蛋味呢，而且賣相

巧遇沐恩羅紹國老師坐正對家喎，都十幾廿十年無見喇，一聽到把聲就肯定係佢喇。最衰豆豉哥剛才 post 張咬原隻燒鵝髀相出黎，搞到我勁想食囉！所以一收工即飛落太興嘆返隻先！猴頭菇蘋果雪耳燉豬展湯，壯陽雪耳猴頭菇，飲完落吧打老虎！大大盅熱辣辣送到，一開蒸氣直噴，聞到濃郁肉香啊 ﹗我已經預備好喇，起動 ﹗猴頭菇蘋果雪耳燉豬展湯，雪耳已完完全全溶晒係湯汁之中，一飲便知盡在不言中，質感濃稠而帶甜又黏黏的，平民養顏補品含極豐富骨膠原，正呀 ﹗蘋果天然清甜味道，比蜜棗、圓肉、紅棗味道更加清爽舒服。豬展軟棉而肉味甜美，全部食晒，好好味。猴頭菇既菌味獨特而香濃，跟豬展味道非常配合又極有層次感，溫度又剛好燙嘴最美味，令到我完全唔想將匙羹放低呀 ﹗誓要飲晒方肯罷休，太美味可口喇 ﹗燻蹄原隻燒鵝髀飯，燻蹄腍劈劈得層皮，超級失水準呀！半點瘦肉都唔比我食。好采味道有咸香，配上酸酸都唔錯既，送飯夠醒胃。如果酸醋係自家調就更好啦，加甜椒、蒜蓉、麻油更加香口吸引。巨型鵝髀鎚仔咁大隻，何止打人牙骹軟咁簡單牙！皮脆肉香非常肥美，一咬噴汁！狠狠一口扯開燒鵝髀，鵝油多到可以撈飯！無敵鵝香跟醃料味道，肉汁鵝油泛濫成災，沾滿口又沾滿

前幾日黎食左切雞髀叉燒飯跟杏汁燉白肺湯超好味，滿分！食過翻尋味，今晚再黎。有得獎新菜式喎，紫淮山胡椒湯魚肚雞煲，但一支公獨獨督食個燒味飯算啦。兩次想去福建睇跌打都收六點，又睇唔到膊頭喇！唯有食個飯跟住落吧飲野啦。無雙髀飯叫？您唔係講笑麻？請問依位大陸阿姐您食過雙髀飯未呢？邊個教您咁計？勁搞笑，叫我 order 兩碟髀飯，其中一碟走飯！$76 + $70 = $146！咁我食叉雞飯，係咪要叫一碟叉燒飯再加一碟雞飯，其中一碟走飯呢？我真係無您咁好氣，求其比碟燒肉鵝髀飯我啦！唔洗叫兩碟飯麻？記得有次去澳門茶餐廳我個白飯要炒底，個大陸阿姐要加我一碟蛋炒飯錢 $25 蚊，您地強國人係好野既，輸晒！燒肉鵝髀飯，燒肉好好味，大飯店水準，肉香軟棉勁肉汁，咸香留係齒縫舌頭間打轉，加燒味甜豉油撈飯一齊食絕對停不了口！不過皮唔夠脆有點韌。鵝髀皮香肉嫩，肉質細緻纖幼，嫩不留口，非鴨肉可媲美！醃料味道豐富入味，醒胃而不濁。薄薄微脆鵝皮配上酸梅醬可去油膩，美味到頂峰！不過伴碟凍菜芯有點失敗，質感粗糙，不嫩不甜。白灼唐生菜，真係十分白灼吓，清水灼。食落葉片都幾厚，老帶韌，不太爽嫩，免強合格。木瓜雪耳燉豬𦟌湯，唔見有

居然依度有真空期，五點半後六點前，下午茶餐只能提供即食麵、餐腿蛋、燒味，又未有晚餐食。我今日無食 lunch 好肚餓呢，侷住叫即食麵囉 ﹗冰鎮奶茶，保持高水準，質優幼滑，美味茶香直衝大腦！用冰鎮住保持溫度，唔會因為冰溶化而令味道變淡。每次黎太興只飲奶茶，其他食肆只會飲凍齋啡走甜呢，其實可否實杯冰鎮齋啡比我啊？極上午餐肉炒蛋即食麵，極上厚切午餐肉？質感同味道無咩特別，比一般既厚左 1、2mm 囉，火腿午餐肉煎得兩面尚算金黃香口。即食麵麵質應該係出前一丁，似但唔肯定，煮得腍左少少，可接受。炒蛋一般，唔係滑蛋，老左少少，只帶微微蛋香。燒鵝叉燒飯，今次叉燒特別乾鞋，真空期效應？求戀期？以往都好軟棉棉、嫩滑多汁的啊，幸好依然肉香帶蜜汁清甜﹗燒鵝好肥，無點做運動啦，好易心臟病。肥膏一舊舊，嚴重到要咬走先入得口，如果唔係一定含住一口油。鵝皮好香脆呢，肉嫩細緻，一絲絲幼滑纖維清晰可見，仲泛著肉汁立立令，香料已滲入每吋肌膚之中，味道出眾。鵝胸肉厚好滿足，黏上酸梅醬可減油膩而且醒胃，配埋燒味甜豉油撈飯，無得輸！

熱奶茶，首次係太興飲熱，唔飲招牌冰鎮凍奶茶，天氣咁鬼凍！茶味依舊香濃，茶香係脷尖上留有餘韻，久久不散。落包半砂糖更加吊起甜味。Body 質感非常幼滑，慢慢㗳、慢慢嘆，好好飲！燒肉切雞飯，簡單是美，今餐難得平淡，食個普通雙併。都係首次無 order 雞髀，只係 normal 咁叫，睇睇師傅會否醒隻雞髀我先。萬眾期待黎到喇！Check check，只不過係雞胸近雞背部位，無咩肉食，唉。係咪董事局落左 order，normal 唔出得髀呢？依啲咪大集團囉。試試先，雞肉味濃，就算胸肉都幾棉滑，滿意，好味﹗燒肉肥瘦適中，咬落勁嫩 juicy，咸香徘徊整個空間，每一啖都充滿肉汁，而且燒肉皮仍然微脆。撈上清香燒味豉油，搭上燒肉雞肉同白飯，梗好味啦！咸魚雞粒炒飯，最討厭炒飯有菜絲，早知唔理有無都叫走左去啦，落菜炒搞到飯粒特別濕囉。雖然賣相唔多討好，望落好油、有點炒過火、燶燶地咁。不過一試之下味道好好噃，炒得香口有鑊氣，而且飯粒嚥韌飽滿不太油，最衰加左菜啫，料就比較少，唔多食到咸魚同雞粒。真係人不可以貌相，過關，合格。

朋友仔話素顏唔敢照相喎，算。我好欣賞太興既燒味，其實一向我都唔太喜歡叉燒架，只有一兩間叉燒我會食佢，太興係其中一間。十幾年前我係廣東既 fans，但依家佢地啲出品真係好唔掂。新派既太興燒味好多選擇，但我每次都只係食燒味飯。奇怪地，係太興堂食係超級好食，一但外賣返屋企，佢啲味道同口感就差好遠，到底係巧合？係黑仔？定係餐廳既市場手腕呢？到目前為止，我覺得環境最舒適既燒味店係太興依度。切雞、燻蹄、叉燒同燒肉都非常滿意，好好好味。走新派茶餐廳路線，經常有新菜式推出、創新又突破。店內光猛、乾淨，服務都唔錯，只係價錢比一般茶餐廳、燒味店貴好多。不過唔緊要，最最最重要係好食又坐得舒服，服務夠殷勤 ﹗招牌冰鎮奶茶，由太興首創再發揚光大，無得輸啦！質感超幼滑、濃淡適中、茶味複雜而香濃，奶同茶比例剛好，冰鎮能保持原味同溫度，正！燻蹄切雞髀飯，係邊度食燒味飯都好，都只食髀。切雞髀又香又嫩又滑，肥瘦剛好又唔會有肥膏，正 ﹗燻蹄，夠大路穩陣，淡淡咸香，亦不會過咸，結實有咬口，配上酸醋撈埋白飯好開胃。燒腩仔例牌，賣相 good，但勁多肥膏又油淋淋，好肥呀 ﹗點解斬完仲要焗熱去呢？搞到啲油咇晒出黎。外皮就非常香脆，