太興 (八號花園)

营业中

休息中

73蚊油雞义燒飯，肉係梅既，又老又梅，份量细唔講，賣相亦唔得， 又縮又瘦啲肉顏色灰灰黑黑，上枱巳經覺得唔妥，食落真係心痛！隨左心痛73蚊叫左個甘難食既餐，破壞左我整天既心情，更加心痛一個香港品牌咁樣糟撻，都唔知係賴管理問題定係乜原因，拉低哂大埔餐飲水準！ 一心想食燒味嘅你絕對絕對絕對唔好幫襯呢一間。 雖然我講得好似有啲激動誇張，但係因為我平時唔多叫燒味飯，今日真係一心充滿期待咁樣入嚟，想正正經經食個好味嘅燒味，結果令我非常失望，所以心情有啲激動

不得不讚！差不多每日收工都嚟食個輕盈叉燒米粉餐叉燒美食真係一流36蚊包埋嘢飲價錢真係又抵又好食 除咗冰鎮奶茶之外凍檸茶都好好飲服務環境又乾淨企理 員工又幾nice👍🏻值得一試😋😋

最近在大埔開工，經過入咗去食、叫咗碟肥义燒肉飯，义燒勁差，又瘦又韌、燒肉又肥，飯底又爛！簡直好似食垃圾＞<！好啦第二次又去食咪最多唔叫燒味，叫咗碟三文魚炒飯，點知都係好難食，啲飯又爛又細碟，好彩細碟，因為都唔想食！食過咁多間太興係最難食呢間！

一太興一向價錢比一般茶餐廳貴，但忽然想食燒味，屋企附近有無咩邊度比較有保證，最後都係揀左太興喇食。今日品嚐左燒腩切雞飯同口水雞飯，太興雖然貴，但佢個燒腩真的唔錯，肥瘦適中，香脆既外皮，咸香既燒肉裡面加少少軟骨，肉質唔會太乾及油膩，切雞不過不失，正常味道。反而個口水雞有驚喜，口水雞肉幾嫩滑，每一口都充滿了肉汁，雞肉的調味恰到好處，辣椒醬帶點麻，辣度輕微。 冰鎮凍奶茶一貫的好，夠凍得黎飲落原汁原味，茶味香濃而奶滑。

晚上7:30差唔多咩都賣哂 咸鴨蛋都冇一坐低個水杯入邊全部都係黑色一點點然後攞餐具上嚟全部都係污跡 兩個碗一個完全冇過咁嘅樣 一個仲有隻蜘蛛喺上面爬緊勁呀呢間野一絕一流收費9流清潔

已經有一段時間無食過燒鵝，平時又唔會特登斬料買燒鵝，咁岩阿媽又話太熱唔想煮飯，所以就直接去左太興燒鵝飯，太約有8-10舊燒鵝，鵝皮係仲有少少脆口，食落有鵝油同有煙燻味道，都幾好餸飯，另外鵝肉唔算嫩，但又未到起渣，不過不失咁啦咕嚕肉，有大約10舊肉，肉質正常，炸皮唔算厚同埋仲係脆既，應該都係即時整，咕嚕汁酸酸甜甜咁，都幾好餸飯冰鎮奶茶，夠凍，有奶同茶味，但本人覺得好似甜左少少，而冰鎮奶茶係冇得叫少甜既，所以怕甜既就可能要叫返普通既凍奶茶少甜

誰會吃不煎的午餐肉呢。 5 月 7 日在這裡吃早餐讓我非常失望。 首先, 食物的賣相, 與圖片不附。 圖中，餐蛋面是用菜心伴的，可是, 他們用了生菜, 而且不是整片，而是切絲的。 當天吃的生菜還有一點臭腥味. 如果他們沒有菜心，應該用相同等值的蔬菜代替，即使娃娃菜, 也比生菜好。 不是人人喜歡吃生菜, 還要將生菜切絲. 太興一直 宣傳味道好，味道不一樣. 可惜, 食物的質素極度不好. 廚師馬虎了事. 午餐肉煎的功夫都不做, 可想而知, 其他食物的質素會是如何. 

一向都好鍾意去太興食早餐，次次基本上都必食佢嘅優質午餐肉炒蛋公仔麵，但係無食一輪之後再食返，發現佢質素竟然下降，希望只係一間間啦。先講個優質午餐肉，雖然厚薄差不多，不過佢嘅質素明顯下降，無以前咁香咁好食。炒蛋都算係滑嘅，不過份量就明顯少咗，我覺得起碼少咗三分之一。至於佢個公仔麵就未煲到熟晒，雖然我鍾意彈牙的公仔麵，不過我希望佢係熟晒的。好彩杯奶茶都仲係好好飲，否則真係大件事。

原價$838的鮑魚豐盛盆菜， 早鳥優惠$788。6位用的話， 人均$130 蚊左右， 大概是是屬於平價的盆菜。 如圖所見， 蝦、鮑魚、蠔鼓、冬菇等比較貴的食材的份量都不少。另外還有燒鵝、切雞、魚蛋、枝竹、燒肉、白蘿蔔、鯪魚肉丸、魚肚、西蘭花等等...奇怪的是髮菜只有很少量， 可能是供貨問題？這個價錢來說， 食物的質素絕對是可以冬菇很香， 蝦彈牙有膏，太興燒味更加不用多說。加上盆菜汁調味不錯， 直接令到盆菜加分， 白蘿蔔吸收了湯汁的精華， 又淋又入味。

今晚與朋友大約6點到太興食飯，這是一間偶然會光顧的食店。但太興的燒味質素一向很飄忽，而且質素唔好的時候多於好的時候。所以我們多數不吃燒味，選吃小菜。杏仁豬肺燉湯每次來食太興都是同一個原因，為左飲佢的杏仁豬肺燉湯，呢個湯好好飲，裡面的湯料雖然唔多，不過就感覺好新鮮，豬肺亦洗得好乾淨。佢如果是套餐轉飲品是大約加$28。XO醬翠玉瓜蝦仁炒腰果呢個就上之好食啲，既然用到XO醬，就應該要食到XO醬的香，但係如果不看這碟餸，只食裡面的食物，是完全食唔出XO醬的味道。應該可能是XO醬唔夠多，或者呢隻牌子唔靚。蝦仁是普通雪藏蝦，普普通通; 翠玉瓜正常。至於腰果，如果鍾意食淋的腰果，會覺得唔錯;鍾意脆的，會覺得一般。另外，要提一提的是，呢個菜上菜的時間算是快，但個餸菜的溫度是是暖的，並非熱的。菠蘿咕嚕雞球呢個今晚煮得幾好食。雖然個菜名叫雞球，但個人而言，都幾唔鍾意啲雞球過大，今日呢個啲雞球體積唔大，什至似是雞柳，我反而幾鍾意。個脆漿唔會太厚，甜酸汁適中。菠蘿就應該是罐頭菠蘿。正正常常的一餐晚飯，味道不錯。有時你預計左個味道係咁，結果都係咁，雖然未必令你「驚喜」，但就不會「驚嚇」。

等左15分鐘有得入，其實入面係有位，不過d亞姐執唔切枱。叫左佢地最出名既冰鎮奶茶。係好飲既，午餐仲要冇再加錢，只係堂凍飲加錢，會再黎食。推介。如果大埔人都應該識黎😂😂

上星期日帶埋仔仔囡囡去大埔遠足，經過位於大埔安慈路2號八號花園13號鋪的太興，仔仔同囡囡話肚餓，我就腳帶埋去食下午茶，叫左一杯我每天必飲的咖啡，同出面餐廳的味道差唔多；同仔仔鐘意食的星州炒米，星州炒米里有蝦仁，牙菜，九王，炒蛋，材料十足，又大碟，有好濃的咖喱味，唔會好辣，所以小朋友都鐘意食；囡囡叫左一塊西多，岩岩炸出来熱辣辣，唔會好油，好好味，入去大埔的市民不防可以去太興試下它下午餐🥣的味道，份量又多又抵食

突然想起，已經好耐冇食過佢嘅早餐，尤其懷念佢嘅糯米雞。今日開工前特登繞路，多走10多分鐘路程，排隊買早餐。滿心歡喜打開外賣盒，看見朝思暮想的糯米雞瘦了一圈😟跟我的掌心一樣大，可憐🥺瘦身後的糯米雞餡料，有3粒蓮子、1顆馬蹄、1片叉燒、1塊雞肉、1片臘腸，以比例計算🧮真豐富。 高級熱咖啡☕️奶味比咖啡味豐富😟承惠$38

其實這一家餐廳在大埔也有一段時間，也是連鎖店，起初他所以出名，是他的冰鎮奶茶，然而其實喝過的人，評價一般都不會高，因為他的奶茶實在太甜了。感覺就像是熱飲加了四、五匙糖的甜度，如果喝一杯的話，想必一定會肥不少。

食過幾次太興都麻麻地，食物質素一般但價錢貴，唔抵食。得杯冰鎮奶茶好少少，所以都極之少黎今晚媽媽話想食燒鵝，同埋聽人講呢到咕嚕肉好食咕嚕肉fans既我就去試試佢食飯時間到，場唔算爆，但都多人坐得算舒服，服務正常佢有出晚市優惠，加埋飯&飲品再加$20價錢中矩中舉我地叫左半隻燒鵝，咕嚕肉 同埋 雜菜煲食物上得幾快👍🏻燒鵝賣相唔錯既件件既size都算大，同埋唔算好油膩即刻試一舊，未咬落口已經聞到好香煙薰味皮薄，有淡淡木香味，但唔夠脆肥瘦適中，咬落有油香，但又唔會成口油肉質都算嫩，最緊要係唔會膻對於唔太好燒鵝既我黎講都想食多舊👍🏻到我期待既咕嚕肉賣相唔算特別吸引，份量正常咕嚕肉個汁幾好，濃稠度幾好，調味唔會過酸或過甜，但個人認為可以重味啲入口外脆內軟，炸皮唔會食到成口油肉質幾有咬口但唔會有渣咬唔爛其他配菜味道正正常常，算出色👍🏻👍🏻雜菜煲有菜心，椰菜，西蘭花之外仲有肉絲，菇，魷魚，蝦乾，粉絲等等比想像中豐盛，味道清清地唔錯既只係加左一個餐，每人差唔多$100唔算抵食，但味道我係滿意既👍🏻