太興 (八號花園)

营业中

休息中

今日下午去太興食個是日超值常餐。我點咗個雪菜炆米同炒蛋士多。個常餐可以自動升級加送意式泡沬咖啡。等咗5分鐘先有服務員走嚟寫單。之後要等10分鐘先有得食。先上個雪菜炆米，個炆米好加咗好多雪菜。個米粉好彈牙爽口。混入雪菜好好食。個雪菜好新鮮。再到個炒蛋士多，個炒蛋炒得好正。食得出係用大火鑊先可以炒出嚟。我加入牛油係片士多。食落塊士烤到恰到好處。咬口好趣。到杯意式泡沬咖啡好正。係好有心機沖出。個咖啡味好濃。好正。個賣相好睇。

返工前食個早餐，選擇了太興，主因係方便…哈哈…本來想食糯米雞的，但要8點躲開始供應，唯有食頂級餐肉公仔面啦~兩塊餐肉加炒蛋…餐肉的確唔錯，唔會好似某牌子咁咸!至於公仔面，食落都幾滑喎，哈哈~另外，要了冰鎮奶茶…夠凍，亦無被冰沖淡，唔錯，但是甜左少少，而且好似比較多奶…

聖誕節，親人提議食盆菜，西方節日食盆菜都係第一次。親人試過太興盆菜，話唔肥又唔咸。我地要咗細盆，6-8人份，都幾大盆喎！有鮑魚、 虾、 燒肉，油雞，燒鴨，魚旦，西蘭花，芋頭，豬皮，枝竹，素翅等。真係唔肥又唔會太咸，不錯，但鮑魚不吃也罷！無味，仲有啲嗱嗱地。魚旦普通貨，爽彈； 鯪魚餅唔腥無碎骨但較實； 大花菇又大又滑又厚身，好味； 芋頭好粉好正； 花膠爽彈但無鮮味； 虾大隻但唔係隻隻新鮮有幾隻係霉嘅； 枝竹要浸吓煲吓先入味同淋。

星期六的晚上,突然想吃燒味飯,就自然想起太興;晚市時間,餐廳基本上是全滿,但由於茶餐廳流量快,一踏入餐廳就有位了。打開餐牌看看,很快就決定要點兩個燒味套餐,套餐包燒味飯、郊外油菜及飲品。冰鎮凍奶茶點奶茶似乎是來太興的指定動作,是日點的是凍奶茶,以冰塊鎮著奶茶,夠冰凍之餘,又不會被冰沖淡奶茶的味道,奶茶香濃幼滑,讚。套餐油菜油菜青綠,賣相比伴碟的美觀得多,味道OK。燒腩飯套餐有時候好吃的燒腩是可遇不可求的，是晚吃到的燒腩肉肥瘦勻稱，肉質爽口，可惜的是外皮不夠脆口。切雞燒鵝飯套餐我的切雞燒鵝特別點了胸部位置，我最喜歡入口啖啖肉；而K就從來都不懂得欣賞這不嫩滑的部份，不過這其實亦有好處，兩個人各有所好，就不怕會搶吃了。

下午同同事食野,下午茶餐牌揀唔到心水同事就介紹食呢個新野香草蝦芝味撈麵:呢碟野上檯,同檯上D茶餐完全唔夾,賣相太意式蝦鮮味而煎得香囗,芝士汁較淡如果芝士汁味道濃D就完美

又是斬料回家的日子, 是晚又到太興, 看看叉燒的質素還可以, 就要了$29叉燒.叉燒 $29: 6分, 半肥瘦的部位一早被別的客人買光了, 剩下的只是差不多全瘦的部份, 叉燒帶點蜜味, 但肉質有點點實, 不過也未算是咬不開的程度.下次是否要早一點前來才能買到心儀質素的叉燒呢?

十一月二日 (星期五)吃太興時就每每想起它的馳名燒味，事實上，太興近年也不斷求變，不時推出新產品保持客人對其的新鮮感好像最近推出的三款秋冬美食，包括淚眼酸辣湯粉,臘味糯米釀桂香燒鷄,和蔥爆煎封紐西蘭金絲魚扒三款分設堂食與外賣， 不介意的話，外賣更便宜是晚媽媽煮飯，也在太興加料臘味糯米釀桂香燒鷄原價九十八元一隻，而外賣則減廿元一打開，原來糯米與雞分開上的，失望了店員說是由於外賣就會這樣分開，百思不得其解??就是這樣，由糯米釀桂香燒鷄變成糯米加糯米桂香燒鷄正正是分開裝，糯米吸不到雞的油香而且雞肉質地嚡口，糯米飯亦沒有海報中的那麼多料，只含極少量的臘腸最大問題是失去吃真正糯米雞的意義吃正宗的，還是要到好運強記!

是晚回大埔晚飯, 又是斬料的時候, 這一次又是選擇了來太興, 最大原因還是因為附近的選擇不算太多.叉燒 $30: 6分, 這一次吃的, 水準還可以, 還算是瘦中大肥, 肉也不會太實, 始終最怕吃到實實的叉燒, 連咬開也困難, 談何享受. 如果能夠有點蜜味的話, 效果會更好.現在物價越來越貴, 斬料的份量也只會越來越少.

斬料是香港家庭的一個文化, 相信不少朋友還會記得小時候, 能夠在當天晚上吃到斬料已經樂得半天. 來到今天, 大家還會繼續斬料, 但已經不再是昔日般的期待. 畢竟, 時代巨輪是在繼續轉的.叉燒 $20: 5分, 是晚又回大埔晚飯, 就在這裡買點叉燒. 只要了$20, 份量不會太多, 沒有了半肥瘦的部份, 基本上是件件皆瘦, 肉質是幾實, 有些是不太能夠咬得開. 也沒有甚麼蜜味, 水準是比上次吃的還差.時為晚上六時許, 是否只剩下水準欠佳的叉燒應市?

回文迪家吃晚飯, 有時候也會斬料, 一來當作加餸, 另外也能揀選一些自己想吃的項目, 是晚的選擇就是這裡.叉燒 $30: 6分, 只要了$30, 其實份量真的不算太多. 沒有了半肥瘦的位置, 基本上是全瘦, 肉質有點實, 還好未算咬不開的程度. 而這裡的叉燒又是不太有蜜味, 整體來講是平平的水準. 或許是晚來的時候已過七時, 靚的燒味已賣光了.下次還是去別家試試好了.

第一次係太興食晚飯，其實想試佢啲小炒好耐架喇，但一直都無機會。多款小菜花多眼亂，有好多仲係新派反傳統，要睇真啲先。冰鎮奶茶，招牌奶茶香滑無比，茶奶糖份量準，唔會過甜，有茶香亦有奶味，連我平時唔飲奶茶既都讚好。多年前就係太興首創冰鎮奶茶架喇，咁就唔會因為冰溶左而影響味道同口感啦。郊外油菜，普通既一碟烚菜芯，翠綠既顏色，味道鮮甜，只係略為老左少少。叉雞燒肉飯，第一次係太興叫三併飯食，烚時質量插水式下降，一向只食雙併的我，真係有說不出的失望。雞胸肉又鞋又靭、燒肉偏咸而皮不脆且硬、叉燒瘦猛猛，賣相極差，從來未試過咁情況。西蘭花炒斑球，碟送唔夠熱喎 ﹗斑球未熟，裡面既顏色依然係透明架，所以咬唔到，只食邊位較熟位置，其餘吐掉。西蘭花就無問題，夠鮮爽，無烚過火。其實味道真係幾好，點解會失手連石斑球都爆唔熟架？牛乳什菌雞煲，我最鍾意試新野，又愛飲湯又愛雞，啱晒我。明爐雞煲，要等佢完全滾開先可以食。完全唔掂，試一之便夠。雞件骨多肉少，又鞋又靭得緊要，真係只可以用黎餚湯。湯還可以，奶味重亦有點雞味，無菌味，所以到最後只係飲晒啲湯，啲渣留低晒。

太興的西多士沒有加花生醬, 反而蛋汁比坊間賣的多, 多士底部完全是一層已浸透蛋漿的黃色麵包..不過可惜蛋味不濃..牛油與糖醬另上..我怕油膩, 故只加糖漿..因為新鮮炸起已經好好味...又不算太油膩..進食期間, 見到鄰桌的男士要了一客肉鬆沙律蛋焗薯皮...細細件有2件..唔知好唔好吃呢?

放工約左朋友食個便飯，相約大埔太興啦 ~ 我最早到，當然好識做去搵定位啦，不到五分鐘就有位喇，Lucky。等吓五分鐘、等吓十五分鐘，等吓三十分鐘，朋友仲未到，仲打電話黎要遲多三十分鐘，痴線架咩 ﹗肚食人呀，話之佢，自己食完就返屋企。到目前為止，我覺得環境最舒適既燒味店係依度 ~ 切雞、燻蹄、叉燒同燒肉都非常滿意，好好好味 ~ 走新派茶餐廳路線，經常有新菜式推出、創新又突破 ~ 光猛、乾淨，服務都不錯，只係價錢比一般茶餐廳貴好多 ~ 不過唔緊要，最最最重要係好食又坐得舒服 ~凍鎮奶茶，口感超幼滑，茶同奶味好平衡，平時我都唔飲奶茶既，唯獨係黎太興。冰跟茶分開，唔會因為啲冰溶左搞到淡晒同變味，細心。打出名堂後，都好多其他餐廳仿傚。叉燒切雞飯，一向唔多好叉燒既我，除中環華豐，食過最肥美既蜜汁叉燒，仲有紅磡君旺會 order 叉燒外，太興都係一間有正叉燒既食店。蜜汁叉燒甜而不膩，肥瘦適中，口感軟棉棉，肉味濃郁，醃得夠入味，炭燒香味撲鼻，色香味美，正呀。切雞身材夠 fit，嫰滑外皮唔會肥，肉質鮮嫰又多汁，淡淡既燒味甜豉沖，配搭得剛好，唔錯唔錯。

燒鵝反。豉油得個甜字，燒鵝瘦而無味。早有聽聞太興虛有其表，只懂以高價去包裝它不到位的出品，但死唔信邪，用五十蚊去試一試，果然令人痛心疾首。連鎖管理下能壯大店舖位置，裝修，推廣；難道不好好提高出品質素嗎？

自家製糯米雞This was better than I had expected. It surprised me by having lotus seeds, which were really soft and fragrant, and went well with the chewiness of the glutinous rice. I was also surprised to find water chestnuts in it… Again, I found them a good compliment to the saltiness of the sauce (not that it was too salty!). These two ingredients are perhaps not so commonly used, and as such, this particular 糯米雞stands out for me, and is worth the slightly more expensive price. Additionally, th