太興 (八號花園)

营业中

休息中

午餐度度都多人，但唯獨我都係想去太興食。我地叫左個叉燒紅腸飯同埋咸蛋蒸肉餅飯。叉燒紅腸飯都幾好味，d叉燒好腍，太興燒味真係有保證。而咸蛋蒸肉餅就要等一陣先黎，但肉餅都幾好食，好多肉汁，撈飯一流。

晚餐無咩地方好食，就去左太興。黎太興，點都要叫個燒味飯，咁就叫左臘腸燒肉飯同埋沙嗲金菇肥牛煲。沙嗲金菇肥牛煲D肥牛又少，而且都唔係沙嗲味，係咖哩味，有D失望。而臘腸燒肉飯就值得叫。

下午茶時段，好多時都會揀去大家樂大快活食。但如果想慳番食晚餐嘅錢，去太興食個叉燒飯，加個豬肺湯，一定夠飽。叉燒飯d叉燒好好食，肥瘦適中，而且仲配2條菜，真係好。

晚餐想食下叫餸食飯，太興都係一個唔錯嘅選擇。冰鎮奶茶係呢度最出名嘅東西，所以一定要叫。而燒味飯都幾出名。最後，我地就叫左菠蘿咕嚕肉、蒜蓉時蔬、燒肉叉燒切雞飯同埋杏汁豬肺湯。三拼燒味飯都好多餸，而且飯都幾多。燒肉都幾脆，切雞d肉都幾滑，叉燒都幾甜。時蔬叫左煮淋d就真係淋d，幾好。而菠蘿咕嚕肉d炸粉唔多，肉都幾厚肉，味道適中，所以呢個餸都幾好食。杏汁豬肺湯都好好飲。杏汁味好香，而豬肺好腍，一碗都唔夠飲。

今天一早陽光普照，我們到大埔區的一條家樂徑走走，之後去了區內的「太興」午膳。看好餐牌的巧味午餐一欄，點了「原味鹹蛋蒸肉餅飯」和「豉汁涼瓜炆火煵飯」，二人共享。「鹹蛋蒸肉餅」看似簡單，但要做到豬肉的肥瘦比例恰到好處，而鹹蛋色澤金黃絕不容易。「太興」的賣相已精緻，吃落更滋味；鹹香可口，甘美膩滑。至於「涼瓜炆火煵」，師傅製作涼瓜的功夫十足，苦味程度適中，配上豐腴的火煵，不會過油膩，感覺開胃。我叫了一杯「即磨高級咖啡」，杯面像舖上一層薄薄的油脂，呷一啖，濃濃的咖啡味撲鼻而來，口腔頓覺滋潤無比，真的齒頰留香。餐後走出食肆，我感滿足，她說”高興”。

打風日，應該無咩餐廳開，但餓餓地就落街搵野食，見太興有開就入去。叫左咖哩牛腩飯、午餐肉煎蛋飯同埋咸蛋蒸肉餅飯。個咖哩牛腩飯好足料，有2,3舊牛筋同埋6,7舊牛腩，而薯角都有幾條，好抵食。牛腩牛筋都夠腍，幾好幾好。而午餐肉煎蛋飯就味道不錯，而且有兩塊厚切嘅午餐肉。但食完番到屋企竟然肚痛，可能因為食左d唔熟嘅蛋黃。而蒸肉餅都算大碟，但舊咸蛋就太硬太乾，食左dd就無食。而肉質算係滑嘅。黎呢度當然要飲凍奶茶啦。

今晚去食晚飯，2個人叫左2個餸，分別係魚香茄子煲同煎蠔餅， 茄子煲ok，咸香辣味適中，蠔餅都ok既不過餐牌張相明明係炸蠔餅但實物係煎.....睇返餐牌先知係煎.....點餐時只係睇相以為係炸。最後跟餐加錢叫了2碗杏汁豬肺燉湯，怪怪的一碗是甜另一碗是咸的，甜的ok，不過豬肺不夠淋，湯不夠濃很水，但這個價錢有這樣的質素算是還可以的，但咸的果碗真係好怪....唔知咩原因。2個餸的份量都不多，但加埋個飯同湯都夠食的。反而一碗湯的份量都幾多，可以叫餸轉餐再加28蚊試下。

今天和工人到大元邨街市買餸之後見都五點半老公又不回家吃飯所以不如和工人食完嘢至回家。太興燒味有很多款中西色下午茶餐。去太興燒味當然要吃燒味飯所以我要了一個八寶飯$78另加$8元轉紅荳冰。工人就要了特大雞扒飯$46。八寶飯的八寶有~燒鵝、燒肉、叉燒、切雞、各兩件、紅腸、燻蹄、滷水墨魚各幾片，開邊咸旦一隻和一棵小棠菜。燒肉皮脆但肉較「鞋」、叉燒是梅頭肉味道好好、燒鵝、切雞因為是胸位所以個人覺得一般。燻蹄、紅腸和滷水墨魚薄切個人最愛爽口的滷水墨魚，咸旦超咸一隻咸旦絕對足夠送一碟飯。工人的超大雞扒飯真的是超大塊我試了一少塊味道不過不失。

下午茶時段經過太興，就入去試下佢d下午茶，畢竟佢嘅冰鎮奶茶係最出名。見到餐牌，有迷你四寶飯就叫左個。另外叫多個星州炒米。餐飲就叫左冰鎮奶茶同埋紅豆冰。個迷你四寶飯好足料，有咸蛋、紅腸、尤魚、豬腩片。雖然飯唔係好多，但食餸都夠飽。星州炒米就比較濃味，食一啖要飲一啖野，所以唔建議叫呢個。紅豆冰都幾大杯，好多紅豆。唔錯唔錯。至於冰鎮奶茶都keep到水準，而且係咁熱嘅夏天飲到杯咁冰凍嘅野，好正，值得再飲。

老老實實，兩年前，我成日幫襯泰興，雖然佢比其他茶餐廳貴，但係都有啲質素。但係近呢一兩次，令我非常失望，特別係今次，話說我帶叫左個梅菜扣肉飯。點知一嚟到就見到上面有4塊好薄嘅豬肉片。好心諗唔係嘛！我食過咁多次梅菜蒸扣肉飯 ，都冇試過切到咁博咁小嘅扣肉！越食越激氣，話晒都＄50個飯,你比四片薄到好似打邊爐嘅豬肉片我就算？我之後同個員工講呢件事，佢嘅答覆係，不嬲都係四片呀！仲要話依家係特價喎！我就同佢講：我話你四片肉究竟比咩人食係夠呢？根本冇可能係一個正常晚餐嘅份量囉！經過呢一次我永遠都唔會再幫襯泰興，因為實在太奸商啦

放假遲了起身，也堅持要吃一頓豐富早餐☺️☺️雖然是連鎖餐廳，但門外已排了長長的人龍（還記得之前是取票入座的）。等了大概20分鐘，肚餓的我立即柯打例牌「餐蛋麵」。餐肉有點咸，但半熟的炒蛋夠滑，加分👍另外，不常喝冷飲的我，每次到太興必定會叫的「冰鎮奶茶」，茶味算濃郁、不太甜，當然也不會因溶冰的關係而沖淡原有味道～雖說晚餐主餐牌有點貴，但就早餐而言，價錢亦算合理😬自問大食的我要提提你，記住要留意餐名有沒有標明'輕型'的字眼，因為分量真的較平常少一半呢🙊🙊

請先原來我放左兩張差唔多一樣嘅圖上嚟，今晚我揀咗食呢個咖喱牛腩飯，其實差唔多每次來太興，如果唔係食燒味，就一定會食呢個咖喱牛腩飯。當然啦太興嘅燒味唔係唔好食，不過其實燒味嘅價錢佢都算係幾貴。講返呢個飯，雖然都要60幾蚊，但係佢嘅性價比係非常高。首先，佢嘅咖喱味好濃郁，當然係似港式嘅咖喱，而唔係傳統印度咖喱，但係佢配以非常之林嘅牛腩，平均每三件牛腩就有一件係筋唔係剩係得肉，呢個已經要加分。另外，咖喱牛腩飯當然唔少得嘅就係入邊嘅薯仔，但係仲係值得加分嘅就係佢唔係一粒薯仔而係採用薯角，呢個係真係小編好欣賞佢既地方👍🏿總之總括依然呢個咖喱牛腩飯佢所用嘅牛腩再加埋係用薯角，係真係無得輸。而另外在配埋飲冰鎮奶茶，呢餐飯簡直係完美。所以，成個飯差唔多要＄70都覺得OK。大家都不妨試試👍🏿👍🏿

叫個外賣雙拼飯，义油雞飯，d义燒可以連我地d叫做後生d既人都食唔到，靭到呢，d呀婆呀公實食唔到，又冇味，d雞俾雞翼都正常，但你d雞唔係bb雞嘛，1d肉都全部骨，雖然幾十蚊唔係好貴，但都唔係咁嘛大佬，吹脹

還記得讀書時期很討厭燒味飯，因為學校附近的餐廳就只有燒味飯好吃，所以同學們大多於午飯時間選擇吃燒味飯！起初覺得還好的，但當日復日、年復年都是吃同一樣的東西時，再喜歡的東西，也難免變得討厭...不過當出來社會工作後，開始懷緬讀書時期的快樂時光時，便覺得原來一班人柴娃娃一起去吃燒味飯是一件很幸福的事！想著想著，便決定午飯時間去吃燒味飯，希望重拾一下當年的快樂。為免中伏，我還是選擇以燒味起家的太興好了！坐下不久，便有人奉上吉膠杯一隻！起初感到很奇怪，為什麼不直接給我一杯水？但仔細看看後，發覺原來這裏是實行自助形式的，每枱也有一壺熱水，茶水自助。而餐具則放在桌子旁的柜桶內，食客可按需要自行拿取。其實這個方法也挺好的，不需要常常等侍應拿什麼，或是添什麼！經多番思量，最終決定吃叉燒油雞飯！叉燒方面, 我略嫌外層燒得不夠外脆，味道也只是普通，沒有很驚艷。反倒油雞做得很好，不但充滿油香味，肉質也非常鮮嫩，滑滑的！旁邊還有菜，感覺好像比較健康！哈哈最後配上一杯熱柚子茶，柚子蜜份量頗多的，不錯！食過午餐後，又要努力工作了！

此太兴茶餐厅的＂腊肠烧肉饭＂真的不错的呀！首是烧肉如此皮脆无比的呀！👍👍👍👍👍肉鲜嫩甜更还带有肉汁的呀！更且，又不太咸味重的同时，也感觉到是有种健康的食物选择吧！👍👍👍👍👍