影片
更多
2015-10-24
327 浏览
近來太興多左好多新菜色，好想試試，但食完依個 lunch 就北上食雞煲，唔可以食得太飽呢，打打底就上路喇。人頭擁擁勁多食客呀！原來太興係無出前一丁供應架！套餐 set 死晒，侍應大陸阿姐話連太蛋都唔比轉，係咪真呀？無選擇，唯有照食餐。炒滑蛋厚切極上午餐肉即食麵，滑蛋真係炒得幾好，又香又滑，蛋味香濃又夠熱。極上午餐肉又真係瘦肉係比較多喎，煎得外層香口、裡面 juicy 軟棉又肥美，高質美味。普通即食麵不過不失啦，無過生亦無過腍，湯都好夠熱。條菜芯咩事呀？玩健身架？強化菜芯韌到咬唔斷，真係食唔到囉，仲好多渣添，放棄！瑞士汁安格斯牛柳絲炒河，瑞士汁味道帶甜而非常濃郁，滷水味唔係好食到，豉油味就好突出，都幾好食﹗顏色炒得均勻，眼看似乎好油，但食落無油膩感覺噃。河粉幼滑而彈彈的，炒得完整，無一舊舊又無散筲筲，師傅功夫到加。安格斯牛一向牛味濃，醃得濃及不過火，質地有嚼勁。因為醬汁濃郁，味道偏重，雖然好味，但食完會有點滯呢。咸魚雞粒炒飯，鑊氣出眾，香就好香喇，但油左少少，成口油淋淋。飯粒都每粒分開夠乾爽，炒功都好滿意。幾經辛苦搵到幾粒硬咸魚肉，雞粒細到雞蓉一樣，落料太少，只食到鹽味同蛋味呢，而且賣相
近來太興多左好多新菜色，好想試試，但食完依個 lunch 就北上食雞煲，唔可以食得太飽呢，打打底就上路喇。
人頭擁擁勁多食客呀！原來太興係無出前一丁供應架！套餐 set 死晒，侍應大陸阿姐話連太蛋都唔比轉，係咪真呀？無選擇，唯有照食餐。
炒滑蛋厚切極上午餐肉即食麵，滑蛋真係炒得幾好，又香又滑，蛋味香濃又夠熱。極上午餐肉又真係瘦肉係比較多喎，煎得外層香口、裡面 juicy 軟棉又肥美，高質美味。普通即食麵不過不失啦，無過生亦無過腍，湯都好夠熱。條菜芯咩事呀？玩健身架？強化菜芯韌到咬唔斷，真係食唔到囉，仲好多渣添，放棄！
瑞士汁安格斯牛柳絲炒河，瑞士汁味道帶甜而非常濃郁，滷水味唔係好食到，豉油味就好突出，都幾好食﹗顏色炒得均勻，眼看似乎好油，但食落無油膩感覺噃。河粉幼滑而彈彈的，炒得完整，無一舊舊又無散筲筲，師傅功夫到加。安格斯牛一向牛味濃，醃得濃及不過火，質地有嚼勁。因為醬汁濃郁，味道偏重，雖然好味，但食完會有點滯呢。
咸魚雞粒炒飯，鑊氣出眾，香就好香喇，但油左少少，成口油淋淋。飯粒都每粒分開夠乾爽，炒功都好滿意。幾經辛苦搵到幾粒硬咸魚肉，雞粒細到雞蓉一樣，落料太少，只食到鹽味同蛋味呢，而且賣相唔多討好。
冰鎮奶茶，黎太興只飲奶茶，始祖原創冰鎮奶茶想輸都難。堅係又香又滑，茶跟奶既份量非常 balance，大家味道突出又唔會蓋過對方，而且仲唔會因為冰溶而影響味道呢。
张贴
