太興 (八號花園)

营业中

休息中

太興出咗名係食燒味個人最鍾意食佢嘅乳豬、燒腩同燒鵝但係最近鍾意咗食佢嘅小菜個咕嚕肉真係幾高質做到外脆內爽層皮好脆但係唔會話用好多炸粉至於入邊嗰啲肉 食落好爽口 唔會好韌同出邊其他地方食到嘅咕嚕肉好唔同加埋個冰鎮奶茶 真係不得了

今日午餐在太興，大約2年冇吃這間的燒味飯，今天吃了义燒紅腸飯$58，哥哥吃了燒肉飯$70。我的义燒飯很重南乳味，肉很乾！包熱飲，不合格。燒肉是全廋肉也是得亁，簡直是難食。共$128，以這個價格太太太貴。

回大埔探兩老，一家人落街晚飯，6點就去食，去左太興，大埔太興出左名，好快就咩都賣晒，果然名不虛傳，6點已經賣晒燒腩、分蹄，所以我們叫2個小菜加半隻雞。隻雞做特價，好抵食，雖然味道一般，但價錢好抵。另外叫左個魚塊豆腐煲，魚塊ok，但好少。還有一個洋蔥豬排之類，不是我叫的，而且我唔想食，所以我無食到，唔知咩味，但阿爸一個人自己食晒成碟，相信味道唔差。全餐晚飯最好味食豬肺湯，豬肺好淋，湯夠熱，好好味，但其他餸就一般啦。吃飽離開時，見到門外已排了約15人左右，真是利害。

太興大家都不陌生，早兩年，可能是急速開店的原因，曾經食品品質參差，所以也沒有光顧一段時間了。有一次親戚結婚時送我們太興豬劵，所以再次光顧太興，想不到食物有進步了，分店也多，很方便，所以不時也到店晚飯。胡椒魚肚雞鍋 $70已經是第三次吃這個煲，水準不錯，胡椒味濃而雞肉質地滑溜。滿燻燒鵝(上庄) $90煙燻味夠勁，每次都會點這個燒鵝，有人偏好下庄而且下庄比較早賣完，但我就比較喜歡上庄，因不會太肥膩，連皮食比較脆。凍檸茶 (餐飲加白飯) $22每間香港餐廳都有的凍檸茶，而這間的茶底比較濃而不澀。

早幾日返去大埔探下阿爸阿媽，阿媽病左，晚餐就同阿爸落街食，去左太興，因為阿爸鍾愛佢既叉燒同燒腩。7:15入到去，唔洗等位，但燒腩已經賣晒，結果叫左個燒味4并，叉燒、燒肉、紅腸并燒鵝，另外試左個新餸，松子魚，兩個都跟餐，我要左碗豬肺湯，阿爸就飲熱奶茶。燒味一向水準之作，燒肉都好脆皮，叉燒夠淋，燒鵝夠香，估唔到紅腸都幾好食。新餸松子魚做特價$59，中間大骨已起，其餘魚骨炸得鬆脆，可以食埋，加上個酸甜汁，十分開胃，啲魚唔會炸到死死實實，抵食又好味。

屋企人好鍾意食叉燒，尤其是太興嘅叉燒，太興上埋市之後更加多人喺門口排隊，所以決定買叉燒外賣返屋企煮個台灣麵，簡單的晚餐因為之前有買咗 coupons, 所以通常都會叫燒味師傅幫我切$50叉燒，拉上補下。鍾意佢啲叉燒可以叫多汁，同埋肥瘦均勻，食叉燒真係唔可以怕肥，因為肥嘅叉燒先可以入口即溶。肉味好香，半肥瘦唔會覺得油膩，同埋鍾意啲叉燒汁甜甜地。叉燒其實配白飯先係最夾嘅，但原來配台灣拉麵一樣唔錯，慢慢食嘆一餐！

係大埔安慈路既太興地理位置非常就腳，最近係大埔上完興趣班，下午/中午就可以直接去大埔中心食飯。相信好多人都有食過連鎖式經營既太興，始終味道比較統一同變化較少。今次介紹既係太興午餐精選之一既A餐排骨麵線($48)：賣相還好，排骨既味道都夠入味，同時亦夠軟。其實預計既味道都會係中規中矩，唔會有太過特別既地方。但我認為最基本既要求係麵線要夠新鮮同唔好放得太耐，而今次太與就正正做唔到呢點：麵線底部大部分痴成一舊，只有上面既麵線睇似正常。冰鎮奶茶表現十分好，冰放外面唔會沖淡奶茶味道，同時奶茶亦夠香同滑，奶同茶比例合適。

昨晚同阿爸兩個人落左樓下食晚飯，由於阿爸鍾意食中式同燒味，所以就去左太興到食飯。太約差不多7:45分左右入到去，本來想叫叉燒并燒肉，點知兩樣都賣晒😨😨😨，得返切雞同燒鵝，所以最後無叫燒味，炒左2個小菜食。炒左個西蘭花魚塊同蝦醬鮮魷通菜，再加左個豬肺湯。個魚塊都炒得唔錯，夠鑊氣，西蘭都夠淋。蝦醬通菜就咸咸地，剛好餸飯食。豬肺湯都幾鮮甜，有啲杏汁咁，而湯入面都有幾舊豬肺，算落足料。另外，阿爸就跟餐叫左杯熱奶茶，聽佢講都幾滑。整體食物唔錯，但燒味太早賣晒，所以食唔到。

由於我嘅工作係freelanced 嘅緣故，好多時我都要走嚟走去,去到邊食到邊😅 今日嚟到大埔墟，見好耐都冇去太興食嘢，就諗住嘆下佢個奶茶入到去見到佢轉左個餐牌，個waiter 又係咁建議我食呢個鴨絲米粉全餐，我咪試下囉。誰不知，喺朋友間出名細食嘅我，食完呢個餐都仲係覺得餓！啲鴨絲少到用肉眼好難睇到之外，個炒蛋一啲都唔滑又乾，我煮嘅話都應該會好味過佢十陪🙈老實講，我覺得可以改善下啲食物質素，咁分量多返啲，啲炒蛋唔好咁乾身就好喇！

好耐冇幫襯過太興，今晚一個人要食晚飯所以就去食個便飯，點知簡簡單單一餐晚飯都可以食到一肚氣，都唔知泰興想點，雜菜煲個湯底唔知咩黎，好難食仲要個湯個顏色好似奶茶咁，出咗餸叫佢出埋個白飯，阿姐好似覺得得應該食完個煲先食飯咁，叫杯凍檸茶改極都比杯凍奶茶我，以前不嬲都覺得太興係比較正常嘅茶餐廳，而家好似垃圾咁。一路食一路睇住隔離枱仲好笑，隔離枱一路都喺度叫鹹檸水，侍應就不斷地就同佢講話你係咪要柚子蜜呀嘛。佢地完全無心聽客講野，同志仍需努力。

太興.....太好味道?呢間太興好就腳,長期都滿客朋友想食燒味,唯有入去試下點了燒味三拚,燒肉,切雞,叉燒燒肉就做到脆身,三層肉,食起來甘香味道唔錯配埋芥末一流油雞就認真麻麻,皮唔爽,肉質唔夠嫩,有點柴叉燒太瘦,食起來好乾,味道就夠味炒個牛肉菜心,牛肉份量太少喇,一個人食都未夠而且又係炒得太乾o古老肉有三色椒洋蔥但係d肉既外皮太濕太多汁,無左應該有既脆感味道只甜不酸海鮮粉絲煲,呢個反而煮得幾好幾款海鮮,爆香夠味粉絲吸曬汁,味道調得唔錯

年廿九,買完年貨2月3號去食飯貴都不是問題,沒有套餐都可以但是賣相比茶記還差,可否放得整齊一點呢滑蛋唔滑,柴如蛋皮,餐肉近乎沒煎,沒脆口感2份收86蚊,真係多謝曬太興這品牌,副線出色,主線越做越差令人非常失望希望有下次,唔好再差落去凍茶唔夠味,無茶味,得檸檬酸味同糖水既味,只係一杯有色既檸檬水,,,,,,,,又係失望不過奶茶係出色既,香味夠,可以一試既飲品!!!!!!!!!!#太興#太興燒味  

為求方便，工程後來到這間太興，差不多一時五十多分，本來想下單的時候，店員提醒我們，兩時就有下午茶，要不要等一等。然之後就先等一下，看看餐牌的選擇也不算差別太多，可能就是同一個選擇，平了幾元，好過冇吧。本來都有諗過叫羅宋湯通粉以及兩隻雞翼的套餐，但是友人所點的羅宋湯通粉，端來，卻好像裝熱飲的小杯一樣少，份量極之少，通粉也不見得特別多；但是雞翼的樣子炸得好看，炸得透徹，調味料充足。而我的叉燒鹹蛋飯，因為之前買外賣斬料已經試過，太興的叉燒，如果你不叫肥叉的話，他就夠膽將最瘦的叉燒都給你，那麼你就會吃到最瘦，完全沒有肥肉的乾瘦叉燒，與煲完湯啲豬肉一般。而我這條肥叉，的確好像以前叫過的肥叉，其實都只是半肥瘦，又或是混入了少許筋，因此質感也不錯，不至於太瘦，但又不會覺得太過肥膩。鹹蛋，就比較普通，雖然是切開了的兩邊，但是鹹蛋無論蛋白及蛋黃，通通都沒有油分在面頭，但是鹹味充足，因此用來拌飯亦都不錯。冰鎮奶茶，沒有冰粒混入奶茶之中，奶茶的味道做貫徹始終，基本上每一次喝太興的奶茶味道也差不多，茶味夠濃又不算澀喉，奶味亦都不會太多。

瑤柱金菇炆伊麵 $49 配熱奶茶今天又來太興吃個下午茶，看到餐牌上有款炆伊麵，自小時候已對這種食物有情意結，材料雖是簡簡單單，一些冬菇絲，金菇，瑤柱，芽菜，但配合起來卻很美味。這次的炆伊麵也沒令我失望，材料挺豐富份量足。炆伊麵的芡汁也挺香濃的，味道也不會過鹹，唯一是芡汁的份量過多有點太濕了。價錢也差不多要50元，不過現在即使普通茶餐廳的下午茶餐也超過40元了。熱奶茶照樣保持到水準，茶香奶滑，是到太興必點之一。

好耐冇食過太興，不要說它的早餐。由於太興沒有提供嬰兒櫈，所以從來都不會考慮在這店用餐。今日不用湊小孩，終於有機會來試試。每次經過這間店，都覺得它的生意不俗，經常大排長龍。應該不會失望吧。最近壓力好大，要食一些邪惡食物，刺激一下，於是點了邪惡的公仔麵。😈「餐肉蛋公仔麵」當邪惡的午餐肉，遇上邪惡的公仔麵，成件事變得 Double 邪惡了！炒滑蛋，的確好滑，而且好香。午餐肉好好味，不過我嫌它薄了點點。公仔麵正常。唯一失望是湯底好鹹，越食越鹹，鹹到苦。「熱柑桔蜜」正常，冇驚喜。