天然齋

营业中

休息中

天然齋的盆菜（四至六人用） 整個盆菜上是沒有任何味道純清湯（等同白烚），南瓜過於烹煮軟晒，最頂嘅所有配料包括冬菇煮得唔夠！ 大白菜幾乎全部皆為外層，大白菜最亂的部份完全搵唔到！素鵝都可以整到難食😮‍💨舖頭嘢食好食，但係呢個盆菜超伏

咀嚼中嘅平民饗宴，我喺這家餐廳發現咗! 呢度嘅環境同服務都好正! 話說返轉蔬菜糕（蘿蔔糕）真係會令你重拾對蘿蔔糕的愛，外皮微酥內裡滑溜，一啖落去嗲得滯! 創意十足嘅酥脆黑椒素牛柳掂過天邊，個黑椒味帶點微辣扑鼻，素牛柳咬落去夠嚼勁，好似真嘅牛柳一樣，玩味十足😋。由頭脆到尾嘅酥皮豆腐，佢嘅口感豐富到爆炸，而且啲豆腐鮮滑得嚟不失彈性。最後，話晒要嚟個經典饅頭，撈了些珍珠奶茶饅頭，將香甜嘅奶茶味同饅頭完美結合，啖啖奶香，真係令人一試難忘👍！總之，整餐食落就係一個字－正！無論你係咪蔬食主義者，照食無誤，個個都可以成日開懷大快朵頤！下次再嚟，我定必要再挑戰下其他美味佳餚😄~分享美食，真喜悅！

可能我就對齋菜既敏感度不足，原來而家興食凍左而且係韌既素鵝，問返個阿姐，佢答我話因為係特價而我只叫半份，要我接受，又話廚房會好不滿咁樣講，叫全份就可以熱食喇。再問個老細，佢答我係凍食既，如果我唔滿意可以炸返熱俾我。態度都唔係好既，跟住又死死氣拎返入去炸。再拎返出嚟真係熱既，不過原來唔好食。其實佢嘅嘢食好大部分都唔係熱，除咗咩煲仔既款式，個一口炸豆腐其實都係半碟暖半碟凍。唔知係咪今晚天氣凍左，件素鵝都冷親。

朋友介紹之下今日第一次去試咗呢間私房菜，朋友話每次都會有小小唔同款，今次係圖片裡面呢幾款，真係好飽，個飯要打包鄰走。但每款都好有心思好好味，最鍾意係個蛋白蘋果同埋心型蘑菇炸餅，叉燒包都真係好似叉燒包。四個人埋單1051，平均每人$263，呢個質素嚟講算係抵食了。下次會再去anchor，如果細食既建議可以4個人叫3set私房餐都夠食。未試過散叫，下次考慮試下其他款～～食完測過血糖係正常指數，證明食材唔錯

二人晚飯：點了魚香茄子石鍋飯套餐、叉燒刈包、蝦片拼咕嚕肉、甜品係核桃露。石鍋飯上檯時，滾熱辣，好好食。蝦片拼咕嚕肉，蝦片係即炸，脆卜卜，同正常蝦片完全無分別。咕嚕肉應該係菇扮，芡汁剛好包著脆漿，酸甜味道剛剛好。叉燒刈包一定要趁熱食，上檯即食包包好鬆軟，否則個包會變硬，叉燒好好味😋尾中不足，核桃露唔夠香，麗姐廚房整得好食啲。店員服務殷勤，好細心，年紀大d，但好相與。

素食餐厅，装修走中国风，门口有一些佛教的书本和塑像，晚餐人不是很多，吃饭聊天舒适，两菜一汤挺划算的。豆腐和菇做的挺有嚼劲：“虾片配草莓骨”，分量适中。适合清淡的饮食。

作為素食者的我差不多每天都會去買外賣食有時間亦都會堂食廉美價格 口味不錯三餸飯 外賣40 堂食48性價比高午飯時間 日日排長龍好少見一間素食餐廳會咁多人排隊不過普遍都係買外賣返去公司食質素確實不錯日日食都冇問題菜式10分多選擇下午茶仲有半價添佢個叉燒包幾正可以試吓禮拜日仲會做善事會派番比有需要嘅人如果想做善事 可以去收銀處買飯卷幫下啲公公婆婆 可以開返收據俾你添做善事又可以扣稅 一舉兩得10分推介呢間灣仔素食飯店

天然齋嘅位置唔方便，係麻雀館隔離，依家店外搭緊棚。本身對傳統齋舖都冇咩期望，去過後更唔想encore，食物質素同服務有待改善。坐低後有個阿姐可能見我哋睇咗好耐餐牌都諗唔到食咩，佢久唔久會黎推介餐牌上冇嘅菜式，例如七彩小炒皇 (用咗彩椒、雲耳等蔬菜炒成)，因為我哋覺得佢推介嘅菜式都比較普通，係屋企都炒到，所以就冇叫到。我哋叫好哂食物後，同場咁啱有人叫呢款小炒皇，嗰個阿姐臨上菜前又同我哋介紹同展示咗呢款小炒皇嘅樣，我覺得好反感，心諗使唔使咁hard sell。埋單前另一個阿姐問我哋要唔要糖水，因為一般中式齋舖都會係晚市送糖水，例如大自然、維亞軒等等，我以為咁問得呢間都一樣會送糖水，好彩家人係要之前問清楚，原來呢到係冇糖水送，糖水腰果露要$28/ 盅。特色石燒煲仔飯套餐 ($118)咸魚玉餅煲仔飯 (蛋素) + 燉湯 + 小食 (海帶素肉絲)海帶素肉絲類似上海小食，有海帶、豆乾同竹筍，味道好咸。燉湯有香濃嘅菇菌味，材料幾豐富，有猴頭菇、松茸菇、龍眼、山藥、紅蘿蔔、粟米……。咸魚玉餅飯用石窩上，底下可以食到飯焦，玉餅口感比較淋，冇新豬肉整嘅肉餅咁結實，所以應該係用咗素肉漿整成，再加入素咸魚同少

同事已經兩次提意去天然齋食 Lunch, 第一次推卻, 唔好意思推第二次.入到去終於明白點解佢極力推介食齋, 45蚊兩餸堂食, 外賣更抵只係35蚊!價錢雖然唔係話特別平, 但係身在灣仔, 哩到閒閒地食個 Lunch 都要成60蚊, 重要唔好食! 行去大家樂又老遠, 結果天然齋就成為熱門飯堂, 一入門已經成村人排隊!Lunch 嘅天然齋採用自助形式, 有分兩餸同三餸, 第一次啦嚟幫襯, 試住個兩餸先!點咗豆腐同煎蛋.對於我哩D重口味人士, 眼前嘅兩餸飯好明顯味道較清淡, 豆腐經過油炸但內裡軟滑, 煎蛋未至於老蛋, 但味道真係唔夠, 睇怕我要進入禪宗境界去享受我哩份午餐, 阿彌陀佛.雖然味道同心目中有一段距離, 但價錢實在太吸引, 所以我會再嚟幫襯.

今日傍晚經過灣仔，想食素，馬上openrice睇下有咩餐廳，揀左呢間。位置在灣仔同銅鑼灣中間，都幾唔就腳，睇下味道係咪值得咁行過黎。食物：1. 羅漢齋炒麵諗黎諗去，都係食羅漢齋穩陣，有菜有菇，脆麵底一定無得輸。熱辣辣上枱，麵夠脆，調味夠，足料好味。啲菇真係炒得好香！2. 腰果露侍應話好多人特登叫外賣，好受歡迎。味道係幾純正，唔太甜，但亦唔算好濃。可以一試。服務：我去到，成間舖得一枱客，安排我坐在一邊沙發位。問題係天花個冷氣滴水，我食食下先發覺，滴到隔離menu都濕，接受唔到囉。服務更古怪，我叫一個炒麵一個甜品，侍應問我係咪一齊上。你覺得我食得邊樣呢？於是我叫左遲上，喺我食緊麵途中，佢再問左我兩次上得甜品未。我喺呢間餐廳共只係食左35分鐘食物ok，服務同環境就好需要改善啦

大年初一好多地方都冇開經過灣仔見到呢間平時好多人去嘅素食店竟然有位咁就沖左入去鎮店叉燒包依然咁好食叫咗個蛇羹，豆腐同埋咕嚕肉樣樣都做得好好素食蛇羹嘅陳皮味調校到好似真蛇羹香酥滑豆腐皮薄豆腐滑咕嚕肉味道保持到唯獨是個齋滷味個咖喱味失色咗少少全部嘢90分以上

平時好少食齋不過有一排因為身邊朋友發生呢啲事所以想試吓食齋有一次星期六日我去咗呢一間食叫咗咕嚕肉叉燒夾包芋頭唔知乜嘢無論係個樣 味道 質感 都好似真嘅肉一樣 完全唔覺得係食緊素重點係我覺得佢仲好食過一般嘅餐廳晚市嘅水準 如果食小菜嘅話我覺得呢一間真係好食過出邊好多餐廳😂所以之後都有同我唔同嘅朋友嚟食但始終佢都係素 大部份朋友都係聽到素就會唔想食😂我仲叫咗個湯個湯都好好飲🔥啲侍應大部份都係長者 佢都好熱心 呢一間係真係幾好食仲要星期六日好似係有折買單個價錢都唔貴 正常價錢 所以真係好值得去試！

昨天去了一家素食餐廳，刷新了我對素食好感呀！我不是素食者，對素食不了解，印象中的素食就是不吃肉，食點豆腐，蔬菜，羅漢齋等等，對我來說並不吸引！ 去了這家，我覺得不錯呀！素魚生跟真魚生的外形有90%相似吃下去是冰冰的，還配了芥辣，雖然沒有魚生的油香，可是質感很相似，滑滑的，味道靠醬油和芥辣去提鮮！ 夏天吃下去很冰涼。比味道，當然真的魚生好吃，油香的回甘很難代替，可是它是另一種風味，吃魚生有清新的那種感覺！叉燒包外型相似度95%，很逼真，吃下去就是甜甜的叉燒，和真的很相似，真的會比較硬一點，它是柔軟一點的！ 沒有真叉燒肥肉的口感，二它比較不油，可能夾著夾膜吃感覺沒那麼油膩！素春卷和外面的沒甚麼差別。就是一炸好就送來。吃的時間熱呼呼，很脆，肉汁還在。最後一個是松子炒飯，它很像揚州炒飯！ 就是多了松子，這個沒什麼特別之處我覺得這餐廳值得一去

我們點了煲仔飯套餐$118原本覺得食物味道不錯可惜吃到一半肉餅內有異物經研究之後發現是紙張, 投訴後員工並沒有更換及處理另外枱底有昆蟲叮咬腳 衛生環境欠佳注意頭上冷氣機位會滴水洗手間亦有大量烏蠅餐廳人手不足員工亦態度惡劣不推薦這間餐廳

先前都有留意呢間食店 很早已經想試試 見到㕑師的精心擺盤 相信味道不會太差吧 不過看看個menu以為他們只有私房菜 所以便擱置了光顧的念頭 直到近期加入了素食青年群組 他們分享各區的素食店 老實說係香港搵間有質素 價格親民 最重要最重要係少味精 真材實料的素店係非常困難 再加上疫情令生意更難做 所以當遇上了 很有如獲至寶的感覺 咁講無誇張啊 台北素店林林總總中西式任君選擇 價錢豐儉隨意 係香港要符合以上要求 簡直是盤内挑骨頭 看了群組的分享後 前兩天專程去試試 果然無失望 兩位熱誠的大哥招待 他們很有禮 很親切 完全無hard sell 很耐心介紹餐牌上的套餐 唔明白點解俾人話硬銷 一定要為他們平反！想訂私房菜及月餅 他們都說唔洗心急 遲少少都有 哪有硬銷呢？講番食物質素 係好好 好香鑊氣 未放上枱已經聞到 就算好飽好飽 都一定要留肚食腰果露 唔多講 自己感受下 當然都有改善地方 路邊好多老細車停泊 司機吸煙 啲煙味抽入餐廳 用餐時吸到煙味真不好受 希望餐廳老闆肯花少少錢安裝風閘 嚴控店內吸煙 就完美 總括來說要珍惜難得有誠意的素食店😉