天然齋

营业中

休息中

中午快餐食評如下：優點——1.食物：大部份餸外觀賣相都唔錯，湯幾好，夠清淡，感覺唔係味精湯。2.環境：燈夠光唔會太黑，地方寬闊，即使兩個人座一邊都有位擺背囊。3.承載飯餸碟和湯碗用上陶瓷器具，不必擔心 ！缺點——1.部份食物過於多油和濃烈！2.有啲菜沒落辣椒，但依然食到辣味，有啲菜有落辣椒 就真系好辣，覆蓋左食物原有的味道，只食到辣鹹味！ 3.當食開辣鹹味，再飲啖清湯，會發現唔係好夾！沒胃口飲～總結：48蚊呢個價錢唔好期望有幾好食，食慣濃味啲人會習慣！如果你好怕食辣，揀餸時問咗辣唔辣先以免俾外觀呃咗！（豆腐旁邊啲素肉好辣，豆角小小辣，油麥菜辣）

午市walk in 都有位，如果係食小菜唔洗等份量都幾多，兩個人食左一個午市set 同加個小菜Lunch set 有湯，小食同粉麵個小食要左酸齋。。。好酸啊同埋得果幾舊仔個粟米湯有d水。。唔濃星洲炒米有獲氣而且都幾辣個素魚質感好實淨炸得都夠香口，配埋個甜酸汁就一流值得一提係。。。每個菜都好濃味。。重口味既都好岩

約左朋友食飯，早半個鐘打黎book左話有位，去到發現原來分左兩邊，要食小菜先可以坐某part枱，快餐要坐另一邊。果日咁岩有兩款冇貨，所以四寶變兩寶，一邊係我最愛既酸齋，都唔錯 另一邊係筍、海帶，有梅味，我個人ok但我朋友就唔鐘意，未必個個岩食。整體好濃味，仲好多汁，但齋作為開胃菜suppose應該乾身少少？不行！雜果每粒都好大舊，又好硬，叫到牙交都攰 啲肉既粉好多，好硬，咬到牙崩 完全冇肉既質感。亦係好多汁，睇黎廚師非常重手這個不錯！叉燒好正，一絲絲好有豆香。包都好滑。但記住要趁熱食！凍左冇咁好食。另外有呢個一人餐。同埋隔離快餐兩餸三餸飯都好抵好大碟！下次會試下

幾日前， 有位朋友帶我去品嚐一間比較隱蔽而味道超好既齋舖， 我地好想試下店中推介的set dinner . 好好食， 每份好精緻， 食素有會比人感覺好油，但這間以新派為主， 中西合璧風格帶出素食的另類感覺， 我好欣賞佢地既猴頭姑， 不論味道及外觀都會令你一試難忘。

話說跟同事食第一餐，以為可以高高興興去食下齋！誰不知態度差之如又話食貴餐可以㨂中間位坐！起初覺得太多人先會咁安排。今次同事想我們公司搬遷之前食餐勁既，選擇再食依間比較貴的set lunch，在我勉強同意下我決定去！果然是垃圾餐廳！真係唔明食齋應該係有分懷著一顆慈悲濟世的心，應該一心向佛！但竟然是看衣著服飾打扮來定客人去向！都不計較食物質素是點了，連訂了枱都可以按排得那麼隨便！真的很令人失望！最後用餐完就連坐多一會最後幾條菜都未食好就要比人趕走！！！看來我相信這間店舖不如只售外賣飯盒算了吧！又看𣎴到你們是有佛緣的人，我想是泥菩薩過江的吧。

經男朋友強烈既推薦，我地就book左琴晚去食呢間餐廳仲落左order食佢地出名既私房菜7點就入坐，環境好舒適🥰見到枱上面放咗私房菜嘅餐單，於是就八卦下睇下有咩菜式無幾耐服務員就遞上一碗湯，叫仙姬獻瑞呢碗湯不得了，十分清甜，飲得出無落味精，令人不斷想再飲接下來，就先上左果然順景一見到就覺得好靚，第一啖食落去係牛油果，牛油果裏面再加左一啲粒粒，令到成個口感好有層次！再加埋上面個脆脆一齊食入口，完全係好味到無可挑剔💕係一道菜係包羅萬有聽聞呢一道菜係好出名嘅一定要夾住個包食，係超級嘢味！唔講唔知仲以為真係食緊叉燒包🥰果然真係泥到必定要食越嚟越期待下一道菜以下係玉翠雲裳一見到就覺得真係好可愛，好有特色本身諗住試下唔加醋就咁食個滑蛋，不單止唔咸，仲食落好香好好味再加上少少醋，簡直係畫龍點睛！蘋果配百力支係好有新意！估唔到食落去口感好又唔錯喎！終於到主菜啦～～～叫疊疊歡欣睇個外型，真係呃到我，仲以為真係牛扒食落去每一口都好彈牙，配上個醬汁，真係令我有錯覺係食緊肉🤣🤣 好驚喜依家見到張圖都好想返去再食，實在太太太好味！你以為食完？其實仲有架～呢一道菜係吉星拱照係咪第一眼以為係鮑魚呢～當你切落去，再放入

灣仔區有不少素食店，新派素食或傳統素食都有不少選擇。 是日午餐來到天然齋，這裏夜晚是做類似私房菜的高質素食，午餐就可以叫兩餸飯三餸飯或另外自己點小菜。客飯會送無味精湯一碗。款式每日都有少許不同，但都離不開: 炒雜菜，粗齋，咖喱。一般來講送飯都幾好味，只係個人略嫌味道有一點偏鹹。另外美中不足的是，餐廳十分應聲，只要有幾枱聲浪比較大，已經足夠充斥全場。而我當天運氣不好，午餐時間湊巧遇着一張大枱有十幾人，笑聲吵鬧聲此起彼落如雷貫耳⋯⋯結果為免耳朵受罪，只好極速進食離開。

灣仔呢間天然齋第一次黎食，有啲驚喜。首先食物賣相都幾精緻，而且夠大份，唔會食唔飽。首先梗係要點佢個招牌叉燒包，包住黎食，唔會咁漏，都幾正。而叉燒勝在乾身唔會濕立立，啱啱好。好多時去齋鋪都會叫生炒骨呢個個味都幾好，而且碟底唔好好多汁，証明廚師掌握得好好炸豬扒，配烏冬食好惹味羅漢齋炒麵，份量好足，好多餸，另外一贊係唔會有多餘嘅"獻汁"，我好怕食一pat pat獻呢個濃湯浸時蔬，有好多我鍾意食嘅腐竹，正招牌炒飯，今餐食左好多澱粉質囉。最後來個甜品糖水作結。之前寫左篇關於yoho mall stormies嘅食評，唔知係咪因為負皮，十多天以來一直不被批核。其實我只係說出我的心底話，又唔係打手，希望可以快些見到天日。不過可能連呢篇大家都唔會見到。希望大家見到啦~

🍀素食again😼👉🏻招牌叉燒包💲48(半份：3個)店員推介 又真係好好食!😻啲叉燒超甜🍯😋個包都幾軟唔粉👍🏻一定要趁熱食如果唔係叉燒會變硬🤣好食過北角間素食分子〰〰〰〰〰〰〰〰〰〰👉🏻荷香籠仔蒸飯💲78呢個就一般 冇荷葉味😕不過入面都有幾多種配料嘅🤔同埋幾大份下😹

偶然轉下口味 食下齋都唔錯的友人當中有素食者所以跟住佢去食齋 理論上無咁易中伏可以講話係信心的保證印象中自己好似未去過齋鋪亦都好似無食過齋感覺出面買的 望落都幾多油同色素所以今次都算係一個新體驗 甫踏入天然齋 職員便安排座位 並提供茶小食同餐牌友人話呢度d茶好香幾好飲 係佢地睇緊menu之際 我都迫不及待試下一拎起個杯 就聞到淡淡的茶香味 喜愛飲茶的我 係成程入面都不停添飲 叉燒包 未食 睇賣相都先加分叉燒會略甜 但連埋鬆軟的掛包一齊食就無呢個問題食香味俱存 果然名不虛傳 係呢度的招牌菜叉燒包一定要襯熱食x 3黑松露雜錦時蔬用黑松露醬去炒時蔬 不過不失喇可能因為我地無叫飯的關係 就咁食我覺得係咸左d 但接受到的黃金滿屋一黎 有點覺得自己身在茶木食甜品呢個好似由5塊定6塊麵包 中間部分切粒拎去炸 之後再淋上有配料的咖哩汁咖喱汁是辣的 怕辣的我都吃不了那麼多如果食得辣 是不錯的 食唔到辣 淺嚐也是ok的 紅豆沙意想不到 會有紅豆沙做飯後甜品覺得呢個紅豆沙是好吃的軟腍的紅豆配上適中的甜度 為今晚的dinner畫上完美的句號

My friends and I went into this restaurant the other day. The decor is clean and lovely. The service is superb; quick and friendly. We had the turnip cake, the aubergine's with tofu, and the beancurd bao - all three dishes were perfectly prepared and delicious. Cannot recommend this restaurant enough. Veggie Heaven.

今天是十五齋期，剛約了舊同事團拜便約了去食齋，這店有三餸飯套餐跟湯，也可以散叫餸。它們的 南瓜焗飯， 叉燒夾包很出色，一定要試。小貼士……下午2:30後全部菜單半價。

如果唔係同事話要嚟呢間食齋，我都唔知原來公司附近開咗間齋舖添。講起食齋好多人都會諗起一舊舊又黃又橙又古板嘅齋，但係其實而家已經進化到五花八門，賣相仲好吸引人。 我試過唔同嘅齋舖，有啲賣相係好吸引人，但係食落其實樣樣都差唔多味道，但係呢度就唔同啦，我同埋啲同事一路食一路勁讚好好味。一入到去坐低就上茶，叫完野食仲會有前菜同埋例湯。 但係落單嗰時侍應唔覺意一腳踩咗落我新買嘅全白色波鞋到老乾媽茄子燴猴頭菇 (呢個唔錯，我覺得d猴頭菇最好食) XO醬車仔珍菌炒麵(呢個對比上黎味道比較普通) 香樁松子素海鮮炒飯(好正，夠鑊氣，大家一路食一路讚) 另外差唔多食飽嘅時候，同事推薦呢到嘅即磨腰果露勁好味，所以打算每人一盅試吓，點知等咗勁耐，結果要打包返公司。同事建議趁熱食，所以返到公司即刻試吓先。果然好介紹，味道適中，唔太淡又唔太甜，而且仲好滑

題外話：一間餐廳除了食物質素，環境，服務其實都好緊要！飲食業缺人，好多間餐廳都是！坐低後，我高舉menu好耐至有人過來，過來後她第一時間放低隔離台吃完的碟😢開始入正題，提提大家，下午茶時段非常抵，是半價，你無看錯，是半價😍一碟羅漢齋炒麫$78，半價後就$39，而且下午茶的份量是無減少！羅漢齋炒麪非常足料，裏面有白果，紅蘿蔔，雲耳，蓮藕片，菇仔，麫荕，菜.....差不多十樣，單講材料已經十足，蓮藕片咬落索索聲😍麫非常之脆！最後加上甜品腰果露，畫上一個完美的句號！腰果露非常足料，好香，好滑，而且不是水希希！順帶一提，腰果露即燉，要等好耐，最好一開始落order時要埋！

另一個慶生飯局，一行六大兩小去吃齋。私房素宴共有八道菜，每位238元，另收加一服務費。等朋友時先吃前菜，有窩夫愛吃的素鴨，還有帶辣的珊瑚草。第一道菜是牛油果伴沙律，賣相很美，前面的沙律所用的沙律醋味道偏酸，牛油果沙律的材料切成幼粒，加入了不少爽甜的蘋果，口感特別豐富。天氣轉涼，喝一碗姬松茸燉湯特別滋味，燉湯的材料很豐富，除了姬松茸，還有冬菇、粟米和紅棗等。窩夫以前在上環分店已經吃過這裡的招牌叉燒包，這次水準依舊，用軟軟的包包夾著叉燒來吃，大人小朋友都很喜歡。三色菜花拼鷹咀豆的賣相很精美，鷹咀豆的味道比三色菜花突出，質地軟硬適中。窩夫平日很少吃鷹咀豆，原來鷹咀豆含豐富的鎂和鉀，可控制血壓，有助骨骼健康。焗釀原隻蕃茄的顏色很美，紅紅綠綠的醬汁搶不到主角蕃茄的風頭，表層的芝士焗至金黃色，蕃茄裡面釀了粟米和素煙肉碎，素煙肉碎很惹味呢。原隻猴頭菇扒伴黑椒汁是整晚窩夫最喜歡的菜色，上桌時新鮮熱辣，厚厚的猴頭菇扒吸收了黑椒汁，非常好吃，比黑椒牛扒健康得多。天然齋炒飯最大的驚喜是以心型上桌。精選甜品是腰果露，絕對是驚喜之作，腰果味香濃，又不會很甜，吃得出是真材實料生磨的。因為是慶生飯局，天然齋準備了壽