天天海南雞飯 (ELEMENTS圓方)

营业中

休息中

放工時間食飯食咩好❓日日都要諗依個問題都好煩惱🤣不過最近朋友食完呢間餐廳話好味，就book左位黎試下先✅招牌菜天天海南雞，今次食左個中份，海南雞皮滑肉嫩而且已去骨，入口滿滿鮮雞味！另外佢附上秘制喇沙汁，個人推薦一定要點黎食。雞油飯用瓦碗奉上，熱辣辣上枱面，香噴噴既油飯非常開胃。如果飯冷了，可以叫職員幫你加熱～蜜汁叉燒半肥瘦，入口即化。算係第二道招牌菜，非常好味！！食咗咁多肉，叫左個鴛鴦菜花。佢用馬拉盞炒，非常有新加坡風味。黃金軟骨作為飯後小食，十分足料。一上枱已充滿好香既咸蛋味，食落可口唔油膩。

最近想試下馬來西亞/新加坡菜，同朋友黎左呢間位於圓方既天天海南雞飯，價錢合理而且有驚喜。餐牌選擇好多，最後我地選擇左超值2人餐，勝在夠多野食，價錢又合理。首先奉上一人一盅靚湯，湯頭甘湯，無味精，湯盅好精緻吸睛。前菜有海蜇和辣子金玉。海蜇頭好爽脆入味，仲配芥蘭頭，幾特別。辣子金玉係炸粟米，唔係度度地方都食到，唔會太辣，夠晒味道。中份既天天海南雞再配2配雞油飯。海南雞好滑捋捋，肉質嫩滑，而且少骨，招牌菜果然無令人失望，讚！

所謂中份海南雞，價錢同份量完全不合理$158, 雞肉冇味，唔知點解都可以叫做米芝蓮星級餐廳。試咗一次先知中伏，唔怪得知店內完全冇人。星加坡總店應該搵人嚟睇吓呢啲出品

平時諗唔到食咩都會去天天，貪佢多選擇得黎味道又OK!我發覺佢哋時不時都加入一啲新嘅餐廳菜式，例如今次去食就有個新既2人套餐。首先個二人餐有兩碗蛇王芬既蛇羹👆🏻食完亂粒粒😆然後有天天海南雞👆🏻個人幾鍾意中間個辣醬，不過真係幾辣🤣個餐仲有一份蟹粉豆苗，份量唔算好多。。。仲有一鍋臘味糯米飯🍚幾滋味😋再包兩款嘢飲，可以揀懷舊飲品，類似熱奶茶☕️熱檸水，又或者可以揀四季芬芳系列，出自蛇王芬，有雪梨茶、薏米水😆

之前小🐷lunch同小仙子試過覺得唔錯，又坐得舒服，所以諗住試試佢既晚餐😗平日等左2張枱，等左7分鐘左右，終於入得去啦。座位寬躺，就連餐具都好有心思。好可惜當日賣哂大佬推介🥲唯有叫二弟推介既天天海南雞天天海南雞飯 ($15x): 二弟推介個款肉質比較硬，小🐷同小仙子一致表示大佬推介較好😅雞油飯(細)($3x): 估唔到大大碗，suggest 1-2人🤣其實3-4人都得，雞油味好香👍🏻酸湯豆腐($9x): 似酸菜魚味度，不過豆腐唔係滑個款😛麻辣魚皮($5x): 好少地方有，而且整得好爽，麻辣味夠香😋招牌超級水果茶($3x): 佢地既飲品真係大杯到不得了😂一隻手都唔夠力拎起🤣好足料又抵飲豆花年代奶茶 ($3x): 豆腐花係signature黎架，果然好滑👍🏻👍🏻唔飲奶茶嘅，都可以試試佢哋嘅豆腐花甜品CP值極高，係elements地段真係好抵，而且坐得舒服，可惜當日二弟推介麻麻🥲其他都唔錯👍🏻

雞油飯分量比想像多好多，雞油味香，飯粒粒粒分明，軟硬適中。沙爹串串羊肉串一啲都唔蘇，咬落去唔會好乾身，都鎖到啲肉汁。沙嗲醬調配得好好，花生味幾重黄金軟骨口感好好，鹹蛋黃唔會好鹹，炸皮適中，送飯一流！最重要係唔會好油。脆爽海蜇作為開胃小菜來講，都好特別，味道唔錯。海蜇本身有咬口，幾開胃。螺片燉雞飲完之後暖粒粒，食材都幾豐富，擺盤來講都好靚，飲得出冇味精。黑金叉燒呢個叉燒真係好值得食，佢嗰醬唔好睇佢好似好黑咁，其實唔會好咸，食幾碗飯都得！而且是嘅嘢都好貼心咁睇我哋啲叉燒比較肥，但真係值得邪惡一次！豆花恐龍美祿本身好想試吓佢哋嘅豆腐花，但係見到佢呢一杯美祿豆腐飲品，味道唔會好甜，而且美祿粉好足，價錢亦都唔貴！

經常都會去圓方行街,因為泊車好方便,而且好多嘢買,每次去到圓方行街都會食完飯先高離開,因為呢度好多嘢食,選擇又多,今次就試下呢個天天海南雞飯,呢間餐廳係米芝蓮星級推介餐廳,品質絕對有保證餐廳空間好闊落而且環境好舒適,座位都係好闊落坐得特別舒適,枱面嘅餐具擺放得好整齊。暖笠笠二人套餐 448 元花膠太史蛇羹 蛇羹用料十足,蛇肉一絲絲好香,加上有啲木耳冬菇絲,令到味道更加甜,加上花膠令到個味道更加香甜,食完真係暖笠笠,成個人都暖曬。正宗海南雞 海南雞賣相十分吸引,果然係招牌菜,雞嘅肉質非常嫩滑,而且帶有好香嘅雞味,雞皮做到好香口,帶少少啫喱狀令到口感更加特別,旁邊都有幾個醬汁同埋青瓜加埋一齊食特別惹味蟹粉豆苗 豆苗好新鮮翠綠,豆苗上面鋪咗一層蟹粉,將兩樣嘢撈埋,一口食到蟹粉嘅味道好香好鮮甜,豆苗又有好清新嘅味道,兩樣嘢嘅味道配合得好好。蛇王芬生炒糯米飯,糯米飯煙煙韌韌,軟硬度適中, 糯米飯有臘腸,潤腸,花生,蔥花,無論味道同口感都做得非常之好黑糖三棗桂圓薑母茶,呢杯嘢好好飲,味道好清香,而且仲好暖胃,值得推介

本來睇到餐廳嘅位置喺尖沙咀，但係發覺係圓方，所以呢嘅人可能要留意下🤣。之前都想試呢一間，因為好出名，知道係新加坡度都係一間幾大嘅海南雞集團，老闆都好年青，所以相支持下🙈講番餐廳嗰邊先，餐廳嘅裝修好靚，另外可能係位於圓方，人流未算太多，旺中帶靜。嘢食方面，唔可以小得梗係海南雞，佢呢面有正宗海南雞同埋天天海南雞，由於我兩隻都冇試過，所以就叫咗正宗海南雞先，下次有機會先食埋天天海南雞😍海南雞一上嚟就好大兜，另外有雞汁一齊上，本來食落就覺得冇咩味，但係發覺加咗雞汁之後，就非常之好食，雞汁可以帶出雞肉嘅鮮味🤤🤤另外我哋叫咗油飯，就算係細分量嘅油飯，都好多，我諗足夠三個人食。 另外我哋仲叫咗黃金炒蝦球，即係鹹蛋黃炒蝦球，同埋肉骨茶，肉骨茶係胡椒味既，果然同新加坡飲嘅係一模一樣，如果有機會嘅話我都希望再嚟一次，試埋天天海南雞🥰🥰

話說今日去西九龍果邊影相，之後再去圓方尋找餐廳食飯，我朋友表示天天海南雞係連續幾年都拎米芝蓮，見唔洗等位緊係入去品嘗下係米真係咁堅👍🏻😁當日walk-in唔洗等位，好快入得而且職員安排左我地坐係窗邊位😁可以望下出既風景，餐廳內坐位都好闊落😁坐得好舒服，亦有幾個餐廳俾我地選擇，分別有套餐同單點，我地今次要逐樣逐樣點😁📌天天海南雞拼燒雞 ($288) 呢個簡直一定要點😍大大碟，雞肉十分滑，而且肉好肥美同冇骨，加堆醬汁簡直係人間美食，另外拼埋燒雞，唔會太油😂d皮都好脆😍讚 📌雞油飯 （$38）呢個雞油飯用石鍋裝住好特別，價錢抵，份量仲好多，每人都可以食二杯😍 雞油飯好香👍🏻📌麻辣魚皮 （$58）呢個前菜好開胃😍唔算好重口味，但係會樣不停食停食！勁正📌黃金軟骨 ($68)呢個小菜係我特別鐘意食😍一上枱熱辣辣，勁香咸蛋黃味，食落去好咬口，又脆😍正呀📌招牌超級水果茶（$38）呢杯水果茶特大杯，有成1L😍岩哂二個人飲🤣香香既水果茶，又有水果咬下🤣口感十足😍

呢兩年因為疫情關係，大家都無得去旅行，所以唯有多啲食外國菜，假裝去旅行。過江龍「天天海南雞飯」以米芝連餐館馳名新加坡，今晚一於黎九龍站Element呢間分店食返餐勁嘅。餐廳有二人餐四人餐 Set Dinner，但我地決定單點，試多啲唔同口味嘅食物。天天海南雞（中份） $158呢個絕對係招牌菜，必點。雖然係中份，但份量我覺得係偏多嘅，兩個人食絕對夠飽。雞肉非常嫩滑，唔係講笑，我覺得仲好食過新加坡。醬料亦都十分惹味，再配上標準嘅海南雞飯醬汁，包括新加坡辣椒醬、豉油同埋薑蓉，回味無窮。雞油飯 $38石鍋上，保持熱辣辣嘅溫度，而且白飯粒好入味，好滿足。中國茶，去油膩，夠晒清新。個茶壺好似藝術品咁靚。海鮮喇沙 $148香濃喇沙味撲鼻而黎，味道濃郁，海鮮又夠晒足料，有青口、蝦、魷魚、豆卜。伴碟非常精美，打卡一流，未食已經加咗唔少分。松露蝦多 $72香噴噴嘅黑松露味，令人食指大動。而且多士亦烤得香脆可口，不得了。豆花恐龍美祿 $30新加坡菜餐廳先至見到，每次飲都會覺得好滿足！餐廳環境幽雅，舒舒服服坐下傾下計真係好享受。價錢親民，係唔錯嘅搵食選擇。

朋友話好想食雞喎，所以帶佢嚟試吓呢個新加坡過江龍嘅天天雞飯。我哋都算早過嚟，可以唔使等位，一入嚟就有得坐低。我哋揀咗一個二人餐咁就乜都可以試吓啦。首先係螺片湯，可以見到個湯清清地，有兩塊螺片，仲有兩舊瘦肉，呢排啱啱凍返，用嚟暖下胃啱啱好。呢一個南姜熱帶水果沙律，配搭非常新奇，竟然用咗無花果，番石榴同埋士多啤梨，呢啲平時唔會好見攞嚟做沙律嘅生果，生完仲加咗啲類似梅子粉，可以吊到生果嘅甜味出嚟，非常之推介，新奇又好味！跟住呢個蔬菜煲，煮到非常之入味，上面係白色西蘭花，同埋醬汁配合仲有啲白飯魚仔。食落口有好多種唔同嘅口感，用嚟送飯一流呀。另外，仲有呢個黃金金沙骨，其實佢係雞軟骨拎咗去炸，面頭加咗好多鹹蛋黃醬，好邪惡啊，不過炸衣唔會過厚，咬落去又有雞軟骨嘅口感，又係送飯冇得頂。終於嚟到重頭戲，就係海南雞！我哋叫咗半隻海南雞再配一個油飯。呢個油飯非常之足料，成碗仲大過我隻手掌，非常之有油香。至於啲海南雞勁誘惑，肉又滑，放入口會自己跌落去個喉嚨度㗎 ！ ！我差啲唔記得咗啲飲嘢飲添，我哋叫咗個綜合水果茶，不得了啦，有成1公升，飲極都未飲晒，入邊仲有好多水果，真材實料㗎，飲落去酸酸地，正！另外我哋仲試

今日係圓方同朋友行完街，順便係到食埋晚飯，見到呢間係標榜住米芝蓮推介嘅海南雞餐廳，入到嚟座位都好闊落，環境都好舒服。我哋首先點咗份脆爽海蜇做前菜，啲海蜇真係十分之爽口，佢仲有配埋啲馬蹄同埋蘆筍，樣樣都係爽口嘅配搭，同時佢有少少wasabi落去做調味，成道餸都十分清新，真係開胃唔少！我哋見到呢度台台都會一定點嘅餸就係雞，一係就燒雞一係就呢個海南雞，咁當然呢一個係佢哋嘅招牌菜所以我哋都必定要試。一上菜份量都好多，件件雞都真係十分之嫩口，食落一啲都唔鞋，會特埋佢俾嘅海南雞醬料，再配埋油飯簡直絕配！另外我哋都仲有點咗份佢人氣十大嘅沙嗲串燒，咁一份入面有雞豬牛各三串嘅，佢燒得岩岩好，唔會燒到干曬，而啲串燒佢係有預先醃好，唔點佢配嘅沙爹醬都已經食得出好入味，配埋佢嘅沙爹醬，用嚟送飯真係食唔停口。另外點咗份鴛鴦菜花係食得出有用xo醬去炒，而且好夠鑊氣，份量都唔少，估唔到呢個xo醬同菜花可以咁搭！

聖誕佳節食咗好多西餐、外賣。成日食薄餅、壽司、打邊爐、燒肉，於是今餐食得比較清淡一啲，試左呢一間新加坡過江龍飯店。餐廳入邊座位間隔都算舒適，見到佢晚市都幾乎滿座，好受歡迎。過江龍梗係受歡迎！之前去新加坡嘅地道熟食市場都有試過，因為佢係新加坡米芝蓮推介嘅餐廳，歷史悠久係信心嘅保證。我哋兩個人今次冇叫套餐，反而散叫咗一啲餸菜，啱自己心水。價錢亦都唔係差好遠。正宗海南雞$188佢嘅海南雞有咗暖暖嘅濃味雞汁，黑豉油，酸辣汁，薑蓉。伴碟仲有啲青瓜條，同埋切到好似一粒骰仔嘅檸檬。海南雞飯嘅外皮爽脆，半點油膩感都冇，可以連皮食。啲肉質就可以保持好嫩滑，唔鞋口。如果你唔鍾意冷冷嘅雞肉，你可以點佢暖暖嘅雞汁，倍增鮮味。我鍾意雞肉同姜蓉一齊，因為食落去比較香口而且容易送飯食。雞油飯$38佢呢個雞油飯真係值得讚，煮完都可以粒粒分明，每一粒都吸收左雞湯同埋油嘅精華。而且好大碗，份量好足夠，幾乎可以四個人食都夠。芥末花螺$98呢個擺盤好特別，有一杯熱水，原來要有戲法便俾我哋睇。要玩嘅就係乾冰把戲，加入熱水之後，煙霧就有兩個孔慢慢噴出。花螺係一到冷盤，浸住咗一啲芥末醬汁，食起嚟好清新。味道只係微辣，但係花螺嘅肉質

話說西九文化區有棵大聖誕樹🎄，滿有聖誕氣氛，一心打算去影下相，避免正日多人決定提早兩日去，咁就係附近既圓方商場食個晚餐先我地簡左食中餐（天天海南雞飯），由於時間尚早6pm，我地可安排坐卡位可以闊落D細心睇餐牌竟然有個聖誕二人餐，唔洗諗即刻叫🤣有湯、沙津、前菜、主菜、主食、甜品，多豐富螺片燉雞湯*有大大粒元貝，清甜滋潤開胃菜*梅情茄意～酸酸甜甜好好味😋蕃茄仔好甜 食完一粒再想食一粒松露蝦多，濃濃黑松露味，蝦肉好多，多士香脆👍🏼聖誕中式火雞黎啦🤣即係燒雞，雞皮香脆，肉質細嫩👍🏼附有三款醬料 個人覺得沾上淮鹽最正鹽磚和牛，和牛無筋，啖啖肉👍🏼雞油飯最後豆腐花甜品做總結，豆味好濃 似豆奶味道同一般豆腐花唔同👍🏼多豐富的一頓聖誕中餐

餐廳有幾間分店，見尖沙咀最多光顧，當然馬上也去了這間分店.聖誕節將近，餐廳推出聖誕套餐，價錢抵之外還有不少茶式，不過一心想食羊腩煲，所以放棄了套餐，單叫菜式.💠松露蝦多 Cuttlefish & Prawn Toast w/ Truffle Sauce 🍄🦐🥪$72見很多人推介這個多士，每個人也說好食，使我也蠢蠢欲動點了一份.多士是炸過，香脆可口，而上層加上黑松露醬，黑松露味道很突出，中間夾著蝦肉碎和墨魚🦑，口感獨突，蝦肉味很香👍🏻👍🏻💠支竹羊腩 Dongshan Lamb Tenderloin w/ Bean Curd Sheet 🐑🍲$188羊腩煲幾大份，有馬蹄、支竹和羊腩，羊腩多肉，皮和羊也分明，羊肉肥嫩美味，羊羶味不會太濃，咸度也適中💠天天海南雞 Tian Tian Hainanese Chicken🐓 $158（中份）叫了半份，因半份也大份，雞肉超嫩滑，沒有血水,醬汁有3款，薑蓉、辣汁和甜醬豉油，可跟個人口味而選擇，辣汁比較辣，個人比較超歡薑蓉更多☺️💠原味豆花 Special Mixed Fruits Cold-Brewing Tea 🍮$18 跟平時吃的豆腐花很不同，豆腐花