天天海南雞飯 (ELEMENTS圓方)

营业中

休息中

呢間新加坡過江龍名氣超級大，去過一次對雞油飯念念不忘🥺今次到訪ELEMENTS分店，無論環境定食物質素都保持到水準🫶🏻🔸天天海南雞（中份）、雞油飯兩款都係必食🥳 天天海南雞用上鮮肉雞製成，肉質嫩滑，皮薄而且肥膏少。配埋暖暖秘製雞汁，唔使點其他醬已經好夠味！雞油飯以鍋上，用明火煮到粒粒分明，將雞油精華完全吸收晒🤤話就話1-2人份，但其實多個人分都完全足夠！🔸黃金大蝦($128)鹹蛋黃炸大蝦，炸粉好薄所以保留到蝦鮮味，最驚喜係竟然有炸蝦以外仲有炸翠玉瓜，juicy得黎同鹹蛋黃味道好夾😍🔸辣子金玉($58)一條條粟米加埋大量炸蒜辣椒賣相討好，食落口亦好惹味，唔怕乾爭爭🙆🏻‍♀️🔸馬來風光($88)参巴醬辣椒炒通菜，份量好大而且味道濃郁，最好多d人share!

米芝蓮推介級別既新加坡過江龍餐廳 - 天天海南雞係香港已經開業一段時間，有幾間分店。.餐廳係圓方商場水區，一直走到尾就會見到。裝修玩味十足，暗黑風格主調配以大量港式漫畫風裝飾，玩味十足。座位非常闊落私隱度高，一眾服務員們服務態度良好，人手亦好充足服務到位。.晚市有二人同四人套餐提供，二人套餐四百靚蚊有交易，有齊哂前菜、小食、招牌主食、炒菜同甜品，仲可以用特惠價加配飲品，性格比幾高。不過今日想試下朋友推薦菜式所以揀左散點，套餐要留待下次。.天天海南雞拼燒雞 💲288⭐️3.7/5佢地招牌既海南雞分左兩款 – 包括正宗海南雞同天天海南雞。正宗海南雞用文昌雞，雞味較濃、較厚肉但係會有骨，相對上無咁滑。而天天海南雞就正正相反，無骨啖啖肉、肉質非常嫩滑但雞味相對低。最後我地揀左後者因為唔想有骨。加碼一次過試雙拼，燒雞海南雞兩吃。整體雖驚喜不大，但燒雞同海南雞肉質都非常嫩，皮非常薄無丁點多餘脂肪，做到應有水準。.雞油飯 (1-2位用)  💲38⭐️3.6/5雞油飯有驚喜，雞油味香但不會過份油膩。細版本份量已經好多，個人認為足4位用。.龍蝦海鮮飯 💲198⭐️3.9/5全晚最期待菜式，喜歡食脆米湯泡飯，同

見到佢有唔少嘅分店一直都好想試！ 😍 佢哋嘅雞有天天海南雞同文昌雞嘅選擇！ 店員介紹天天海南雞嘅肉質比較滑同埋無骨，所以決定一試😋！ 佢哋嘅雞都有配搭甜豉油酸辣汁同埋薑汁～ 我自己就鍾意佢個酸辣汁，非常惹味😙！ 是佢哋嘅雞真係幾滑😳！ 不過價錢就比較貴少少🥺黃金雞軟骨！ 有我最愛嘅鹹蛋再加埋雞軟骨！ 上碟嘅時候熱辣辣非常鬆脆！ 鹹蛋味亦都好濃郁！ 串燒（雞牛豬）- 價錢相對上真係比較貴，但佢醬汁真係幾好食，肉質就比較一般🥺

話說之前同朋友幫襯過一次，覺得呢到環境好正，仲要係米芝蓮餐廳，對佢既海南雞念念不忘，忍唔住要黎食多次😋🌟甜蜜二人餐 $438超抵食二人餐，7道餸，食完超飽！🤪💠南薑海南水果沙律水果有士多啤梨、石榴同無花果，賣相好吸引😍，灑左南薑同山楂粉，味道酸甜開胃😜💠黃金軟骨雞軟骨沾上咸蛋黃去炸，色澤金黃，仲有濃郁咸蛋香味，令人垂涎三尺🤤💠螺片燉雞湯雞湯非常足料，有雞肉、螺片同瑤柱，飲落清甜，鮮味十足🥰💠天天海南雞呢道係必試既海南雞！中份已經好夠兩個人食，雞肉嫩滑，雞皮薄唔會有多餘肥膏，蘸上三款醬汁（醬油、辣椒醬、薑蓉），味道更香！😌💠天天石鍋雞油飯份量超多，雖然寫左1-2人份量，但其實3-4人食都可以😂💠鴛鴦菜花朋友本身對椰菜花興趣一般都大讚呢個菜好味😝，椰菜花爽口，炒到好惹味😚💠原味豆腐花同平時食開既豆花唔同，口感同味道似食緊豆腐雪糕，好好味🥰

很新穎嘅一間餐廳，佢嘅菜式好新潮，價錢又唔算好貴，好合理，就可以試到佢咁新潮嘅菜式，非常之抵。餐廳座落於九龍圓方廣場，如九龍站行上去好方便。佢有好多唔同嘅新款菜式，例如有咖喱脆腩，價錢都好抵食，價錢適中，唔算太貴。佢嘅小菜係皮蛋，辣得嚟好有風味，同埋好野味，值得一試。和牛鹽磚，好好味道，食嘅時候可以擦一擦鹽磚，非常有風味，和牛入口即溶，食到有少少鹽味，味覺好有層次。黑松露多士，好值得推介，好香脆，有好濃嘅黑松露味，入口即溶，正！鹹蛋黃炸蝦，亦都係非常好食， 炸得好香脆，蝦肉好彈牙，好香鹹蛋黃味，好一個絕配。仲有一個酸甜骨，十分有趣，同埋都係好好食，佢係用玻璃碗上菜，仲有啲乾冰，成個造型都好靚，好有仙氣。

之前已經食過尼間，對海南雞念念不忘，決定encore再去食涼拌秋茄 $42有啲辣椒係面，以為會好辣，結果係酸酸甜甜，加上涼浸浸好開胃。天天海南雞 （大份） $268依舊係件件都多肉，比較多雞胸肉，感覺無咁肥膩，健康啲。雞油飯 $381-2人份量都超多，足夠4個人share.黑松露小籠包 $38皮薄多汁，湯汁唔鹹，肉汁味香濃，豬肉夾雜左黑松露醬，醋都幾特別，比一般餐廳無咁酸，有啲甜味。花好月圓 $38係豆腐花加燕窩，口感味道都特別，好soft比較水，無平時啲豆腐花咁實咁飽肚，味道似豆腐雪糕，比較清甜，食完唔會鞋十十。無糖茉莉花冷泡茶 $22估唔到咁大杯，差唔多啤酒杯咁大🍺

鐘意食海南雞🐔，每逢見到都不放過，今日經過圓方，原來有間天天海南雞🐔，毫不猶豫入來試下。餐廳非常寬敞，樓底又高，裝飾有點懷舊風格，有些舊式漫畫，有些藝術餐具裝點在座位上。坐在近窗的卡位，看著窗外黃昏的斜陽，舒服又閒逸，差點忘了是來食飯的。😛我們選了一個甜蜜2人套餐，有南薑海南水果沙拉，黃金軟骨，螺片燉雞湯，天天海南雞，天天石鍋雞油飯，鴛鴦菜花，花好月圓。豐富套餐只是＄438，還有一個精致的茶壺奉上熱茶。台上的餐具很精致，看得出是特別設計。餐點逐樣上台，南薑海南水果沙律原來是巴樂，無花果加草莓🍓，用南薑汁調配，位道都幾特別。天天石鍋雞油飯好大一碗，兩個人努力都食唔曬。花好月圓原來是豆腐花，但不是傳統味道，這裡原來是fusion菜。🙃

知道銅鑼灣分店經常都有唔少人去 所以特登行遠啲到圓方既天天試下 8點幾去食都仲滿座🤭門面同裏面嘅裝修都幾有心思營造到好啲品質既海南雞飯 令我哋都好期待餐牌上面嘅選擇都十分之多 原來係幾間亞洲品牌既餐廳cross over👹咁應該一定係揀最拿手嘅集合一齊咁我地就嗌左- 梅情茄意即係醃製過嘅小蕃茄 食落嘅口感同新鮮摘嘅一樣咁fresh之餘 咬咬下仲有醃過嘅甜味慢慢滲透出嚟😻越食越開胃 後尾食一啲比較油膩嘅食物之後再食一粒小蕃茄即刻開胃反 超級推介！😽份量仲幾多- 海南雞飯由於當日時間太晏 所以餐牌上嘅推介嘅海南雞（文昌雞）已經賣晒 唯有試吓普通嗰隻 點不知都覺得幾高質 入口依然係軟滑 唔需要多氣力就咬完 下次一定嚟試文昌雞🥹- 骨香鯧魚呢個係餐牌上睇已經好架勢 點知食落口感脆滑 但係個粉可能有少少厚 炸蒜亦都比好多 超香！連成條魚尾都炸晒 如果鍾意噒骨嘅人一定好鍾意 加埋搭配嘅醬汁令到成個口感唔油膩😛成餐店員嘅服務態度都非常好 而且唔怠慢 上菜嘅速度都好快😌

Ooo黯然銷魂黑金叉燒‼️ooO天天海南雞飯係米芝蓮推介既餐廳，佢既海南雞飯故之言出名，但係我想講佢嘅👉🏻叉燒👈🏻😍真係一流！一定要試😋😋OooooO黯然銷魂黑金叉燒👍🏻 $88叉燒入口鬆化😍選用帶油脂的五花肉，食落沒有肥膏油膩感，軟軟既肉配上特製醬汁🌟配上濃濃既蜜汁🥰真心推介👍🏻 OooooO天天海南雞 $158獨有的秘制雞汁製成，海南雞特色是雞肉涼，雞汁熱暖暖的岩岩好😉 海南雞皮薄肉滑，幾乎無肥膏但雞肉仍可保持滑滑的👏🏻配上三款醬汁係好惹味🤤OooooO雞油飯 $38雞油飯真係好香跟平常食到既有唔同🤔睇返介紹天天嘅雞油飯做法係每一鍋飯都要明火煮，邊煮邊攪，所以米飯先會粒粒分明，粒粒有味！OooooO黑松露小籠包 $38小籠包用特色小籠上檯，附上一支小醋係入面，可直接唧醋入包內連湯食。

Food is good but nothing makes up for the terrible services here. Even for deliveries, the restaurant doesn’t show what’s sold out and just cancels your order without any information. For dine in, the place offers skeleton service with a seriously bad attitude. So in summary whatever goodwill created by the food is quickly lost in the service. Not worth wasting time to wait in line for.

約咗朋友食飯想揀間環境好同名氣好一起享受下新加坡米芝蓮過江龍👑正宗海南雞鋪係主打雞一定試吓佢嘅味道佢同平時食嘅雞好唔同佢係只有一層薄皮而且雞肉好瘦食落去好有雞味最緊要瘦黎唔鞋雞皮爽滑加埋佢特製嘅醬汁同埋三配料難怪做主打菜👑無骨鳳爪鳳爪係配上特製嘅麻辣汁麻辣程度啱啱好好惹味加上已經去埋骨方便容易食👑黃金軟骨雞軟骨炸之後再加埋鹹蛋黃醬每粒雞軟骨都食到濃郁嘅醬汁而且口感非常之好👑辣子金玉簡單嘅粟米再配上埋類似係避風塘嘅蒜蓉將粟米嘅味道提升👑原味小籠包好鍾意佢嘅小籠包係自己可以用已設既小管嚟加醋感覺好特別一口食落去仲爆曬汁正👑山楂丸子呢個丸係我最意想不到嘅甜品外層有一層博博嘅脆米裏面係煙韌嘅甜紫薯裏面係山楂好特別👑豆花恐龍美祿平平無奇嘅美祿佢加咗一豆花同埋美祿脆成個口感又幾好喎👑香橙蜜桃朋友飲呢杯話甜度適中兩個人行完街優優下下咁樣食好東西舒服

呢間餐廳環境坐落舒服，職員都超級nice！仲要有好多明星幫襯過，連佢地都話正，唔試唔得喔🤣同朋友嗌左個甜蜜二人餐～食完感覺十分抵食，主食、明星餐點、湯、小食等等，都幫你安排係個set到唔使煩惱～首先南薑海南水果沙拉🥗，入面唔同既生果特別番石榴，食落好開胃天天海南雞（中份）🐔呢個係必食啊🤣啲雞肉十分滑同埋嫩，即使係雞胸肉都唔會鞋😚配三隻汁一定有隻啱口味，感覺唔使點都好味～搭配set入面既天天石鍋油飯，大大一鍋for兩人啱啱好，個飯都好香唔會好鹹黃金軟骨🤩呢個真係十分邪惡，不過食佐先講😂雞軟骨新鮮炸出，每粒都包裹住鹹蛋黃，入口鹹香👍食到停唔低螺片燉雞湯，好真材實料，冇味精味，有好多雞肉，仲食到原粒元貝👍唔錯鴛鴦菜花🥦菜花上台嗰陣仲識咋～咁樣😂望落都好有食慾～入面落左好多銀魚乾同蒜頭炒，非常好送飯👍最後個set包埋甜品😻有兩碗豆腐花花好月圓～有好香豆香味又滑唔會厚舌😚兩杯飲品係唔包但可以優惠價加🍹～鴨屎香香水檸檬茶同香橙蜜桃都好大杯，飲落好fresh！最後500內食到好飽😋😋呢餐真係好滿足，經過真係要試下！

疫情過後，太太一直想食呢間天天海南雞，今次終於食到啦！一早book左位，放工黎到7:30，餐廳都已經9成full。餐牌幾有特色，好似雜誌咁。2個人食，叫左6樣野。⭐️天天海南雞(中份)$158好快上菜，擺盤都好靚，雞肉出奇地嫩滑，唔似出面嗰d海南雞，鞋口又乾爭爭，平時我都唔太好海南雞，今次真係對海南雞改觀。就算唔點汁，都已經有本身獨特既味道，當然點左就有另一番風味。⭐️雞油飯(1-2人份)$38食海南雞就緊係要食雞油飯啦，1-2人份量多到眼都突，抵到咁。個飯食落唔係油淋淋嗰d，但會食到雞油香味，超正！⭐️響螺燉雞湯$78呢個湯響螺夠出味，再加上雞燉出黎既精華，超級滋保。⭐️黑金叉燒$88除左海南雞，呢個叉燒真係必食，半肥半瘦非常平均，上檯後職員會即刻幫你再用火槍燒，香味瞬間撲鼻。叉燒肉質超級juicy，食完一舊又一舊🤣⭐️咖喱脆腩$128咖喱脆腩就冇海南雞同叉燒咁出色，但口感一流，外脆內軟，再配上咖喱汁，係一個新嘗試。⭐️原味小籠包$28小籠包即叫即蒸，要20分鐘左右。上檯熱辣辣，唧埋支醋入裡面，同小籠包既湯簡直絕配。最後飽到d雞油飯要外賣拎走😆😆

去過新加坡既朋友一定有試過大名鼎鼎既天天海南雞，而家未有得飛都有得食！所謂四大米芝蓮品牌合一，其中包括天天海南雞、超好面、老街坊同五十年代，所以想食正宗新加坡美味，真係一個地方揾到曬！圓方分店地點方便又坐得舒服，今次就叫左個甜蜜二人餐（$438），有齊前菜、燉湯、海南雞、菜同甜品，非常抵食！南薑海南水果沙拉，即係無花果、紅心番石榴同士多啤梨撈埋南薑，酸甜開胃，感覺好健康！黃金軟骨，雞軟骨炸得好鬆脆，裹上邪惡鹹蛋黃醬，完全食到停唔到！好掛住鹹蛋魚皮！螺片燉雞湯，足料燉湯，除咗有雞同螺，仲有瑤柱、白欖，入口唔會油，好清爽。天天海南雞（中份）份量適中，皮薄肉滑既雞肉上面淋上暖雞汁，蘸上秘製辣醬真係無得頂，出面完全無呢種味道，撈飯都好好味！天天石窩雞油飯（1-2人）聽聞呢度每一鍋飯都係用明火煮，而且邊煮邊攪，所以飯粒係粒粒分明又超香，記得趁熱食！鴛鴦菜花係馬拉盞炒椰菜苗同椰菜花，香辣惹味，好岩送飯。甜品就有原味豆腐花，係用新加坡原材料製成既豆花，滑溜但唔會太甜。加埋大大杯既凍飲先係真正新加坡味，跟餐叫五十年代飲品有七折，白玉鳳梨（$34）、油柑鴨屎香檸檬茶（$32）係用海南香水檸檬同高山老茶樹

剛剛打電話想訂位食晚飯，接待嘅女士話得5:30同六點，我問訂6:15可唔可以，佢話冇㗎喇，二話不說，即刻收線，真係好好生意咁，予人唔憂做嘅感覺！希望老闆可以認真睇睇員工嘅質素！