天天海南雞飯 (ELEMENTS圓方)

营业中

休息中

天天海南雞(中份)($158)，先講醬汁，芡汁浸住海南雞入晒味，食到有蠔油味，另外中間既辣汁唔算好辣，輕輕提升一下雞肉既味感亦唔會太蓋過，海南雞肉質嫩滑，皮和肉中間帶少少啫喱狀，係精髓所在。古法骨茶($148)，湯底足料，有藥材香味亦帶有胡椒香味，配料有豬肚，豆卜和支竹吸晒湯既精華，每支肉骨長度有成個煲既直徑咁長，煮得好腍，唔會好難咬開，至少有4支骨或以上。麻辣魚皮($52)，魚皮爽口，咬落有煙韌彈牙，而且好滑，直接吸入口中，麻辣魚皮醬汁當然有麻辣，不過麻辣既香味唔會即刻一食就出，而係先食到有鹹甜花生醬味，跟住慢慢滲出麻辣香味。黃金大蝦($128)，份量好多件，點知一食原來有d係包住左翠玉瓜，比例大約3成翠玉瓜，7成大蝦，可能其他人覺得不值，但我個人覺得仍然好足夠2人食，好滿足，因為鹹蛋黃既香味真係好吸引，好正，外層亦好酥脆。

佢既海南雞真係超滑！！我本身睇人哋嘅相已經好期待啦，食落口又真係好食哈哈！雞既質素對得住佢嘅價錢!! 海南雞點的汁都好重要，依間都做到恰到好處，唔會太咸，而且仲有三款醬汁俾我揀，用黎送飯都正！筋腩相逢睇佢個名已經覺得佢好巴閉，佢係話米之蓮推介，搞到我勁心動，明明食咁多肉都照叫，佢嘅腩汁同樣做得好出色，唔同平時我哋食港式菜嘅腩汁，佢嘅汁係比較稠身，同埋有香料味。而且佢嘅牛筋牛腩都炆得好冧。燕窩燉鴿平時就真係唔捨得叫過燉湯，不過見呢一個燉湯好似好正咁，又有椰子又有燕窩又有鴿，真係好喜出望外，因為佢嘅湯好好飲，而且侍應仲會喺你面前點火，令到成個椰子着火，打得又睇得！小籠包兩件至於小籠包就正常發揮，同樣擺盤都好出色，好吸睛。

🌟天天海南雞賣相好吸引，海南雞係涼食嘅，皮薄肉質滑，但又唔會過腍冇口感，冇腥味👍上枱嘅時候已經淋上秘製雞汁，雞汁能夠帶出雞肉嘅鮮味之餘又唔會搶去佢嘅味道，兩者配搭得好好，再落埋青檸汁，好好味🤤除咗雞汁之外仲有辣醬、黑醬油同薑蓉可以蘸，個人最鍾意辣醬，辣度夠，相當開胃😋🌟雞油飯一至兩人份已經好多🤣石鍋保留到飯嘅溫度，飯要熱食先至好食👍飯能夠做到粒粒分明，有濃濃嘅嘅雞油香，但又唔會油膩，值得一讚🤩🌟黃金軟骨好有驚喜嘅一道餸😍雞軟骨外面嘅炸衣好鬆脆，再裹上充滿鹹香嘅鹹蛋黃，好邪惡，送飯一流🤤❤️🌟火焰原隻椰子八寶燉雞上枱嘅時候侍應喺椰子殼上面點火，充滿視覺效果🔥足料燉湯香味四溢，滋補又好飲😚用椰子蓋蓋住飲到最後都熱辣辣🤩🌟桃膠菊花桂花雪梨茶轉季最啱飲，滋潤得嚟味道唔會過甜👅🌟豆花年代奶茶茶味都幾香醇，杯底豆花帶微甜，吾錯😻

幾年前去新加坡旅行冇機會試到天天海南雞飯，依家又冇機會搭飛機去旅行，所以真係飲恨咗好耐，好彩天天海南雞飯已經開到嚟香港，今日終於嚟一償我嘅心願。呢度用嘅餐具同茶壺都富有新加坡特色。我哋二話不說就叫咗呢度招牌菜天天海南雞，果然非同凡響，店員話天天海南雞所用嘅雞係來自新加坡，皮夠薄，肉夠滑，而且已經去骨，配合埋海南雞汁，再隨個人喜好隨意沾上薑蓉、辣汁或黑豉油，簡直係人間美食。食海南雞當然要配返個雞油飯至夠正宗，諗住少少哋叫個1-2人份量嘅細飯，點知原來係大到有成四碗飯咁多，雞油飯好香又冇乜油膩嘅感覺，所以真係好抵食。唔知碗飯咁大碗，所以我哋仲叫咗哪吒鬧海，其實即係海鮮喇沙。叫得哪吒鬧海，麵條嘅造型都唔講得少，成個麵凌空吊起咗真係好magic。喇沙湯底香而少辣，海鮮亦都包羅萬有，有大蝦、魷魚、青口同蜆，真係夠晒豐富。始終都想叫多碟小食或小菜，最後就揀咗黃金大蝦，原來除咗大蝦之外，其實仲有翠玉瓜，鹹蛋黃完全包圍住每隻大蝦或翠玉瓜，真係夠晒罪惡感！今次呢一餐所揀選嘅菜式份量比預期多，但因為太好食，所以我哋係完全清碟。以往好多過江龍餐廳都俾人品評唔及原有水準，我自己本身未食過新加坡嘅天天海南雞飯，

去過新加坡的朋友都知道 牛車水（新加坡china town）海南雞非常出名。而天天是集合了四間新加坡米芝蓮推介長龍美食店，主打頭牌海南雞。餐廳的環境 黑 ◾️灰◽️ 藍🔹為主餐具也搭配著中國風以雜誌書刊出版的Menu ❤️椰子百寶湯濃濃的椰香，湯味清甜以前去到新加坡最愛吃的就是蛋黃，感覺什麼都要加蛋黃，什麼都可以加蛋黃，超搭。蛋黃雞軟骨，香口酥脆，食落唔會太油膩感覺。主角登場🌟天天海南雞：天天雞係去骨雞，雖然係雞胸，食落好嫩滑，伴著雞汁就算唔點醬汁都好味。金酥雞：雞髀肉，外皮酥脆內肉鮮嫩，加上華鹽👍🏻點睛之筆就是油雞飯，真係要五星🌟油飯個味調配的讓你想吃完一碗接著一碗🤤彩蛋*麻辣小籠包麻辣味好重，稱得上真材實料相比‘七彩顏色小籠包’ 有料好多

無得去旅行，就行下西九Element shopping ！經過天天海南雞飯，介紹新加坡風味料理，即時感到肚餓好想食。 好想去新加坡玩呀😅😅😅我地兩個人，職員好有禮貌帶我們入座。打開餐牌，好豐富超多選擇。睇咗5分鐘，好多野都想食，最後我地有選擇困難症，選了二人餐，睇落好抵$428 兩個人份量，個餐有好多野食，唔洗左揀右揀。有齊靚湯、前菜、主菜、海南雞飯、甜品！又肚餓，好期待！ 等咗十分鐘左右，好快上菜！靚湯：⭐️⭐️⭐️⭐️好足料，有瓜有肉又鮮味，非常好飲！唔會太喊太味精，又有老火湯味道！最鐘意佢夠熱辣辣上檯，仲用古色古香湯碗，感覺好宮廷，好有霸氣！ 前菜：⭐️⭐️⭐️⭐️⭐️未食過呢種口感的海蜇，好特別、冰凍、爽脆、令人胃口大開，係一道好好食前菜。好正！ 前菜：⭐️⭐️⭐️少少辣原來係粟米條、爽脆、惹味配上椒鹽粉點綴，都係一道好惹味前菜，我鐘意有蔥，一齊食口感更好。小菜：⭐️⭐️⭐️⭐️呢個蔬菜🥬係感覺有點喊，但喊得嚟係好惹味，有馬拉盞風味，用嚟撈飯一流，最鍾意白椰菜花夠爽口。主菜：⭐️⭐️⭐️⭐️⭐️海南雞飯招牌菜，果然名不虛傳，雞肉夠嫩滑，肉質新鮮唔會鞋，非常有咬口。配上油飯，真係完美！個雞汁無得頂，唔會太油太喊。蒜蓉汁、

So glad that I tried this😭😭 Saw this brand everywhere around but still didn’t get a chance to try it. Because restaurants at Elements are quite expensive, me and my friend decided to give this Day day Hainan chicken a try as it is one of the cheaper restaurants at this shopping mall🤣we ordered two mains and a starter: soooo full!!The menu looks cute and you can actually buy it😂😂 i laughed so hardWe ordered the Day day Hainan chicken (medium) - $158 with oil rice (small) - $38The oil rice was sup

點了兩菜一飯- 天天海南雞 （中份）$158- 雞油飯（1-2人）$38- 酸菜石斑 $138茶位 每位$9加一服務費餐牌成本雜誌咁，環境同食物賣相都係好值得打卡，總括味道其實比一般的好食但未去到超好食嘅地步。餐廳侍應有禮貌點餐時都會替我們推薦食物。雖限時一小時但都沒有很趕要我們交枱。雞肉無骨好嫰滑，有幾款醬汁可以點，但本身件雞都已經淋左啲醬油上枱，再點汁味道會偏鹹，所以一定要撈飯。果然油飯比雞好吃很多！！而且份量好多，二人添左三四次都仲有剩。酸菜魚魚肉厚實，好多配料，有芋絲菇類，少少辣，但酸菜沒有特別好吃。雖然餐廳整體各方面都不錯，但人均消費$200一餐，感覺價錢都貼了在餐廳裝修及圓方這高尚的地理位置。

呢間餐廳我成日都經過，但一直未有機會試吓，難得今次朋友約我食飯，佢話呢間之前食過好滿意，特登同我食多次餐廳係圓方「水」區，喺正篤篤門口位，都好易揾到～平日黎唔洗等位，位置大又坐得舒適，而且餐具好精緻2人餐好豐富，我地決定唔洗諗就叫呢個，唔夠食再加點。就係我去完廁所返嚟，所有餸就啱啱好上枱 🍍涼瓜鳳梨原來係燉湯，從來冇諗過2款食材可以咁夾，好中意鳳梨嘅清甜，湯渣就建議唔洗食。🦑海蜇脆到每咬一啖都好大聲，未食過呢個口感，係幾好𡁻但牙力要夠好。調味略帶酸甜，恰到好處。🌽辣子金玉根本就係避風塘炒蟹嘅味道！估唔到最好食係呢個，送飯一流🥦雖然唔係好清楚鴛鴦係邊個位，但馬拉盞好味，酥酥脆脆好正🐤一開始覺得碟雞好似有啲少，但原來佢係舖2層，食極都仲有，爭啲食唔哂本身雞已經有調味，就咁都好食。最中意中間嗰個辣醬，撈飯點雞都好夾🍚油飯真係不可或缺，香而不膩唔係好多餐廳做到，仲要勁大一桶，每人食咗2碗都食唔哂飯後點品係燕窩豆腐花，燕窩已經融入係豆腐花入面，特別嘅係豆腐花好水，以為食緊啫喱聽聞呢到咖啡奶茶都出名，特登加點一杯奶茶試試，又真係幾好味係有茶香同回甘，值得推薦

今日到地鐵沿線中嘅九龍站大型商場入邊好想食雞肉又唔想吐骨 ， 第一時間就諗起海南雞飯， 下一秒就諗起天天海南雞， 平時排曬長龍都冇得食 今日有幸等咗一陣就有位， 款款菜色都別具心思， 未放入口已經大飽眼福 🐔平時食海南雞都係得一個汁，但係天天海南雞飯配石頭鍋雞油飯， 有幾個汁任你點，每種汁都獨當一面，雞肉嫩滑唔肥膩，雞油飯喺石頭鍋入邊，保存溫度，啖啖飯入口都又暖又綿，有飯香又有雞油香 🍍涼瓜鳳梨湯，平時唔鍾意食涼瓜嘅我，飲咗呢碗湯之後， 另我對涼瓜完全改觀 ，原來涼瓜湯配鳳梨係好夾，清清甜甜，感覺好，滋潤又開胃， 一啲都唔會覺得苦， 飲完仲有點回甘喺喉嚨 🍤新鮮嘅大蝦球， 外面包圍住金黃嘅鹹蛋黃， 熱辣辣新鮮炸上， 將蝦肉味推至極點 🥬鴛鴦菜花， 鹹魚仔加上蒜爆椰菜花同油麥菜， 攞嚟送石鍋雞油飯，真係絕配 🌽辣子金玉炸蒜碎辣椒粟米，味道刺激香辣，粟米味甜 🥢爽脆海蜇麻油香加爽口脆爆海蜇做前菜 ，十分惹味 🥣最後食返碗豆腐花，清甜香滑，十分滿足

今晚黎到位於九龍站圓方的「天天海南雞飯」，品嚐新加坡米芝蓮星級海南雞飯！店內裝修簡約又型格，設有不少卡座位，感覺舒適潔淨最近仲推出咗限時震撼超值滋味套餐，兩位用的超值2人餐價值$428，包左七項食品，都幾抵食原味小籠包小籠包有三種味道可供選擇，我就揀咗經典原味。皮薄餡靚的小籠包，咬開外皮後盡是滿滿的鮮甜湯汁，好juicy呢脆爽海蜇芥蘭馬蹄涼拌海蜇頭，口感爽脆，清新開胃涼瓜鳳梨燉湯熱騰騰的燉湯，入口好清甜，火候十足！裏面有唔少豬肉粒、鳳梨同涼瓜，好足料啊鴛鴦菜花🥦椰菜花連同馬來盞、蝦米乾、蒜蓉、炸白飯魚等等一齊烹調，好有鑊氣，味道濃郁，鹹香滋味，佐飯一流辣子金玉粟米條輕輕炸過後，加入辣椒🌶️香蔥條，炸蒜等等一齊炒，好香口惹味哦，令人食唔停口天天海南雞壓軸出場嘅米芝蓮星級海南雞！雞皮好薄，肉質超嫩滑，無肥膏，啖啖肉及鮮雞味濃，充滿新加坡地道風味，好好食呀天天石鍋雞飯由於健康關係所以轉咗做白飯，粒粒分明，有米香花好月圓最後仲有甜品——原味豆腐花，口感非常嫩滑，微微甜，充滿豆奶香，感覺好滋潤

今日去左天天海南雞食野，見到有個超值既2 人套餐，同朋友吾使諗，又咩都想試下就叫左啦！入面包一碟海南雞、油飯，辣炒粟米，湯，海蜇，椰菜花同豆腐花等等，2 個人食絕對夠飽！飲品選擇都超多，有酒有mocktail茅台等等，應有盡有～我叫左杯豆花咖啡，朋友叫左杯天葵山渣蜜！一上飲品估吾到咁大杯，而且配搭得好靚，有顏值又有內涵！飲落去好順滑！豆花配咖啡，有次次層次，山渣蜜都吾會太甜，有消滯既作用！海南雞好嫩滑，肉吾會好厚實，用個汁攪混，滑溜溜既感覺，仲有幾款醬汁！雞油飯值得一讚👍吾會太油，我比較鐘意！粟米用哩個煮法我都係第一次食，有喜出望外既感覺！好有鑊氣！而且更帶出粟米本身既鮮甜！另外個燉湯都幾特別，入面有菠蘿涼瓜，飲落去好清甜下火，岩哂秋天潤一潤！大家都可以黎試下😍

係香港的打工仔，OT得來，真係唔會想返到屋企煮飯再洗碗，所以我夜晚一般都係出街食飯，想飯咩就揀咩。早排做到攰攰地，就去了Element要食下好西。天天海南雞馳名中外，去親新加坡都必食。而位於九龍的天天海南雞，就集合多間必食的米芝蓮推介的菜式，可以一次過享用各個高質美食。天天海南雞有中份及大份兩個份量可以揀，海南雞上淋上鮮而不會咸的豉油。食海南雞最重要係雞皮！呢塊雞皮滑溜溜，入口油香滿口。已去骨的雞肉亦嫩滑無比，一咬滲出鮮雞味。唔好以為只係雞先正，呢到的油飯未食已經香噴噴，拌埋餸食真係好開胃。蒜泥豚肉係我呢餐飯的Best Pick，平時係連鎖米線店食的蒜泥白肉，蒜係多，不過加埋辣油，都幾重口味。呢到的蒜泥豚肉用了西班牙豚肉，加埋薄薄的青瓜片卷成一卷卷，除了食的時候方便，就連味道都Balance好多。豚肉卷本身不帶辣汁，大家可以隨自己口味去沾點。筋腩雙逢係用煲仔上的牛腩牛筋煲，佢係出自新加坡米芝蓮推介的老街坊，只要$108就有大大煲，真係抵食。呢到的牛腩炆得好入味，而且牛味重。不過我個人就比較鍾意牛筋，佢的膠質好重，入口有黏口的口感，加上切成一口的大小，食起來好方便。飲品都好多驚喜！超級水

閒日過黎element行街～夜晚見肚餓諗住係入面食埋飯，見到呢間餐廳係新加坡米芝蓮推介嘅餐廳，於是同女朋友入去嗌左2人餐，再加左杯桃膠菊花桂花雪梨茶。前菜先黎個脆爽海蜇，上面有幾粒馬蹄，非常爽口，食落去幾清新，而啲海蜇唔係平時一條條咁，而家一片片咁食，食落去幾新奇亦幾爽口開胃菜幾岩～另外個辣子金玉，一開始以為好辣，但其實都係超輕微嘅辣，而且好多炸蒜！炸得好香，送飯真係一流！將輕輕炸過嘅粟米🌽連埋啲炸蒜一齊食，非常脆口～岩晒我呢啲中意食香口野嘅人啦！而個湯，一揭蓋，啖啖嘅鳳梨香味一湧而上！再飲埋落去成件事好清甜！而且啲涼瓜亦唔會覺得好苦！岩先食完啲熱氣野～飲返啖沙真係可以清熱，幫手下火炒菜方面，有泰國捲心菜+椰菜花，而且係用馬拉盞炒架！好有穫氣，亦唔覺得辣！將馬拉盞嘅精華慢慢咁滲入去捲心菜+椰菜花🥦對於我唔係成日食菜嘅人，都不自覺夾多啲黎食呀重頭戲黎啦，海南雞配油飯！海南雞非常嫩滑！而且無脂肪係入面，再撈埋啲醬汁一齊送飯食真心一流！因為啲油飯真係好香油味！而且份量非常巨多！我作為一個飯桶，都不自覺咁食左兩碗半飯，因為啲飯本身已經好香味，將加埋啲滑雞+醬汁放份口，成件事好滿足招牌菜真係招牌

喺圓方睇完戲夠鐘食晚餐，又唔想出返去佐敦或者尖沙咀，所以就去試吓呢間天天海南雞飯，見到佢有個二人餐，唔使自己諗食咩，價錢又幾抵，一於試吓。之前佢啱啱嚟香港嘅時候聽過佢個名，話哂都新加坡過江龍，不過搵咗好耐都冇機會去試，今次呢個二人餐($428)包左一份天天海南雞(中size)，天天石鍋雞飯(1-2人份)，鴛鴦菜花，辣子金玉，脆爽海蜇，涼瓜鳯梨(鳯梨涼瓜燉龍骨湯)同埋豆腐花(花好月圓)做甜品。佢個餐牌似一本雜誌咁樣，最尾嗰幾頁仲有得買佢自己嘅紀念品，就算連碗碗碟碟筷子都可以買到，自己都有衝動買一套！因為真係好靚，而且仲要係我最鍾意嘅藍色，感覺好高貴同埋隆重。一開始係上咗涼瓜鳳梨同埋脆爽海蜇先嘅，個湯碗已經好架勢，而且睇得出係啱啱整起。自己本身唔食涼瓜，覺得好苦，不過呢一個湯係好清甜，完全飲唔到有涼瓜嘅苦澀味，每一碗仲有豬骨，飲得岀係用足料煲嘅。脆爽海蜇係冷盤，有芥蘭馬蹄同埋海蜇，馬蹄同海蜇夠爽，而且芥蘭唔會過老。熱盤有辣子金玉同埋鴛鴦菜花，前者係好似避風塘炒粟米咁樣，啲炒蒜同乾椒完全覆蓋左粟米，好足料，好惹味而且粟米好甜，有驚喜。後者就係馬拉盞鴛鴦椰菜花，都幾大塊，兩個人絕對夠飽。 天天