天下糧倉牛肉火鍋專門店

营业中

休息中

在香港真的最愛就是吃火鍋這次就來到專門吃牛肉的天下糧倉牛肉火鍋專門店這間只是開了大約2-3個月的新店因為是新店開張的關係所以在菜單上所有火鍋配料都是半價在旺角這個地方算是正常價錢吃火鍋要吃就吃2個不同味道的湯底我們點了鴛鴦湯底有潮汕牛骨湯和重慶紅麻辣湯鍋上來是那種現在十分流行的古代龍頭造型的鍋這樣的仿古中國環境也十分合適用這一種鍋具而且龍頭的部份是不傳熱的可以安心地調整位置不會一邊是滾的一邊不滾的情況出現差不多滾的時候待應就會交上剛剛下單的食物先來到的是吊龍伴吊龍伴是肉眼的邊緣只有小小的一塊帶點小油脂入口軟嫩牛味十足匙柄是在接近肋骨位置的肉帶一點筋但是吃下去不會像那種令人咬不斷的肉五花趾五花趾是比較稀少的部位筋比較多口感彈脆喜歡彈牙口感的人就很喜歡鴨血這個在湯中一直煮會吸收大量湯汁最後拿上去吃的時候超級好吃而且嫩滑無比炸響鈴 魚皮這個吃火鍋必備的就不用說了在店內還有電視提供環境也舒服跟三五知己一起來到這樣的吃火鍋也不錯

同朋友系旺角西洋菜南街行街，系街見到個banner寫天下糧倉，火鍋湯底及配菜半價，就上去一試試。湯底大約分三種，潮汕牛骨湯，翠綠麻辣湯，超濃羅宋湯。店鋪主打食牛，所以就點了一個潮汕牛骨湯。牛骨湯底有淡淡的牛肉香味，一開始味道不會太濃烈，因為之後加上配料，會愈滾愈濃味，所以湯底濃度剛剛好。到了今天的重頭戲，特盛A4和牛安格斯拼盤。 拼盤分左五款不同的牛肉，三種鹿兒島A4和牛，兩種安格斯牛肉。而每款牛肉大約四塊左右。鹿兒島A4和牛包括了西冷，肉眼及牛肩胛。三款和牛肥瘦分布均勻，食落無好油膩的感覺，加上牛香味重，而且十分軟熟，不太需要咀嚼便可進食。和牛只需下湯十秒，便可進食。安格斯牛肉包括了牛肩胛及牛頸脊。兩款牛肉味道都頗香，比和牛較有咬口，而且十分滑嫩，也是下湯十秒便可進食。另外點了火鍋配菜，都是普通的火鍋配菜，但亦是半價優惠，扺食。

同朋友係旺角想搵間打邊爐，可以坐耐啲，傾下計，就上網搵到呢間新開既火鍋叫天下糧倉，就決定去試試。一望個菜單，就發現呢度有不同部位既牛肉提供。既然呢度主打牛肉，就點了潮汕牛骨湯加牛坑腩牛筋，加幾款不同部位的牛肉。潮汕牛骨湯 (HK$62) 加牛坑腩牛筋 (HK$19) 。牛骨湯底雖然清淡，但有陣陣的牛骨香味。加了一份牛坑腩牛筋，份量頗多，一開始將牛腩牛筋放進湯底慢慢滾，在吃火鍋中途便完全軟熟，便可進食。極品肥拼 (HK$62）極品肥拼牛肉味重，而且較有咬口，但又不會太韌，剛剛好。胸口撈 (HK$62）胸口撈很香口，入口像一舊牛油，很淋很軟，牛香味頸重。鮮牛頸脊 (HK$68)鮮牛頸脊較滑嫩，入口較淋，係火鍋大概滾十秒便食得。另外order 了一些火鍋材料，包括三丸拼盤，魚皮，蔬菜等等。潮汕三丸拼盤 (HK$67)特別一提的是潮汕三丸拼盤，包括了牛肉丸，豬肉丸及馬鮫魚丸。牛肉丸爽口彈牙，而馬駮魚丸味道特別，很香口及彈牙。

在香港平時想找好吃的高質牛肉火鍋店一般都很貴，沒想到這次誤打誤撞找到了性價比高的高質牛肉火鍋+68$仲有任食火鍋配料原來這裡火鍋底還可以雙拼的，這次就選了潮汕牛骨湯和超濃羅宋湯，一上爐，看到這裡的鍋好特別，是用龍頭做手柄湯底好香濃，配料十足，好有地道潮汕菜既風味。新鮮煽牯牛拼盤吊龍伴，極品肥胼，三花趾，雪花脖仁，牛頸脊，匙抦，挽手這個牛拼盤一上碟就忍不住相機先吃，你個牛拼盤包含了很多不同的牛肉部位，一次過嘗盡不同部位，我最喜歡吃三花趾口感爽脆好似牛舌的口感讓人回味無窮。海鮮拼盤海蝦，元貝，蟶子很大，加上田螺潮汕牛肉丸，手打的牛肉丸，爽口彈牙任食的火鍋配料，大部份打邊爐的配料，烏冬，響鈴配湯底很不錯值得一嘗他們的餃子🥟味道挺特別

忙左一排，完全沒時間。同埋呢一排真係出少左街食飯。不過火鍋怪又出現喇！早2-3個星期同朋友傾開計，佢介紹話係旺角有間打邊爐都唔錯，人又唔算多，可以靜靜地傾下計。禁難得平日終於有時間，就渣左架車去旺角，泊左係家樂坊。老老實實，係旺角泊街一陣還可以，我真心唔夠膽係旺角泊街。泊好車就行去今日目的地：天下糧倉牛肉火鍋專門店！內裡裝修都幾得意，唔知點解令我諗返起細細個打吞食天地🤣好多野都做半價。我地一人揀左一個一人餐，再加$68變配料任食任飲。野飲任飲我叫左一個海鮮拼盤，一個A4和牛拼盤。湯底叫左個鴛鴦湯底，潮汕牛骨湯拼重慶翡翠綠麻辣個牛湯我都飲左2碗海鮮拼盤有大虎蝦，聖子，扇貝，青口，脆鯇腩，東風螺海鮮新鮮！打邊爐真係好少食東風螺，又幾好味！A4和牛拼盤就有鹿兒島A4牛肩胛，宮崎一口牛啲牛唔差喎！一口牛重好有肉汁！佢啲手工餃同雪吞幾好食，我叫左幾轉🤤打邊爐又點少得金菇同烏冬🤩煩囂嘅鬧市中的一片綠洲！

今日就喺旺角百利寶商業大廈上面嘅樓上餐廳, 食咗個豐富嘅牛邊爐, 餐廳有好多特別嘅牛嘅部位都未試過, 今日就同朋友去試下個價錢只不過係178, 另外再另外加68蚊可以任食火鍋配料拼盤方面非常之特別吊龍伴, 金花趾, 牛頸脊, 匙肉, 挽手腩配咗潮汕牛丸, 另外仲有蔬菜拼盤 蔬菜拼盤, 我相信餐廳真係嚴選, 佢嘅菜非常的爽脆, 仲有非常新鮮湯底配咗雙併, 唔辣既牛骨湯, 清甜, 麻辣胡椒湯, 辣得呢非常之過癮店賣的是煽牯即是已閹割的黃牛, 變成牛味更濃, 夾落去一灼，會有口感彈牙吊龍伴, 有口感, 肉味好香金花趾非常爽口牛頸脊有咬口匙肉肉質香挽手腩相對其他部位有較多脂肪, 脂香豐富

為牛魔王而生既餐廳秋風起，就3蛇肥! 秋天最岩就梗係瘋狂打邊爐啦! 今日來到旺角既天下糧倉牛肉火鍋專門店，名乎其實就係專食牛既。唔知大家有冇去過內地食潮汕牛肉火鍋，呢間就似潮汕既升級版。呢到係類似日式加潮汕牛肉火鍋咁。簡單講就係為牛魔王而生既餐廳。來得食牛既專門店當然唔會只得普通牛肉或者肥牛，呢到係非常專業。牛肉拼盤由唔同嘅牛部位組合，由吊龍、匙柄到安格斯都有，而且仲擺得非常靚，相機食先之餘，味道亦都非常好。每一個部位既肉質，牛味都各有特色。一定要每食一口，都要清清個口，組嘗每份牛既味道。至於湯底，個人就建議揀潮汕牛骨湯，因為味道濃郁而且清甜，最配滾牛。佢其他既火鍋配料都唔差，例如丸，菜、餃子等等。當然牛丸又係呢到既必嘗之品!

現在火鍋店實在有很多選擇，各有特色，有的以優質服務作為賣點，有的以專門食材為賣點，天下糧倉便以牛作招徠。這裏的牛有很多款式，有香港較為少見的騸牯牛（即是牛公公），據聞公牛被閹割後的激素較少，脂肪分布會較平均，而且能夠嘗試一些刁鑽的部位，所以特地想來試一試。這裏可以選擇單點，或者是叫一個套餐再加$68任食其他配菜。湯底有辣有唔辣，我們叫了一個鴛鴦鍋（潮汕牛骨湯及重慶翡翠綠麻辣湯）麻辣不算是超級辣但有麻香！不錯不錯！我們叫了新鮮騸牯牛拼盤（$178）及海鮮拼盤（$178）套餐，騸牯牛拼盤有七款牛的部位例如匙柄、牛頸脊、三花趾、吊龍伴等等，每款有兩件，餐廳貼心地把每一款肉標籤，所以會知道你吃的是什麼部位。牛肉的賣相的確不錯，而且肉味濃，比較有嚼勁，但可惜個人來說吃不出不同位置有太大分別。海鮮也算是新鮮的，配菜的選擇也有很多，當然不少得的是任飲汽水！

已經第二次黎到天下糧倉，對上果次佢仲系岩岩開張，今次黎到好熱鬧，多左吾少枱客系到。今餐系任飲任食兩小時打邊爐，但店家個份量控制得好好，吾會造成浪費食物。🔷超濃羅宋湯拼重慶翡翠綠麻鍋 💙75/100 跟拼盤套餐會包埋湯底，如果吾叫套餐而單點食品既話呢個湯底就要＄72。羅宋湯放左洋蔥、鮮蕃茄 ＆ 芹菜，系屬於飲得既湯底，朋友都飲左好多碗，好岩平時食飯中意揀紅湯黎飲既親朋戚友仔。另外辣湯果邊有青辣椒、紅辣椒、京葱＆花椒，成煲野其實好辣但個顏色同平時食開既好吾同，完全吾系紅海feel之餘表面又無果種好多油既油膩，D油真系分分鐘仲少過我塊臉。🔷新鮮煽牯牛拼盤 💰178 💙75/100(吊龍伴/極品肥胼/三花趾/牛頸脊/匙柄/挽手/雪花脖仁/潮汕牛肉丸)套餐有7款吾同既牛部位，每款肉都有木牌仔注明，食完都吾會吾知自己食左咩部位。雪花脖仁食小小似牛展D frds，系一塊有咬口既部位，有個系叫鮮牛頸脊幾嫩口，吊龍伴細細舊但肥瘦可以咁平均，總括其實牛既品質絕對吾差，個份量就每款有2-3塊。🔷海鮮拼盤 💰178 💙70/100海鮮包括大隻虎蝦、蟶子、扇貝、脆肉鯇、東風螺＆青口等，卡比同朋友最為欣賞個大隻虎

天氣雖然好熱，但都唔影響大家打邊爐嘅興致！我哋今晚去咗旺角一間樓上鋪，新開嘅火鍋店，冇乜人知，所以唔使等位就有得食。餐廳提供套餐，有一盆肉加一啲無限點嘅火鍋配料！我哋揀咗兩個牛肉拼盤，肉類嘅份量十足！每一款牛肉都寫明係邊個部位，感覺即刻好似去咗日本食燒肉咁樣～牛肉有肥有瘦，每一款都肉味好濃郁！滿足到大家嘅要求！ 我最鍾意牛小排，脂肪唔多，肉質好好！相比起牛肉，火鍋配料質素就比較普通。我哋要咗響鈴、丸、芝士腸、蔬菜等等。呢度飲品任飲，選擇唔算超多，朋友呢款好好味嘅牛蒡茶！呢度打邊爐價錢唔貴，值得encore！下次試吓佢啲海鮮！

位於旺角人流勁多地方，在西洋菜街嘅百寶利商業中心5樓發現一間環境簡潔，價錢適中嘅火煱店。。當然要一嘗丫！消費套餐可加$68可任飲+食火鍋配料。。正丫我地3人order左3個拼盤:分別為海鮮，豚肉及牛肉拼盤！真係好新鮮，牛有6款不同部位，豚肉都有4款。。正丫😍吊龍伴食落夾口，牛肉味濃你睇。。極品肥胼周邊圍住肥肉，食又淋又滑，果然極品匙柄肉質鮮嫩，沒有一點肥肉。。怕肥嘅你食呢個最滿足海蝦夠鮮甜，肉質彈牙又爽口選了個鴛鴦鍋:麻辣拼羅宋湯，再加個炸魚片，脆卜卜。。浸湯食一流！麻辣湯嗰邊越滾越辣夠過隱丫🤭

今晚同朋友去了這裡打邊爐，試了間唔錯嘅火鍋店，位置都好方便，雖然唔係啲大商場或新場，但勝在價錢同食物質素都唔錯，而且點了個套餐再加多$68就可以任食其他火鍋配料！兩小時絕對可以食得飽！今晚點了新鮮煽牯牛拼盤，一個價錢有唔同嘅位置，而湯底就點了鴛鴦湯底，潮汕牛骨湯同重慶翡翠綠麻辣，兩種口味各有特色，個人較喜歡個潮汕牛骨湯，味道夠晒濃郁，配埋個新鮮煽牯牛拼盤，就真係最佳配搭！而呢個煽牯牛有成七款不同位置，而個人覺得三花趾最為好味！三花趾紋路明顯，口感也更為脆彈。這個拼盤裡較彈牙的筋肉感吧，而任食火鍋配料都分量十足！如果下次同朋友出開附近，這裡又係一個唔錯嘅地方！

上次同朋友仔嚟試過呢間主打食牛肉火鍋嘅覺得唔錯，今日出開旺角，又突然之間好想食佢哋嘅麻辣鍋，就嚟上咗嚟食喇。佢哋而家做緊半價，點餐嘅方式係先揀一個拼盤，有海鮮或者係牛肉豬肉揀，然後加$68就會有其他一般火鍋料任食，韓式飲品任飲，加加埋埋大概$300一位，MK黎講價錢都唔係平架。一般人通常都會揀一個鮮牛肉嘅拼盤，因為可以試晒唔同部位嘅牛肉，今日我都唔例外，嗌咗一個新鮮煽牯牛拼盤，拼盤嚟到之後發現比上次嘅份量少咗，而且肉切得比較薄影響到口感，所以就算係計半價價錢($178)，都算係偏貴。當然，喺香港食新鮮牛肉，總係不便宜啦。同埋佢地可能唔夠人／新手，D野食係黎得超慢，加單嘅時候差唔多訓著都未黎。好在湯底都仍然唔錯，個人非常鍾意食麻辣湯底，但偏偏又好怕好油嘅野，非常矛盾。所以我好中意佢哋嗰個翡翠麻辣湯底，佢係同一紅油嘅麻辣湯底係好唔，冇咗上面嗰層紅油，只係有青辣椒同埋花椒，所以食落去係好清同埋非常之香。當然啦，佢會越煲越滾越辣，所以如果怕辣嘅朋友，就記得係半路要撈起D辣椒，否則就會太辣㗎喇。另外今日都試咗佢哋嘅牛骨湯底，都唔錯。因為湯底可以雙拼嘅關係，所以每一次都會嗌一個辣一個唔辣，咁就可以

今天去到旺角，想找一家打邊爐的店，無意間就上網找到這店吃火鍋。一進去，不像傳統的火鍋店，環境寬敞，整潔， 十分闊落。進去叫了兩個套餐。每個套餐也是一人份量。好味的是新鮮牛拼盤，來到後，賣相像是A5和牛，有一個小牌子在每種牛肉旁邊介紹。吃下去每種肉質也不同，每款大概有四片，分量剛剛好吃。肉質新鮮，不會太硬或太髮，味道好。另外加了$68，可有自助任食的食物，其中叫了很多響鈴，蔬菜，訓練佢，和芝士丸。湯底方面，叫了鴛鴦湯底，有麻辣湯和牛骨湯底。味道10分濃郁，食材也吸收了味道， 10分開胃。環境舒適寧靜， 十分適合友人相聚及談天說地。

平日和朋友去百寶利中心都是買東西，而昨晚去吃東西倒是第一次，若不是朋友帶我來天下糧倉牛肉火鍋專門店吃火鍋，我真的沒留意這裡有食肆，而且位置相當便利。朋友曾經吃過天下糧倉一次，她說新鮮煽牯牛拼盤味道一流，潮汕牛骨湯和重慶翡翠麻辣湯更令她留下深刻印象，她抓了我來一起解饞，齊齊吃飽飽。沒幾分鐘，滿桌蔬菜，海鮮與肉品連同湯頭一起送上桌，我們看得超爽，很久沒吃過那麼豐富的火鍋大餐，我開動了。潮汕牛骨湯如清泉般清澈，散發出淡淡的牛骨香，牛骨湯喝來很讚。另一邊重慶翡翠麻辣湯十分驚喜，紅紅綠綠的辣椒，乾辣椒，花椒及大蔥漂浮著，湯底毫不油膩，與一般麻辣湯不一樣，香辣不嗆，別有一番風味。任食火鍋配料選擇丸類，餃子有十多款可選，我們一口氣點了九款配料，若有喜歡的可以額外追加，這樣較不會浪費食物。芝士松板絲絲芝士流出，讓人回味無窮，麻辣包彈牙無比，過癮得很。金黃的龍蝦沙律包包覆龍蝦沙律內餡，輕輕咬下，熱騰騰的餡料爆漿而出，好吃極了。瓜子雞餃，鮮蝦豬肉餃，手工雲吞跟手工韭菜餃餃皮厚度均勻，內餡飽滿，放到重慶翡翠麻辣後煮味道更佳。我們點了一大堆蔬菜，包括蘿蔔，冬瓜片，金針菇，娃娃菜與唐生菜，立刻把它們通通下鍋滾煮