天下糧倉牛肉火鍋專門店

营业中

休息中

開始踏入秋季，又係瘋狂打邊爐嘅季節，雖然有時仲會有成30度，但係呢個打邊爐喺香港人嘅文化，相信亦都唔會有人覺得奇怪。以前食牛就淨係會得或牛肉或者肥牛，而家越食越刁鑽，有唔少火鍋店都推出牛肉拼盤，由唔同嘅牛部位組合，當然除咗相機食先，味道亦都不俗。呢一日就同牛魔王男朋友嚟咗呢間新開嘅火鍋店佢嘅牛肉拼盤都有幾款可以選擇，肥瘦均勻，肉質鮮嫩，另外可以加錢點任配任飲任食嘅配菜，例如丸，菜等等。鍾意食牛嘅朋友一定會鍾意呢間嘅湯底，其中潮汕牛骨湯非常驚喜，唔好睇佢顏色淡，但係味道超濃，濃之餘因為加左粟米，所以都有清甜感覺。

前幾日同女朋友仔Happy Friday 就去咗食呢間新開業無耐嘅好西！平時女朋友好少會打邊爐，因為覺得坊間大多火鍋店質素太差寧願唔食，但呢間佢睇完Menu已經勁想食！雖然肉類唔係任食，但正中女朋友嘅心水，因為單份叫嘅肉先係最新鮮最靚，新開業期間仲半價，勁抵食！我地一人叫咗一個拼盤，分別係頂級豚肉同煽牯牛，店家將兩份拼盤放埋一齊牛嘅部位款式好多但每個部位都只得2片肉，而豚肉只有4個部位但就好多片，各有各好食！牛部位多，有好多好得意嘅部位名都未見過！平時食開都係普通嘅美國雪花肥牛，今次呢啲唔同部位嘅靚牛肉，真係食得出啖啖肉都同平時食嘅味道、口感好唔同！非常鮮甜！而且又較厚切，非常軟腍腍，勁正！豚肉都好鮮甜又夠肥美！另外+$68有任食火鍋配料+任飲！我本來以為係普通嘅火鍋配料，點知又係勁高質質素！尤其係手工餃，完全係外面食唔到嘅質素！超鮮甜！

我哋3個人就揀咗豬x1份同牛x2份，豬肉有啲臭臭地，可能叫豬味， 豬肉丸太鹹 ，每位139蚊，牛肉肉質ok好味, 由其是牛肉丸，但係圖片上嘅份量係二人份量囉，每人要113蚊。再加任飲68蚊每位，再加醬料10蚊每位，再加一每位，一d都吾抵。飲品和醬料選擇太小， 初頭以為係任食，原來不是任食豬牛海鮮，係每人得一份。 其他配料就可以任食。上菜時間太慢。如果肚餓就不用考慮。最重點因為之前是貓貓Cafe, 機本裝修是和以前一樣，只是多了麻包袋包一包住d 冷氣槽。感覺怪怪的。

平時要食牛肉火鍋要特登北上深圳食，香港好似搵極都無咩性價比高的牛肉火鍋🍲嘗試過好多間唔係牛肉唔太新鮮就好貴。但！今日居然唔打唔撞比我搵到一個性價比好高，又唔貴，但好高質的牛肉火鍋店，真係太太感動！天下糧倉位於旺角百寶利中心5樓，直接招牌寫住： 牛肉火鍋專門店，主打牛肉加半放題打邊爐，所以抱住好高期望去食。✔️餐牌上有幾款肉類海鮮拼盤比大家選擇，我們揀左安格斯牛肉拼盤$113 和新鮮煽牯牛拼盤$178，因為鍾意食牛冇計啦，而且價錢會唔會太平，再升級加$68任食火鍋配料和飲品，實在不得了。✔️湯底係鴛鴦鍋有潮汕牛骨湯+羅宋湯✔️湯底一上枱，見到牛骨湯撈起好多蘿蔔同牛腩，另外羅宋湯超濃郁，好有蕃茄味。個羅宋湯底好足料，唔係罐頭湯，有好多牛腩粒喺裏面，個湯已經好好飲，我不停甘食湯入面的牛腩粒，呢個湯底價錢講緊鴛鴦湯底只係$76！甘高質真係去邊度搵🤤🤤🤤🤤係自助區攞埋醬油同飲品就開始品嚐是日火鍋。佢會將2個拼盤擺埋一齊。新鮮煽牯牛拼盤賣相豐富，裡面包括左好多唔同部位既牛肉，每款2-3塊，令你可以食到多款特色部位，每款食落口感都好好，好重好重牛味，建議唔好燙太耐，8-10秒即可！特別推介雪花脖仁、三花趾

得糧倉得天下，我朋友講到好似打機咁，佢話帶我去食火鍋，價錢平靚正嘅！地點好方便，我以前幫我姪女買BB野都嚟過旺角百寶利，排隊等lift 條龍永遠都咁長。一入門口就見到補給站，放滿左醬料而且雪櫃裏便嘅罐裝飲品可以任飲。消費模式好簡單，我叫一個拼盤套餐，加$68就可以享用指定任食火鍋配料。我今晚就想試吓海鮮拼盤 $178，原價本來要三百幾蚊㗎！而家新張期內做半價優惠真抵食！海鮮一啲都唔Hea，有大虎蝦、聖子、扇貝、脆鯇腩、半殼青口、東風螺。全部都新鮮甜美，海鮮最緊要新鮮，水潤都特別有光澤。入口鮮甜彈牙冇腥味。尤其是我哋食重慶翡翠綠麻辣，湯底又辣又刺激，食東風螺特別有風味。大虎蝦、聖子、扇貝我就鍾意放落潮汕牛骨湯嘅湯底，因為比較清，可以食得多海鮮嘅原汁原味。任食火鍋配料選擇都好豐富：麻辣包、芝士松板、炸魚皮、鮮蝦豬肉餃、手工雲吞、炸響鈴、手打烏冬⋯全部質素都合格以上。一班朋友一邊食一邊傾計，快快樂樂又一餐。重點係個拼盤真材實料全部人都讚！下個月相約一日再來幫襯。

之前同朋友返大陸食過潮汕牛肉火鍋，食過一次就上哂癮，成日心思思想再去食，但次次返去都幾花時間。近排發現原來香港都有潮汕牛肉火鍋食，而且口碑唔錯，今日終於book咗枱嚟食啦餐廳裝修非常有特色，而且地方企理舒服。最正嘅係，新張期內餐廳做緊優惠，有很多都做緊半價！我地點咗兩個拼盤：新鮮煽牯牛拼盤同埋海鮮拼盤湯底方面，食潮汕牛肉火鍋用牛骨湯底就基本啦，另外我地都鍾意食辣，就揀咗個少啲見嘅重慶翡翠綠麻辣。牛骨湯底很足料，湯底清甜，最能食出牛肉的味道；綠麻辣湯底本身以為會好辣，但原來唔係非常辣，而且會有麻的感覺，配海鮮食就一流牛拼盤有7個牛的不同部位，包括有: 挽手、匙柄、吊龍伴、鮮牛頸脊、三花趾、雪花脖仁同極品肥胼，另外再跟兩粒潮汕牛肉丸。不同部位有不同的肥瘦和質感，牛味亦很濃，同埋都睇得出啲牛肉色澤比較紅，是很新鮮，即叫即切，沒有平時打邊爐的那種雪藏味海鮮拼盤有6款海鮮，包括有: 大虎蝦、聖子、扇貝、脆鯇腩、青口同東風螺，另外再跟兩粒潮汕馬鮫魚丸。海鮮都很新鮮，值得一提係粒扇貝淥完後都好大粒、好甜，同脆鯇腩唔係平時食的脆鯇片，係魚腩比較嫩滑的部分 (記住小心魚骨)除咗拼盤，另外仲有任食指定的火

熱都照來@天下糧倉牛肉火鍋專門店地址: 旺角西洋菜南街1A-1K百寶利商業中心5樓自一年多前開始走low carb 飲食路級，由以往一年中冬天才打邊爐數次，變成一個月至少會去數次（其實我是一日2餐都外出食，即一年至少出街或外賣共730餐）瘋狂的我今天又去了間新開邊爐,因唔食麵食就非常安全，當然要注意湯底有沒有添加啦！入坐後便挑湯底等廚房準備打邊爐牛肉一定是主角啦。牛肉拼盤包括了不同部位，讓愛吃牛的朋友大快朵頤啦！火鍋配料任食，就是我上場時間了，大量的菜同菇，蔬菜種類多而新鮮。也有丸類及不同肉，如豬雞魚海鮮等，不多描述了，客人多輪轉快那有不好吃的理由呢麵都有，若是無澱粉質不歡，以麵食作修尾即飽飲料也是自助的，只是加$68 便享有任食火鍋配料加任飲了每人收費都是坊間合理價錢範圍內，$300左右！

朋友成日返深圳食牛肉打邊爐，佢話深圳啲牛肉又平又靚，仲可以食到啲特別嘅部位。原來天下糧倉都好多靚牛肉食！每一件都寫明係邊個部份，真係每個部份都唔同口感！湯底有幾款可以揀，我哋要左牛骨湯同埋麻辣湯。牛骨湯味道都幾濃，麻辣湯更加好味，味道好香，唔會太辣。我哋兩個牛魔王揀咗兩款牛肉套餐，每件牛肉都好好食，各有特色！三花趾口感最好，爽爽地，好正！肥胼都正，油香十足！除咗牛肉，個套餐亦有好多配料可以點，不過其實食咗咁多牛肉已經好飽，我哋點咗啲瓜、炸魚皮同埋公仔麵就收手了！牛魔王對今晚嘅晚餐好滿意，下次可以唔使去深圳咁遠lu~

前排係FB見到有間好高質嘅火鍋店開業，主打靚牛肉，新開業期仲有半價優惠，真係超抵食！同加$68就可以任食都好高質素嘅火鍋配料！🐮新鮮煽牯牛拼盤 $178（原價$356）煽牯油花多，且牛味更濃，而且成個拼盤都有好多未聽過嘅部位食🙈仲有個牌仔話你知邊個部位整體質素都非常高，新鮮厚切油花分布均勻，當中最好味嘅我覺得係極品肥胼，即五花腩中嘅雙層肉，入口牛味極濃、極軟腍，仲會爆汁，超甜！雪花脖仁，即牛頸脊芯(一頭牛頂多只有1至2斤)，則口感勁爽，完全唔似係牛肉質感，但牛味依舊濃😋牛肉丸爆多汁極甜，又彈牙💦.🐷頂級豚肉拼盤 $139（原價$278）相比起煽牯牛拼盤，豚肉拼盤嘅款式明顯較少，只有4款肉，但份量會較多好味嘅豚肉有時候會比牛肉更好味，4款豚肉都係好高質素，新鮮肥美就一定，有厚切有薄切！當中最令我驚訝嘅係西班牙黑毛豬腩肉，好嫩口，非常鮮甜肥美又多汁😍.另外有幾款火鍋配料我係極力推薦大家一定要食，龍蝦沙律包皮稍硬但個餡好飽滿又甜，麻辣包微辣惹味但要小心燙口，手工烏冬幾滑嫩，最愛就係手工菜肉餃肉汁多皮夠薄又入味，比米米媽包嘅更好味(第一次食有餃子好味過米米媽包嘅)！

出完旺角買嘢同朋友去搵夜晚食咩 咁啱搵到呢間天下糧倉新開張期間 指定嘅有半價優惠 仲有得食牛啊 咁就梗係好吸引去食啦😋😋😋個裝修都幾特別 一入去就聞到人哋其他人火鍋嘅味道 已經好肚餓因為實在太香...咁梗係揀咗牛先啦 之後見到加$68就有火鍋任食同埋配料 作為吃貨嘅我同埋朋友梗係唔會錯過呢個咁好嘅機會啦🤩 依家牛拼盤方面都有好幾仲可以揀 就睇返自己口味去揀啦 有安格斯牛肉拼盤 頂級豚肉拼盤 A4黃牛拼盤等等嘅拼盤可以揀!!!!揀完拼盤呢就可以揀湯底啦 識揀嘅梗係揀鴛鴦湯底啦 有得一次過滿足你兩個願望！與火鍋嗰邊呢就應有嘅都仲有嘅 有好多唔同嘅丸類 最有特色嘅同唔可以重過嘅計手工韭菜餃手工菜肉餃同埋手工雲吞呀😋😋😋咁係等食嘅期間 記住去你個補給站到整返一個啱自己口味嘅醬料啦... 仲有飲品都係任飲㗎 所以真係超抵值回票價！呢度嘅牛真係好新鮮 最有特色嘅呢評判食物係會介紹你食緊嘅係邊一個部位 一方面係食你 另一方面係長知識🤣呢間做緊限時新開張優惠嘅牛肉火鍋同拼盤真係好抵 又高質嘅食材有新鮮 服務態度又好 已經bookmark咗會再戰!

係旺角行完街揾地方食飯，打開openrice，發覺這間新店食牛火鍋，價錢不貴，朋友話即管去試下。由於這店開係商業大廈樓上而又是新的，所以不太多顧客，坐落不似一啲任食火煱那麽嘈吵，非常舒服。食物可以散店或套餐，套餐包加68蚊可以任飲及任食拾多種食物。我們叫了一個海鮮拼盤和新鮮牛胼盤，每款套餐都係一人份量。食物上枱賣相實在一流，有哂標示，知道自己食緊牛邊個部位，直得一讚。不同部位有不同口感，最爽口是三花趾，極品肥胼係最諗滑，其餘都諗和有肉汁。海鮮拼盤有蟶子，蝦，元貝，青口，非常新鮮。而任叫食物有雲吞，豬肉餃，黑椒牛丸，金菇，魚皮，不同種類蔬菜。而這類食物不會因為任叫而沒有水準。

二人入場一個叫牛個set 一人叫海鮮set$178每款牛得兩塊牛質素一般$158海鮮都唔見得係口新鮮貨加$68任食火鍋配料，但種類唔多飲料只有樂天既，可樂各樣都無我諗應該要另外續罐計錢先有。二人埋單5百幾，總結做得食市就唔好咁孤寒，本身食物質素已經唔係太好咁既價錢埋單仲要孤寒到咁，叫啲食客點樣敢做你回頭客呢。

打邊爐真係冬天夏天都會想食🤣今次見有優惠好似約抵就黎試下🤭好好唔洗加錢就有兩個湯底，唔會食到厭。朋友唔食辣就揀咗個番茄🍅湯，另一個就試下特別嘅青麻辣，真係同平時食開嘅唔同，顏色青bb,放咗好多辣椒🌶️。 食落冇麻辣咁濃味，但麻味勁啲。 如果唔係食好辣，要早啲筆走啲辣椒，唔係會越滾越辣。好搞笑😂 醬料區叫補給庫，正常嘅醬料都齊，鼓油帶酸。我地叫咗海鮮同牛拼盤。蝦好鮮好食，牛會食到唔同嘅texture。加咗錢食配料，飽死......

朋友推介間新開牛肉火鍋,作為一個牛魔王🐂當然要去幫襯下啦！ 入到去叫左個新鮮煽牯牛拼盤😋湯底揀左潮汕牛骨湯。落完單侍應提示我去補給站有豉油配料可揀,若然多幾樣醬料可供選擇就更加好了。 旁邊有自助飲品櫃,套餐包埋任飲，咁就唔怕飲飲下又要落order要等啦。 湯底一上，嘩!差啲比個龍頭嚇親😲非常有霸氣。牛肉拼盤到左,當然相機食先。 就咁睇已經要考究下，因為有7種唔同部位既牛,當中我最中意就係雪花脖仁,牛頸脊同埋挽手。 3款都係牛味重而且入口鬆化,去其他普通火鍋店,跟本唔會食到。真係一級享受💕. 呢到加$68有得任食火鍋配料,所以點多幾樣食物，雲吞，響鈴呢啲打邊爐必食既野當然唔少得啦!下次會再黎,試A4和牛拼盤！👍

呢日見到有間新店 見到有優惠 即刻試試餐牌可以睇圖先湯底：牛骨湯清甜 無油 麻辣幾香 食唔到麻辣都可以試唔算太辣 唔油 醬料同野飲任拎醬料：沙嗲醬好香野飲都係以健康為主 都係韓式飲品牛類：靚牛 三花路同挽手幾爽口 高質海鮮都好新鮮 最好食係蝦 螺有小小沙魚好夠鮮甜 但要小心有2-3條細骨另加$68就有任食火鍋配料 手工雲吞同手工菜肉餃好足料除此之外 佢地期間限定 都有啲半價優惠例如一d海鮮拼盤和牛拼盤都有半價優惠整體好抵食 比like