天下糧倉牛肉火鍋專門店

营业中

休息中

天氣雖然好熱，但都唔影響大家打邊爐嘅興致！我哋今晚去咗旺角一間樓上鋪，新開嘅火鍋店，冇乜人知，所以唔使等位就有得食。餐廳提供套餐，有一盆肉加一啲無限點嘅火鍋配料！我哋揀咗兩個牛肉拼盤，肉類嘅份量十足！每一款牛肉都寫明係邊個部位，感覺即刻好似去咗日本食燒肉咁樣～牛肉有肥有瘦，每一款都肉味好濃郁！滿足到大家嘅要求！ 我最鍾意牛小排，脂肪唔多，肉質好好！相比起牛肉，火鍋配料質素就比較普通。我哋要咗響鈴、丸、芝士腸、蔬菜等等。呢度飲品任飲，選擇唔算超多，朋友呢款好好味嘅牛蒡茶！呢度打邊爐價錢唔貴，值得encore！下次試吓佢啲海鮮！