天下糧倉牛肉火鍋專門店

营业中

休息中

依家出去揾食，真係要揾樓上鋪先得，點解？因為有質素，有特色，價錢又經濟，今日俾我揾到間位於旺角百寶利商業中心五樓既火鍋店，點解話有特色，因為佢d牛肉係特別既部位，唔係平時食開既肥牛，依d特別位，你平時真係要返深圳先食到，今次竟然係香港就食到，而且仲要每塊牛肉都有個牌仔講係咩部位，如果唔係真係食完都唔知食左邊個位，講番環境先，好乾淨好舒服餐單選擇好多，擦左個牛拼盤再加$68,有任食火鍋配料我地叫左個雙拼湯底，一個係綠麻辣&牛骨湯底，第一次聽綠麻辣湯底，依個湯底唔會好似紅麻辣湯底咁多油，而且以麻為主，非常值得試，去到最後恰麵，菜，做湯底一流我地2個人食叫左個牯牛拼盤+海鮮拼盤，d牛肉好好食，每個部位都有獨特既口感同味道，海鮮都好新鮮+$68任食配料都唔求奇，有好多選擇，仲有好多手工餃，細細粒，剛好一口一件，皮薄餡靓飲品種類都唔少，仲要好多都係韓國飲品，最特別係律膀茶&薑母茶，平時出面真係好少見最後得既總結係服務一流，野食好背水準，+$68任食配料一d都唔馬虎，下次要約多d朋友黎試先得

行下街行到食飯時間，開始覺得肚餓，同朋友一齊去搵火鍋食，搵左幾間一係太多人，一係太貴，一係坐得唔舒服，最後搵到天下糧倉。一入到去，感覺好舒服，唔會坐到背貼背，價錢又唔係貴，食物方面都好豐富。牛都有6種類型，可以一次過食到唔同的部位，又唔會怕唔鐘意食，有d部位出面真係無見過，或無試過，今次可以一次過試多d，全部部位都好新鮮，無雪藏味。海鮮方面，出面火鍋有的佢都有，拎出來時候唔會見到雪，應該係當日新鮮買的。飲品有好多其他的選擇，唔係出面見慣的可樂芬達雪芬咁。基本上火鍋食來食去都係果d，係佢先比到新鮮感我，下次會再來食。

最鍾意試新野~今日揀左呢間位於旺角新開既火鍋店開餐!新張期內指定項目半價, 好抵食丫店舖唔算大, 最好BK定枱~店內有幾部電視, 唔怕食食下會悶喔餐牌可選拼盤套餐或單點~拼盤套餐+$68就可任食火鍋配料拼盤有牛, 豚肉同海鮮選擇單點就多D選擇, 各適其適~我地點左套餐+$68任食~所以飲品都係任飲呢!!補給庫--自己醬料區~鴛鴦鍋 (潮汕牛骨湯+超濃羅宋湯)2個湯底味道濃郁, 十分足料!!!同朋友每人叫左一個拼盤套餐~分別係安格斯牛肉拼盤&新鮮煽牯牛拼盤上枱好澎湃喔!!! 多款牛既不同部位~好大碟, 好抵食丫全部牛都非常新鮮~肉質鮮嫩軟腍!!牛丸仲好彈牙添!!!牛魔王一定不能錯過任食配菜~配菜都有幾多選擇, +68超值!!飲品任飲

打邊爐癮發作,但得自己一個人,搵自助式邊爐最岩。呢間係主題餐廳,以糧倉為主題。有D擺設同牛鬼蛇神咁,連個爐都好勁呀!有D圖案。我叫左個海鮮餐,D海鮮真心係新鮮的,全部都好岩我食!連蟶子都有,正正子!然後我就可以任點其他配料,叫左公仔麵,生菜,粉絲仔,腸仔咁,好大條好脆,最正係有好幾款手打雲吞,餃子咁,好有誠意。丸都有好幾款,大食既人好岩食! 我就食完成碟海鮮已大滿足。呢度有個自助飲品COUNTER,又係任飲,仲要係台灣同韓國既飲品,實在好唔錯呀!只係狂飲野都抵返晒!湯底我叫左個牛尾湯,肉都係好新鮮,個湯底好飲呀。呢度勁近油麻地MTR,張檯亦好大,仲有幾部大電視。服務員態度都幾好,價錢合理,有質素,下次會帶朋友黎。

今次又去左點食都唔會厭嘅火鍋，約埋好友一齊去了呢間火鍋店開飯，係餐牌上有幾多選擇除了自選火鍋配料外，仲有多款特色套餐組合提供，已包括所有食物同飲品夠晒超值有咁多選擇真係要諗一諗，最後都係點左呢個新鮮煽牯牛拼盤，因為鍾意食牛冇計啦，再升級埋任食火鍋配料，至於湯底係鴛鴦鍋有潮汕牛骨湯同重慶翡翠綠麻辣鍋兩種口味係自助區攞埋醬油同飲品就開始品嚐是日火鍋，先來當然係主角新鮮煽牯牛拼盤賣相豐富，可以食到多款特色部位配埋潮汕牛肉丸真係嗱嗱聲食件鮮嫩牛肉，放入湯底輕輕燙一燙就得，入口啖啖嫩滑味濃厚，想要食得刺激可放入麻辣鍋吸收湯汁更加滋味，點埋香油咁食中和一下當然每款肉都有D不同，尢其係雪花脖仁、三花趾、匙柄、吊龍伴同挽手，平時比較少食到估唔到肉味香濃口感飽滿品嚐完一輪美味牛拼盤，再食下其他火鍋配料先至滿足有手工雲吞、韮菜餃、菜肉餃用料十足啖啖肉汁食到最後一定要點番個麵連湯汁辣味會越食越刺激一餐滿足特色火鍋。

唔講唔知原來旺角開咗一間好出名食牛肉嘅火鍋店咁啱今日約咗個火鍋怪當然就要來試吓啦餐廳位置於西洋菜南街所以都非常易搵我哋今日比較早嚟食所以暫時都唔係太多人但係過咗一陣就差唔多全部滿座啦呢度可以揀套餐再加$68任食或者揀湯底再另外散叫食物我哋決定最後叫套餐因為覺得比較抵食而且包埋任飲飲品添朋友揀咗牛拼盤而我就揀咗海鮮拼盤海鮮拼盤有大蝦元貝青口等等以呢個價錢來講有咁嘅數量都算唔錯朋友揀咗呢個牛骨湯底非常之重牛肉味一啲都唔假大蝦仲要有蝦膏嘅添好耐冇食過螺肉啦其實食完呢個海鮮拼盤都飽飽地㗎啦所以加$68任食就食多少少野就夠特別推介大家飲荔枝烏龍茶佢有荔枝味之餘都真係飲得出烏龍茶味唔係有好多餐廳都有麻油呢種調味料其實加咗麻油真係香好多㗎大家可以試吓

今次經朋友介紹黎到呢間以牛作為招牌既火鍋店！一出升降機就已經見到餐廳啦即刻睇下有咩食先湯底方面我地要左汕頭牛骨湯另外 加左$68 任食趁未有落其他食材既時候飲左幾啖湯好重牛肉味！原來入面仲有好多牛肉碎食落好重牛肉味唔係一般牛肉！新鮮煽牯牛拼盤有吊龍伴/極品肥胼/正花趾/雪花脖仁 等等呢個套餐仲包埋湯底同蔬菜拼盤潮汕牛肉丸每款肉都有個牌解釋返係咩用好有心！所有肉都好新鮮重肉味不枉係用牛肉做招牌！食完呢個牛肉拼盤其實都幾飽！好有質素的牛肉飲品方面都唔少選擇呢到性價比好不錯！食得超級飽飲品多選擇又任飲下次再黎過！

今晚同朋友行旺角，佢話同事介紹咗間新開的火鍋店，位於百寶利商業大廈5楼的天下糧倉牛肉火鍋專門店、叫我可以去試吓！去到見餐廳座位舒適，服務員熱誠招待，先叫咗個鴛鴦鍋……潮汕牛骨湯及重慶翡翠綠麻辣湯底 ，牛骨湯有牛腩及蘿蔔牛味十足及香濃，翡翠綠麻辣湯用青辣椒外面少有和辣味適當，跟住叫新鮮煽牯牛拼盤，有不同牛的部位，我覺得吊龍伴同牛頸脊最好味，入口即溶，極品肥胼就最有牛味，再加一個海鮮拼盤，有大虎蝦、聖子、扇貝、脆鯇腩、青口及東風螺，我覺得虎蝦、聖子和脆魚鯇簡直新鮮到冇得輸，爽口彈牙，鮮味十足，加68蚊可任食其他火鍋配料同飲品，我哋梗係唔執輸呢，餐廳有好多款韓國同埋台灣罐裝飲品，我第一次飲牛蒡茶，有香濃牛蒡味好特别 ，十分適合作火鍋飲料！我覺得朋友冇介紹錯，值得再去食！

今日考完試，要慰勞一下自己甘多日消耗左既腦汁，要食返d 高質野補補先。四人行黎到天下糧倉，梗係食靚牛。名款拼盤花多眼亂，4個人就一人一款拼盤share 食，叫左安格斯牛肉＋頂級豚肉＋海鮮＋新鮮煽牯牛拼盤，超級豐富。餐廳專業細心，賣相用心，每一款肉都附上名稱。款款牛都無得頂，特別鐘意挽手同匙柄，入口柔軟又超彈。唔好以為呢度淨係牛出色，豚肉亦極為吸引，有鹿兒島黑豚肉眼，黑毛豬腩肉，油脂甘香十足。話明要食飽啲，加多$68食埋其他邊爐必備食材，丸/蔬菜/雲吞/餃/響鈴，我個肚都變天下糧倉啦🤣。

有朋友係火鍋控，勁中意食火鍋，今晚約左我和其他friend,一行四人去旺角天下糧倉食任食火鍋。裝修幾有特色，環境又寬敞，坐得舒適。我們每人選擇一個拼盤，有牛肉、豚肉、海鮮選擇，我們各選了不同款式。牛肉同豚肉有牌子寫明名稱，非常細心的安排。試左很多款不同部位的牛肉，每款各有特色，果然係牛肉專門店，有咁多選擇。鹿兒島黑豚肉好爽滑juicy,肉香爆燈。另外每位加68蚊就可以任食其他配料，例如蔬菜，餃子，丸類，好抵食。罐裝任品有很多選擇，好正!另外，值得一提，沙爹醬料好香，好惹味!

很久沒吃高質的牛肉火鍋了，於是上網找到這評語不錯的天下糧倉牛肉火鍋。環境頗為舒適的。首先每人先選一個套餐，然後加$68就可以配菜和飲品都任飲任食了，這超值的價錢不能放過，好像是新張期才有的半價優惠。當然另外還有可以加錢的其他食物啦。我們兩人點了一個海鮮拼盤 $178一個新鮮煽牯牛拼盤 $178飲品櫃荔枝烏龍茶超好喝，輕微的甜味加上烏龍的甘茶味很配合。兩個拼盤合二為一，貌相超吸引的。湯底我們選了鴛鴦鍋，潮汕牛骨湯及重慶翡翠綠麻辣，有辣有不辣，任君選擇。麻辣不會很辣，但香料令湯很香，好食！牛骨湯也很甜，連入面的粟米都很甜，當中有些牛肉都好食的。新鮮牛肉果然是無得輸，基本每個部位都是好食，只是有比較有彈性，比較軟之分，但牛肉味同樣濃郁, 非常讚！只至海鮮，尺寸每樣都不小，海鮮度也不錯，特別是帶子和蟶子。但要比的話牛肉確實太標青。挑剔的男朋友都大讚這餐的牛肉，帶他食到連他都會大讚的餐廳，不知為何我都會有點成功感的。另外可以任食的配菜。午餐肉，金菇和麻辣鍋好夾。這價錢這質素確實不錯，令我們這晚都很歡樂，店員態度亦很親切。

在Openrice 搜尋下，有一家光是名字就已經好吸引我 - 「天下糧倉」，好有義氣之感。立馬去看看。湯底有3款，3款都是頗特別的，都很想試試。最終我選了超濃蕃茄湯和重慶翡翠綠麻辣。蕃茄湯十分足料，先呷的蕃茄湯，完完全全可以當湯喝。鮮味得不得了，還有少少漿口、沙沙的口感。而重慶翡翠綠麻辣則是我第一次見。綠綠的湯底有大量我喜歡的大蒽和青色辣椒和山椒。味道沒有太麻，有超香的辣椒香味，兩款湯底我都十分喜歡。有好的湯底，相信食物都不會差。3款拼盤中，我們點了新鮮煸牯牛拼盤。是我們喜歡的潮州牛肉。而在大陸都常常缺貨的三花趾，這個拼盤都已包。就先說我常在深圳吃的吊龍吧。吊龍肉邊吊有脂肪，而吊龍肉比較軟淋，牛味不太濃，就是吃軟滑。而好吃的湯底比在深圳吃的清湯更為香濃。雪花匙仁算是牛味最濃的了，而且肥肉相間，口感最好。另外還有蔬菜盤。最後我們加了錢，可以在一版的食物表中選擇不同的食物，有魚丸類，蔬菜類，午餐肉，香腸，粉麵等等。全版都是任點任食，而魚丸還有多款選擇。最後都要一說各類汽水飲品，真係好特別。最喜歡就是牛蒡茶，無糖的。還有很多不同類別的韓國飲品，真是很抵吃呢。

早兩日放工同個friend行旺角百寶利，行到肚餓咁啱又見到呢間天下糧倉，決定試試，畢竟都一排冇打邊爐。一睇餐單，而家新開張有半價優惠，我地真係發現得係時候！牛呀！係牛呀！仲要有唔少聽都未聽過嘅特別部位，我地呢啲食肉獸又點可以放過？！即刻揀左個新鮮煽牯牛拼盤，再揀多個頂級豚肉拼盤，睇下咩料子先。湯底方面我地就揀左<重慶翡翠綠麻辣>同<超濃羅宋湯>兩款做鴛鴦鍋。⭐️重慶翡翠綠麻辣第一次食翡翠麻辣湯，就咁睇都睇到好足料，有大量青辣椒，花椒同京蔥；辣味比較清香，味道香辣，唔係死辣，而且唔油膩，食落較爽。而且就算浸完鼓油，佢嘅辣味依然明顯，係有啲料到。⭐️超濃羅宋湯羅宋湯好有蕃茄味！好足料，湯底真係好濃郁，味道香甜開胃，用黎滾菜，蘿蔔，索味嘅食物一流。⭐️新鮮煽牯牛拼盤 $178主角終於出場啦！一上枱嗰下真係忍唔住"嘩"左聲！擺盤擺得精美，仲好細心有哂牌仔寫明係邊個部位，呢個位真係要加分。牛既質素亦十分高，而且煽牯牛比較少有，唔係好多地方有得食！肉質肥瘦均勻，入口油脂甘香。附上嘅兩粒潮汕牛丸有驚喜！幾乎係我食過最重牛香味既牛丸！⭐️頂級豚肉拼盤 $139豚肉嫩滑，肉質彈牙

最近睇見朋友分享，百寶利有間高質牛火鍋，忍唔住追問朋友，咩百寶利有食肆㗎咩？一直以為係賣波鞋同其他小商店。趁呢日唔洗ot早放工，約埋我個牛魔王女朋友一齊去試下。自助醬料區，整潔乾淨👍🏻由於新開張，有期間限定嘅半價優惠！由於呢次嘅體驗超出預期，所以趁佢有半價，我地會搵機會嚟過！我同女朋友一人揀咗一個拼盤套餐，套餐跟埋湯底！加多$68仲有任食火鍋配料同無酒精飲品任飲👏🏻🌶重慶翡翠綠麻辣有別於平時食開嘅紅油麻辣，翡翠綠麻辣好有驚喜！面頭唔會有層厚厚紅油，食落感覺比較清爽，湯底用以青辣椒，京葱，花椒為主，味道唔會嗆鼻，比較清新，但辣度同樣足夠！🍅超濃羅宋湯好濃郁嘅羅宋湯，蕃茄味鮮甜濃厚，仲有洋蔥嘅清甜，同牛柳粒嘅騷香，唯一要注意嘅係，濃度高，要小心易痴底。頂級豚肉拼盤+新鮮煽牯牛拼盤兩款拼盤會放喺一齊，每款肉都有木牌仔注明，可以邊食邊細味每款嘅特色。而且擺盤賣相非常吸引，影相一流！🐷頂級豚肉拼盤 $139豚肉有四款，分別係：鹿兒島黑豚肉眼/鹿兒島黑豚梅肉/西班牙黑毛豬腩肉/頂級五花肉/潮汕豬肉丸肉質鮮嫩，彈牙，肉味香濃，油脂甘香十足！🐮新鮮煽牯牛拼盤 $178煽牯牛拼盤有七款！吊龍伴/極品肥胼

今日收工同朋友慶祝生日，去咗旺角打邊爐，嚟咗百寶利一間叫天下糧倉既火鍋店，因為聽聞過佢哋啲牛好新鮮好好食，所以專程同朋友嚟試吓。我哋一坐低就點左個羅宋湯底，因為覺得一般打邊爐有蕃茄湯底就幾正常，但係羅宋湯就好少見，結果如我所料羅宋湯真係非常濃稠，真係有去餐廳飲羅宋湯嘅份量同埋料同埋味道，好濃郁好足料，淨係食湯底啲餸我哋兩個女仔都飽！既然專程去食牛我哋就點左兩個牛嘅餐，一個係安格斯牛， 一個係新鮮牛，不負眾望比佢哋嘅牛肉真係肥膏同瘦肉都好適中配合得好均勻，入口都好香濃，非常之好食！配菜方面我哋叫咗娃娃菜、蘿蔔、冬瓜，呢啲蔬菜都好新鮮，加$68就任食真系好抵！嘢飲方面選擇都好多，仲有蘆薈茶呢啲唔會令人熱氣，非常健康嘅飲品選擇！