天下糧倉牛肉火鍋專門店

营业中

休息中

不知不覺已經到了秋天 火鍋達人又要外出了🙈今次同朋友仔一齊來到呢間全牛宴的火鍋店「天下糧倉」🐂🐂🐂因為朋友唔食得辣🌶我地一坐低就揀左一個潮汕牛骨湯🍲同重慶翡翠綠麻辣🔥老闆介紹到清湯鍋係用牛骨煲足成日而成 湯底無味精且好入味 陣陣牛肉香 綠麻辣湯底用四川花椒同青椒紅椒搭配唔會同平時食四川火鍋一樣咁油膩 花椒令👅陣陣麻痺感好過癮食唔到辣既朋友要慎重選擇 鐘意食辣既朋友一定必點🤗牛類方面選擇了：🐂 匙柄大致上是牛肩胛的位置 這個位置的牛肉不瘦不肥 中間會有肉筋的紋理 肉涮10-12秒 入口柔軟有彈性🐂五花趾取於牛的小腿肌腱 呢個部位的肉十分彈牙並且有筋肉感 涮6-8秒即可🐂胸口朥建議涮2分鐘以上 入口不肥膩有牛油的香味🐂宮崎一口牛 即是牛肉粒 由於比較厚 建議煮耐啲 一啖落去啖啖都係肉汁🐖鹿兒島黑豚肉 不比牛肉差 一樣切得好薄 肉質鮮美 沒有雜質 味道香濃配菜方面有豆腐 本身非常滑身 搭配麻辣湯底口感更加豐富 🥬青菜都必不可少 白菜同生菜都比較新鮮 但留意唔好煮太耐 保持蔬菜本身脆口響鈴同火鍋都係絕配 炸得鬆脆 油份不多依家除了套餐外其他單點都做緊半價優惠💰天氣越來越涼 想個胃暖笠笠就快啲b

今次食呢間叫天下糧倉，位於旺角地點方便，主打係牛肉火鍋。如果鍾意食牛嘅朋友應該會十分喜歡，唔同部分的牛肉都有，個人覺得A4鹿兒島牛肩，鹿兒島黑豚肉眼好好味，滾嘅時候不宜太耐，肉質鮮嫩。如果如果喜歡食豬的朋友可以試一試頂級豚肉拼盤，保你值回票價。價錢算中上，但因為新開張關係，所有食物都半價優惠，性價比很高，四個人食埋單都係千一二左右，屬於可接受範圍。環境衛生，而且有佢自己嘅特色，充滿古代風味，人流不算太多，如果以火鍋店來說算是平靜，可以同朋友一路食一路傾計都不會太嘈。整體: 7.5/10 牛肉:8.5/10環境: 8/10

🐱🐶天下糧倉(旺角百寶利商業中心).秋天來了🥰又到三五知己圍爐烚吓烚吓既好時候🍲早排去咗旺角「天下糧倉」食餐好，務求一解對火鍋個鋪相思之苦🤤🤤.呢度既火鍋屬於散叫，無需勉強自己食得太飽，而且可以精挑細選自己想食既，實行貴精不貴多～.打邊爐一定唔可以無牛🐂頂級牛小排、安格斯牛頸脊、極品肥胼等等唔同牛隻部位一一品嚐，入口即溶之口感令人想再三番啅，認真無得輸👍🏻.如果想好好學習分辨唔同既牛肉口感，「天下糧倉」絕對可以成為你專業嚮導🎏.總結評分：7/10番啅指數：⭐️⭐️⭐️

天冷了就是要吃火鍋🍲呢間天下糧倉依家仲要做半價 真係好抵‼️係旺角既中心點 超方便連ᴀ4鹿兒島西冷都有得食～入口香濃 肉同脂肪既比例超好 紋理清晰可見.🐂五花趾係朋友既最愛點完又要加單 肉味香濃厚實 有咬口 較有實在感。.潮汕牛丸大粒 彈牙 呢個加落綠麻辣湯底度一流非常惹味～食完一粒就停唔到口🙈.吊龍伴就相對韌少少不過牛味都好出.烏冬我就落左去牛骨湯果邊好濃郁好香 唔係好淡果隻湯 落足料.一早落左湯既粟米🌽 到後段先拎返上黎食真係好正～食完暖粒粒‼️❤️

老爺想吃牛，我們就去了 - 天下糧倉牛肉火鍋專門店。未夠六點去到，我們是最早光顧的客人。隨處拍，又不怕騷擾其他人。店內，周圍都放有與牛有關的擺設。 餐廳提供五款湯底，單點食品分為新鮮煽牯牛、A4和牛、Prime美國牛肉、豚肉、海鮮、蔬菜、拼盤、精選火鍋配料、小食、丸類、手工餃和飲品。優惠期間，全部半價。 此外，還有數款一人份拼盤套餐。套餐加$68，即可享指定二十六款任食火鍋配料。 眼濶肚窄，我們決定單點。醬料費$10/位，客人可以去補給庫自行混醬。 一老一中，一辣一清，最好選鴛鴦鍋了。重慶翡翠綠麻辣配超濃羅宋湯$152鴛鴦鍋，鍋具極具氣派，兩旁的把手，是栩栩如生的龍頭，頗有君臨天下的氣勢﹗ 點了三款肉食 - 鹿兒島A4西冷$238、鹿兒島黑豚梅肉$136，以及侍應極力推介的胸口撈$124。甫見其色，已經深知，新鮮美味之作也﹗老爹要了一罐可樂$13，小妹，則要了一枝竹蔗茅根$17。 鹿兒島A4西冷牛肉身呈現嫩紅色，白雪雪的油花細緻均勻，極具光澤。據說，肉味香濃，肉質肥美柔嫩，食後齒頰留香。 鹿兒島黑豚梅肉$136雪花紋路清晰，脂肪比例平均，分佈如大理石紋般，好不美麗﹗灼熟後

天下糧倉打邊爐放題形式食材如何大家都試唔小，諗下都知一定有咁cheap得咁cheap，所以大家都係但求食飽個肚就算，所以自己太中意呢個形式，要食不如每碟咁叫，有質素保證又可以食到自己中意既食物。天下糧倉絕對係我食過覺得會回頭既餐廳。今日同朋友叫左一個蘿白粟米湯同茄湯。打邊爐其實肉係非常重要，我同朋友兩個今日特登豪d叫左和牛黎打邊爐,結論係足個價錢食到和牛而和牛質素又有咁上下，真係幾抵食。和牛有幾個部分，有西冷，肉眼，牛肩胛，呢三款各有特色，油脂香氣好重，絕對食得過。另有其他安格斯牛肉，食落就重肉味，都係可以一試。

睇下過往嘅食評，懷住期望嘅心情，山長水遠去幫襯。當晚10點幾到咗嘅時間，好懷疑入錯鋪，全埸得我一張枱，可能係平日比較清靜喇😅坐低被大大隻”半價”嘅字吸引住，原來個價已經係折後價，當堂無曬驚喜。點了牛骨及麻辣湯底，五花趾，雲呑，韭菜餃，牛肉，桂花蚌同蔬菜，當上枱嘅時候，發覺全部都好細碟，五花趾有6片，雲呑8粒比CP即食嘅仲要細，味道仲不如CP嗰下慘。諗住點都係一餐，點知12點未到就話Last order，乜唔係收2點咩！OMG食物唔見出色，一餐就算，永不回頭。

天氣開始涼左好多，即刻心思思想打邊爐，搵到依間主打食煽牯牛既火鍋店，新張期間仲做緊配料半價優惠！一入門口，裝修以古代糧倉做主題，醬料吧用木頭車形式呈現，幾有玩味！湯底揀左重慶翡翠綠麻辣眼見有青辣椒、花椒、京蔥，有別於一般麻辣湯底，佢果種麻辣係比較清！最有驚喜反而係潮汕牛骨湯，有牛骨、粟米、蘿蔔等等，以為佢係清湯好清但滾落好有味！叫左平時少有既匙柄，仲有牛頸脊，兩隻都好有牛味，係口感上既分別，前者口感比較彈牙，後者就比較有咬口！是日海鮮得返蟶子皇，一份有三條，真係好大條，啖啖肉，好有鮮味！手工西洋菜豬肉餃，餃皮厚薄適中，餡料都好足，西洋菜同豬肉都好夾！整體配料都新鮮，蔬菜份量比較多，肉類既份量就比想像中少，不過有半價優惠，埋單都叫抵食！

有個牛魔王朋友話想食牛肉火鍋，見到旺角呢間專門食牛肉火鍋嘅天下糧倉，喺Openrice都有唔少好評，一於約齊飯腳試下。入到去見到環境都算舒服，檯唔會好密好逼，同朋友傾計都幾舒服。點完菜就可以去醬料吧拎醬，醬料有好多選擇，一般會食醬油、蔥、蒜等等都有。湯底亦都好快上檯，我哋就選擇咗個鴛鴦鍋，就選擇左翠綠麻辣，同牛骨湯底，麻辣用上大量香料同青辣椒，辣得溫和，唔會掩蓋食材嘅味道。嚟得牛肉專門店，必試嘅當然係唔同種類嘅牛肉，呢度有新鮮煽牯牛、和牛、安格斯牛等等，款款都咁吸引。先嗌左個雪花脖仁，食落唔錯，入口好滑 ，好香牛味，而且刀工切得都幾薄， 淥十秒就食得 。 胸口朥非常爽口， 加上吸收曬d麻辣味，好惹味呀！A4和牛肩胛都好嫩滑，又有油花，非常香牛味，值得試下！見有唔少客人都有嗌呢度既手工水餃 ，我哋就叫左個手工西洋菜水餃， 好多肉汁 ，味道唔錯 ！我地仲叫左馬駮魚丸，新鮮彈牙，啖啖都好多汁，同坊間嘅丸好唔同，好正！魚皮餃都唔錯，入面嘅餡都幾多，粒粒都脹卜卜。今餐真係好飽，而且牛肉質素好好，鍾意食牛嘅朋友不妨一試 !

一向都幾鐘意要食潮汕牛肉火鍋，不過香港就比較少有，多數都係重慶／港式／日式既口味，如果要專登去深圳食又好似太麻煩，今次竟然比朋友搵到呢間高質既牛肉火鍋專門店，實在太kai先啦！太kai先啦！店子位於旺角百寶利中心5樓，地點都幾方便，我地去到既時候都幾多人，都要等一陣，不過好快都有位坐。餐牌都好多款唔同既牛肉，淨係煽牯牛都已經有好多唔同既部位，鐘意食牛既朋友就最啱啦！有齊吊龍伴、三花趾、匙柄等等必食既部位，仲有來自鹿兒島同宮崎既A4和牛﹑Prime美國牛肉等等，價錢亦都唔算貴，食多幾碟都唔會肉赤！先點左個鴛鴦湯底，重慶翠綠麻辣口味非常濃郁，辣得好過癮，牛骨湯香濃肉味，但唔會太油，兩款都好香好足料！而主角既新鮮煽牯牛，相當好食，必試吊龍伴，比平時一般既牛肉更有牛味，而且好滑好淋，口感唔錯。胸口朥唔好睇佢好似好肥咁，其實好爽口，好似筋膜咁，夠曬特別。雪花脖仁好嫩滑，又有油花，啖啖肉香。肉質好有彈性，真係非常高質！至於其他配料都唔錯，不得不提魚皮餃同馬駮魚丸，真係同麻辣湯好夾，吸曬湯底既味道，非常惹味。手工韭菜水餃大大粒，入面好多肉汁，啖啖食落都好Juicy，好正！潮汕牛丸不得不試，彈牙爽口，

兩個超愛食牛嘅朋友撞埋一齊會點 ?梗係去食牛啦 ! 今次又係打邊爐,呢間係朋友介紹試嚇佢有咩特別先 !!而家仲要做緊半價喎,點會唔係食呀 !雖然鍾意食牛,但係啦,原來我哋唔係咁清楚牛嘅部位 咁就要咗呢個拼盤啦 !我幾鐘意吊龍伴 ,匙柄 , 牛頸脊,胸口朥(有啲似爽嘅脂肪 ),下次可以叫番自己鍾意嘅 !一碟有勁多嘅 鴨血 ,超滑! 超抵食又彈牙嘅手打丸系列 !另外我覺得手工嘅西洋菜餃 ,都係超抵食又好食 !我哋忍唔住再encore咗碟 !唔少得嘅炸魚皮 而家有半價,我覺得佢係比出面嘅抵食好多, 性價比超高 !

今次黎到呢間主打食高質牛肉既「天下糧倉」見為大家踩踩點。重慶翡翠綠麻辣湯底都係滿滿既青辣椒、花椒同京蔥。有別於一般麻辣湯底，冇左個層紅油係面，少左油膩既感覺，但又keep到麻同辣，而且愈滾愈辣🔥潮汕牛骨湯 有牛骨、粟米、蘿蔔等，湯底好鮮甜，忍唔住當湯咁直接飲😋肉類叫左雪花脖仁、匙柄同吊龍伴其實3款肉都好鮮嫩，但吊龍伴就略嫌有少少韌。而雪花脖仁真係好正，雪花分佈均勻，入口柔嫩，牛味十足。強烈推介鹿兒島孖寶👍🏻👍🏻A4鹿兒島牛肩胛 & 鹿兒島黑豚牛肩胛每片都好靚，果然A4和牛係唔同d！放入口更加不得了，完全係入口即浴，唔洗飛鹿兒島都食到靚靚牛😋黑豚肉更加唔洗講，鹿兒島既名物，果然名不虛傳🤤扇貝＆貴妃蚌好鮮甜肥美，而且扇貝非常大隻，好抵食。牛丸好彈牙，咬落好Q

去芽莊食完生牛肉河，比佢吊起個食牛癮😛 返到香港又心思思想食牛肉火鍋，上網搵到呢間主打食高質牛肉既「天下糧倉」見個名都幾特別，又有唔少好評，就決定同為食小隊出動黎試下湯底重慶翡翠綠麻辣湯底有滿滿既青辣椒、花椒、京蔥有別於一般麻辣湯底會一層紅油係面，少左油膩既感覺，但又keep到麻同辣，而且愈滾愈辣🔥潮汕牛骨湯 有牛骨、粟米、蘿蔔等，湯底好鮮甜 忍唔住當湯咁直接飲😋肉類叫左3款潮汕牛肉，排名如下雪花脖仁>匙柄>吊龍伴其實3款肉都好鮮嫩，但吊龍伴就略嫌有少少韌而雪花脖仁真係要比爆分！雪花密密分佈在肉中，入口柔嫩，牛味十足強烈推介鹿兒島孖寶👍🏻👍🏻A4鹿兒島牛肩胛 & 鹿兒島黑豚牛肩胛一上枱就已經心心眼😍每片都好靚呀，果然A4和牛係唔同d！放入口更加不得了，完全係入口即浴 唔洗飛鹿兒島都食到靚靚牛😋黑豚肉更加唔洗講，鹿兒島既名物，果然名不虛傳🤤桂花蚌 口感爽脆，肉質鮮甜扇貝 足足有手掌✋🏻咁大隻，好新鮮肥美牛丸彈牙，無羶味 手工西洋菜豬肉餃皮薄餡靚，絕對係心機之作

秋風起，見好耐冇打邊爐啦，就約咗朋友一齊去打翻個邊爐，聚下舊啦，上網見到啲人推介呢間餐廳，所以就決定同朋友試一試啦我哋就揀咗超濃羅宋湯同埋朝山牛骨湯做湯底，兩款湯底都可以令到牛味好突出，不錯出面嘅調味醬料車好特別，係用咗好有古色古香既車和牛拼盤呢個和牛拼盤共有5款既肉，全部油脂同牛肉既分佈都好好，油香同肉味同樣都係超重！！手工粟米蓮藕豬肉餃每隻餃子都超級足料，粟米同埋蓮藕同樣都好鮮甜，打邊爐食真係好正，食完令人好滿足珊瑚蚌呢份珊瑚蚌，半價左之後絕對抵食，爽甜鮮味，食完令我回味無窮扇貝呢度嘅扇貝同樣大大隻，而且清潔得超級好，唔會見到啲污糟物，所以都令到我哋食得好放心

話說自從有一次同朋友仔嚟試左依間野之後，就一見鍾情喇!! 冇法啦，因為我係太中意食麻辣鍋但又好怕油，一試過依度特有嘅「唔油麻辣湯」之後就上左癮，而且依排冇得上深圳食牛肉火鍋，就更加想念新鮮牛肉火鍋.....  趁今日要去旺角買野，唯有又上咗嚟食啦。例牌一定要叫佢地的新鮮煽牯牛拼盤，再黎翡翠麻辣湯底併牛骨清湯底，再加$68追加火鍋料任食同韓式飲品任飲!!! 基本上每次黎我都係嗌依個皇牌配搭!!!!先去混醬，如果怕辣的朋友，可以攞D醋點，會解辣的。先黎韓式飲品，揀左忌廉溝鮮奶，同埋黑糖薑母茶，解辣最好。首先黎的就係湯底，用龍頭鍋上好似有好有霸氣！佢地個翡翠麻辣湯底係好特別，個人最愛，因為佢落足好多唔同色的辣椒同花椒，勁香，偏偏又冇落紅油，所以食落去係非常香但又好清，我就係為左依個鍋底回頭的。另外的牛骨湯底好清，但又煲得夠火候好夠味，唔錯。然後就係新鮮煽牯牛拼盤，上次黎牛肉嘅份量就少左D ，好在今日狀態回勇返！ 你知啦，喺香港食新鮮牛肉，一般都非常貴，依度價錢算好合理，而且嗌拼盤嘅話就算一個人都可以試晒唔同部位嘅牛肉，非常好。拼盤入面有比較雪花的，亦有稍為瘦的牛肉，仲有牛丸，但因為都係新鮮，