大越越南餐廳

营业中

休息中

好耐冇食過越南嘢今日嚟幫襯一間新開不久嘅越南餐廳，呢個位原先就係M3，原來執咗變成越南餐廳，內部裝修同之前差唔多。坐低望吓餐牌，最後決定平平哋食個風二人餐A($178)，有小食、主菜和蔬菜。小食可選炸春卷或者清沅扎肉蒸粉包，我哋都未食過蒸粉包，所以叫咗嚟試吓。一籠四件，用粉皮包住肉碎、蘿蔔絲、雲耳絲和馬蹄粒等，面頭再放上一塊扎肉，味道清清地，粉包裏面咬落索索聲，好有口感，可以點埋魚露醋，幾得意。主菜係大越火車頭（二人份量），真係好大碗啊！裏面有牛柏葉、牛丸、生牛肉、牛腩片和牛筋，相當豐富，我哋揀咗金邊粉，湯底有啲九層塔味，好有越南風味呢！套餐仲包左一碟蔬菜，我哋揀咗馬拉盞通菜，份量好多，有一啲蝦醬喺面頭，記得撈勻先食。雖然套餐不包飲品，但係大部份加一杯都只係$8-$12 ，好抵，叫咗兩杯椰汁真多冰，椰汁味好重，很不錯。

今晚約咗個客交文件，順便喺佢屋企樓下食晚餐，呢間大越越南餐廳，都係間黃店，就幫襯佢啦！先黎個「鮮蝦米紙卷」（$46），一碟四件，米紙包住蝦、生菜、米粉和蘿蔔絲，味道酸酸的好開胃，鍾意也可以點魚露醋，是不錯的小食。「大越海南雞飯（配油飯）」，估唔到啲雞咁滑，軟身又夠入味，幾好！仲有個「大越三寶叻沙」（$68），有香茅雞翼、香茅豬扒及扎肉三個餸，每款兩件，餸和叻沙分開上，湯底帶點辣但好惹味，豬扒有點乾但雞翼就幾好。雖然我哋唔係嗌套餐，但如果叫飲品也可以用加配價，所以我地都加左杯兩杯椰汁真多冰，椰汁味好重，很不錯。

沙田圍其實隱藏了很多餐廳，今天又發掘到一家專門吃越南菜的新店食物：4.5/5整體有驚喜比一般連鎖越南菜餐廳更高質▪️大越生牛肉河湯底大加分，清甜有牛香味，飲完不會口渴，証明不是味精湯比某連鎖店岀色！牛肉牛味濃，而且份量多！▪️香茅雞翼午餐$18加配，雞翼炸完仍嫩滑、有肉汁香茅味亦重！▪️魚露秋葵一般餐廳比較少會有秋葵，所以一看到就點來嚐嚐，配魚露不錯▪️椰汁三色冰甜度適中，有紅豆、綠豆及綠色條！大家有機會到沙田圍，一定要來嚐嚐湯麵！

沙田圍站河畔花園附近，其實有好多小店，而且好多唔同各國菜式，所以久唔久我都喜歡同朋友來呢頭，發掘下有咩好野食。今次食呢間大越，越南野真係我最愛之一，見到門口有一幅巨大的GRAFFITI，好EYE CATCHING~型爆~!餐廳環境都好舒服，平日晚上7時左右，都有D街坊落O黎食野。食物款式都多，提供一般越南必食既粉、飯、小食等等，價錢都OK, $60左右就有一個主食，飲野就加$12就有。我先叫左個香芽雞翼撈檬，好大份呢~而且雞翼都肥O都O都~味道好好，好多青瓜絲，好FRESH~!正朋友就叫左經典的海南雞飯，份量一般，雞的味道可以，醬料惹味~，肉質也滑。青檸SODA~天氣開始熱，飲呢個真係一絕。越南滴漏咖啡~好香而且配甜奶，好滑。

因為疫情關係未能 去旅行, 唯有喺香港搵下東南亞唔同國家嘅野食, 解解癮先。 今次就揀咗 喺花園城的大越食越南野，外牆上的壁畫結合了童趣與餐廳特色， 遠至幾條街都可以見到餐廳的存在 ，還沒開始吃就拉近餐廳與客人的距離。 店面以白色配黑檯為主軸，簡潔明亮的裝潢， 推上不少越式的裝飾 ，用餐環境感覺乾淨又舒適。 大越三寶飯（香茅雞翼，豬扒，扎肉）65 雖然用長碟上，但係仍然感受到佢嘅澎湃 。即叫即炸的香茅雞翼， 外皮脆而內裏非常juicy ，炸得香噴噴的 豬扒， 咬落啖啖肉汁，鬆軟唔會柴，而扎肉爽口彈牙。 配埋特別調製的豉油， 唔會淨係得個鹹字 ，用來撈飯食都飛常不錯。 大越牛肉牛腩片湯河粉65 大越牛腩牛肉湯粉 ，生牛肉勁多， 雖然唔係出面 gimmick 的和牛或者安格斯牛，但牛肉都是原塊牛肉片，入口鮮嫰，而牛骨湯頭讓人回味無窮，喝下肚後回甘，唔會感覺味精重。至於越式河粉，口感滑順，一下就溜進肚裡。 例牌海南雞78 越式海南雞嫩滑富雞味，皮下也多啫喱膏，雞腿肉相當的爽口，很有噴汁的感覺。 新式海南雞多數配黑醬油和薑蓉，但越式海南雞是配泰式雞醬和另一越式特調醬汁，微辣中帶惹味

知道沙田圍都多餐廳，今日同屋人嚟食Lunch, 被呢間越南餐廳吸引咗。咁啱到下午茶時間，叫咗 大越海南雞飯+大越生牛肉什錦湯粉，仲可以優惠價錢有小食，特飲都係+$8咋，超抵食。下午茶份量，一d都唔少，好鍾意牛肉什錦湯粉，湯或超正，連湯都飲埋😋海南雞飯，有我最愛嘅雞油飯，海南雞啖啖肉，配埋兩種不同味道嘅辣汁，真係好好味👍🏻小食追加咗"芒街炸蝦餅"唔會好油，熱辣辣 脆卜卜，"酸辣無骨鳳爪" 勁開胃。「椰汁紅豆冰」椰汁味極濃郁，好香👍🏻今餐真係抵食兼大件，街坊價錢好抵食，以後嚟沙田又多個好選擇了。

黃店當然要支持!!#番茄蟹膏蝦丸扎肉湯檬 $62番茄既甜吊起左蟹膏既鮮，湯底飲落鮮甜開胃，檬粉吸收晒湯既味道，蝦丸彈牙，有啲蔬菜粒咁，扎肉份量唔少。#烤牛肉串叻沙 $55叻沙椰奶味較重，非常微辣，所以食落比較甜。麵底可選油麵、檬粉、河粉或金邊粉。簡左油麵，因為有咁吸湯，食起上黎冇咁濟。食叻沙一定要有豆卜，吸晒湯汁，好好食，可惜得個一舊。牛肉串烤得比較乾身，勝在有啲肥膏，食落冇咁鞋口。面頭有啲乾蒽，夾埋食更香。浸左一兩舊牛肉落叻沙湯，淋身左，別有風味。#凍滴漏咖啡 (跟餐 +$12) 每次去一間新既越南餐廳，都想試試佢既滴漏咖啡。練奶加左係底，就咁飲有少少苦，但帶點堅果味，又有啲似朱古力味，撈埋練奶後，香滑易入口。

今天到沙田這邊拿點口罩給朋友，順道吃了個飯，畢竟現在越來越少外出了！政府政策下，進店先量度體溫，店員也有給紙巾我們包著口罩。我們先點了午市套餐，要了大越生牛肉湯粉（$53）湯底甚香偏濃味，生牛肉大片也夠腍身，不錯。午市套餐可以以優惠價追加小食。我們選了馬拉盞灼菜（$22），通菜灼完他們再放上自己炒的馬拉盞，惹味之餘不像炒菜般油膩，比較健康！套餐已經有熱飲一杯，我加選了椰青椰果水（$22），特別清新，加上椰果更有口感！我不想吃太多澱粉質，要了法式蒜茸牛油雞翼（4件 $46）。雞翼有蒜蓉牛油香，入口滋味十足！

以前曾到訪過這家沙田圍的餐廳，是家意大利菜，想不到一別數年，就變了模樣。現在這家越南餐廳，看起來十分簡單，裝潢得很有味道，比一般越南粉講究點。食物：二人餐$198比較划算，當中又以有海南雞的版本更好首先有一碟菜，馬拉盞通菜，菜非常爽口又不老，不會太油膩，加上面頭的馬拉盞醬很夠味接著是海南雞件，無骨，去骨去得很乾淨，雞肉僅熟且滑嫩，不俗火車頭越南粉非常大碗，絕對夠二人吃，當中的牛骨湯很夠味，甜而不濁，配料有生熟牛肉 牛腩 牛丸 牛柏葉，全部都有一定水準，搭配很好

同呀爸起沙田圍拎完野 起花園城見到有道牆上面勁大個公仔樣 吸引左我地去睇 原來係大越食越南野既餐廳門面設計黎 一於入去食個飯😌個menu都幾多頁下 咁岩見到有頁係套餐 咁就直接揀左個大越風味套餐A 🤣岩曬有選擇困難症既人個套餐包一款小食 可以揀廣寧炸春卷/清沅扎肉蒸粉包 清沅扎肉蒸粉包 味道唔會好膩 上一面有扎肉 蒜片 薑蔥 粉皮夠薄 唔錯呢輪食得多熱氣主食係大越火車頭 話係2人份量 但超有份量 裡面配料都幾多款有生生肉 牛腩片 牛丸 牛筋 牛柏葉 可以揀要湯粉 檬粉 定金邊粉 要左湯粉 每樣餸都有小小 質素都唔錯另外仲包一款灼時蔬 可以起生菜 秋葵 通菜 蘿蔔 裡面4揀1 再揀埋加魚露定馬拉盞 要左個馬拉盞通菜係灼唔係炒 比較健康些小無咁熱氣 跟餐仲叫左杯咸檸七同椰汁冰 我杯椰汁冰 冰夠碎粒椰汁都出兩樣打勻個味幾香甜唔會飲曬都唔會好滯 幾好 晚餐一個兩人餐叫埋兩杯特飲先二百蚊 唔貴

依段時間，真係都唔知食乜好。所以食下啲街坊小店，簡簡單單就最好。海南雞例牌，海南雞已經去晒骨，無骨，雞肉夠嫰，味道亦都10分好，值得一試。生牛肉湯河，最緊要梗係啖湯，一嚟梗係試吓個湯先，個湯底十分濃郁，夠味。牛肉就好似想睇咁樣夠鮮嫩，河粉夠滑，依個生牛肉湯河合格有餘，對得住個價錢。脆皮鮮牛腩，係三個餸入邊我最鍾意嘅，面頭真係夠脆，牛腩亦都夠淋，咁樣先係最難得，依個餸真係會令人追住咁食，首先要個牛腩做得好，第二個皮都要做得夠脆，咁樣先至會好味，呢度就正正做到呢樣嘢，屬於必食推介，如果大家幫襯嘅時候絕對要叫黎試下。

政府實施兩個星期禁制令，搞到我都唔係好夠膽出街食飯，但係放工已經好夜，所以都係返到屋企附近搵間食開有好食嘅餐廳打躉。依家真係少咗好多人出街食飯，呢間餐廳枱同枱之間嘅距離都超過1.5米，其實之前已經成日嚟幫襯，主要都係為咗個三寶湯金邊粉（有香茅豬扒一件，香茅雞翼兩隻，兩片扎肉），湯底好濃口嘅牛肉骨湯味，仲有超多洋蔥芫荽basil, 同埋價錢好抵食$65。老婆就叫咗個雞絲扎肉湯檬粉，扎肉有三片，雞絲就係應該係海南雞撕出嚟嘅😂，呢碗仲抵食只係$55。叫湯粉加特飲$12就可以擇好多種類嘅特色飲品，我哋擇左滴漏凍咖啡同三色鹹檸檬可樂，越南咖啡風味感覺置身於越南飲咖啡一樣👍🏻$12好抵加。食完兩碗粉好似唔係好夠飽，另外叫多咗個炸軟殼蟹米紙卷$56 ， 大件✅粉皮夠薄身✅軟殼蟹夠薄脆。一定多d要支持下呢間屋企附近嘅小店😆

呢間越南菜價格經濟實惠，而且菜牌上面都幾多唔同嘅菜式選擇。首先揀咗個綜合牛肉粉，有牛展、生牛肉、牛丸。湯底清清淡淡，有少少牛肉香，粉嘅份量唔算太多，但係味道都算唔錯。小食叫咗蝦餅，店員話係自己手打，叫我哋試下。佢有別於泰式蝦餅，較有越南風味。蒜蓉牛油雞翼好香，蒜蓉味夠香濃；又有律油香；雞翼好脆，我就覺得偏鹹咗少少。可能我本身食得較清淡。馬拉盞通菜，微辣，鹹鹹地，夠惹味！埋單都係$200左右，抵食！

最近疫情蔓延到周圍都係，其實都唔係好夠膽落街食飯，想叫外賣美食平台點知要等一個鐘，所以都係求其落街搵間近嘅餐廳食。原來呢個位置開咗間新開嘅越南餐廳幾個月都未試過，餐廳嘅枱嘅間距都幾闊，都可以一試無妨。呢間餐廳係中低價錢嘅越南菜，睇餐牌主要係食湯粉類同炸物為主，一人叫咗一個湯粉同埋小食。叫湯麵跟餐+特飲只需$12，又ok wor . ✅蕃茄蟹膏蝦丸扎肉湯檬$65蕃茄控嘅我竟然見到越南餐廳有蕃茄蟹膏湯底😍果然冇令我失望，睇返相就知道蕃茄膏嘅份量有幾多，仲有一粒粒嘅蕃茄，蝦丸幾新鮮有手打嘅感覺，扎肉薄薄一片夠晒味，配埋蕃茄都幾入味🤣✅大越三寶湯粉$65呢個好似係呢間鋪頭嘅招牌咁，因為好多人都會叫，而佢嘅炸雞翼同埋炸豬扒又真係份量好多同埋好越南風味，今次呢個湯粉個湯底好牛骨味重👍🏻呢個價錢來講好抵食！✅酸辣鳳爪$58湯麵未黎之前想嗌過酸酸甜甜嘅小食，叫左酸辣鳳爪，酸味十足如果辣味再重d仲更加一流🤣

沙田隱世東南亞餐廳呢間係沙田圍同第一城既中間疫症下 晚市唔算多人呢間店都幾有良心 會派口罩比有需要既人醫護都有優惠 入座有提供紙巾比你包口罩野食質素 真心幾高呢日叫左 大越海南雞喇沙$68呢個最高質 先講海南雞 肉滑幾滑但可以見到雞皮下面有啫喱點埋旁邊2隻醬汁 味道岩岩好喇沙 蝦香同椰香都好夠 湯底唔會過油.生牛肉雜錦湯粉$65入量幾多 而且湯底幾清甜炸春卷$42勁脆必試荔枝沙冰$12凍蜂蜜玫瑰柚子茶$8大越越南餐廳 (沙田)地址：沙田沙角街8-12號花園城一期地下2號舖