大越越南餐廳

营业中

休息中

沙田除左新城市廣場有嘢食之外，其實一橋之隔既河畔花園都有唔少食肆係度，感覺就好似一個小社區咁，係新城市廣場行完街，就行咗嚟河畔花園塭食喇。呢間餐廳外牆有幅超大嘅油畫相當吸睛，所以就走咗埋去睇下係食咩，原來係食越南嘢既。叫咗下午茶既芒街蝦頭膏酸辣海鮮湯檬，追加越式燒豬頸肉、蜂蜜玫瑰柚子茶。芒街蝦頭膏酸辣海鮮湯檬 ($68) : 見到個名幾特別所以就試下，配料有魷魚、魚片、魚蛋、蝦、蜆 ; 湯底酸酸辣辣得嚟帶點海鮮既鮮甜味 👍🏻 魚蛋彈牙，魚片又係厚切，相當精神。越式燒豬頸肉 ($26/半份) : 雖然係半份但係份量都唔少，豬頸肉夠爽口 👍🏻 隔離仲有啲酸蘿蔔絲做伴碟相當醒胃。☕️ 蜂蜜玫瑰柚子茶 ☕️

主食叫咗一個大越生牛肉什錦湯粉，個份量好多，啲牛肉，牛腩片同牛丸都幾有牛味，而且唔會太硬，個湯粉就正常水平😋。另一個叫咗一個峴港番茄蟹膏蝦丸扎肉湯檬，蟹膏味唔太濃，同番茄味幾夾。粒蝦丸幾彈同好重芫荽味，中意食芫荽的朋友一定中意！之後到小食，叫咗扎肉蒸粉包，我覺得係最好食嘅小食😝。個粉包QQ，加埋扎肉同啲脆脆一齊食口感超好！仲有叫咗個蝦餅，都幾彈牙，同大大舊，好滿足😍。最後叫咗個馬拉盞通菜，份量十足，味道正常。而飲品係椰汁紅豆冰，上層有啲碎冰，而下面有紅豆粒，好match，又唔會太甜。另外有一杯凍滴漏咖啡，都幾香咖啡味。總結，價錢平民，而且食物質素不錯🤩。

岩岩去完越南旅行,好掛住D越南野,見到大越新開就去試下.卡位梳化坐得好舒服,地方闊落,好有空間感,成個人好放鬆.我地叫左生牛肉湯檬粉, 海南雞飯, 炸春卷, 椰汁珍多冰, 熱西洋菜蜜.生牛肉湯檬粉, 檬粉幼身爽口,牛肉半熟,份量好多,肉質嫩滑,湯底牛肉味濃郁,洋蔥既爽脆,增加口感,仲有白蘿蔔好入味.海南雞配雞油飯,雞皮薄肉嫩,又唔會肥.點上酸辣醬同泰式辣醬,同雞更夾,雞油飯金黃色,好平均,好香.炸春卷,炸得外皮酥脆,餡料足,好好味.椰汁珍多冰,椰汁味好重,好多奶泡,更加滑,珍多冰質感爽滑,味道清甜,好好飲.

話說河畔花園呢度有個俾小朋友玩嘅交通城，對於比卡豬嚟講當然好玩啦，可以玩吓車仔又學到嘢!玩完肚仔餓要搵嘢食，原本諗住食意大利粉，點知行到嚟原來已經變咗係一間越南餐廳，都好，我同太座都鍾意食!睇餐牌食物種類多，眼花撩亂，搞到我地心大心細!越南菜當然要食生牛肉湯粉，呢度嘅湯底較清甜，冇騷味，蘿蔔當造一定好味，牛肉都幾嫩滑!大越三寶飯，有埋店名嘅應該係招牌嚟，果然唔錯，有香茅雞翼、豬排同扎肉，配上特別豉油，連比卡豬都爭住食!峴港胡椒扎蹄，同扎肉唔同，似我地嘅鎮江餚肉，好特別!芝心蝦多士，蝦多士唔係度度食到，呢度仲要有芝心，食咗兩件，想食第三件俾太座話再食唔使食其他嘢!馬拉盞炒通菜，一定唔會差嘅菜式，啱重口味嘅朋友!食越南菜我最鍾意飲椰汁綠豆冰，清熱解渴!店家送咗鮮鴨粉腸俾我地試吓，對於鍾意食粉腸嘅我都覺得唔錯，下次嚟可以叫鮮鴨粉腸湯粉食!

沙田圍新開咗越南餐廳，今日一於嚟試試，必食香茅豬扒 同 雞翼．春卷，價錢好大眾化，有機會都想試埋海南雞飯😋Menu內仲有二人餐，食物有質數，款式選擇都算多👍🏻

沙田圍河畔呢邊一向多餐廳，發現最近開咗越南餐廳，遠處見門口好多人，一於試一試😍Lunch時間好抵食，Menu都多款式，叫香茅豬扒飯．香茅雞翼撈檬，雞翼熱辣辣，仲可以加配小食同飲品。小食配咗越南春卷，脆卜卜好好味，又唔會好油😋枱上放滿調味，好正宗的越南風味👍🏻午餐嘅份量好足，本來想試試甜品水晶玫瑰糕，但實在太滿足，下次再嚟食嘅時候，一定要試試一人份量嘅火鍋，見到介紹好唔錯呢。今餐抵食又好食👍🏻👍🏻👍🏻

環境: 門面非常靚，睇得出好有心機，好有文青既感覺。入面既裝潢同擺設亦佈置得好有心機，臨近聖誕，餐廳特意佈置大量聖誕裝飾另外餐廳方面會有輕柔既背景音樂配襯，令客人心情更加好。特別一提不輪枱面，椅子，餐具同杯都十分乾淨，不會油林林，絕對食得舒服。服務方面: 侍應服務態度極好，即使冇野做既時候，亦不時觀察有冇食客有需要並且行動好迅速，落order時亦好有耐心，值得一讚。落完order等上菜亦好快，大約10分鐘內全部菜都上完，即叫即整。三寶湯粉，豬排用左蜜糖燒，食得出好新鮮，好淋。雞翼同札肉既味道偏淡。湯底味道唔錯，配合河粉食一流。灼通菜(馬拉盞) 好少油好健康，配合類似蝦醬既馬拉盞，好有風味。但如果d醬落少d會好d, 味道偏咸。烤豬頸肉(推薦)，份量比想像中多，即叫即燒，極厚極多汁，而家諗起都流口水鮮鴨粉腸 超爽甜，推薦大家食。

未食過呢間,又出黎試新野啦!呢日下午茶時段黎,有下午茶餐叫,食物價錢唔算貴,野飲就要加錢Ge最後嗌左個雞翼撈檬同埋一個生菜,份量唔算多唔算少,都叫係同個價錢岩比例ge至於味道呢.都算唔錯,雞翼唔乾,調味唔錯,撈檬個汁都幾好食,個生菜就加左馬拉盞,都幾好食上菜速度唔快唔慢,都OK,環境唔錯ge都坐得舒服,但塊地就有少少跣,唔知關地磚事定係清潔事整體所有野各方面都OK ge,下次會再黎試下其他湯檬乜乜乜budget唔多又想食越南野ge都ok

話咁快又來光顧，之前特別想食生牛肉河，所以第一次去試永遠最好食😋今日再食已經平平無奇，其他小食都不錯的，都係啦：下午茶時間人手不多，明白的，速度可以快返少少更佳，食物呢：煎扎肉出餐有點慢，味道可以的，豬頸肉有少少過火，肉質可以接受，蝦多士外形吸引，已經成功第一步，芝士OK，但蝦膠有點實，服務0k，加油💪

朋友話屋企個頭有新開張既食肆，仲要係我的最愛越南野，就梗係一定要去試下LA~呢個地方之前好似係食西餐，依家轉左比較平民化既越南野，價錢都比較親民，$50-60左右就有一碗湯粉食，在依家經濟唔係太明朗的環境，對於我地呢D打工仔，價錢真係好重要~所以呢到既價位OK~!炸春卷4件$ 42，先來一個餐前小食，唔錯，脆卜卜而且入面都幾多料，同朋友每人2件剛剛好, 唔係太熱氣~生牛肉湯粉$56，呢個真係必食既越南食物，河粉夠滑，牛肉都多而且有味，湯式既香料都好濃郁，唔錯。海南雞飯配雞油飯$68，比想像中大碟呢~油飯都唔錯幾香，雞就要依賴個汁，整體都滿意。

路過見到呢度有一間新開張嘅越南餐廳，就叫埋朋友一齊嚟試吓，呢度交通都方便，由沙田圍站行過嚟，都只係5分鐘左右。餐廳新裝修，環境都幾光猛，坐得舒服，睇餐牌就有大路嘅越南美食。首先叫咗一個大越香茅豬扒叻沙，價錢$58。個湯底睇起上嚟好正，食落都有好香嘅香料味，啱晒鍾意食德濃味嘅朋友。價錢$58 ，都算經濟實惠。 另外又叫咗咖喱牛腩煲，配一盒蒜蓉包。牛腩嘅份量好多，咖喱汁亦算香濃，配蒜蓉包真係好正，其實可以叫多個白飯，咖喱汁真係送飯嘅佳品。我哋有好豪氣咁叫咗個椒鹽軟殼蟹，椒鹽炒得好香，非常好食，價錢係128元，份量都夠大跌，所以好夠食而且好滿足。

每次放假經過睇住呢間越南餐廳裝修、佈置，終於開張，今日突然好想食越南火車頭湯河粉，就入去試試，下午茶時間都有約6枱，但係樓面只有2人，等一會很快就有人點餐，我哋5大1B點了5個餐，上菜速度很快，生牛肉河好食，牛肉全生❤️💕湯底非常好味，但不夠膽飲怕係滴滴金，希望唔係，因為我想再去光顧媽同細女叫左2個小食蝦餅同越南春卷，2個都話好食，細妹同我一樣，細妹男友叫左個咖喱牛肉飯，兩個都話好食，呢次下午茶大家都話好食滿意，下次再去。重點係好低食，平靚正！大家都唔記得影食物🤣

今日去沙田河畔探望朋友，朋友極力推介呢間佢做咗飯堂既平民食肆比我，話一定可以滿足我呢個餓底而且又平又抵食，咁我當然要探吓虛實啦，反正都經過咪試吓囉，一去到門口就比佢幅壁畫吸睛，坐位好闊落店鋪內間格四四正正而且好光猛🌝🌝見佢餐牌有一個勁抵之選推介係星期一至五30蚊一碗😱😱現在食碗魚旦粉30蚊都未必得啦，唔怪得我朋友當佢係飯堂啦，真係勁抵喎👍🏽👍🏽👍🏽店員見我兩個人就推介我地不如叫餐啦，話份量十足一定夠食，咁就叫咗個二人餐炸春卷＋灼通菜＋火車頭湯河，果碗湯河一嚟到真係比佢嚇親囉，個碗好似受過輻射變大咗，老實講正常三個人先食得哂，好彩我係一名餓底先食得哂，真正抵食夾大件

每逢星期四，女兒都需要外出上DSE的雞精補習班，奈何學校放學後，相隔三粒鐘才番補習班，時間兩頭唔到岸，唯有搵個地方捱吓時間，順便提早食埋晚餐。記得早兩個星期嚟過呢間"大越"，印象唔錯，便拖女過嚟撐檯腳，16:44分時間尚早，仲有下午茶食呢！ 我們叫了一份香茅豬扒飯(上次來有試過，香茅豬扒依然很入味，很鬆化。因我兒時曾寄住過開豬場的親友家，餐餐都係豬，所以，離開她家後已同豬肉冇friend做，平時也不會吃豬的我，都竟然覺得好味!😍)。 女兒叫了生牛河，我都有拿來試，生牛河的靈魂在於個湯頭，湯頭不油膩，很清甜，也有濃濃的香料味，牛肉浸一會，輕輕轉色便食得，牛肉也很嫩，粉就不用說了。 另叫了必食的芝心蝦多士，上次試過念念不忘，今次再同女兒share來食，依然好味!! 因以上三個都是下午茶餐，餐飲叫了兩杯凍蜂蜜玫瑰柚子茶(味道較淡)，凍滴漏咖啡(今次比上次更濃，有進步!💪)埋單$136，抵食又好食。 另再買了一個香茅豬扒撈檬粉，追加香茅雞翼及蝦餅、青檸梳打比家人，拿完外賣出門口後，才醒覺，吓....才五點幾，亞女仲未夠鐘上補習班噃，死死氣坐的士先回家放低食物比家人，休息一陣，再送女兒

今天走到沙田一間富有越式風味的餐廳首先被他店內牆上的一幅畫吸引着，然後進去餐廳內服務員都很熱情招呼我們，有舒適的沙發卡位，便安排了我們坐在這裏，看見了餐牌有很多套餐或者單點食品，又有二人套餐，經過一段時間商量後，便決定點以下特色越南小吃及粉面：一客大越海南雞例牌*****海南雞非常嫩滑，就算不是雞髀位置都很嫩，配上他特製的醬汁是一種味覺的享受酸辣無骨鳳爪（必點）都幾辣****我個人本身不太吃辣，如果能夠吃辣的朋友，必點無骨鳳爪真的十分彈牙一客招牌生牛肉湯河****生牛肉煮得剛剛好配上粵式秘製湯及配料絕配椰子冰****味道不錯，不太甜