大越越南餐廳

营业中

休息中

兩個人吾係好想食太多正餐🤤食左好多小食😬😬😬叫左一個大越生牛肉什錦湯檬，加左$22 叫左個酸辣鳳爪，招牌脆牛腩，牛油雞翼！！佢而家好似係研發緊新口味 都俾左兩舊叉燒俾我地試下😀好中意個生牛肉😍好香牛味！！！佢個什錦係有牛丸,生牛肉同埋牛腩！！！牛丸係好食嘅！！！！！好香好彈牙，係我中意嘅牛丸！酸辣鳳爪好大份 $22 我就覺得幾抵食😀好酸！岩哂我中意重口味嘅😊😊😊招牌脆牛腩係炸嘅，好特別！未食過甘樣整嘅牛腩！！！！好香口！真係同一般食嘅吾一樣,好大件啊！食到飽一飽 好幸福🥰

大家都知道小編放假都會走遠少少去到唔同區到搵野食😗，而今次小編走到好遠去到沙田圍到搵一間風評好既越南餐廳🧐，餐廳名叫「大越越南餐廳」。從餐廳既外觀、餐牌上面既款式都覺得吸引😮，亦應該好受附近市民喜愛。小編一場嚟到都想試一試係唔係會一試難忘🤔，決定入去留下痕跡喇🐾。✦✦✦✦✦✦✦✦✦✦✦✦✦✦🎈馬來黑叉燒 $68一坐低聽到員工講有個菜式推出，其中就係呢個餐「馬來黑叉燒」🍽。先講一講湯河落左好大量蔥花，味道變得好偏向蔥花味😩，亦無左越式湯河應該有既啖啖清香湯底。而湯底亦唔係好濃郁，亦無乜香草同辣椒仔調味😦，小編只好落好多魚露令味道好鮮甜🥺。另外，聽老闆講因為都係啱啱出呢幾款菜式，所以味道同口感都仲要改善🧐，呢一點小編都好認同。叉燒口感太過硬，而且醬汁色澤同味道唔太吸引，仲有啲苦添😢。希望其他朋友嚟食之前都可以改善好啦，小編覺得叉燒可以先切成一件件🔪，咁樣多醬汁既食物又唔會食得好遴迍喇😗。而肉質方面應該係煮過龍喇，真係有啲太硬🥴，無左叉燒肉質感。✦✦✦✦✦✦✦✦✦✦✦✦✦✦🎈餐飲 凍鹹桔水 好多越式餐廳都有鹹桔水🥃，既開胃又幫助消化，食得飽就要飲鹹桔水喇☺。飲落亦有好多金桔肉💦，味道雖偏鹹，

好耐冇食 #越南菜 了，經過這一間位於沙田的大越 #越南餐廳，餐廳門面及牆上的女生油畫吸引了我進去晚餐。餐廳環境好大好闊落，感覺好舒服，隨即店員安排我哋坐梳化位置。餐牌食物的款式比較多選擇，當然不得不試這裏的招牌 #越南檬粉。見到 #古都湯檬 入面嘅配料都幾啱口味，入面有牛腩、扎蹄、扎肉及牛丸，湯底少少辣好濃郁，而且牛腩夠晒入味，肉質仲好林身，配料分量真係好足料，一次過滿足晒我嘅味覺😋另外還叫了一份小食 #椒鹽軟殼蟹，即叫即炸，脆卜卜嘅口感令我食得好滋味，每一件 #軟殼蟹 都好有份量好大件添！飲品熱 #鹹柑桔🍊 可以滋潤喉嚨，而且好濃郁添🤗這一餐越南菜性價比很高，埋單只係$200，感覺值回票價！

呢排天氣好熱都冇乜胃口，就決定去搵越南菜食，去咗大越越南餐廳，叫咗佢哋嘅海南雞套餐二人餐。入面有海南雞例牌一份，魚露生菜，大越火車頭河粉，另外叫咗一個椰青飲。個海南雞好滑而且唔肥，d雞肉同埋雞皮， 點埋特製嘅醬汁，簡直係一流，一啖雞一啖海南雞油飯真係食到好滿足。火車頭粉有生熟牛肉、牛筋、牛腩、牛柏葉、牛展、同埋牛丸，超大碗超好份量而且入面有充足嘅越式配料，夏天食絕對一流超開胃，而且牛肉、牛展、牛筋等等……全部都好新鮮好有越式風味。而最後個椰青就超解渴，飲到最後埋入面d果肉都刮埋黎食，又係好滿足嘅一夜。

放假在家休息，暫時都唔可以去街，不過難得放假，可以罷煮一日咁多，之前經過花園城發現有間越南菜價錢合理，今日決定試下!電話落單，10分鐘就有得拎啦，外賣自取有9折!今日點左香茅豬扒檬粉、蒜蓉牛油雞翼、扎肉蒸粉包同軟殼蟹米紙卷!牛油雞翼香脆充滿牛油香味扎肉蒸粉包同軟殼蟹米紙卷美味，特別一提其實唔係好多越南餐廳有蒸粉包，因為以前搵左幾間都無而我又好鍾意食哩！香茅豬扒脆而不油膩，檬粉份量好充足!整體非常滿意，一定會有下次，不過希望下次係可能夜晚堂食啦

沙田火車站附近，有家大越越南餐廳，路過時被它門口大大個食神GRAFFITI吸引住了。餐廳裝潢簡潔企理，寬敞舒服。越南風的壁畫賞心悅目。生牛肉湯河粉是餐廳的招牌菜，大大碗有生牛肉、洋蔥、銀牙、香茅等多種食材。牛肉新鮮軟腍，河粉好滑，湯底香濃可口。法式牛油蒜茸焗大頭蝦，濃郁的牛油與蒜香滲透到蝦肉里，蝦肉新鮮彈牙，食落好有滿足感。小食拼盆有春卷、扎肉、牛肉蝦片等。我至愛春卷，熱辣辣，脆卜卜，包生菜點上酸甜醬吃到停不了口。三五知已米紙卷拼盤，有軟殼蟹、鮮蝦、素菜等，各有風味，點酸甜汁，酸酸甜甜好開胃。越南滴漏咖啡是餐廳的特色，香濃的咖啡與煉奶攪拌后，口感厚實順滑，值得推薦。總而言之，從食材到味道都Ok，價格也非常平民。

話說沙角呢間越南餐廳取代咗一間我朋友好鍾意食嘅西餐廳，今日終於都有機會同佢嚟試吓。一打開食譜發覺佢嘅選擇都幾多，琳琅滿目，對於有選擇困難症嘅我哋來講都真係有啲難道啊！好多小食我都好想試！一口氣就叫咗幾個小食，最吸引人嘅係佢個芝士蝦多士！另外叫左脆皮鮮牛腩，軟殼蟹米紙卷，再叫咗一碟菜，一碟秋葵，另外再叫多咗一個古都湯檬，越南野一定要試吓佢啲湯檬啦！佢上菜都算快，軟殼蟹米紙卷用料豐富，軟殼蟹大大隻配上新鮮生菜，再配上酸甜又香既嘅魚露醬料，真係好開胃!脆皮鮮牛腩皮脆肉滑，都係上佳嘅食品。秋葵伴魚露味道非常濃味，我喜歡食濃味野既朋友好喜歡，而我就喜歡通菜配上馬拉盞，異常的相襯啊！另外一定要講一講佢個椰汁紅豆冰，椰汁非常之香，我諗佢係用左椰糖整架，極力推介呀！佢個古都湯檬個湯都非常之香濃，配料非常之多，檬粉入曬味，好好味呀！咁又過左飽足既一晚了！

一般食越南野都會食湯檬，但係今晚我哋叫咗好多脆口嘅小食，過下惡魔之夜先！叫咗炸蝦餅，蝦餅非常爽口彈口，配上醬汁好好食，相蝦餅上邊鋪滿香蔥同炸乾蔥，配埋一齊嚟食真係不得了呀！另外想講講佢個芝士蝦多士，嘩！真係好味到不得了呀！蝦多士個面鋪滿芝麻，炸到香脆又有點鬆化，內層係留心嘅芝士！蝦膠彈牙爽口，真係食完一口接一口，停唔到手！另外叫咗兩杯嘢飲，熱情果梳打係正常之作，但係個紅豆冰真係不得了呀！佢裏面用椰汁打咗少少沙冰，椰味非常香濃，我相信佢係用椰糖㗎，配上紅豆真係美味冇極限啦，一定要試吓佢個紅豆冰。今晚一啖香口野一啖沙冰，真係惡魔得來令人難忘呀！

今日去間"真係好撚鍾意香港"嘅越南菜食到好L飽~2人餐~個酸辣無骨鳳爪…夾極都仲有咁嘅無骨海南雞…層層疊火車頭pho…啲肉好似同啲粉50/50唔怪得老闆會來問係咪食唔晒，我哋口講no problem, 其實心諗：好彩係叫檬粉~叫河粉應會越食越大碗，用碗仔total夾到6碗，加埋2個"小"食，如果3個女仔來應該都無問題~味道屬大眾口味style﹐所絕對無中伏，眼見好多街坊都一家老幼4-6人咁來食，招呼態度不言而喻~

呢間越南餐，都幾多款式選擇，價錢亦好合理。鍾意佢小食類夠多夠齊，春卷、蒸粉包、蝦餅、蔗蝦、雞翼、扎肉、蝦多士、豬頸肉、青口等應有盡有。烤豬頸肉青木瓜沙律 $72即叫即做，離遠都聞到好香的烤豬，好香口好惹味。份量都多，兩個人 share 啱啱好。生牛肉牛丸湯粉 $60湯底有濃厚牛骨味，而且好多香葉好惹味。生牛肉肉質靚又大片，牛丸都彈牙。整體來講幾有水準的。魚餅撈檬 $55一般越南餐廳比較少見的魚餅撈檬，呢度有喎，當然試試佢。魚餅好大件，形狀似大魚蛋，即叫即煎，熱辣辣，食得出足料。檬粉內又有好多蔬菜絲，mix 埋辣椒魚露食，好似沙律咁，酸酸甜甜又涼爽，好啱夏天食。咸桔水 +$8好正宗，好濃味，幾夠咸。飲完喉嚨即刻順左椰汁三色冰 +$12用椰汁沙冰做底，唔係就咁加冰架！特別凍特別爽，誠意推介，必飲！最後仲要讚下侍應，有禮貌又細心，服務滿分

今日同朋友一齊食飯🥰去左花園城附近食越南野！間店裝修好舒服💕兩個人 點左一碗朱頸肉撈檬，一碗雞翼喇沙，芝士蝦多士，脆皮牛腩😈 另外點左一杯椰汁冰同一個新鮮椰青！喇沙同雞翼分試 唔會影響左雞翼既脆卜卜口感 重有買隻雞翼咁多😽芝士蝦多 上面好多芝麻好香 好脆 唔會覺得油林林 中間蝦膠同芝士口感好夾👍🏻脆皮牛腩 人如其名 好脆口酥化 想特別提下 撈檬既汁 簡直係我既飛佛！最正係 特地食左咁多野 都唔過$300🙄有冇咁著數呀？🤩

入沙田搵完frd, 熱辣辣咁嘅天氣，真係會好想食啲酸辣野見到呢間大越外面嘅大壁畫已經好attractive就你啦~~鋪外就係呢個o咀小女孩即刻點左份凍檬先加埋酸辣汁撈撈撈..我唔客氣喇呢碗「香茅豬扒撈檬」嘅豬扒都唔會乾，幾香口，面頭炸蒜都好大方咁落~~凍凍地、酸偏甜、好微微嘅辣咁嘅撈檬真係滿足左我嘅欲望再嗌左啲side「炸春卷」，上枱熱辣辣，唔係擺耐左嘅微溫..熱度好滿意！脆卜卜，涵唔會過鹹！(之前試過d 勁重手嘅味精卷，真係食完係咁errr..個胃會唔舒服) 惹味得黎，唔會太heavy另一個side「甘蔗蝦」彈牙蝦滑唔會話支蔗仲多過蝦lollll點完甜辣醬，perfect池結尾一杯熱「蜂蜜玫瑰柚子茶」跟餐加8$﹐舒服，完全作結。玫瑰如果冇話浸到淋晒，賣相更佳。

今日嚟到沙田圍呢一間越南餐廳， 因為探完朋友， 所以到呢附近揾食， 其實呢度環境都幾清靜，從火車站行到呢一間餐廳我諗大概五分鐘左右， 入到餐廳 感覺都幾寬敞， 同埋裝修都幾是正， 咁我叫咗以下食品：生牛肉湯粉： 我自己覺得食越南野一定要叫湯粉，所以呢個湯粉不得不介紹佢，個河粉係幾滑， 另外個牛肉新鮮亦都幾juicy，加埋嗰個湯底真係feel very good！ 所以鍾意食河粉嘅朋友可以試下。蒜蓉牛油雞翼：雞翼炸得好好,恰到好處皮脆肉嫩,而且有好香嘅蒜蓉味牛油味 ，唔使一分鐘，已經KO一隻。軟殼蟹米紙卷：呢個係我最愛食嘅軟殼蟹，軟殼蟹炸得幾脆, 炸得幾好同香脆， 個米紙卷記住點少少汁食，令到口感同風味一流，呢個我覺得一定要試。 可能我鍾意食軟殼蟹。最後我飲埋杯椰汁冰就走囉， 如果大家經開沙田呢一頭，大家可以試下呢一間越南餐廳。

天氣咁熱，想食啲開胃啲嘅食物！除左日本野，我會揀越南嘢！今日lunch食咗越南野，價錢唔貴呀，味道都幾好！選擇好多，大路嘅食物都有！最正係有越南咖啡12點左右來到，仲有位！如果一點先到，就要等位喇！天時暑熱，先飲杯青檸梳打！非常消暑啊主食點左大越生牛肉什錦湯粉，材料非常豐富幾樣材料入面，最好食就係牛腩片！牛肉味道好濃郁，而且都幾淋加錢可以加小食即刻要咗個炸蝦餅！蝦餅味道唔錯，撈埋啲蔥油好味道，不過肉質就唔算太爽口彈牙。呢度午餐選擇夠多，下次可以嚟試多幾款

放工之後喺沙田一帶跑步，跑到嚟勵城花園附近唔知有咩好食，於是就上OpenRice搵吓，見到附近有間越南野，好似評價都唔錯，於是就入嚟試吓啦。呢度環境都幾好，幾闊落，夜晚唔係好多人，仲播住陳奕迅嘅歌，好有品味。菜單上面都幾豐富，幾多選擇，我就揀咗一個燒豬頸肉喇沙麵食，男朋友就揀咗個燒雞肉撈夢，之後仲叫咗個脆皮牛腩，有兩杯餐飲。喇沙麵望落好吸引，燒豬頸肉都係。我覺得啲燒豬頸肉好高質，啲皮脆脆地，有少少薄切，咬落好爽口，勁有口感，燒豬頸肉來講，佢真係整得好好味。喇沙麵嘅辣到對我來講有啲太辣，所以我都食得比較慢。其實我係第一次食喇沙，所以唔算太鍾意呢一種麵質，不過男朋友似乎幾鍾意，佢都食得好多。我就不斷食豬頸肉。脆皮牛腩真係幾特別，我都係第一次見，完全係外脆內軟，牛腩好夠肥，外面脆皮亦都好鬆脆，兩個加埋嘅口感幾正。撈檬好味，啲雞肉串好高質，食得好滋味。好似永遠喺越南野啲撈檬嘅汁都係冇可能撈得勻，因為d揸會沉澱晒，不過都無損呢一碗撈檬嘅美味味。滿足🤩