大越越南餐廳

营业中

休息中

依段時間，真係都唔知食乜好。所以食下啲街坊小店，簡簡單單就最好。海南雞例牌，海南雞已經去晒骨，無骨，雞肉夠嫰，味道亦都10分好，值得一試。生牛肉湯河，最緊要梗係啖湯，一嚟梗係試吓個湯先，個湯底十分濃郁，夠味。牛肉就好似想睇咁樣夠鮮嫩，河粉夠滑，依個生牛肉湯河合格有餘，對得住個價錢。脆皮鮮牛腩，係三個餸入邊我最鍾意嘅，面頭真係夠脆，牛腩亦都夠淋，咁樣先係最難得，依個餸真係會令人追住咁食，首先要個牛腩做得好，第二個皮都要做得夠脆，咁樣先至會好味，呢度就正正做到呢樣嘢，屬於必食推介，如果大家幫襯嘅時候絕對要叫黎試下。