大紅袍火鍋料理

营业中

休息中

一試就愛上，高質火鍋料理早幾日老公放假，適逢天氣凍凍地又想打邊爐，但係我又想食得清淡少少，即刻諗起之前朋友介紹過之後一直好想試的椰子雞火鍋五星推薦🌟🌟🌟🌟🌟 椰子雞湯湯底 │ $168有兩個新鮮椰青，再加上半隻雞做湯底，未開始正式食火鍋已經忍唔住飲咗碗頭啖湯，椰香味濃，湯底超 級 清 甜，雞肉嫩滑，絕對係高質同足料的椰子雞湯底滑牛肉 │ $118鮮嫩牛肉配上雞蛋，牛肉香味豐富，絕對係肥牛以外另一個好選擇手打四寶丸 │ $98分別有鮮蝦丸、豬肉丸、鯪魚丸、墨魚丸全部都食得出真係係新鮮整，肉質夠實，而且非常足料彈牙，私心特別推薦鯪魚丸，啖啖爽口鯪魚肉，真材實料口感豐富韭菜餃 │ $40(半份)爸爸餃類只係鍾情韭菜餃，食餃無數今次仍然可以有讚無彈，真正做到皮薄餡靚手工靚餃紫菜炸響鈴 │ $60自家製新鮮即炸紫菜響鈴輕輕用筷子夾起已經聽到鬆脆聲音，輕輕浸一下已經吸盡清甜湯汁，就咁食都好滋味動感鮮田雞 │ $78本身係對個名好奇究竟田雞會有幾動感，直至上枱一刻先知道原來係新鮮到可以見到田雞髀肉抽動緊，果然係名副其實動感鮮田雞新鮮肥鵝腸 │ $90火鍋必配，爽脆肥美，帶有豐富油脂甘香

成個星期凍冰冰最岩約朋友打邊爐,今次同朋友揀左去大紅袍~佢應該係近期食過既火鍋店最多湯底選擇既一間🤩有成20款咁多轉天氣關係,又想潤D~所以今次點左佢地既椰子雞湯底(HK$168),除左包左半隻雞之外,仲連埋兩個即開椰子水😍😍✅安格斯牛頸脊(HK$278): 20塊以上,脂肪比例超好✅雙拼響鈴(HK$70): 新鮮即炸😍放落湯涮3秒,半稔半脆,好邪惡!!!因為揀左紫菜同原味雙拼,所以比單點貴左10蚊✅蝦子墨魚滑(HK$88):朋友第一個反應係網球咁大個🎾🎾而且好夠”膠“ 彈牙又爽口🤭✅脆肉鯇片(HK$75):約十片,魚肉爽口

以前返學成日係呢附近食嘢估唔到依加百悅坊多咗咁多嘢食😗呢間火鍋店超大，坐得好舒服😆#椰子雞湯底 ($168)😋好味指數：(8/10)個湯底有五指毛桃﹑紅棗﹑杞子一齊煲有兩個椰青比你自己倒椰青水落去🌴個湯好鮮甜好好飲😍有半隻雞，雞肉就正正常常🙈#花雕牛肉 ($138)😋好味指數：(7.5/10)勁勁勁濃花雕，唔中意酒味千奇唔好嗌😂牛肉都幾嫩~#日本廣島蠔刺身 ($118)😋好味指數：(7.5/10)肉質肥美，又口好滑😚#手打四寶丸 ($98)😋好味指數：(7/10)鮮牛根丸 墨魚丸 蝦丸 鯪魚丸墨魚丸 蝦丸好彈牙牛根丸好多汁#招牌三拼餃 ($138)😋好味指數：(7.5/10)黑松露蟹肉餃 雙籽鮮蝦雲吞 韮菜餃3款餃都係脹卜卜😙黑松露蟹肉餃入面有勁多蟹肉鮮蝦雲吞好彈牙又大大隻韮菜餃都好足料#脆金花 ($88)😋好味指數：( 7.5/10)勁脆又唔算油入面係蝦加鯪魚肉😆#生麵配蔥油 ($38)😋好味指數：(7/10)麵質好滑最好自己加啲豉油落去有蔥油比我地撈，超邪惡😋最後仲嗌咗西洋菜同冬瓜片

之前去過荃灣百悅坊發現有好多餐廳幾吸引🤩前兩日去開荃灣買嘢～又有啲肚餓🤣即興約咗老公去大紅袍火鍋料理食個early dinner☺️✨餐廳位置十分闊落，裝修有特色同埋景觀都好開陽✨我哋今次揀咗椰子雞湯底🥥🐓 必食推介！！兩只大大只嘅椰子水再加上半只新鮮靚雞加入湯底 😋一定要喺加料打邊爐之前飲返啖靚湯😍真系好鮮甜😋 呢度湯底都有勁多款揀！火鍋配料都種類繁多～ 任君選擇🤩呢度仲有牛肉刺身食㗎！ 好豐富！🤩特別推薦頂級安格斯牛頸脊同蝦滑！牛肉嫩滑～蝦滑則鮮味十足～😋

呢一間火鍋店我都係第一次嚟食，因為屋企人食過呢一間覺得唔錯，於是就成班朋友一齊約去呢間火鍋店食吓😆望落去個環境空間都好大，就算四人枱坐落去都好闊落推介‼️五指毛桃椰子雞湯 $168鍾意有椰子味、雞味，好推介你試呢一款湯底，一鍋椰子五指毛桃同紅棗煲嘅雞湯，再嚟兩個新鮮椰青同半隻雞，椰青湯底就係有椰香味，清清甜甜，加埋半隻雞落去又多咗雞味，雞件都好嫩滑整體嘅食物質素都好高質，如果鍾意食牛肉又想多款嘅就可以揀牛肉五拼，五款牛入面有牛頸脊、牛肉粒等等，全部牛味都出；另外桶蠔嘅size係拳頭咁大，淥完都唔係好縮水，呢個價錢大概有五隻蠔；另一個我私心推介嘅就係炸腐皮拼炸魚皮，新鮮炸出嚟真係唔同，唔會有浸益味，好脆口🔸 大紅袍牛肉五拼 $428🔸桶蠔 $168🔸西班牙豬肉 $118🔸四寶丸 $98🔸鮮鵝腸 $90🔸蟹籽墨魚滑 $88🔸鬼馬蝦膠 $75🔸炸腐皮拼炸魚皮 $70🔸鴨血 $68🔸牛柏葉 $50🔸油麥菜 $42🔸竹蔗水 $40🔸半份雙籽鮮蝦雲吞 $40

位於荃灣百悅坊,係荃新天地附近之前食開尖沙咀,原來荃灣都有分店環境好寬敞,有窗邊卡位,更設有VIP房食材全部都好新鮮高質👍🏻🔸五指毛桃椰子雞湯 $198五指毛桃椰子雞湯底會跟兩個椰青同一碟雞個湯底好鮮甜又養生🍲🔸大紅袍牛肉五拼 $428極級本地手切肥牛｜頂級安格斯牛頸脊 ｜手切封門柳 ｜厚切牛脷粒 ｜鮮牛肉粒牛肉拼盤好新鮮 顏色鮮艷 牛味濃又豐富😍🔸美國桶蠔 $168手掌咁大隻蠔,淥完都無縮水🦪🔸西班牙豬肉 $118豬肉嫩滑,油脂均勻🔸手打四寶丸 $98四寶丸有牛丸,鮮蝦丸,鯪魚丸,墨魚丸果然手打丸😍牛丸好Juicy爽彈,鮮蝦丸有原隻鮮蝦🦐勁正🔸新鮮肥鵝腸 $90爽脆彈牙,仲有肥膏嘅香🔸蟹籽墨魚滑 $88打到起膠嘅墨魚膠,好彈牙加埋蟹籽,口感更有層次🔸鬼馬蝦膠 $75唔使淥太耐,有外脆內軟口感🔸新鮮炸響鈴拼自製炸魚皮 $70新鮮即炸好香脆🐟🔸台灣新鮮鴨血 $68鴨血好大塊嫩滑,仲吸晒個湯底🔸白柏葉 $50牛柏葉好爽口,剪到大小適中🔸雙籽鮮蝦雲吞 （半份） $40半份有3粒,用原隻鮮蝦製成嘅餡料,粒粒真材實料～包到好飽滿🥟🔸油麥菜 $42🔸竹蔗水 $40/渣甜度唔太甜,清熱解渴🔸餐前小食

朋友話佢同事推介大紅袍火鍋好食，咁岩呢排涼涼地又咁岩係荃灣咁近仲等咩？收工就約去食😂.五指毛桃椰子雞湯 $198 推廣價先上兩個椰子等湯底滾咗之後，將椰子水倒落去再落埋雞就形成椰子雞湯底！椰子雞湯勁鮮甜，未開始食其他野我哋已經每人飲左兩三碗湯～真係好好飲.大紅袍牛肉三拼 $368牛肉三拼分別有極級本地手切肥牛、頂級安格斯牛頸脊同手切封門柳。牛味濃郁，脂肪同肉嘅分布都非常平均，肉質鮮嫩.芝士牛肉拼鵝肝墨魚丸 $108丸類係新鮮手打，芝士牛丸彈牙而且肉汁豐富，內𥚃仲有芝士🧀一咬就又爆芝士又爆肉汁😂好食！墨魚丸中間包住粒鵝肝，口感豐富.海中蝦滑 $88蝦滑真係見到有原隻鮮蝦係入面，面頭加上蟹籽嘅點綴增加口感，每啖都食到蝦既鮮味.炸腐皮拼炸魚皮 $70響鈴同魚皮都係新鮮炸起，咬落仲係卜卜脆，響鈴吸收哂椰子雞湯既味道唔洗點調味都夠好食，魚皮有輕微調味，想就咁食又得浸落湯食又得.皇帝菜 $45朋友話食太多肉要叫返啲菜黎中和返😂皇帝菜 新鮮嫩綠，爽脆又唔會有渣，配合埋個湯底非常好味

大紅袍最近出左五指毛桃既椰子雞湯火鍋😌🥥五指毛桃既椰子雞湯火鍋 $168有兩個新鮮椰青同半隻雞比客人自己加落湯底係未加雞之前試左個湯，好清甜同滋潤啲雞好滑好厚肉，仲有椰子香味，唔洗點醬油食都已經好入味🥰🥩西班牙豬肉油脂分布平均，整完都係好滑😗🥩秘製滑牛肉撈埋蛋先再整黎食唔錯，好有口感😆🥟雙籽鮮蝦雲吞(半份)+魚皮餃(半份) 大大隻都多料😄🍡芝士墨魚丸墨魚丸都幾彈牙爽口，面層有魚籽😗🍤海中蝦滑好滑溜，唔錯😛大紅袍火鍋料理 (荃灣)📍荃灣川龍街118號百悅坊16樓

以前大家會好鍾意食火鍋放題，但而家大家反而越嚟越追求食物嘅質素。而今日同朋友嚟咗呢間火鍋店，一次過滿足晒高質素同大份量嘅願望！五指毛桃椰子湯上鍋嘅時候，會有一碟未熟嘅雞肉同兩個椰青一齊。落晒椰青水落去之後，滾出嚟已經好香嘅椰子味。個人強烈建議雞肉唔使滾太耐，都已經好入味！羊肉片今次我反而幾欣賞呢個羊肉片，大大塊唔會太肥，而且羊羶味唔會太重，烚完之後個椰子湯都唔會有好重羊味！椒鹽豆腐、椒鹽雞軟骨今次叫咗啲小菜都喜出望外。平時食雞軟骨都好驚油益味太重，但今次嘅雞軟骨相當香脆，炸粉唔會好厚，豆腐、雞軟骨咬落去外脆內軟！魷魚今次就叫咗平時食火鍋，未必一定見到嘅白魷魚。相比起平時食開嘅水魷，白魷魚插完之後更加入味，值得一再推薦！鴨血食開台式火鍋嘅朋友，都一定要搵鴨血。而今次嘅鴨血配上椰子湯，食落去冇麻辣鴨血嘅濃味，但係配埋椰子湯就有一種更加清新嘅香味，味道與別不同！手打檸檬茶呢個手打檬茶，真係嚇一嚇！真係真正用手打嘅檸檬茶，飲落相當足料，絕對唔係普通檸檬茶可以比較，值得一試！

▫️五指毛桃椰子雞湯一向偏愛椰子雞湯，但餐廳呢一款就同一般嘅椰子雞湯湯底唔同，椰子水同雞都係後加！煲完既雞，肉質嫩滑，配上淡淡嘅椰子清香，椰子味更濃郁，亦令到雞肉嘅鮮味更出。湯底加埋雞油既香味，令本身清新椰香既湯底更添濃味，大愛呢款湯底😍！▫️手切封門柳一上枱見到牛肉絕對唔係一般嘅急凍牛肉，牛肉紋路非常靚，油脂分布平均。指出嚟嘅厚度適中，輕輕一燙，湯底既清香配埋牛肉既肉香，食落牛味濃郁，肉質嫩滑😋！▫️鮮牛根丸拼芝士墨魚丸牛筋丸咬落相當彈牙，食落口感豐富，一咬落去仲有牛汁咇出嚟！🤣第一次食芝士墨魚丸，芝士味冇搶到墨魚嘅鮮味，兩者味道好夾，好好食！▫️芝士獅子狗獅子狗就食得多，有埋芝士嘅獅子狗就唔係好多餐廳有，芝士迷必食😋▫️炸魚皮、紫菜炸響鈴餐廳嘅魚皮超好食，食得出係人手炸，食落鬆脆！第一次食加咗紫菜嘅響鈴，估唔到味道又幾夾喎，咬落味道更香，更有層次！▫️椒鹽九肚魚、椒鹽雞軟骨、椒鹽豆腐最令人驚喜係，呢度嘅小菜都有相當好嘅水準！呢一味椒鹽九肚魚，外面嘅炸粉唔會太厚，食落去外脆內軟，椒鹽唔會太鹹或者太辣，咬落去九肚魚嘅魚味都保持到，值得支持！椒鹽豆腐外脆內軟，內裏嘅豆腐超級嫩滑！而椒鹽雞軟骨食落爽脆

【荃灣區】【大紅袍火鍋料理】接連同遇星哥一齊做嘢，夜晚喺荃灣就打算食好啲。我就大膽推介「大紅袍火鍋料理」，五六年前左右食過覺得好正，再試多次。首先個湯底已經要大推，我哋試 $168 嘅「椰子雞湯底」，用咗兩大個勁多水嘅椰青加落湯底入面，配合埋滑雞，勁濃勁香呀。而 $20 嘅「餐前小食」係青瓜同炒花生，勁開胃。跟住 $30 嘅「醬油」亦都好多選擇，適合唔同需要。跟住先試 $188 嘅「極上牛肉刺身」，撈埋洋蔥同特製醬汁就咁食嘅，食盡天然嘅牛味。到 $108 嘅「芝士墨魚丸拼芝士蝦丸」，都好有特色嘅特別嘢。跟住試多四樣牛嘅嘢，包括 $138 嘅「花雕牛肉」、$108 嘅「牛胸尖」、$68 嘅「新鮮牛粉腸」同 $50 嘅「牛骨髓」，都好新鮮好正。試埋 $90 嘅「新鮮肥鵝腸」，又肥又滑呀。飲埋 $40 一渣嘅「竹蔗水」，成件事好圓滿，係一次精采絕倫嘅邊爐體驗。。。（地址：荃灣川龍街118號百悅坊16樓）@dahongpaohk#1amfoodie #foodie #hkfoodie #thatfoodiething #hkfood #food #instafood #yummy #foodl

同老公提早情人節，來到荃灣開業7年的紅磚牆的「大紅袍火鍋料理」，店內環境寬敞，坐得格外舒服，食材仲要超高質醬油 $15/1餐前小食 $20五指毛桃椰子雞火鍋🍲用上兩個原個椰子🥥，雞件仲要有成半隻，肉嫩鮮美，湯底清鮮甜，非常足料～🐮頂級安格斯牛頸脊牛頸脊油花細緻均勻，牛肉味香濃，口感軟諗，重牛味黑柏葉切得超大塊，口感非常爽口，超級新鮮，保留原味和口感桂花蚌超大碟，入口爽口，咬落彈牙帶鮮味鮮鵝腸涮火鍋真心一流！口感脆脆嫩嫩，越食會越上癮咖（雙拼）炸魚皮＆炸腐皮上枱熱辣辣，即叫即起好少有，外皮真係脆卜卜韭菜餃咸檸樂咸柑桔西柚檸檬大紅袍火鍋料理荃灣川龍街118號百悅坊16樓

數數手指✋🏻應該食過5/6次 由同老公拍拖時期食過 到今時今日 食物味道 質素都係一模一樣咁好食👍🏻同屋企人大時大節都食過 個個都話好食😋每個湯底都好有誠意好充料🍲完全唔會hea!!! 佢唔單止鍋底牛肉好食 佢所有配料都真係好好食❣️😌所以真心值得推薦下👍🏻今次去開荃灣就帶埋阿囡打邊爐🥘果然名不虛傳都係超正 去到環境好好空間大坐得舒服 小朋友張凳好重㗎 佢地大動作都唔怕郁同埋掂到個鍋👍🏻🥥🐔椰子雞湯底椰子雞係我哋本身鍾意嘅湯底，唔需要落味精， 湯底清甜雞件新鮮好好食（其他湯底都好正㗎）🐂極級本地手切肥牛牛肉味香濃，牛脂分佈均勻，份量好夠好好食 🪿新鮮肥鵝腸：鵝腸好爽口，味道好好，唔係平時食開只有湯底味道，係新鮮鵝腸🐟椒鹽九肚魚：椒鹽九肚魚都有酒樓質素，炸嘅火喉剛剛好，外脆內軟👍🏻🐮芝士牛丸：芝士牛丸入面芝士好香，食咗好多粒都好滋味，覺得係最好食嘅牛丸😂🦐鬼馬蝦膠：必點❣️油炸鬼好脆，蝦滑爽口彈牙🥟招牌三拼餃：（黑松露肉蟹餃、雙籽鮮蝦雲吞、韭菜餃） 三款餃子各有各好味，最喜歡鮮蝦雲吞，口感豐富，新鮮

最近天氣驟降，又是吃火鍋的時候了🍲這次和朋友聚會，我們來到荃灣「大紅袍火鍋料理」，店內環境寬敞，坐得好舒服～🔎 椰子雞湯底 ($168)椰子雞湯底會跟一碟雞肉和兩個椰青🥥湯底滾起後，將椰青水和雞肉倒入煮熟，湯底鮮甜，非常足料～🔎 大紅袍牛肉三拼（$368）大紅袍牛肉三拼包括：極級本地手切肥牛、頂級安格斯牛頸脊和手切封門柳油花均勻，口感柔軟，牛味濃郁～🔎 芝士牛丸($88)將芝士釀入手打牛丸，吃起來肉汁非常豐富💧🔎 鬼馬蝦膠($75)蝦膠釀入油條，口感彈牙🦐🔎 白柏葉 ($50)白柏葉非常爽口～🔎 萵筍 ($38)萵筍口感鮮嫩爽脆～🔎 竹蔗水 ($40/渣)味道清甜，清熱解渴～🔱另收加一服務費、前菜($20)和醬芥($15/位)

餐廳主打特色湯底同新鮮食材小妹由尖沙咀分店食到去荃灣由金屋藏嬌食到近排好HIT嘅椰子雞湯底🤣🍲椰子雞湯底(必試✨️)倒入兩隻大椰青水同半隻雞做湯底，加入五指毛桃、紅棗、杞子、淮山等中式湯料，有袪濕補氣嘅功效，養生之選😌🥢極級本地手切肥牛(例)🥢美國桶蠔🥢芝士蝦丸/鵝肝墨魚丸(雙拼)🥢自製炸魚皮/紫菜炸響鈴(雙拼)🥢雙籽鮮蝦雲吞(半份)🥢魚皮餃(半份)🥢竹笙新鮮食材製作唔同配料，推介本地手切肥牛，手切厚度適中，油花分佈靚🐮👍🏻 餐廳亦都有唔同自家製創意火鍋食材，必試手打丸類，私心推芝士蝦丸同鵝肝墨魚丸，小妹多年食極唔厭，由其係鮮蝦肉包住濃厚芝士，爽口惹味🤤另外，自製炸魚皮、紫菜炸響鈴比其他地方食到嘅更加鬆脆，落湯嘅時候一定要打起十分精神，建議一秒即食！係一秒！或者即食都相當唔錯🤩🌟火鍋配料份量夠大，而且某啲食材可以雙拼或者叫半份，適合細食人士或者硬盤套窄，想試多幾樣嘅小妹，相當貼心😆