大紅袍火鍋料理

营业中

休息中

天氣涼涼哋最岩就係打邊爐，揀左一間環境勁靚嘅中國風火鍋店，裝潢以古色古香的中式元素為主，每個細節都充滿雅致。湯底：五指毛桃椰子雞湯限時推出新湯底，加入2個原個椰子水，仲有半隻雞，雞肉滑嫩，帶著淡淡嘅椰子香氣，仲五指毛桃草本香，打邊爐之前飲番啖湯潤一潤。頂級安格斯牛頸脊油花分布均勻，涮到大概六七秒就食得，牛肉口感嫩滑，肉汁慢慢滲出，特別係浸過椰子雞湯嘅牛肉，有一層湯底自然清香。南非鮑魚南非鮑魚好新鮮，入口溫潤嫩滑，入口中段有彈韌感，帶著濃厚的鮮味。黑松露肉蟹餃火鍋店招牌餃，餃子皮薄，內餡蟹肉份量多，味道鮮甜，黑松露香味十足，必點之選。鬼馬蝦膠好有創意，將蝦滑釀係油炸鬼，蝦肉嫩滑彈牙，油炸鬼脆脆地，好特別嘅配搭。鯪魚豆卜豆卜炸得酥脆，釀左手打鯪魚肉，口感細緻。

呢間餐廳裝潢採用紅磚牆 ，搭配中國特色掛畫，環境非常寬敞，座位整潔舒適，好適合一班朋友一齊嚟打邊爐。餐廳內設有自家魚缸，海鮮即叫即撈，保證新鮮。海鮮價格按時價收費，每日價錢會有所不同，建議落單前先詢問店員。🍲五指毛桃椰子雞鍋 $198湯底有椰子肉、紅棗、杞子、五指毛桃等，再後加入兩個椰青水同半隻新鮮雞件。打邊爐前先飲啖清澈嘅椰子雞湯，清甜暖胃。雞肉嫩滑，雞皮帶有爽彈嘅感覺，沾少少豉油食，鮮味更加突出。💦大蜆 $98蜆肉脹卜卜，飽滿鮮甜，洗得好乾淨，完全無沙。🦀大肉蟹 $268肉蟹真係好大隻，蟹鉗位好多肉食！裏面一梳梳雪白嘅蟹肉，入口鮮甜美味😋！蟹蓋位仲有少少膏食添，好正阿！🐮手切封門柳 $268封門柳切成薄片，肉味濃郁，柔軟中富彈性。🦪廣島蠔8隻 $118蠔肉大大隻，肉質肥美飽滿，咬落去有蠔香爆汁感！🦐花竹蝦 $88花竹蝦非常新鮮，上枱時腳仔仲郁緊，肉質彈牙，肉身中間有一條蝦膏，非常鮮甜阿！🐟椒鹽九肚魚$88炸得金黃酥脆，炸皮薄身夠乾身，食完都唔會好油膩嘅感覺。魚肉新鮮嫩滑，配上香氣四溢嘅炸蒜粒，脆卜卜好香口。微辣嘅味道更加開胃，越食越惹味。🌊南非鮑魚 $80/隻鮑魚新鮮到自己跣咗落個

今日去了荃灣百悅坊16樓。"大紅袍" 古風中式風格，我們點了坐下之後店員會給醬料我們有幾款好特別的配料，沙薑，炸乾䓤......椰子雞湯底$198有半隻雞及足足兩個椰子的椰汁🤣😂😋好濃濃的椰子清甜。雞肉香濃！（大）安格斯牛頸脊 $338肉質鮮嫩，牛味濃郁，油香四溢。牛利粒 $118牛舌香濃，牛舌獨有的香味。羊肉片 $98羊肉好好味，肉嫩羊味濃郁蟹籽墨魚滑 $88起爽口彈牙！蟹籽卜卜脆，墨魚爽口又鮮甜。鮮魷魚 $68好新鮮！！又鮮甜又爽口！食物ok服務就一般可能地方大，樓面店員掛住玩電話唔太會注意客人的需求。仲比旁邊枱的客人罵😓。服務有點不用心！只有送菜的姐姐比較忙。

今日同朋友去荃灣大紅袍打邊爐,叫左個椰子🥥雞湯底,有半隻雞🐔及足足兩個🥥🥥椰子,將新鮮嘅椰子取汁倒落個鍋底,椰子雞打邊爐的湯底清甜香濃👍🏻👍🏻安格斯牛頸脊(大)$338油花分布均勻,入口嫩滑好有牛味🐮手打四寶丸$98口感彈牙🤤🤤鬼馬蝦膠$75好意外油炸鬼浸咗喺個湯底咁耐,仍然都係外脆內嫩🤩炸響鈴拼炸魚皮$70新鮮炸響鈴,吾係周圍都有,非常香脆😍😍黑松露肉蟹餃半份$54亦係招牌餃,黑松露的獨特香氣與鮮甜的蟹肉🦀完美結合,每一口都有豐富的層次感🥰 當然唔少得叫個皇帝菜$45同埋手打檸檬茶🍋‍🟩$28而家仲做緊優惠🤑,身份證上含有 1，5，7，9 四個字其中一個或以上即享有以下優惠 ：- 1個字9折- 2個字85折- 3個字8折- 4個字75折 優惠需追蹤大紅袍社交平台，並上傳相片到 社交平台。

自從食過一次椰子雞火鍋後，就一直對佢嘅味道念念不忘，咁啱見到大紅袍有做promotion,就一於去試吓啦。▪️五指毛桃椰子雞湯 ($198)足足加左兩大個椰子落個雞湯到， 清甜滋潤， 而且湯底仲附送咗半隻鮮雞，同個湯底非常之夾，滾兩滾啲鮮味就出晒嚟，咩都未落住就即刻就飲咗兩大碗湯潤一潤先。▪️頂級安格斯牛頸脊（$338)牛頸脊非常之適合打邊爐， 肥瘦適中，牛味濃郁，輕輕淥兩淥就食得，而且份量十足。▪️沙白（$98)隻隻都脹卜卜大大隻，一啲沙都冇，淥到開口就即刻食得，十分鮮甜▪️芝士墨魚丸拼芝士蝦丸（$98)打邊爐丸就食得多啦，手打嘅芝士丸就第一次食，墨魚同蝦丸都鮮甜彈牙，咬落去仲會爆啲芝士出黎，食果陣要小心熱呀！▪️雙籽鮮蝦雲吞（$40/半份）新鮮手打鮮蝦雲吞，鮮香十足，啲蝦仲彈牙嘅添。▪️蜂巢豆腐（$42)湯底咁好味，一定要叫啲吸汁嘅餸一齊食，蜂巢豆腐就啱啱好滿足晒所有要求，吸滿湯汁，啖啖好味。▪️皇帝菜（$45)皇帝菜同個湯底都好夾，口感清爽，去膩一流。 ·▪️手打香水檸檬茶（$28)做緊特價即刻整返杯，清爽解渴。

。前排同朋友去左荃灣大紅袍火鍋料理，餐廳環裝潢好有中國風，非常舒適復古。我們點左椰子雞鍋，鍋底入面足足有兩隻椰青同半隻雞，椰青的清甜和雞肉的鮮美完美結合，湯底濃郁香滑，真係好正，個湯我都忍唔住飲左兩碗。-另外我地仲點左頂級安格斯牛頭脊肉同廣島蠔。牛頭脊脂肪分佈均勻，肉質鮮嫩多汁，而且好有牛味，勁推薦。而廣島蠔都好唔錯，大隻飽滿又鮮甜，真係好正。-我地仲叫左籽鮮蝦雲吞同韮菜餃，雲吞同餃子餡料好豐富，每一隻都好飽滿。特別鐘意鮮蝦雲吞，入面鮮蝦咬落好彈牙，而且雲吞皮好滑，口感好豐富。-除此之外，我地仲有食到鬼馬蝦膠，油炸鬼脆脆既口感加上彈牙既蝦滑，真係好正，而且上面仲有滿滿既魚籽，食落好有層次感。-

最近天氣又轉冷，朋友約我去荃灣大紅袍打邊爐，仲話今餐佢請！咁難得嘅機會，當然要好好享受一下啦！餐廳裝修以中式風格為主，座位寬敞舒適，環境乾淨整潔，好適合一班朋友聚餐。必試五指毛桃椰子雞湯！湯底真係一絕！用咗五指毛桃同椰子雞熬製，湯頭清甜得嚟帶有淡淡嘅椰香，仲有半隻雞同足足兩個椰子的椰汁，雞肉嫩滑，椰子味濃郁，飲完一碗湯已經覺得暖笠笠，好滿足！邊爐又點少得牛、羊呢，揀花雕牛肉同羊肉片，花雕酒香滲入肉中，食落帶有淡淡酒香，肉質嫩滑，完全唔會覺得膩。羊肉片好嫩，又唔會有騷味！牛脷托切得薄薄哋，涮幾下就熟，口感彈牙，好有嚼勁。四寶丸有齊四款丸類各有特色，彈牙得嚟又唔會太粉，特別係墨魚丸，鮮味十足。掛湯力強嘅仲有紫菜炸響鈴，炸得香脆，放入湯底幾秒就食得，外脆內軟，紫菜香味好突出。餃類好多款，見招牌黑松露肉蟹餃幾特別就揀咗半份，餃子皮薄餡多，黑松露超濃，咬落去啖啖肉，好有滿足感。稻庭烏冬滑溜，吸收咗湯底嘅精華，食落好有層次感。飲品就揀咗咸檸七經典嘅港式飲品，咸檸檬嘅酸味同七喜嘅甜味平衡得好好，解膩一流，而咸柑桔西柚檸梳打水：清新又帶有柑桔嘅香氣，西柚嘅微苦同檸檬嘅酸味結合得好好，好適合打邊爐時飲。

難得去荃灣好多野都想食，天氣凍凍地，最後揀左打邊爐🥢裝修古色古香，亦都有包廂，成班朋友聚會岩哂🔸 椰子雞湯底湯底超足料😍入面除左椰子之外，仲有五指毛桃，額外加多兩個大椰青，加埋半隻雞一齊煲滾，湯底濃郁得黎好清甜，雞件皮薄嫩滑🔸頂級安格斯牛頸脊例牌份量都好多，牛肉油花均勻，肉質軟腍帶油香，必點❣️🔸白鱔片鱔片好新鮮，肉質爽口，帶少少軟骨，食既時候要小心啲🔸手打四寶丸蝦丸、牛丸、墨魚丸同鯪魚丸，四款丸都好爽彈，🦐蝦丸有蝦肉，口感豐富，鯪魚丸加左陳皮，唔會有腥味，牛丸同墨魚丸都好出色🔸招牌餃黑松露蟹肉餃🥟入面超夠蟹肉，咬落好香蟹既鮮味，略嫌咸左少少🔸新鮮炸響鈴即叫即炸，係咁食都好鬆脆香口，索埋湯汁一流😋🔸炸九肚魚外層炸到黑黃色，外脆內軟，九肚魚超滑🤤🔸竹蔗茅根打邊爐點少得竹蔗茅根，清下熱氣💥身份證上含有 1，5，7，9 四個字其中一個或以上即享有以下優惠 ：🔹1個字9折🔹2個字85折🔹3個字8折🔹4個字75折 ➡️優惠需追蹤大紅袍社交平台，並上傳相片到 社交平台（公眾假期不適用，優惠不可與其他優惠/折扣及現金券同時使用，如有任何爭議，大紅袍將保留最終決定權。）美食 #封門柳 #刺身 #牛肉刺身

天氣轉凍，我哋特登去咗打邊爐今次就去大紅袍火鍋店佢哋最新推出嘅五指毛桃椰子雞湯底新湯底真係好正湯底用新鮮椰青汁煲，足足有兩個椰子既椰汁仲有半隻雞，飲落清甜，椰香味好出打邊爐一流，湯底仲有椰肉好有口感，真係令人食過返尋味手切肥牛係必點，肉質好嫩，油脂分布均勻，牛味好濃西班牙豬腩肉都好正，肉質彈牙，帶少少甜味，同椰子湯底好夾紫菜響鈴好有創意，外脆內軟，吸晒湯汁，食落好有層次炸魚皮香脆可口，大大塊，超好味而家仲做緊推廣優惠，身份證上含有 1，5，7，9 四個字其中一個或以上即享最多75折優惠！

「大紅袍火鍋料理」主打足料湯底火鍋，餐廳空間寬敞，昏暗的燈光很有氣氛，餐牌選擇豐富，各式肉片海鮮等應有盡有。🌱椰子雞湯底湯底選擇的是椰子雞湯，倒入兩顆碩大的鮮開椰子汁，再放入整盤的鮮雞肉，湯底很清，入口滑順清甜。雞肉很有彈性，味道鮮美。🌱安格斯牛頸脊鮮紅牛肉看上去十分新鮮。在鍋中輕涮幾下，口感非常嫩且帶有彈性，品質一流，意猶未盡。🌱羊肉片肉色澤鮮艷油脂適中。口感出奇彈牙，味道很新鮮，吃盡食材原味。🌱廣島蠔刺身六隻肥美的生蠔一字排開，看上去讓人垂涎欲滴。煮過後生蠔並沒有縮水，口感很滑順，味道超新鮮，推薦必點。總體而言，湯底用料實在，食材新鮮，環境舒適，是家庭及朋友聚會的好選擇。

餐廳位於百悦坊, 集美食商場之一, 天氣凍最適合食火鍋, 這間火鍋店湯底多達二十多款, 環境寬敞舒適有特式✨湯底選了全新冬日限時新湯底五指毛桃椰子雞鍋🐔🥥 湯底加入了兩個進口椰子的椰青水, 半隻份量的新鮮雞件, 食材的原始鮮味無添加的呈現, 建議先喝一啖湯頭, 椰子雞湯底非常清甜滋潤, 鮮香撲鼻、雞肉嫩滑, 非常暖胃配料點了大紅袍牛肉三拼🐮 拼盤擺盤精緻, 一份有齊三款靚牛, 安格斯牛頸脊、手切肥牛和封門柳, 牛肉質素高、牛味濃又夠肉汁、油花分布均勻、肉質軟嫩非常豐富, 牛魔王必食推介😍芝士腸（半份） 外層脆薄的腸衣加上濃郁內餡帶芝士午餐肉（半份）🐷 輕輕涮著吃很惹味, 沾上湯底後充分吸收濃郁精華潮洲牛筋丸（半份） 口感和獨特香氣、爽口有彈性炸魚皮＋響鈴卷（雙拼） 火鍋必食之一、十分酥脆, 沾上湯汁一流蓮藕片、冬瓜片、娃娃菜份量十足, 非常新鮮足料, 厚薄適中, 口感脆嫩小食椒鹽粟米🌽 味道鹹香, 作前菜非常, 香口又惹味飲品手打檸檬茶🍋 大大杯、非常清新解膩整體性價比高, 火鍋配料及湯底質素極度講究, 服務親切有禮, 另特設獨立房間, 可以與家人朋友擁有私人空間開ᴘᴀʀᴛʏ一樣正,

打邊爐想坐得耐慢慢食都係揀番啲逐碟叫嘅最舒服～唔洗食得咁趕，可以慢慢嘆。呢到嘅湯底都幾正，忍唔住飲多幾碗😋▪️五指毛桃椰子雞湯湯底$198兩個椰青咁上碟嘅火鍋湯底都係第一次食，超誇張！湯底入面有椰子、紅棗、杞子、五指毛桃等好足料。湯滾起左就可以放雞落去，一份湯底有成半隻雞咁多，新鮮雞件幾厚肉，較啱時間食，啲雞幾滑，建議先飲湯再食雞，好飲又養生，perfect!▪️頂級安格斯牛頸脊（例牌） $278 雪花紋細緻，厚薄適中，輕輕灼熟已經好滑，牛味濃郁▪️黑松露肉蟹餃 半份$54見佢係招牌就試下，入面包住滿滿鮮蟹肉，加埋黑松露醬，帶點鮮甜味▪️美國桶蠔$168一份有6隻，隻隻都有手掌咁大隻🫨肥美厚肉，推薦！！▪️紫菜響鈴卷$60 炸到金黃色，一份有6件，兩個人食有啲多，卷住紫菜更加好味🤤▪️大魚頭$98▪️唐生菜$42▪️手打檸檬茶$28裝修偏向中式格調，帶點點古典氣息，坐得幾舒服

今次同朋友去咗荃灣呢間人氣火鍋店，試咗幾款招牌菜式，仲遇到做緊優惠，唔覺意中埋咗4個字數，成餐75折真係抵上加抵😍 ⭐️五指毛桃椰子雞湯招牌湯底真係走唔甩～ 用咗五指毛桃、紅棗、杞子等等嘅食材一齊煲，仲有有個新鮮椰青倒埋個椰汁入湯底！ 清甜得嚟帶少少藥膳香氣，飲完之後feel到成個人暖笠笠🔥 個湯底仲加埋半隻鮮雞，淨係計飲湯都已經好正❤️ 🥩 大紅袍牛肉三拼有齊極級本地手切肥牛、頂級安格斯牛頸脊同埋手切封門柳，三款牛肉牛味濃郁，脂肪分布平均。食落去感受到肉質鮮嫩，夠晒滿足😌 牛魔王一定唔可以錯過！ 🥟 招牌三拼餃黑松露蟹肉餃、雙籽鮮蝦雲吞同埋韮菜餃。每款都各有特色！黑松露蟹肉餃氣味十足～ 鮮蝦雲吞餡料夠爽口彈～ 而韮菜餃味道都夠濃郁，唔錯呢🐙 鵝肝墨魚丸拼梅菜豬肉丸鵝肝墨魚丸口感彈牙，仲帶有鵝肝嘅香氣同油脂感滿足～ 最特別嘅係梅菜豬肉丸。外面比較少食到，入口鹹香得嚟帶點甜味，頗有驚喜🦈 沙魚唇 + 王喉沙魚唇口感爽脆，煮完之後吸晒湯底嘅精華，鮮味十足。而王喉即係魚鰓位，肉質鮮嫩，值得推介

有一段時間冇去過大紅袍打邊爐喇 佢地既椰子雞湯底出名非常足料 ̀⁽ ᵕ̈⁾  ́店員會先上半隻雞件 然後將整整兩個椰子的椰汁倒入湯底 真係愈滾愈鮮味 .ᐟ而且菜品選擇種類多肉類：安格斯牛頸脊、西班牙豬肉海鮮類：台山蠔、魷魚、蟹籽墨魚滑、海中蝦滑、雙籽鮮蝦雲吞蔬菜類：竹笙、什菌拼盤、冰豆腐、白菜仔、芋絲太多不能盡錄 . . .Total: $1276餐廳仲做緊優惠 身份證上含有 𝟷，𝟻，𝟽，𝟿 四個字其中一個或以上就有以下優惠₍ 不計算重複及身份證括號內號碼 ₎- 𝟷個字𝟿折- 𝟸個字𝟾𝟻折- 𝟹個字𝟾折- 𝟺個字𝟽𝟻折

早排啲乍暖還寒嘅天氣約親朋友食飯最後都係去咗打邊爐今次去咗位於荃灣嘅大紅袍火鍋料理餐廳非常寬敞👍🏻每個位置都有足夠嘅私人空間👍🏻每枱都有準備一盤調味料唔駛行來行去～呢度嘅火鍋湯底同配料都超多選擇足足有二十幾款湯底同過百款火鍋配料‼️我哋就揀咗五指毛桃椰子雞湯🥥🐔湯底本身已經好足料仲有兩大個即開椰青水倒落去水滾加埋半隻雞煮幾分鐘就可以先食雞同飲湯雞肉超嫩然後啲湯又好鮮甜！十個正😋😋至於食材亦無令人失望火鍋另一主角-頂級手切肥牛非常新鮮牛味濃郁而且入口嫩滑👍🏻👍🏻👍🏻仲有好多出面比較少見嘅食材今次我就試咗新鮮豬腳筋平時用嚟炆就多😋 原來用嚟打邊爐都幾好食仲有紫菜響鈴都好啱我口味～又脆又香紫菜味😋整體嚟講呢間精緻火鍋店都幾高質壞場係食材太多選擇但我今次太少人😢我下次要book佢間私人房搵多啲人一齊食先❤️