大紅袍火鍋料理

营业中

休息中

店舖夠大，掛上潮流畫作，亦有VIP房間，外面設有大小圓枱，好適合一家人或一班老友黎食餐勁。原來呢度除咗火鍋，重有海鮮同刺身選擇。五指毛桃椰子雞湯底有半隻雞及兩個椰子嘅椰水。五指毛桃好有益，湯底入面已有杞子、紅棗、鮮淮山，倒入嘅椰水，滾肉類更帶出清甜味道。大紅袍牛肉五拼極級本地手切肥牛、頂級安格斯牛頸脊、封門柳、牛肉粒、牛脷粒。呢盤五拼滿足我呢個牛魔王，自己比較鍾意幾款切片牛肉，肉味濃，油花夠均勻。手打四寶丸墨魚丸、牛丸、蝦丸、鯪魚球，幾款都爽彈，又其蝦丸同墨丸夠鮮味。白鱔片新鮮嘅鱔片，肉質爽脆又冇骨。油麥菜、冬瓜片蔬菜新鮮口感爽，吸收湯底食落更清甜。