大熱高湯麵 (已結業)

看見靚人靚湯介紹新派面，不得不試。就趁今天嚐嚐是否如傳聞中好吃！是日點了火腿雞湯面、溏心蛋、臘腸餛飩。先嚐湯底，須知道湯底乃湯面的靈魂，湯比面走在前面，是先有湯，才有面。如湯不好，面做得怎麼好，也就像失去靈魂一樣。湯一入口，不得了啦！這和魚翅的湯底有何分別！？雞湯加上金華火腿實在配合的天衣無縫，雞味濃郁，但是又不是很膩，咸味適中。把湯和面混在一起吃，為何沒有鹼水味？管他，吃完再算！再嚐嚐溏心蛋，我以前很不喜歡溏心蛋的，因為熟不熟生不生的，感覺有點噁心，但是這裡的溏心蛋做得真的出色，入口即溶。臘腸餛飩ok，不過不失。吃完後忍不住問waitress姐姐為何沒有鹼水味。她說：“因為大廚知道鹼水會影響湯的味道，我們主打的是湯，如果因為面而影響湯的味道，就本末倒置了，所以老闆特別找了一家造面廠，去掉鹼水味。“是真？是假？管他啦，好吃就行了！是日消費60元，不是很便宜（附近面檔30有找），但是如果是電視介紹一樣，所有東西真材實料，用60元能喝到魚翅湯底，實在值回票價！我必定會再來的！

又係團購試吃系列,今次遠征北角,唔知呢間味道如何?好, 唔講廢話,講野食先~涼拌雲耳:前菜既佢酸酸甜甜, 非常醒胃大高湯陽春麵:一黎到時, 咦? 個麵咁齋既, 但食落個麵, 加D雞湯, 果種濃稠得黎又新鮮既雞湯令人上癮, 個雞湯完全可以令你唔使餸食晒成碗麵, 仲好飲過屋企煲果D!白高湯陽春麵:由於冇晒粉絲叫左麵, 魚湯味道好出, 而且味道調得剛剛好, 魚湯好有魚味又好甜, 凍左都唔腥, 又係"唔使餸食晒麵"系列, 哈哈脆炸鯪魚角: 好脆, 不過略嫌油膩左D香菇臘腸雲吞: 味道偏淡, 而且上面有小小乾, 宜將之浸落碗麵度食效果更佳酸梅炸蝦丸: 差D打錯左做爆漿瀨尿蝦丸, 哈哈, 因為我食既時候噴到成抬都係, 真係好正!(值得一提既係侍應係上呢道菜時特別提我地小心呢度菜個熱湯, 唔錯唔錯)竹笙百花卷: 內有蝦仁, 味道同出面包裹既竹笙味道幾夾鮑汁雞脾菇: 味道有水平, 濃稠既汁同令次酒樓既新年飯有得拼魚湯浸娃娃菜: 娃娃菜配上濃濃魚湯, 真係無可挑剔唔好睇好似樣樣得小小, 其實食完都夠飽的!另外, 侍應服務亦恰如其分, 唔會過份熱情亦唔會太HEA, 值得一讚!

團購瘋系列 -- 從雜誌上得知，北角炮台山附近開了間以中式老火湯做湯底的麵店「大熱高湯麵」，不過最吸引我的，其實並非照片中那幾碗標榜沒下味精和雞粉的湯麵，而是那一籠籠以長長中式盛盤作承托、賣相甚為精緻的點心。剛和老公說了要找天去品嚐，就發現店子推出了團購優惠，原價 $178 的二人餐，只須 $88 便可享用，嘩！那有不試之理啊。選了個平日的下午到訪，座落於北角電氣道市政大廈對面的 「大熱高湯麵」，店面以一室木製椅桌為主調，再配襯牆上一幅極長的橙紅色中國山水畫，令整個裝潢看來既摩登又有格調。雖然店子地方不大，只有約三十餘個座位，不過由於午後的麵店，人流不多，所以兩口子亦坐得甚是舒適寫意。說回這次的團購湯麵餐，其實亦即等如店裡的 “麵點心二人套餐”， 當中包括前菜：涼拌雲耳、兩碗自選高湯麵、麵點心五款、魚湯浸娃娃菜或極品蠔油菜苗、兩杯自選飲料。先由前菜涼拌雲耳開始，灑上了芝麻的黑木耳，入口細嫩，爽口脆身，配上淡淡的陳醋，夠醒胃。至於主打麵食，店員翻開餐牌，著我倆先選湯底，有以原隻鮮雞、豬骨、金華火腿及瑤柱熬製的大高湯；以牛骨及牛腩提煉出精華牛味的黑高湯；及以鮮魚及海鮮製作的白高

其實北角一向都不屬於我經常出沒的範圍，不過當遇上心儀餐廳的時候，總會找到藉口，‘順道’和‘路過’去試食一下既。找了一個平日的中午，悠閒地在北角處理了些瑣碎事之後，再乘叮叮前往炮台山，中途下車向海傍方向走入一條街，很容易便找得到‘大熱高湯麵’的大紅巨字招牌。我們中午十二時到達，似乎沒太多的客人可以隨便坐。餐廳內裡的裝潢，大致感覺像茶餐廳，不過在細節上亦有心思，例如桌上用來擺放點心的小托盤，設計過的餐牌等等，都頗為別緻；加上光線充足窗明几淨，令人精神抖擻之餘，相片也拍得特別漂亮。細閱餐單，共有九款不同組合的套餐，九款點心加上新出的珍菌湯底和N種麵底，即有Nx4x9x?=???咁多的選擇？？？我一向有‘選擇能力缺乏症’，有時候只有兩個選擇都足夠令我精神崩潰；我拿著餐牌茫然了良久，最終發現到一個解決方案，便是‘九大簋二人套餐’，兩碗自選高湯麵，全九款點心，兩杯飲品，再加馥郁溏心蛋，全選不用煩，非常合我心意。等了一會，‘九大簋二人套餐’就出場啦！九道精緻的點心再加上溏心蛋，簡直是十全十美，令人相當興奮。侍應知道我拿著相機要拍照，更是體貼地將點心們排列好最佳的陣勢擺成最靚的pose，十分細心。兩碗

就在又一陣和式拉麵再次掘起之際，雖然本人不是拉麵狂熱份子，但店子開了又是心癢癢想去吃，就這樣一次過一個星期吃了三碗日式拉麵，真的是吃到舌頭也膩了，不過是夜天熱炎炎，又想吃點濕濕的東西，就這樣想起了去吃中式麵條吧，就想到這所新店了。店子就在大概炮台山的位置，不在熙來攘往的英皇道這大街，在電氣道的中段，靠近福元湯圓的一所小店，以黑底大紅字為招牌，果然配合其大熱的本色，甫進店內，店子非常公整，冷氣充足，而本人也發現店家能操流利的國語，莫非此店是內地人下來過江開的嗎？基本上此店主打是吃麵，不過食麵也要有湯喝，主要分成三款湯，大高湯就是雞湯，會伴上陽春麵條；黑高湯就其實是牛肉湯，伴上的是葛粉絲；另外白湯就是魚湯，會伴上米線，不過其實大家也可以憑自己的喜惡作出搭配。除了湯之外，吃麵也當然有餸伴吃，此店伴上的不是普通的魚蛋牛丸，而是貨真價實不同的小吃，而店家就稱之為點心，當中有九款選擇，店家本身為不同的湯麵口味，配上不同的點心供一人的食客。另外也可以點二人套餐，當中便宜一點的那一個套餐，以兩碗高湯麵，配上五款點心，另外伴上涼拌雲耳及一個菜；不過貪吃的我就選擇了另一款吃勻九款點心的套餐，另還附送飲品及

與同事去開北角做嘢，撞正Lunch hour，食埋飯先返公司啦！唔知有咩好食，見到依間大熱高湯麵唔駛等位就行咗入去。初初睇見個MENU有個二人套餐，一個前菜+兩碗自選高湯麵+五款點心+一碟油菜+兩杯飲品，嘩，好似份量咁多既？點食得哂呀！後來店員見我哋好迷惘，自動埋嚟解釋咗，先明白原來個麵係淨麵，五款點心並唔係酒樓D點心咁大碟，感覺有點似車仔麵自己揀幾個餸咁，不過唔係放落碗麵度囉！所以最後我吔叫咗依個餐試下。首先不得不讚既係我叫咗既嗰碗大高湯麵，一送上來一刻已經聞到好勁的金華火腿味，一試之下，發覺味道真的很濃郁，但並不過鹹，個高湯望落有點杰杰的，樣子絕不是那種加水又加水翻煲的湯，感覺上好似真係有骨膠原喎！同事叫咗個白高湯，我試咗一啖，魚味都好濃，但唔腥，但個人不好魚湯，還是覺得我的大高湯較好味！點心方面，好精緻，前菜木耳，甜甜酸酸的，幾開胃；五款點心，我覺得最好味既係酸梅炸蝦丸，外面脆脆的，食到中間會有d酸酸既汁走出來，味道又幾夾喎！另有個好似叫竹笙蝦卷的，清清地，味道也不錯；炸鯪魚角油咗D，但真係好脆！其他的也不過不失啦！有機會去開北角，我會再回來的！

上個星期，在T記電視台看到了「靚人靚湯」的節目，所以專誠跟家人由元朗跑到炮台山試試這間店，說實話，我是非常喜歡跟隨節目的食店跑去開飯，因為這是我跟家人的一大娛樂，重點是一家人也愛吃。 這是我第一次在開飯打食評，希望未來可以打更多出來啦。 小試牛刀，就找這家湯麵店作我的文章「試驗品」，我們這一家有四人，我們在看餐牌的時間，店員建議我們試試二人餐，先試試那些「送湯點心」那一樣合心水，另外再加兩碗麵就夠了，這時我心想，也好，可以一次過試哂所有口味。 店員很快就遞上了菜，我就揀選了雞湯麵、媽媽要了魚湯、爸爸就點了新推出的雜菌湯、細佬就選了牛湯。 我們每人都試了各人的湯，綜合了大家的感覺，我得出了此店的湯水排名(個人觀感，不喜勿插!) 1.雞湯 (味道非常濃郁，感覺到強烈的骨膠原) 2.魚湯 (媽媽非常喜歡，魚鮮味極濃，她說相比連鎖店高出很多班。) 3.牛湯 (細佬說味道不錯，不像台灣牛肉麵那種湯味，相對清淡得多，我個人就比較喜歡濃味的牛湯) 4.雜菌湯 (老爸不同脾胃，結果將我一半的雞湯倒進了肚子，我由於先試了雞湯，雜菌湯的味道就變得很淡了。) 其他的點心食物，我最喜歡的是豬頸肉及加了梅子醬汁

炸鯪角 --> 勁油 蘿白牛腩 --> d 牛腩碎到好似人地碗牛腩麵食剩d 碎咁 豬頸肉 --> 有5片, 豆粉醬, 杰撻撻 ****** 不設下午茶時段 ******15:00 入去食都要 HKD73/set, 如要加一真係好想問吓佢仲好冇意思收!!!

前一排留意到呢間新開的舖,就在我家附近, 一直想試,直至睇埋電視介紹, 今日終於拉埋一家人一齊去試下.約下午兩點,店內坐滿了人,等了5分鐘,店員服務很好,騰出了4人位置, 主動介紹各款湯我們大多選了大高湯(雞湯),媽選了魚湯米線.雞湯好香,送上來的時候仍然出煙.撲鼻而來的濃郁金華火腿味道,而且湯面沒有浮油.即刻試一口, 嘩! 正! 好好味的雞湯, 感覺好清甜好健康!本身好識食的父母食完都話: 係新鮮雞, 冇味精, 食完唔口渴!陽春麵稍為有點軟, 但係同個湯都ok夾. 一咬即斷, 好!但份量不夠, 食完冇耐已肚餓了.試左啖魚湯, 同阿媽煲的老火鰂魚湯差不多,雪白色, 鮮味! 果然真材實料! 點心方面, 叫了幾種都ok好味.尤其係豬頸肉同炸蝦丸, 推介~!!!最後4個人飲都一滴湯都冇得剩, 可想而知有幾正!尤其o岩晒d屋企冇乜湯水飲的人.價錢就稍為貴左d, 一個人lunch set再加一差不多要80蚊, 拍得住中環的餐廳,但貴在真材實料, 誠意可嘉, 加上附近冇乜同類型餐廳,我會keep住幫襯的!!!

這次團購讓我試了一間特別的麵店，感覺滿足！是夜和朋友共聚晚餐，$88 二人套餐份量很大，即使三個女生來吃還是足夠飽肚的。大熱「高湯麵」 - 高湯，包括雞湯、牛湯、魚湯、菇湯麵，包括陽春麵、粉絲、米線這裡的湯可算是全店的精髓，試了牛湯、魚湯、菇湯：套餐自選兩大碗清湯麵，選了牛湯米線和菇湯粉絲。米線和粉絲(木薯粉)是正常的好、所以都不長篇大論了。另外，套餐亦包括一大碗魚湯浸娃娃菜。關於 湯個人喜歡魚湯，清甜味醇，娃娃菜以薑茜絲金華火腿點綴更顯魚湯鮮甜味。牛湯沒有肥膩感很不錯，略帶藥材甘味，湯味羅漢果甜味。至於菇湯就很特別，一般麵店或湯館也難嘗到如此濃冬茹味的湯。團購的二人套餐，有六點心，當一起端上餐桌時，賣相精緻可愛，淨是看見滿桌一碟二碟也教人吃得開心！味道是可以的，但以下款點心卻有待改進：喜歡鮑汁雞脾菇，質感不錯像鮑魚，卻偏鹹！有些人可能覺得涼伴木耳陳醋略酸且較甜。（我個人卻是接受的）不喜歡脆炸稜魚角，油膩且變稔了！我對這店評價是不俗的，還望再推團購，不然，即使正價$178(2人)這價錢還是可接受的！

This restaurant stood out on Open Rice because the name sounded interesting, I thought it was American at first, but then realised it was Chinese because it was the Mandarin phonics for 大熱 as in Darrie.Nevertheless, Darrie-go sounded exciting, it reminded me of racing carts.After I saw the reviews, I liked it even more because the dishes had some Chinese dynasty style to it.I had more expectation for the noodles because they had different soups with different noodles.In the end ordered the set w

今晚阿媽無飯開，同細佬落咗街搵食，買完六合彩喺條街度見到間幾特別既鋪頭（竟然響D街坊茶記旁邊有間似樣D既嘢）。原來係食湯麵既，開正我0個瓣，諗左兩秒決定試下。我同細佬坐咗喺幅橙色既山水畫隔離，環境都幾特別，絕對唔似一般湯麵鋪。哈哈！原來價錢都唔似，最平六十幾，但係都唔係貴。枱上面有塊新奇既器皿，後來先知係用黎載D點心既。見到0甘精致既嘢真係覺得幾好玩。店員叫我地試套餐，但係我係唔興叫套餐既！（雖然細佬好想叫）結果要咗賣飛佛既魚湯配兩樣點心，細佬要咗個雞湯。魚湯米綫：呢個湯底既質素真係喜出望外！完全感覺到係足料煲既，而且無味精都0甘濃郁，超讚！雞湯面：飲咗細佬幾啖湯，又香又純，最正係無油！真係唔洗自己屋企煲湯啦，下次落黎呢度就得。D點心整體都唔錯，最特別係因爲放喺則邊，可以食埋人地0個D，幾好諗頭。搬黎北角無耐，原來都有好嘢食，真係要繼續探索下啦。

此處以湯作賣點, 首次來到試味, 三選一之中選了黑高湯 --- 牛(另有金華火腿+鮮雞 和 鮮魚湯)配以陽春麵, 愛它較能把湯"掛起"入口,還有臘腸作餡的蒸餃...湯 - 沒有想像般濃, 清清哋, 不油膩, 但牛味也不重(看來另兩種白湯更吸引~)麵 - 陽春麵算滑, 份量多, 好味餃 - 臘腸加入蒸餃裡面, 臘腸不太油也不太咸, 味道不錯, 勝在特別另加醣心蛋 - 以鴨蛋製作, 很大一隻, 賣相很好很飽滿 ... 吃落有點腥, 但可接受下午茶餐$38 (有一面一點心, 豆漿)醣心蛋則盛惠$12... 但最近經過好似已無咗下午茶特價嚕... ... 還有值得一讚的是店內乾淨, 服務也好, 位置雖有點避, 經過時都可以一試既~

魚湯同雞湯都試左。。配左陽春麵。。開頭以為又係D好濃味既湯底。。好似濃湯寶個D點知個雞湯味道真係唔錯。。有好純雞同金華火腿味 。。。偷朋友個魚湯試下，個湯好滑，重有少少腐竹味。。點心要左牛腩。。。蝦丸。。等等。。。。牛腩真係好好食。。。其實可以只做牛腩麵都夠好食啦。。。不過食完又真係冇覺得特別頸渴。。我同朋友都係湯精。。。都飲左唔少湯GA。。雖然價錢唔係超級大眾化。。。不過食完都覺得值。。。鍾意食有湯D野既人都應該可以試下。。

＂黑高湯＂即為牛湯，但竟然都可以淡如白開水。幸好湯夠滾熱，否則更難以入口。套餐的幾小碟點心有驚喜。咬下炸蝦丸內裏有甜酸醬、溏心蛋都好濃郁，上湯菜的湯反而比湯麵更濃郁。