大熱高湯麵 (已結業)

第一次幫襯過這間人氣中式湯麵後, 被它濃厚的雞湯湯底所吸引, 而伴麵的小點亦不錯, 故此決定要再來試埋其他兩種湯底, 點知.....唉! 失望非常!!!!那款"白高湯" (魚)淡而無味, 不香又不滑, 個"黑高湯"(牛)仲差, 不但淡出個鳥來, 配埋個葛粉絲, 上桌不用三分鐘就吸晒d湯, 成碗發水粉絲, 真係好難食! 總括而言, 這店的"大高湯"(雞)值90分, 另外兩款就 0 雞蛋!

有人覺得食湯麵成舊水貴，小弟覺得要睇食物質素、用料，同心思值唔值，而「大熱」乎合以上要求。一行四人點了兩個二人餐。二人餐份量頗為豐富，有酸梅炸蝦丸、竹笙蝦卷、鯪魚角、溏心蛋、辣味腩肉片、牛腩蘿蔔、雲呑、豬頸肉等共十款點心，加高湯麵。欣賞這店的心思創意：把酸梅汁釀入蝦丸內，味道非常配合，也令胃口大增！鯪魚角夾雜陳皮香味，夠誠意！牛腩蘿蔔入味之餘又夠腍甜！雲呑內的臘腸亦叫人驚喜! 竹笙蝦卷亦未經常在茶樓嘗到。大高湯的特別之處在足料!湯底夠「膠」，手指輕碰碗邊的湯未久即有點黏，証明湯底落足真材實料。此類雞湯底除了在家及在尖咀京菜名饗的雞包翅試過之外，意外地能在這湯麵店裡品嘗!金華火腿也非等閒，咸味和份量剛好。食到後段，店員向我們送來桂花糕。正當我們驚訝我們沒有「柯打」時，店員表示這是試推菜式，想得到顧客意見。桂花糕的桂花味芳香濃郁，廚房果然捨得落料!小弟認為此店刻意在菜式及用料上下了苦功及心思，與其他中式湯麵店不同。作為顧客，希望此類「誠意」店繼續推陳出新。他日若能在中、灣、銅、旺開業的話，果真為食客之福。是次於週末來訪，下次試著於晚間行花市前再訪，再試實力!

在北角居住的朋友J 告訴我炮台山新開了一間中式湯麵店很有特色，所以今天放工後就約朋友J一起去試試。 該店位置在電器道街市對面，附近有不少食店。位置離地鐵站不遠，算就腳。到逹時6點半，可能是平日及時間尚早，店內大概就十來個客不用等位。說起中式湯麵店，我一直在腦海裡浮現的是像"譚仔"或"大利清湯腩"的形象。白光管、圓枱圓櫈、不锈鋼筷子筒、人貼人座位。可這間湯麵店完全是另類的。裝修上明顯花了不少心思，店內橙紅的色調給人一種温暖的感覺，與店名"大熱"很夾。侍應帶領到一旁梳化位坐下。唔... 座位很寬闊舒服。枱面放有一個長方形的架，聽侍應解釋是放麵點心的。MENU 就印在餐枱紙上，分為"大高湯"(雞湯)、"黑高湯"(牛湯)與"白高湯"(魚湯)。由於第一次來的關係，侍應介紹了一個九大"鬼"二人餐，有齊全部九款麵點心，另加兩個麵、溏心蛋及兩杯飲品。一次過把九款點心都試勻，好主意，就點這個吧。首先來的是溏心蛋。嘩! 好大個蛋黃! 侍應解釋原來係鴨蛋，比一般雞蛋大，而且更濃郁。看到蛋黃中心位是閃閃亮的半凝固狀態，很是吸引。之後點心及麵陸續登場。我點的麵是大高湯麵。一上枱時，嘩!!! 好濃的雞湯香呀!

話說小弟每個星期也會跑到炮台山做節目，當然是網上電台的節目啦！哈哈！襯機會宣傳一下！叫《上流攻略》，炮台山、天后附近的餐廳，小弟都會跟嘉賓們去過，由於附近的快餐類別、點心餐廳都去過很多次，所以今天就走遠一點，去到炮台山附近跟嘉賓一起進餐，今天我跟一位時裝設計師來到。兩個男人都不知道叫什麼好，餐廳的食物選擇也有很多，當中店家名為麵點的配料就有九款，而湯麵類別就有三款選擇；店家表明所有食物都是自家烹調，不加入任何味精。結果，小弟揀選了二人餐，承惠$198!二人餐包括了兩碗湯麵，全九款麵點及溏心蛋朋友揀了牛肉湯, 我就選擇了雞湯麵，前者是採用一種叫葛粉絲的麵底，後者就是傳統的中式麵；我們各自試了對方的湯麵，喜歡濃郁味的雞湯是必叫項目，牛肉湯就出奇清新，湯中有牛肉的清香，也有羅漢果的味道。而麵點就認真大堆頭；印象最深的是香菇臘腸雲吞，進食時剛好店主出來，他跟我們提到這個雲吞是每日新鮮製作，採用了特瘦的臘腸，所以相對健康。我朋友就比較喜歡炸蝦丸，一試之下，還將內裡的汁料彈到我的湯麵中：（！

從友人口中得知 砲台山有一間驚天地,泣鬼神的中國面店 所以特別前來拜訪MENU也不用看,就點了$198 的二人餐店員立刻問"會唔會食唔哂架你地", 有心,本人哪一刻非常饑餓而我們就點了雞,魚湯等待食物來臨途中 看見牆上的畫 不禁請我想起設計這店面的designer描繪比較簡單 , 真實, 容易令食客產生與中國拉面的共嗚.大約幾分鐘後, 食物終於大熱登場店員每種都會介紹, 特別提醒蝦丸要小心食用,因為內裡非常熱第一啖 白高湯,確是驚為天人,好像跳進了海洋,跟各式魚類揮手123456 789 101.香菇臘腸雲吞 - 臘腸非常澎拜 有別於傳統的豬肉+蝦 , NICE2. 酸梅炸蝦丸 - 係炸得幾脆,入面空心有D酸梅醬,減低左份油膩同罪惡感,唔錯3.竹笙百花卷 - 健康 健康 健康 健康 太淡 太淡 太淡 太淡4. 和味腩肉片- 切得太薄,冇乜層次感 辣味搶過了肉味5. 三鮮水餃 - 太健康 但皮不太厚 都ok唔錯 6.紅燒牛腩蘿蔔 - 看了上幾篇的食評,心中有數, 但竟然出乎意料之'鞋' 和難咬, 但蘿蔔炆得夠入味7. 糖心蛋 - 軟嫩易入口仲有D酒香,正!8. 蜜汁豬頸肉 - 細嚼慢嚥

之前看報章知道北角有一所純正湯底的麵店，今天特意來試。似乎招牌湯底是雞湯底，而每款套餐配兩至三款小吃點心。在沒有特別心水的情況下，點了第一款套餐。湯麵連點心一起來到，點心放於精緻的陶瓷容器内，頗有心思而感覺高級。當然先喝口湯。果然是純正的雞湯，鮮味明顯，有幽幽的金華火腿鹹香，這是一般要到不落味精的高級酒樓（現在已很少了）才能嘗到的真味。光試這湯已值囘票價了。下次應該走蔥，效果相信更佳。麵條是沒有鹼水的幼麵，順滑可口。趁熱邊喝湯邊吃麵，分量頗足而很快就吃完喝完。這個湯麵必須把湯喝光才能感受其真諦。點心方面，炸蝦丸是外面有炸米條的，而内裏有爆漿的梅子汁，口感豐富味道也豐富，很有特色。腩肉片大小較不規則，質感不錯但醬汁濃一點更好。雞比菇味道適中。很容易想將這級數的湯麵跟日本拉麵比較。日本拉麵標榜極濃豬骨湯，再加濃味醬油、味增等，容易先聲奪人。這中國湯麵味道纖細，湯底越喝越濃，比起日本拉麵是更優雅的。兩者各有特色和擁躉。個人認爲（足料的）中式湯麵吃完後腸胃感覺較舒服，而且多吃也不會覺得膩滯。味道純正，有超越市面上中式湯麵質素的靚湯飲又有麵食，加上頗豐富的點心，性價比比起很多時只有一兩片叉燒的日

從雜誌上得悉這間「港版豚王」，所以特來試試。由於午巿價錢約70至80元，有點兒貴，所以等到下午2時才來食下午茶。環境：富有濃厚的傳統中國氣息，特別是桌子上的木墊，十分精緻。食物：湯底沒有味精，飲後沒有口渴的感覺，如果濃一點會更好。葛粉絲的質感十分有趣，但可能是下午茶的關係，份量比較少。點心方面，我選了紅燒牛腩蘿蔔，蘿蔔十分入味，可惜牛腩太硬，不夠入味，十分黏牙。溏心蛋頗大隻，但蛋白不夠入味。希望他們日後繼續改善。服務：十分有禮殷勤。價錢：下午茶38元，加溏心蛋另加12元，以下午茶來說都算貴。

小妹每星期二晚上都要在城巿花園覓食，從城市花園至和富中心的食市都差不多都吃過了。剛從報章得知北角開了新餐廳，立即約友人品嘗。這麵店志力推介不落味精或雞粉。小妹點了陽春麵配蜜汁豬頸肉，三鮮水餃，紅燒牛腩羅蔔。友人點了葛粉絲配脆炸鯪魚角，紅燒牛腩羅蔔，蜜汁豬頸肉。 陽春麵條滑和軟身，雞湯味道較啖因沒有味精，健康之選 豬頸肉較硬，蜜汁味道只在表面，豬頸肉不入味，味道一般 三鮮水餃餡料有豬肉，蝦，九菜，皮薄餡靚，味道不錯 牛腩較硬，不入味，味道一般 小妹不太喜歡葛粉絲。友人說味道一般 鯪魚角不腥，有一點脆，味道不錯總括而言，價錢高，味道品質希望可以提高。小妹暫時不再光顧。

家附近新開了一家麵店，深啡色的門面閃著紅燈招牌，看不清楚裡面，不知葫蘆裡面賣什麼藥，加上離家愈近就愈提不起勁兒光顧，結果是某一天想不到吃甚麼才來了。最近有傳媒把此店譽為「港版豚王麵店」，其實另一個我遲遲都未有到訪的原因是這裡價位偏高，一個套餐賣他個七八十塊，那就真是豚王的價錢了。大家排大隊吃日式拉麵甘之如飴，但以同樣的價錢吃中式麵，對很多人（包括我）來說，是個心理關口來的。但是日來時是平日午飯時間，門庭倒是沒想象中的冷落。正如日式拉麵賣的是不同的湯底跟麵條的配搭，這裡也就照辦煮碗，但就比較簡單，只有三款湯底，每款湯底已經預設配合一種不同的麵（之後發現其實麵條的款式是可以互換的啦），不過既然店家已經配搭好了，總有其道理吧。三款湯是大高湯（雞湯）、黑高湯（牛骨湯）和白高湯（魚湯），分別配陽春麵、粉絲和米線。除了高湯麵，店子也有共有九種的佐麵點心供應，每款高湯麵都預設了三款點心做成套餐（見上圖）。但偏偏我對套餐內那些點心都沒有多大的興趣，後來知道有一款套餐是可以自選點心的，就決定點那個了。我點的是一碗自選高湯麵+兩款自選點心的套餐（$70），那時還有得送豆漿。麵是大高湯陽春麵，配三鮮水餃和鮑

星期五晚同老婆想搵間鋪頭坐得舒服傾下計, 睇到有一間好似裝修幾特別既麵鋪, 就入去試下裡面幾有日本拉麵店個種家庭Feel, 可能係個環境幾RELAX, 坐得都幾舒服點菜時間, 店子賣既係高級的中國麵, 所以價格比其他的鋪頭來得高. 就試下一個2人餐睇下有咩唔同主食: 高湯麵, 我個得似有拉麵FEEL, 就叫佢中國拉麵, 我叫左黑高湯葛粉絲, 麵口感幾好, 湯是牛湯, 淡中帶甜, 不過就是不夠濃, 細問之下原來女士會比較喜歡黑高湯, 中計...老婆叫了一個大高湯陽春麵, 湯是雞湯, 湯底好味夠濃, 早知就同佢交換前菜: 涼拌青瓜海蟄, 唔知點解我覺得呢碟野超好味, 唔通係個湯唔夠濃既原故??配菜: 即係點心小食, 最好食係蝦丸, 其次係雞脾菇同埋臘腸雲吞, 失望的是竹笙百花卷, 口感雖好但很淡沒有味道後感: 食完都幾滿足, 可能因為環境幾優閒, 可以慢慢用餐傾計, 食物賣相幾好, 而且食法幾特別, 你唔可以剩係食麵, 仲要加埋D小食一起吃先至會食出一個完整既味道. 同日本拉麵唔同, 而個價位係日本拉麵個價, 我覺得加埋食物味道同埋坐得舒服, 我覺得都OK, 不過當然平D會好D啦. 如果想

在大坑吃過甜品，已經飽了九成，沒有想到下一站要到哪裡，所以先往炮台山方向散個步。經過湯圓街，看到很多人在排隊，然後眼尾瞄到街角的一個火紅色的閃亮大字，看真一點原來是一家以不同上湯做主打的麵店，看樣子似乎不錯，所以我們就決定進去試試。麵店走中高格調的路線，裝潢用淺色木配搭紅色的燈，有點像現在新派的點心店的格局。除了散點，這裡還提供套餐，麵食可以選配小點心，另外還有一個二人套餐，兩碗麵+九款小點心+飲品和贈送溏心蛋，不過要將近$200，價錢不便宜。湯底有三款，分別是大高湯 (雞)、黑高湯 (牛)和白高湯 (魚)，麵條可以選上海麵、葛粉絲、米線和米粉。我對雞湯和牛湯都有興趣，所以留待鬆弛去選擇。最後他選了大高湯葛粉絲，另外再配香菇臘腸雲吞和紅燒蘿蔔牛腩。大高湯是用原隻鮮雞、豬骨、金華火腿和瑤柱等材料熬成的，湯呈淡黃色，沒有像一般雞湯般油亮，濃郁的味道混合著少許金華火腿的香味，很好喝，不過如果湯多一點就更好。葛粉是一種很健康的食材，能有效防止心血管病。煮過的葛粉絲晶瑩剔透，比平常吃到的粉絲粗身一點，也有點像冬粉。口感軟Q但不會要咀嚼很久，不錯的呢。另外值得讚賞的是大高湯粉上檯時還配了一小碟微微

新開張 決定幫襯支持$6....$70 起一碗麵，價錢黎講真係傲視附近所有食肆就睇下佢值唔值LUNCH HOUR 時間，門外都有唔少人排隊沒有派籌，門外等侯時顯得有點亂店內檯凳比較狹窄新張期色收加一，另外有D 所謂既(優惠)不過只要細心D 睇，其實無咩優惠可言MENU 主要分3樣陽春麵、粉絲及米絲每樣都配唔同既湯底，分別係雞、牛及魚於是乎同女朋友揀左 MENU 入面既A2 同C1配料另外上碟，幾有心意；不過略為油豬頸肉香口 / 蝦丸都有少少酸梅味 / 水餃就一般兩隻湯底都幾好味，但後來先發現menu 入面既英文，有分濃同唔濃 ， 1就最濃, 3就淡d所以唔怪得我個c1 魚味就幾夠 不過就幾腥下啦

3點幾 ， 2個人搵野食，見到有間平時唔覺眼的食市～門口大大隻隻寫住＜大熱＞ 行到門口望望一個人都冇......有D驚唔知好唔好食，但肚餓就唔理入左去先講～入到去環境都識唔錯～坐低睇下食咩，發覺其實冇咩食，見到餐牌還覺得有點貴，大概＄60幾蚊﹣＄70幾蚊還要加10%，當堂嘩左一聲，之後有人攞左個下午茶牌給我地～都係＄30幾蚊加10﹪，都好啦！就試一試佢，我就叫左個豬頸肉陽春麵，同事就叫左一個雞湯三鮮餃葛粉絲。賣相唔錯啦，食落豬頸肉好好味呀！！我覺得雞湯就太濃，但另一個人就話好好味，連湯都飲曬！

同老婆去試下新嘢，好似裝修幾ok......我叫左黑湯(牛湯底)陽春麵，2餸:牛腩蘿蔔，鮑汁雞脾菇，$70老婆叫黃湯(豬+雞湯底)陽春麵，3餸:腩肉，炸蝦丸，鮑汁雞脾菇，$78一碟靚菜苗，$26麵一來先試湯，牛湯剩係得咸味，冇牛味(亦聞唔到),麵質還可以，牛腩蘿蔔一般啦(得兩小件牛腩),雞脾菇還可以，不過冇鮑汁味。老婆嘅黃湯帶酸味，唔知係咪加左魚露，好古怪，腩肉一般，炸蝦丸太咸。最有問係菜苗，只係一般菜心都冇所謂，落單時叫左整'淋'啲,點知冇淋不特止，重要菜莖中間生生地。真係失望加失望，雖然貴唔貴就見仁見智，湯又唔熱，湯底又同想像中有大差別，重要加一服務費，但係又做唔到顧客簡單要求。老婆碗麵食剩一半有多，碟菜就只食左兩條，差不多原封不動，食物份量已經好精緻下，埋單連加一$191,待應問都冇問係咪食物有問題，真係我有史以來出街食飯有加一service charge而我一亳子貼士冇俾囉。喺北角食嘢我冇乜特別要求，但係$200兩碗麵+碟油菜，加送十幾個失望就真係唔會再去咯。

8時多在附近已見滿座都有點期望...便入內試試...其實可叫的款式不太多,只有約十款的小吃及三款湯底的麵..有一款二人餐可吃9款點心加兩碗湯面,蠻吸引較化算,但份量好像太多便放棄了~~二人各點了一款紙上的套餐,但算偏貴...其實最吸引的是那些小小像點心的小吃,兩人都點了大高湯那一款麵,連5個小吃.餐紙雖說湯底沒有味精,但吃落還是覺得一定有落的,可能會落得比較少吧! 但總算還有點金華火腿湯味道的.隨麵附上切了絲的金華火腿和一些配料給客人放在湯麵吃,但感覺作用不大.....上左: 蝦丸,內有酦梅汁,開胃,但蝦肉不新鮮,外層有脆米,但不脆上中: 鯪魚肉,脆口,還ok上右: 蜜汁豬頸肉,口感較硬,有點難嚼下左: 腩片,味道一般,切得太薄,我以為是辣的,其實完全沒有辣味下右: 雞脾菇,鮑汁不錯,入味坦白說,價錢略貴且不是十分美味,加上可能因為湯底的關係,令店內有一陣怪怪的味道,我應該不會再去了.