大漁屋台 (已結業)

同老公食左幾次先來評。今次同個女朋友再來食。不過唔記得影相。先來文字點評，等大家有機會食到性價比好既日本嘢先啦。同老公2次來食過唔同既刺身丼同串燒，我每次都會點1件燒飯團(因個人十分喜愛)今日朋友仔又搵左呢間，問我有冇食過，我話有都幾好既，咁岩喺openrice訂位話滿250蚊有85折，所以就book左， 1行2個女仔再來。點左個刺身時令沙律，2個燒飯糰，2串黑豚肉串燒同雞亦串燒同埋吞拿魚卷。最好味土個黑豚肉串燒，跟住燒雞亦(全亦)佢既魚生丼都新鮮，係最近淘大附近性價比較好既日本料理店，只係座位較為迫，尤其2人，枱面較細，所以叫3碟以上已經未必有位放

工作過後，好友相聚，當然要啤啤佢。這生啤最特別的地方是啤酒上加上用生啤打成的沙冰，沙冰有淡淡的啤酒味，既補溫又不影響原有味道。 前菜點了日本活粒貝及池魚刺身， 粒貝刺身既爽口又彈牙，每一口都帶有海水味，比酒店的冰鎮海螺更加鮮甜；池魚刺身肉質鮮嫩，配上酸酸的醬汁，令魚肉更鮮更甜。主菜點了北海蟹丼及汁燒安格斯牛肉丼， 蟹丼中有蟹鉗、蟹籽、蟹膏、蟹肉同吞拿魚蓉，蟹膏一向都是食蟹的靈魂，份量足，味道足，加上其他材料，足夠送兩大碗飯； 牛丼上的安格斯牛肉片，片片都份量十足，咬落亦滿口肉汁，再伴上生雞蛋，令牛丼更香、更滑。食完主菜仍意猶未盡，反正尚有生啤，當然亦要加點下酒菜：串燒：雞肝、雞腎、雞頸肉、雞尾揚物：吉列豆腐、蓮藕 雞肝、雞腎味道濃郁大家都知，燒後令它們的味道更香濃、豐滿；雞頸都有食過，串燒雞頸肉卻是第一次，估不到雞頸都有這麼多肉，而且有咬口、不油膩；朋友居然不知道雞尾是指雞pat pat，雞pat pat就是充滿雞味，香香的、油油的。 吉列豆腐、蓮藕雖然都是揚物，但依然清新可口；到最後最終可以一乾而盡。

日本菜總有種令人食唔厭的吸引力，今晚同朋友搵到間係淘大花園隔離的得寶花園商場地下新開的日本菜，就決定來嚐一嚐鮮。餐廳入面未算好大，但座位舒適，環境裝修富有日式風格，很適合聚會聊天，飲返兩杯。【柚子酒 - $48】喜愛飲酒的我地叫咗杯柚子酒，加碎冰，冰凍可口 ,味道唔會太濃，偏清甜淡口，入口有清香柚子酒。【柚子冰頭漬 - $38】切得好薄片，質地晶瑩剔透，撈咗柚子汁同芝麻，味道清甜爽口，咬落似啫喱的彈牙質感，是開胃之選。【特上刺身六點盛 - $288】性價比超高，份量多。甜蝦鮮嫩多膏，肉質軟稔，蝦味重。油甘魚切得夠厚身，新鮮嫩滑，油脂味香。北海道帶子，肉厚嫩滑，入口鮮甜，帶有少少海水味。赤身，肉質呈深紅色，食材新鮮，食落無筋的，魚味夠香。馬糞海膽，色澤鮮艷，味道香濃，入口即溶。【蔥花拖羅蓉壽司 - $56/2件】拖羅蓉的份量好多，同飯的比例剛好，食落鮮甜嫩滑，魚香包油脂味好香，加上有少少蔥吊下味，味道更富層次感。【左口魚邊壽司 -$56/2件】左口魚邊微燒過，令到魚香更散發，入口即溶的口感，夠軟稔。【沙椎魚天婦羅 $15, 貝柱天婦羅 $18】炸粉夠薄脆，即叫即制，上檯仲保持到個熱度，沙

牛肉薄片但係竟然意想不到咁juicy嫩滑。吖仔吃野好奄尖竟然都食到係咁點頭話好好食！窩蛋配牛肉真係正到爆！份量無人地講到咁誇張有二人前，雖然我都係一份二人食，不過係一個2歲BB同一個婦女。兩個成年人就要考慮叫多一份其他啦。仲點左燒全只魷魚，搭配薑蓉，入口覺得好Q之余仲好辛同鮮，值得推介啦因為坐得靠近廚房，全程可以睇到廚房烹飪，衛生整潔同埋專業服務亦係5粒星！店鋪唔係好大，不過都好舒適，三五知己去聚餐都係好選擇。價格實惠，味道出色，去過一定會係best list啦。不過店鋪100以下收cash，100+先可以碌卡。得寶真係好多正野食嘎！

店舖門前驟眼色彩繽紛，門面吊掛色調不一的橫幅，門口藍色招牌「大漁屋台」懸掛，門前企立一部電子屏，旁邊一個木邊黑板及兩個特大酒桶裝飾。店內左面一整排卡座，牆板以紅色作壁板底，貼上日系和風式剪紙及畫布，天花吊掛繩索燈飾及幕布。右排則是師傅料理食材的地方，半開放式廚房增加店內空間感。柚子冰頭漬hkd38質感滑溜，咬下爽口帶膠質而煙韌，入口有點酸甜，開胃前菜。柚子酒hkd48柚子冰凍清爽，入口柚香飄逸，柚香果味濃，酒精濃度較低，偏近果汁口味。特上刺身六點盛hkd288三文魚、赤身：厚切大件，肉質柔軟，咬下重重魚香，鮮甜不腥油甘魚：油甘魚厚切大件，肉質彈牙爽口，口感嫩滑，味道甘甜甜蝦、帶子：肉質軟滑柔順，咬下軟糯，入口鮮甜海膽：青瓜面鋪海膽，海膽入口即融，味道甘甜不腥蔥花拖羅蓉壽司hkd56/2pc紫菜香脆，拖羅蓉油潤細膩，口感絲絲綿絮，帶蔥花香。左口魚壽司hkd56/2pc左口魚微炙，魚油油脂豐富，香味四溢，油潤魚香十足。雞尾串燒hkd22外皮香口，咬下肉質爽脆，雞香油潤不膩。鯖魚串燒hkd18薄薄的魚皮燒而脆身，肉質結實滲透魚油香。沙椎魚貝柱天婦羅hkd33店家以洋蔥及貝柱配炸粉結成天婦羅，

得寶商場愈開愈多食肆 有間日本餐廳光猛企理 而且價錢合理 就去試下了！坐既位置可以見到師傅努力工作安格斯牛肉丼 一碗起碼二人份量 一端上即刻撈混隻蛋黃 加上碗底中既牛肉汁 未食已經聞到陣陣飄香！蛋黃令每粒飯更香更滑 而且牛肉偏軟淋同無根位 而且切得厚薄適中 口感一流海饅壽司見到咁長既饅魚已經忍唔住相機食先！鰻魚多肉之餘燒得又香 絕對係誠意推介貝柱天婦羅+紫菜蘆筍卷天婦羅蘆筍既橫切面好可愛 經過油炸後仲保持到爽脆同鮮甜！貝柱天婦羅就第一次食 除左貝柱 應該仲有洋蔥絲一齊炸 幾特別關東煮- 鵪春蛋+蟹餅大推鵪春蛋 咬落去有bob一聲既感覺湯底鮮甜 可以encore

「大漁屋台」相信係九龍灣區內一間值得encore 既日式料理餐廳。餐廳內既格局充滿日本氣氛，裝飾得幾有品味，帶有夏天風格，非常迎合現時氣候。極上六點刺頭盤點了六點刺, 即有6款刺身包括三文魚,吞拿魚,油甘魚,帶子,甜蝦,海膽！6款刺身非常有誠意,不但厚切,而且食落完全無雪味海鰻魚壽司差不多原條鰻魚上咁制, 連隻碟都擺唔晒而且用火輕輕燒過既鰻魚，再加上鰻魚汁，睇得又食得貝柱日本帶子天婦羅 及 紫菜蘆筍卷炸物水準非常高，粉醬份量唔會太多，外脆內暖！一粒粒既貝柱食落非常有口感另外蘆筍卷唔會因為炸完而無左本身爽口感同香甜 汁燒安格斯牛肉丼安格斯牛肉加溫泉蛋已經令我食慾大增,而且令我明白牛肉唔一定要配牛汁,,配燒汁都可以非常美味關東煮- 蟹餅　及　鵪春蛋平時食開炸蟹餅，反而關東煮的蟹餅再配芥末醬都係幾好既配搭！另外鵪春蛋煮既時間剛剛好，有爆漿既口感

收工後同同事坐公司車去淘大行街...行左一陣後我地就搵野食, 不過周圍都好多人, 有D仲要等位所以我地行前少少去左得寶商場睇下有咩好食, 同事見到呢間餐廳覺得好食, 所以就食呢間啦.餐廳入面坐得都幾舒適, 唔會好逼叫左個沙律下胃先, 青瓜有絲好多,  好食之後叫左炸野, 全部都大大舊,炸豆腐外脆, 入面又熱又滑, 同事好中意食炸蠔出面D炸粉好鬆脆, 而蠔唔會炸得過火, 仲係好軟身, 好食!食日本野就緊係唔少得魚生啦魚生非常新生, 一D都唔莓, 而且都好大塊, 質素高!~關東煮(蟹餅, 八爪魚, 大根, 年糕福袋)呢個清清地, 好味道,而我就中意呢個年糕福袋, 年糕好軟身而腐皮吸左D湯到最後我地覺得D魚生好好食, 所以叫多個魚生飯..成碗都係魚生, 一流

今晚去開得寶商場買野，順便同老婆食埋晚飯先返屋企，行行下見到呢間日本餐廳好似係新開，所以試下我地7點30分左右先到，遲左30分鐘，無得享用優惠添裝修感覺好色彩繽紛，以紅色為主蟹籽沙律，一上到台老婆已經忍唔住夾左一半來食。佢話好清新，加埋蟹籽落去食好爽口柚子冰頭漬，侍應介紹呢個係三文魚魚頭軟骨，我地從來未食過，叫來試大。食落去口感都幾得意，爽爽地，一d腥味都無刺身好新鮮，而且都切得厚身叫左3種剌身感覺唔夠喉，所以再叫個刺身丼，份量超級多，海膽好鮮甜，正！最後叫多左個關東煮，全部都好入味羅白好好食，好淋身下次去幫趁

呢日經過得寶商場 見到有間新開既日本餐廳 見到“日本產米使用者”既牌 證明佢地係用日本米 有品質既保證 所以決定入去試下裝修很有日本風味 特色得黎走親民路線食物價錢也很合理松葉蟹膏沙律蔬菜新鮮爽口 配上濃郁既蟹膏味配撘很特別海膽拖羅卷上層軟棉棉 飯卷入邊有青瓜 很fresh 關東煮樣子平凡 但真係估佢唔到咁好食湯底香濃 我最欣賞佢既大根 吸曬湯底既精華 香甜得黎質感又唔會大淋築地丼刺身新鮮 鋪滿整個碗日本飯 口感軟滑 特上刺身五點盛吞拿魚 三文魚腩勁厚切 赤貝爽口原來呢到用左日本制既昆布豉油味較淡 更能試出刺身既鮮味食物質素高 價格合理 性價比甚高

今日有放工，男友話要帶我食日本野，滿心期待。原來佢話一早已經想帶我嚟食呢一間新開嘅日本餐廳，呢度鋪面細細，裝修十分別緻。牆上掛有唔同嘅食物介紹，全部都係時令食材。我哋試咗呢個芝麻醬日本番茄豆腐沙律，豆腐嘅清淡配上新鮮嘅蕃茄，味道相輔相成，唔會搶左大家嘅味道。甘蝦蟹膏豆腐呢個味道非常之特別，第一次食到蟹膏同埋豆腐混埋一齊嘅味道。佢非常之好味，好似食到真嘅蟹膏喺口入邊咁，好有驚喜。我哋又嗌咗深海池魚刺身，非常之鮮美，薄切嘅池魚配上酸酸地嘅醬汁，食落好清新。八件壽司入邊，我食咗三文魚壽司，三文魚好軟熟，入口即溶，甘蝦壽司肉質彈牙，蝦非常之大隻。帆立貝好鮮甜，好新鮮啲肉一啲都唔痴牙。油甘魚切得好厚，厚食嘅油甘魚非常之有口感，魚味好濃。天婦羅🍤炸得非常之出色，每一樣食物都沾上薄薄嘅炸粉，令人食到食物嘅鮮味，聽人講真正嘅天婦羅炸粉係好薄嘅，最驚喜係天婦羅金菇，炸完之後好似一朵散開嘅大花，金菇變得好脆口，一啲都唔痴牙。食完呢餐之後個人真係滿足到升上天。

識食日本野就當然揀小店黎食，食慣咗連鎖日本壽司店，九龍灣呢一間日本餐廳一早係我to-eat-list上面。今日難得身邊人話想食日本野，就當然帶佢嚟呢間食吓啦。一入到去見到小店裝修得非常色彩奪目，裝修上面非常有心思。由於身邊人非常鍾意食豆腐，我哋前菜同埋冷盤都揀咗豆腐。芝麻醬日本番茄豆腐沙律，非常開胃。呢一道菜豆腐比較清，配上芝麻醬同埋酸酸微微嘅日本番茄，味道相當之夾。清甜嘅豆腐加埋酸酸甜甜嘅沙律醬同日本蕃茄食完之後非常開胃。甘蝦蟹膏豆腐，佢係將蟹膏同埋豆腐打埋一齊，味道鹹鹹地，食落去有一陣陣咸甘香，身邊人讚不絕口。深海池魚，呢一道菜係全晚我最喜歡的一道菜，池魚味道清清地，每一啖咬落去都有清甜嘅魚油香，味道好清新，點小小醬汁已經好好味。壽司八件，每一件都係人手即製，厚厚嘅刺身配上細細舊嘅飯，一啖食落去啱啱好，飯嘅軟硬度適中，魚生片非常新鮮，冇得彈。安格斯牛肉鍋手打烏冬，呢個烏冬嘅賣點係手打烏冬同埋安格斯牛肉，烏冬非常彈牙，浸住濃濃的牛肉湯底非常入味。牛肉好鮮嫩，飽肚又好味。我哋仲叫咗一啲串燒，冬菇唔會燒得太過乾，水份依然鎖喺入邊，雞軟骨同埋雞腎燒得非常惹味，上面加左少少鹽食落更加入味。另

一年一度終於等到出花紅的大日子，放工立時去吃大餐其實每朝返工途中都會經過這間有心思的商場 - 得寶商場，入面有好多特色餐廳，今天先試這間！放工由觀塘行到牛頭角都只是傍晚六時多，尚有少許寧靜空間🙈發花紅就食好一點！先點了最愛的刺身。魚🐟 店員推介三種魚生金目鯛、油甘魚、深海池魚都是朝早才到港，厚切上碟，肥美新鮮極！另外點了軟殼蟹反卷，軟殼蟹鮮炸出爐又熱又脆！四件反卷份量岩岩好最後是關東煮！已經很久沒吃過了！點了黑蒟蒻、北海道八爪魚、年糕福袋！怎料到原來湯才是主菜，超級濃和野味的湯底我全部飲光！

我在做夢嗎? 是我太多幻想還是真實的?店內的牆上掛滿多面旗幟及一面大魚網，很有日本風味。再看看午餐菜單， 十分經濟但是質素並不是用一般，有些更是喜出望外。幻想同真實竟然是一致的。 麵豉湯味道濃烈 厚切的金目鯛，可以給我多一點嗎?用上新鮮的帶子，味道微鹹， 有少許海水味。鯛魚新鮮無比油甘魚腩位重油份，軟滑。另一款重油份的池魚，魚味好出。甜蝦鮮甜肥美吞拿魚碎腩壽司 配上蔥和椰子絲味道特別好吃每款用上日本米令壽司寧捨不同， 飯的色澤也不同， 有嚼口。 蒸蛋用上蛋白製成的,內有三文魚粒,白果,魚蛋,冬菇,蒸蛋很滑,鰻魚肥美多汁，雖然飯與壽司的米不同，但也不錯。燒焦的部份有香脆味道。雪糕有三款味道，綠茶、豆腐、芝麻，分別試左豆腐和芝麻雪糕， 豆腐雪糕比芝麻雪糕更好吃。不用去日本也可以吃到如此鮮味食品， 實在難得。

又係我最愛之一嘅日本菜，今日去到牛頭角得寶商場，原來從新裝修過，而家入面大咗好多，同好多 食鋪，俾呢間大漁屋台嘅裝修吸引咗入去裝修得幾有日本feel入到去坐底發覺原來地方都幾大，又可以睇到㕑師幫我哋制作食物，食物望落去亦好新鮮，掛係度嘅餐牌都係寫日文，不過大家放心，俾我哋睇嘅會係中文😂入面裝飾得幾有日本特色“北海道松葉蟹羔味噌野菜沙律”清新嘅蔬菜加上松葉蟹味噌一齊食，清新之餘再加上重重嘅蟹味，味道感覺中和，唔會太清淡或太濃郁，配合得啱啱好“特上刺身五點盛”食落同望落一樣咁新鮮，我自己本人食日本餐，最重要就係魚生，呢度魚生絕對唔會令我失望“海膽葱花拖羅蓉卷”新鮮嘅海膽加上拖羅嘅配對，配合埋葱花芝麻同日本認證嘅日本米，唔係普通嘅珍珠米，再加上用昆布自家制嘅豉油，口感同味道都向最接近日本嘅做法，絕對有心，點解我會知？因為侍應一路有介紹同建議我哋食啲咩，所以我話有心嘅日本菜👍“築地丼”全部海鮮都好新鮮，牡丹蝦同帶子非常鮮甜，當然其他都保持水準”關東煮”有八爪魚，鮮甜入味，肉質彈牙蘿蔔，入口即溶嘅感覺，無冇渣亦好甜魚餅，亦都彈牙，有魚味年糕福袋，煙煙”銀銀”，湯汁同年糕味道好夾