大漁屋台 (已結業)

約左姐妹去旅行，所以準備出來食飯傾吓行程，行過得寶商場有間新野，日本大漁屋都幾多人排隊，應該幾好食吧！我們等了15分鐘就有位 ，我們點左壽司🍣極選8點盛，真心的壽司的生魚好新鮮，但最喜出望外是壽司舊飯，好特別另一種口味，而且唔會好實，所以我們再叫了一碗刺身丼飯（海之幸丼）飯跟牧丹蝦好好食。 咁熱天氣我就點左一個日本麻醬蕃茄豆腐沙律沙津比一般日本餐廳多，好正，我們還點左和紙火鍋牛肉及今日空運直送的深海池魚皇，火鍋牛肉加左啲好似係薯粉的面，比牛肉湯浸捻好有牛肉味道，我們平時食都唔會點池魚，今日店員推介就叫一份，味道又真係幾好，鮮甜🤤唔怪得這店咁多人等，食物、員工都做得好好，有機會下次帶屋企你再來食☺

太耐無去得寶，原來得寶變咗做食街都唔知... 今日朋友約我嚟先發現新大陸似的～🤫朋友推介呢間居酒屋，行入去尤如置身於日本居酒屋一樣～🏮🎎😍甘蝦蟹膏豆腐配麻醬，豆腐入口好似食緊啖啖蟹膏咁～真鯛、深海池魚、蟹肉蟹膏、拖羅壽司，件件精品、新鮮～🍣😋豐富蟹膏蟹肉，咸咸香香～粒貝、三文魚上枱靚到唔捨得食，肉質鮮美，啲三文魚𠝹哂花嘅，粒貝薄切～傳聞中嘅手羽，外脆、內熱又軟～仲有天婦羅軟殻蟹、日本南瓜、日本番薯... 軟殻蟹勁多膏，休漁期見到啲咁正嘅海鮮，忍唔住要影多幾張相，打打咭～至於日本南瓜、日本番薯、根本無得輸～食埋呢個牛鍋烏冬，身心靈都好滿足嘅一餐～

今日做野做到好累,決定係屋企附近食d野就返去啦! 老公話近來得寶開左間日本野,叫"大漁屋台",話不如去試下! 又好je,始終呢頭少日本野食,現在多一個選擇都係個好option!去到見到店面唔算大,但幾有居酒屋feel,好啱收左工黎食飯,飲返兩杯! 不過今日有d累,只係想瘋狂食野,飲酒就下次先啦坐底第一樣叫既當然係沙律啦! 蟹子沙律雖然係最standard, 但絕對係賣飛佛!簡簡單單,夠凍,多沙律醬,勁多蟹子蟹柳絲,撈埋一齊食,好消暑,好味!再黎既當然要食下刺身啦! 老公話想食鯛魚薄切,又試下先! 講真鯛魚不嬲都好貴,但呢度食只係$98,又差唔多10片,性價比好高喎!抵食!鯛魚薄切真係切得好通透,師傅刀工有返咁上下,鯛魚好感都幾爽口,好鮮味,唔錯!壽司呢,就叫左碎三文魚蟹肉卷, 有我最like既三文魚,好肥美,而且除左蟹肉之外,仲有d三文魚子配埋個卷物一齊食,口感好豐富呢!食完壽司,其實都有少少飽,老公話叫d串燒食下!佢呢就叫左銀杏串燒,其實即係燒白果,聞落又幾香喎,咬落外脆內軟,都幾好食! 正于我呢,見到有雞肝串燒就好想試,因為出面唔多見有得食! 雞肝燒得好有潤味,口感幾creamy,

星期六去淘大行街，八到隔離德寶商場，個埸細細地搞左啲懷舊攤檔，影吓相打下卡就Hea左粒幾鐘，見到大漁屋台都好旺場下，侍應姐姐又講咗句，歡迎光臨，入邊有兩位啊。一直行入佢，真係啱啱坐有一張二人枱，全場爆滿，人多一定有保證。重點係用松葉蟹膏精製嘅沙律汁，食這道沙律嘅技巧係要用沙律菜直接沾上松業蟹汁，這樣進食才完全感受到濃郁嘅蟹膏精華，沙律菜更突顯清爽。三種不同品種嘅刺身，金目鯛、深海池魚、油甘魚爽脆新鮮，各有唔同嘅口感同鮮甜度，少食多滋味，二人份量剛剛好。手工精緻、小小蟹肉卷同時食到三文魚碎、仲有爆脆大粒蟹子，一牒四件，好食又抵食點了比較冷門的雞尾串燒，當你唔知佢係雞pat pat嘅時候，第一次食以為係雞軟骨，但咬落又軟軟地，少少雞油滲出甘香，又幾好味喎。雞肝串燒，脆面軟心，比起鵝肝較為粗粒同有𡁻頭，相信係重口味者至愛，我就覺得兩個人食一串過吓口癮會無咁溜。魷魚爽甜不會靭，燒烤程度掌握得非常好，外皮微焦肉汁依然，加埋調味合度嘅醬汁，好好食。揚物蓮藕$8，純粹貪佢夠平，天婦羅炸漿薄薄的包住蓮藕片，炸到熱辣辣卜卜脆京蔥夾着黑豚肉$26.-，炸左嘅京蔥咬落仲會流汁架，蔥香滲住豚肉一齊食更滋味。又

喺朋友屋企附近做完運動約咗喺佢樓下得寶商場食飯個商場裝修得好懷舊其中一間日式居酒屋望落環境唔錯，幾有氣氛，我哋就入去坐低，睇下有咩嘢食。朋友仔點左個麻醬蕃茄豆腐沙律呢個組合有齊佢最鍾意食嘅三樣嘢:麻醬、蕃茄、豆腐…個組合好fresh，豆腐滑嫩嫩，麻醬又夠開胃，好正既前菜。我就點咗生蠔(買二送一都幾抵)肉質比較爽同清甜。炸物我哋叫咗雞頸肉串燒同雞胸肉紫蘇卷炸得好香口，咬落去都唔乾，特別雞胸肉紫蘇葉串燒嘅紫蘇葉，味道好出，雖然係炸物，好食得來感覺都唔熱氣。主食點了和紙牛肉火鍋唔好見佢薄薄一張紙，上面其實鋪滿咗好多火鍋料: 有牛肉、金菇、豆腐、 雞蛋 、冬菇 等等… 個火都幾旺盛，所以一路食都好夠熱，湯嘅味道好濃😋滑蛋吉烈黑豚don滿滿的一個don飯，滑蛋吉烈黑豚又滑又脆口，整個飯都顯得份外滋味。 2個人吃點冷盤，小食，外加一個don飯share來吃，份量剛好！ 這裡坐得舒服，餐廳菜式選擇很多，下次可以點其他~吃~。 呵呵！

平時係淘大都食到悶悶地 見到網上介紹 所以今次行遠少少去到得寶試下呢間日本餐廳🤤🤤佢個lunch餐牌其實都幾多選擇 有起有10樣 不過最吸引我都係呢款雜錦海鮮丼🐟🐟佢超抵之處係 一個set包埋中華沙律 沙律 茶碗蒸 湯同雪糕🍨🍨$5x-$6x食到可以攬住個肚返去😍😍黎到個海鮮丼 魚類都唔細粒 唔似切頭切尾 感覺唔錯👍🏻而且飯都好用心 佢加左醋落飯到 所以飯顏色都唔同 味道都唔錯🤤🤤而且仲有我喜歡的三文魚子！都好多下 其實魚個份量都幾多 所以我下次都會揀返呢個👍🏻👍🏻 CP值超高另外雪糕方面 有三款揀（紅豆.豆腐同芝麻）我揀左豆腐味🤤味道都幾甜 唔錯唔錯 推介👍🏻👍🏻

嚟到九龍灣呢個商場行街打下卡，好多懷舊嘅擺設同感覺，行到攰，晚飯就選定呢間好多人食嘅日本嘢menu有兩款新出嘅招牌丼飯，我同朋友一齊揀咗大漁丼，望落十分豐富另外仲叫咗好多小食蟹籽沙律都幾大碟，份量夠哂我哋兩個share食青瓜絲刨得好幼細，沾滿了沙律醬， 加上爽口嘅生菜同埋脆卜卜嘅蟹子， 確實係食日本嘢必嗌嘅前菜刺身方面我哋揀咗真鯛，三文魚同赤身(各三切)真鯛嘅魚肉好彈牙，魚皮較厚， 但整體食落十分有咬口三文魚刺身好肥美，魚油豐富，豐盈濃郁當然赤身都唔輸蝕，大大塊厚切一啲都唔腥鐵火卷上面有切粒嘅吞拿魚肉， 魚肉經已用過沙律醬調味，加上白色同紅色嘅蔥絲，芝麻，中間包住青瓜絲再配上蟹籽沙律醬重頭戲——大漁丼嚟啦刺身配料十分豐富，有牡丹蝦，松葉蟹肉，兩隻蟹鉗，三文魚籽，鮑魚，三文魚，大拖羅，油甘魚每種海鮮都係新鮮，味道有層次吉列免治雞肉軟骨棒，吉列豆腐兩樣一齊上有點吉列豬扒嘅酸汁，蛋黃醬同埋檸檬炸物放係鐵絲網上，可以防止受潮邊淋就算放多陣先食，入面都仲係熱辣辣吉列豆腐外脆內軟，入面嘅豆腐又白又滑， 出面嘅炸粉好薄而且好香脆免治雞肉軟骨棒已經調好味，入面嘅肉同軟骨嘅比例幾乎係一比一，口感十分豐富

兒時既小妹間中會跟住爸媽去牛頭角下邨食下午茶同宵夜 所以一直對遷拆左既牛下有一份情意結 最近就同兩老同埋小胖男友去左德寶花園商場既牛下新城行下 懷緬一番牛下新城裝修懷舊 但入面竟然暗藏左唔少左食店 當中仲發現有九龍灣少見既日本屋台 價錢唔貴 質素亦唔錯食日本野都要夠green刺身沙津有唔同既當造刺身 三文魚籽鮮甜得黎帶咸香特上刺身六點盛 有赤身吞拿,海膽,甘蝦,帆立貝,油甘魚同三文魚刺身新鮮 海膽係正宗日本食法 $288認真抵食!因為媽咪近來戒左牛肉 所以揀左個豚肉和紙火鍋 睇落平平無奇 但又幾有驚喜喎味道調教得唔錯 唔好睇火鍋細細 原來都幾多料下 豚肉爽口媽咪同吃貨小妹一樣都係"大飯桶" 要有落肚先滿足叫左個滑蛋吉列黑豚丼 黑豚炸得好鬆脆 無因為滑蛋而變淋沖繩豚肉餃子係另一樣小妹想讚既小食 外皮煎得金黃色 內裡juicy有肉汁總結 呢間大漁屋台味道同服務都唔錯 價錢亦合理 希望呢類小店可以係牛下新城繼續發光發亮

好耐無食日本野，突然好想食刺身，就諗到得寶哩間新開無耐但好評都唔少既日式餐廳。星期六午餐時間黎到，原來星期六都有lunch set仲要唔加一睇返menu先知，一至日都有lunch set嫁，但星期日同公眾假期就要收加一。order左豚肉鍋，份量唔少嫁豚肉鍋入面有烏冬、至少八塊豚肉、一個温泉蛋、一粒大冬菇、一片金針菇、真姬菇，當然唔少得一兩片仔泡菜同鳴門卷。烏冬係讚岐果種方形烏冬，但唔煙韌，可能浸湯浸耐左，又或者煮過龍，有少少失望。豚肉數量黎講都幾多，一塊都唔細塊，但食落冇咩肉味。豚肉偏瘦冇肥膏，肉質亦唔韌，好易咬得開。温泉蛋整得幾出色，我黎左佢黎撈飯，顏色金黃、流心！菇類正常味道，無特別。湯係微辣，增加風味。雖然無飲，但睇落唔算油，幾好！整體質素，中上。味道唔算好驚人，期望之內。北海道丼有兩片三文魚、兩片帶子、一隻大赤蝦同蟹籽。三文魚唔肥甜、亦唔鮮甜，感覺唔太新鮮，少失望。帶子切得薄，口感唔夠豐滿，但味道尚算鮮甜。大赤蝦肉質厚身、味道鮮甜，好好食！比放題質素好好多蟹籽唔腥。用左個温泉蛋黎撈壽司飯食上圖可見，丼飯既飯上面有蛋絲同紫菜絲增加味道，幾細心唔好睇樣覺得個丼飯好細份，會食唔飽，但

大漁屋台， 聽到個名，已經夠曬日本冇理由唔食。味噌蒜頭漬， 味道比較重，但係食完唔會口臭，估唔到味噌配蒜頭個感覺係咁特別。刺身季節沙律， 其實就係角切刺身配沙律， 用料夠曬新鮮，完全唔腥。日本直送三點刺，金目鯛，油甘魚，深海池魚，各二片。 當中令我最回味嘅就係深海池魚，香濃嘅魚味配合小小嘅醬油，味道分外倍增。極選八點盛，赤身，油甘魚，三文魚，深海池魚， 帆立貝，甘蝦，立魚， 蔥花吞拿魚蓉。 全部都係壽司，雖然每款只有一舊，但係兩個人食都夠曬。是日推介，汁蔥金目鯛頭。 咁大個魚頭都好耐冇食過。淨係見到隻眼，已經有驚喜。天婦羅方面點了免治雞肉軟骨， 蓮藕。 個人認為比較普通，但係夠曬香脆，又唔會太乾身。關東煮方面，點了黑蒟蒻，黑豚肉腸。 可加可減之選，但係佢絕對比便利店嘅好食。泡菜黑豚肉手打烏冬。 明明食日本嘢， 竟然畀我見到有泡菜，冇理由唔食，不過重點一定係手打烏冬，一口煙靭，口感極佳。最喜愛的就是你。 超級可愛嘅相撲手，成為焦點，兩個人可以因為佢笑足一晚。下次再嚟笑過，開開心心又一日。

返工咁辛苦，緊係要搵下周圍有咩美食慰勞下自己喺公司附近有間居酒屋，裝修唔錯所有食材都好新鮮，物超所值👍好有日本居酒屋既感覺😊前菜叫左麻醬蕃茄豆腐沙律$42新鮮蕃茄唔係度度有配埋三文魚籽絕對係開胃前菜呢個日本直送三點盛，真係好正，非常推介朋友話怕魚腥，如果佢麻麻就叫我食多啲，點知最後仲快過我食完，證明一啲都唔腥，而且非常甜美有金目鯛，肉質爽甜，入口軟滑深海池魚，而家肥美當造，肉質細緻，帶油份油甘魚，脂肪分佈平均，鮮甜只可以話，靚野係唔同啲赤身，帆立貝，三文魚籽，海鰻壽司全部都係新鮮，食得出既鮮甜雞尾，雞皮串燒叫返杯酒就更正更夾啦！甘粟薯餅兩款醬汁，任君選擇，微甜，不錯👍什錦天婦羅手打烏冬天婦羅都幾多款式，最重要唔會好厚天婦羅粉烏冬夠彈牙，湯底濃而不膩今餐真係好好味啊

近期面書興佛系，大家一窩瘋地無論談天，照相，造型都分分想起佛系。造型設計可以跟風，講到食方面日系就一向以來的首選。今次因為探朋友的關係，家住港島的我遠道而來到九龍灣。和朋友一起晚餐。來到了之後，才發現意外地我們享有9折，算是一場驚喜。蟹子沙律由非常新鲜的菜加上沙律醬混成，在沙律上用蟹子點綴，既美觀又美味。相得益彰。日式料理怎能少得了壽司呢？正當我未有頭緒的時候，聽到旁面的Order，即時發揮跟風的本能，order了一份碎三文魚蟹肉卷。天婦羅方面，特別喜歡吉列豆腐，外脆內軟，豆腐非常滑漏。紫菜蘆筍帶來健康元素，蓮藕和青椒也甚俱特色。魚生拼盤分別是油甘魚，吞拿魚和三文魚腩。帶來甘香的口感作為完美的終結。

約了好朋友在九龍灣食晚飯， 聽好朋友說 在得寶商場有間很受歡迎的日本餐廳～“大漁屋台”，裝修同日本居酒屋風格十分相似，想介紹我去食 最啱我這位喜歡吃日本刺身的“為食貓”！我們很早已經去到“大漁屋台”，聽說七點後就會越來越多客人 果然～七點半後門口已經開始出現人龍等位 可想而知🤔這間餐廳的受歡迎程度十分高！👏👏👏“大漁屋台”特式必須試食刺身、 壽司、串燒、關東煮、揚物我們先來“特上刺身六點盛”！裏面有赤身(吞拿魚)兩件、油甘魚兩件、三文魚腩兩件、帆立貝兩件、甘蝦四件、加拿大海膽好豐富！😍 金蝦超甜美～ 吞拿魚、三文魚腩及油甘魚刺身入口即溶帆立貝非常新鮮 油甘魚連同紫蘇葉夾在一起食， 淡淡的 油甘魚香味配搭獨特嘅紫蘇葉香味！一流😚做餐飲業的朋友介紹～原來新鮮甜美的加拿大海膽，可以利用紫菜包裹著進食， 這也是第一次以這種方法進食海膽，完全帶出 海膽甜味鮮味！接著～來點飽肚的壽司我們叫了 “特選壽司八點成” 有八款不同壽司， 他們分別是 赤身、油甘魚、 立魚、鯛魚、三文魚、 甘蝦、帆立貝、 蔥花吞拿魚蓉魚生壽司好新鮮！然後我們order“揚物” ， 即時“炸嘢食”我叫了一串炸帆立貝和炸鵪鶉蛋好

呢日上完traning course，同事就帶左我黎食lunch，佢話同屋企人黎食過到幾抵食午市定食又幾抵咁啵，平均都幾六十幾至七十幾蚊就有一個set，個set仲包埋雪糕做甜品，仲要唔洗加一唔怪之得有咁多人啦，我地點幾兩點去到都要等左陣先有位落左order之後就好快黎左個set跟埋既味增湯同事額外order左呢個 甘蝦蟹膏豆腐$38，佢話上次食完覺得好食又唔貴，所以呢日要再encore 豆腐混合左蟹膏，呈淡黃色，伴埋甜蝦刺身、三文魚籽同芝麻醬一齊食，鮮味又好味而我就見到meun上面有平日小啲地方有得食既關東煮，加上又唔貴，平均都係十蚊串，所以就貪得意要左幾串黎試下，有驚喜woooo關東煮嘅湯底夠清甜，黑魔芋爽口入味，而個大根（ 白蘿蔔）有兩大舊之餘仲甜而無渣，好鬼正而個定食都唔差啵，每個定食都會跟有前菜、沙律同茶碗蒸個茶碗蒸都幾滑，仲幾香蛋味添我要左個 海幸丼定食$88，有三文魚同白刺身、牡丹蝦同拖羅蓉，仲有海膽添牡丹蝦大隻又甜，拖羅蓉同海膽混合酸酸地既醋飯一齊食，正而同事就要左個 鰻魚飯定食$78，鰻魚大塊又厚身，望落都好吸引咁啵最後食埋個雪糕就滿足晒啦---------------

又到週末搵食時間，今次來到九龍灣的一個小型商場，商場佈置成充滿七十年代特色，先來看看相片先。還有英式郵箱和大家熟悉的巴士站牌，街頭寫照等等。令商場增色不少。這只是意外收獲，今次目的是吃日本料理。居酒屋分成兩個主要區域形成L型。先由蟹子沙律吃起，味道如一般日式餐廳類似。勝在沙律菜夠新鮮，吃落爽甜。刺身方面，分別叫了三文魚、油甘魚和吞拿魚。個人特別喜歡三文魚刺身，它來自三文魚腩位，油脂味十足，又甘又香，的確不錯。燒物中的燒鯖魚，比想像中好吃，不會太腥。我第一次在日式居酒屋吃燒鵪鶉蛋，感覺新奇有趣。當晚比較飽肚的就是安格斯牛肉鍋烏冬了，材料豐富，烏冬煙韌十足，湯底味道帶出鮮味，而且價錢得宜。