大漁屋台 (已結業)

間唔中都會嚟德寶呢邊玩下，因為呢度有個室內兒童遊樂場，所以今日又嚟咗!响德寶我食過兩間日本嘢，一間係放題，試過無回果隻；一間就係呢度，今次食咗好幾樣嘢，我同屋企人都係覺得有驚喜喎~唔錯呀~先嚟個蟹肉蟹膏丼飯，夠足料，蟹膏好惹味，呀仔食到Lum lum 脷，鮮有獨力食咗成碗飯呀～再嚟刺身拼盤，食得出佢真係好新鮮，夠鮮味，唔係hea 貨~勁like呢個明太子雞翼，裏面帶有微辣味道，忍唔住成隻獨食，另外雞軟骨亦唔錯~好欣賞呢個清酒煮硯，肉地夠厚唔在講，份量亦童叟無欺，好滿足~豬軟骨大根煮得軟腍入味，蘿蔔好腍甜多汁，即使蘿蔔只係便宜貨，都一樣可以好好味~可愛嘅芝士年糕口感特別，我最鐘意佢一啲油膩感都無，比起炸嘅嚟得好食~呢度都坐得幾舒服，唔會好迫~三個人每人二百，飽到上心口~我覺得佢哋嘅丼飯真係唔錯，值得一試~都幾多嘢食，實揀到啱胃口嘅嘢~

大漁屋台lunch的話三點最後入座時間，三點半截單，是日兩點半到，去到都見到條人龍仔，好彩等咗十五分鐘就可以入座午市嘅menu選擇都幾多，最抵讚嘅係附送茶碗蒸、冷盤、沙津，仲包一球雪糕，雖然係雀巢貨色，但係五十二蚊唔加一性價比高，可以encore!Ps茶碗蒸好滑有菇有雞肉 但粒白果就好苦

同囡囡去得寶商場playhouse 玩，放完電當然要去醫肚啦，多左好多餐廳，最後又係選擇我地至愛既日本料理，去到門口全場已滿座，要等位，但都好快有位了。餐廳裝潢好有日本風格，我好鐘意以到既裝潢。刺身季節沙律（$58）因應當時有咩時令既魚來做刺身沙律，刺身沙律入面有幾款魚既刺身，刺身沙律第一次食，味道又幾夾，好好味。特選壽司八點盛（$198）吞拿魚、油甘魚、池魚、立魚、三文魚、凡立貝、甜蝦、蔥花拖羅，好新鮮，鮮甜美味，飯和醋既比例剛剛好。三文魚刺身（$48、赤身（$88）、真鯛（$48）三文魚刺身口感豐富肥美，赤身脂肪較少，肉質鮮嫩而結實，真鯛的口感極富彈性，入口清淡。味噌煮大根豬軟骨（$52）豬軟骨同蘿蔔好腍，非常入味。安格斯牛肉鍋烏冬（$78）入面有好多配料，有溫泉蛋，安格斯牛肉，金菇，冬菇，烏冬，特別安格斯牛肉，份量都多，肉質鮮嫩，一點都不鞋口。海之幸丼（$88）有三文魚、三文魚籽、油甘魚、北海道牡丹蝦1隻，刺身厚薄適中，好鮮甜，牡丹蝦好大隻呀，彈牙的口感和鮮甜的滋味。

經過得寶商場,見到個叫好似(牛下新城)地方,個度裝修好懷舊好特別,天氣咁熱又餓就好想食日本菜,睇睇下見到呢間大漁屋台,裝修吸引左我,店面細細地,但見門口有幾個人等緊.我就得一陣,等約15分鐘就入得了,首先店員好熱誠有禮先來壽司,油甘魚腩刺身,油甘魚腩刺身令我眼前一亮,肉質解嫩,好肥美好甘香。之後我地叫左蔬菜類天婦羅,金菇炸得好出色 外脆內軟,特別係露筍紫菜卷,呢樣我最最最鐘意。男友就叫左個牛肉烏冬,湯底鮮甜 烏冬好彈牙。。。牛肉又熟得剛剛好。。。好味串燒因為要即燒所以就等得耐左少少,不過店面又得見幾位年青人努力工作,等是好值得的,而且真是非常好味,雞肝非常甘香,燒得剛剛好,入口鬆化,嗯~~,我一直都比較鐘意幫襯小店既原因,就係佢地既熱誠係感覺到的~~~下次經開都要再去試。

今晚晚飯係牛頭角食日本餐餐廳既門面好吸引ar~好有日本風，五顏六色令客人既心情都變開心 除咗一般刺身,壽司,燒物,關東煮等等，另外仲有產地直送季節限定嘅刺身喺香港都可以食到新鮮嘅海產，而且價錢唔算貴晚飯時間都要等一陣位，門口超級多人，不過食好嘢梗係要等㗎啦，好彩隔離都有鋪頭行下刺身季節沙律 $58沙律加咗小小醋做醬汁，撈暈食味道啱啱好，再加上有d魚子，咬開咸咸地，味道更豐富，好開胃既刺身沙律日本直送三點盛 $188超級新鮮嘅刺身有 #金目鯛 #油甘魚 #深海池魚各兩片，全部都係日本直送㗎，鮮甜好味，每片刺身都好厚切，口感冇得輸特選壽司八點盛 $198八款壽司件件都好新鮮不過最正一定係帆立貝，食到濃濃既海水味，又夠厚肉，好滿足海之幸丼 $88超中意食刺身既我緊係唔會放過刺身丼隻北海道牡丹蝦x10 肉厚大條又新鮮，蝦肉半透明有光澤關東煮 #大根 #魚餅 #鵪春蛋依度既關東煮都做得好出色湯底鮮甜味美，所有食材都好入味，尤其大根，本身已經帶甜味，再入埋個湯，又更上一層樓天婦羅 #金菇 #沙椎魚我今晚都係第一次食沙椎魚估唔到呢款魚係咁嫩滑，魚仔細細嘅佢變成天婦羅之後超級好味金茹整得好靚，好似珊瑚

與朋友在得寶商場閒逛經過呢間大漁屋台，見內裡環境都幾有特色，反正都肚子餓了，就入內食吧！每次和朋友吃日本菜，我總喜歡飲點梅酒，梅酒有著酸酸甜甜的果香，十分易入口；酒精含量亦不算太高，可舒緩疲勞壓力、消脂，侍應給我們介紹呢款限定梅酒，加點冰更覺好飲金目鯛刺身~魚切得好簿身，每一片咬落去都好清新鮮甜這款小食味噌蒜頭漬~單憑眼看甚至食落口都分辨唔到原來係蒜頭! 蒜頭竟然沒蒜味，唔知用什麼淹過，但又好好味，十分爽口，又唔會食到一口蒜頭味，用來送酒佐膳都唔錯天婦羅手打烏冬~

是日朋友搬屋，叫咗我呢個好兄弟幫手，搬完嘢之後都已經差唔多9點，梗係落樓下醫肚啦。見到呢間日本餐廳晚市9點後食滿200蚊有九折優惠，就一於黎呢度。餐廳面積唔算大，佈置簡單得黎頗有日式居酒屋風格。北海道松葉蟹膏味噌野菜沙律 :松葉蟹膏味噌同沙律菜係分開上，客人可以按自己口味慢慢加蟹膏或者一次過全部倒落去。用蟹膏黎取代沙律汁配沙律菜食真係第一次，蟹膏味道鮮甜，同爽口嘅沙律菜食味道好夾。真鯛壽司 + 蔥花吞拿魚蓉壽司 :壽司有好多款，真係花多眼亂，最後店員推介呢兩款壽司。真鯛肉質甜美多汁；吞拿魚蓉配上少量蔥花，入口味道濃郁之餘帶點清新，同一般食吞拿魚壽司嘅感覺好唔同。極上六點刺 :食日本嘢點可以唔食刺身？餐廳有三款刺身拼盤揀，亦可以選擇單點。我地揀咗呢款"極上六點刺"，顧名思義有6款刺身，分別係吞拿魚赤身、油甘魚、三文魚、帆立貝、甘蝦及海膽，刺身非常新鮮，每款都係厚切，當中尤以海膽特別鮮甜，無任何苦味或腥味，值得一讚。泡菜黑豚肉鍋手打烏冬 :泡菜顏色非常鮮艷，湯底微辣，配料除咗有黑豚肉同各式各樣嘅蔬菜，當然唔少得有溫泉蛋啦！烏冬吸晒泡菜濃湯嘅精華後，入口彈牙，食得出唔係cheap 野！串揚

牛下長大既我即使中學後搬咗，間唔中都會過黎淘大德福行食吓野行吓~自從得寶裝修後有一部份叫牛下新城，加上舊街坊喺度開左小店就更多黎呢邊。今次都係搵舊街坊，佢介紹左呢間日本餐廳，我同老公就去試吓! 門面已經完全擺脫昔日得寶既形象，入內更加有居酒屋既感覺。先黎一杯 Frozen Beer 上面嘅雪泡,keep住啤酒嘅溫度，咁熱既天氣飲到尾都係凍，特別爽!左口魚邊壽司，灸燒過既左口魚油脂更突出～　蟹肉蟹膏壽司 蟹膏既濃味，加埋一絲絲嘅蟹肉一啖入口，蟹嘅鮮味各自發揮！刺身季節沙律 好多角切咗嘅三文魚、油甘魚、甜蝦、三文魚子，食到尾都仲有~見到北海道生蠔買二送一，我哋都叫咗3隻， 肥美鮮甜，帶點海水同埋礦物味~呢度啲炸物、天婦羅、關東煮都可以逐件點嘅 。我哋就揀咗幾件天婦羅，海老天婦羅一咬落去蝦肉鮮味彈牙；沙錐魚，內質鬆軟。仲有日本南瓜、日本番薯， 味道特別鮮甜。我要一讚係個炸粉調教得好好超鬆脆!!另外點左和紙牛肉火鍋，以前食呢個紙火鍋 都會覺得好得意好興奮~人大咗先知紙火鍋既紙其實都有用途㗎! 紙可以吸收肉類嘅油份，令到個湯底更加清澈唔油膩~所以食完鮮嫩嘅牛肉片同埋滑滑豆腐，下面嘅水晶麵條、雜菜

上網見很多人介紹這店，原來就在我喜歡的茶餐廳隔黎，滿心歡喜又多了一間可以跟朋友聚腳的好地方。由於肚餓關係，拍照也只有一張午餐選擇很多,今天選了安格斯牛肉湯烏冬，配上前菜及茶碗蒸份量真的很多。我喜歡茶碗蒸滑滑的蛋，烏冬也很彈牙，最後還送上紅豆雪糕，太開心的關係忘記拍照侍應很有禮貌，比起那些大型店舖，吃小店的人情味更開心。

之前午餐來這裡吃過刺身丼飯，好食又抵食，於是心思思又再來吃晚餐很喜歡這裡日系居酒屋的裝潢，氣氛熱鬧有活力刺身選了深海池魚和甜蝦兩款鮮嫩肥美的深海池魚很適合用來做厚切刺身，肉質細嫩爽口，充滿魚香另點了特選壽司八點盛，可以嚐到八種不同種類的手握壽司，水準俱不錯喔，魚材非常新鮮充滿光澤的海膽軍艦，看了就令人流口水吶～味道鮮甜，很捧！帆立貝壽司也是很厚實飽滿除了刺身壽司令人滿意，令我驚喜的是串燒也很有水準！左邊是雞腿肉，右邊是雞頸肉，兩份都烤得恰到好處。雞腿肉金黃色澤，香氣十足，咬下去入面的雞肉仍很嫩滑，肉汁豐富。雞頸肉吃起來酥酥香香的，非常惹味醬燒白玉，亦即是鵪鶉蛋串燒，外皮口感脆彈，入面充滿蛋香看到隔壁點了關東煮陣陣飄香，所以也加點了一客解解饞～ 我們點了大根、竹輪和魚餅大根熬煮得很軟爛，充滿吸滿了湯汁好好好入味哦，入口一咬就化開，太好吃啦！最後是安格斯牛肉鍋烏冬，濃厚牛肉香的湯底配合煙韌滑溜的熱烏冬，簡單得來又是沒法抗拒的美味用料實在，料理質素很有水準。非常性價比高的一餐，值得再來

假日跟朋友去了淘大的運動機構做gym, 做完之後大家見餓就去搵野食，但見淘大無想食既野就行去得寶，見到有間日本餐廳就入左去。麻醬蕃茄豆腐沙律：豆腐滑身，配合濃郁既芝麻醬味道好夾，另外生菜、蕃茄和蟹籽增加不少口感。辣味鐵火卷：壽司上有少許的吞拿魚粒粒，點上沙律醬汁，入面為青瓜絲，味道清淡。黑豚肉露筍卷：串燒燒得香口，當中的露筍好爽口，面且可以中和黑豚肉的油膩味道。雞尾：食落十分脆卜卜，個人覺得無想像中甘油膩！燒得不會黑而苦澀，不防一試！關東煮：黑蒟篛好似啫喱般，口感幾得意。板魚蛋爽口亦不錯，另外腸為甜甜的。

今次第一次黎得寶買野，先知道原來呢到都有好多食店，特別係呢間，有好多好多人排隊食lunch，我就當然要排埋一份，睇下有幾好食。呢到嘅午餐定食都真係平，$50都可以食到個定食，定食有沙律、前菜、茶碗蒸、味噌湯，真係落足料，夠哂豐富。而且款式都好多，岩哂唔同人嘅口味。 我就揀左特選吉列盛定食，有珍寶吉蝦、廣東蠔、黑豚柳、蓮藕、冬菇、茄子，一睇就知真係好豐富，黑豚柳好腍好juicy，而且豚肉味好重，炸粉份量落得岩岩好，炸得好香脆，特別推介冬菇，入面保持新鮮，一咬落去爆哂D汁出黎，好fresh。 另外朋友就叫左個鰻魚丼，鰻魚好腍好新鮮，鰻魚汁味道好濃郁，滲哂落飯好正，而且粒粒飯都好晶瑩飽滿，食落好有口感，好有飯香。

日本料理幾時都特別吸引我上網見到得寶有間新居酒屋，門面睇落真係好日本feel，早2日就book定位，放工Happy Friday!6點半到門口，已經見到舖入面有6，7台客，所以大家唔想等既記得book定位呀打開menu 樣樣都想叫先叫左個前菜:蟹子沙律 份量足夠2人食清酒煮蜆， 性價比高，有好多隻蜆，隻隻都有大大粒既蜆肉架清酒微苦帶香，有菇同埋昆布，仲幾片辣椒調味，唔食得辣既朋友要小心唔好食到。黎居酒屋點少得串燒，揀左雞腎、牛脷同埋一口蕃薯。調味同埋燒得都岩岩好，3款都冇野好挑剔海膽蔥花拖羅蓉卷，特色卷物，但味道就比較失色。海膽同埋拖羅蓉味道好啖。海之幸丼，刺身分別有三文魚、油甘魚、三文魚子同埋北海道牡丹蝦。幾款入面以油甘魚最為出色，十分鮮甜，其他都冇咩特別。食飽大約8點，門口已經好多人排隊等位啦整體黎講，刺身卷物都冇大驚喜，反而前菜、串燒、漁師料理就充滿驚喜。會再返黎試其他野食順帶一提，座位唔算舒服，而且較為迫，當日職員見我地拎住大袋，都有提比多張櫈我地擺袋，值得一讚，但就要擺係離自己座位一小段距離。

悶悶地一個人，可以準時收工，這是我每天小幸運。去大漁台屋好簡單，在九龍灣MTR-B出口，這個商場最近剛剛裝修，幾有懷舊的老香港氣氛，充滿小時候的回憶。它在地下123號舖，看見了它招牌好醒目，在門口放了餐牌。這家店子對待客人的用心，可見於枱上的佈置，枱上己於暖水壼可自行加水，環境好啱一家人, 三五知己，男女朋友聚會的好地方。餐廳的佈置好似日本懷舊市場，牆壁仲貼上很多懷舊電影海報，天花仲有漁網，好似去咗日本咁。大漁屋台的餐牌上有很多選擇，有刺生、串燒、前菜、沙律、丼飯,卷物、漁師料理、仲有日本清酒、果汁等。~甘蝦蟹豆腐 $38  (得分﹕4/5)它的蝦味道鮮美配上嫩滑的豆腐，咸香的蟹子令豆腐味道得以提升了。~極上花魚生丼 $108 (得分﹕5/5)今晚我食極上花魚生丼，一大碗端上來，色彩丰富，紅橙黃綠，當中有魚生片三文魚、吞拿魚、立魚、八爪魚、加拿大海膽、三文魚魚籽。我已經忍唔住起動了我的筷子啦，魚生好鮮味，八爪魚有彈牙，加上咸香三文魚魚籽夾埋日本飯，有酸有甘仲有鮮味，味道好豐富。最令我滿足是加拿大海膽，入口甘香鮮美，極速將它消滅了。~日本沖繩豬手 $88 (得分﹕5/5)最後來一碟的豬手

今晚去左得寶呢間新餐廳食野1串雞軟骨：唧左檸檬汁上去幾好味1串蕃薯：1串有3粒，熱辣辣食幾好味1條多春魚：唧左檸檬汁食，無咩特別蕃茄豆腐沙律：份量太少，沙律菜好新鮮，配上三文魚子，蕃茄塊，豆腐，芝麻醬味道唔錯，唯一值得一讚係女侍應幫我落單走蟹籽，咁我就放心食呢個沙律了👍三文魚飯團：外面香脆有飯焦，裡面咬開見到三文魚碎絲，配上紫色包住飯團黎食，但味道唔鹹，要點豉油食至食得落，但被飯團既飯焦食到(痴)牙可能我嗌得太少食完都唔飽咁就百幾蚊😐