大滾友火鍋 (紅棉大廈)

营业中

休息中

位於荃灣「大滾友」係我最鍾意去打邊爐嘅地方，裝修好有古典氣息，佢哋既湯底非常出色，亦有好多選擇！最鍾意嘅就係呢個（消暑冬瓜瑤柱鍋）裏面有鮮蝦、瑤柱、西芹、仿翅和雞肉等..食火鍋之前每人飲咗兩大碗，超清甜好適合夏天飲。手切本地牛肉（頸脊）擺盤好靚，牛肉色澤鮮紅，雪花好靚切得好薄，入口牛味好濃好鮮嫩😋紫菜腐皮卷熱辣辣新鮮炸起，炸至金黃色脆卜卜，就咁食都好好味！爽脆豬膶豬膶色澤新鮮，好爽口，配埋辣椒豉油一齊食味道不錯👍鬼馬油炸鬼油炸鬼上面夾住蝦滑及蟹子，蝦夠新鮮又爽口，油炸鬼吸入湯底，好鮮甜！新鮮鵝腸鵝腸每一條都帶有少少油脂，所以特別香口！深海龍躉片每一隻都有八至十塊，每一片都好厚肉，魚皮好彈牙爽口充滿膠原，正！

大滾友一年四季都可以係打邊爐嘅季節。小編鍾意❤️打邊爐🍲嘅狂熱可以係瘋癲狀態。今日約左一班朋友打邊爐，大滾友裝修得比較中式。而且Menu係聖旨，岩晒愛打卡嘅我。肥牛-牛味香濃，厚薄度適中，只要輕輕係烚一烚就食得。完全唔需要點任何醬汁都好好👍味。好食。鴨血-份量多到我嚇左一跳。而且上盤擺得非常之靚。食之前一定要打卡。食落亦唔會散修修。牛骨髓-重點嚟喇。牛骨髓而家唔係好多地方可以買到。好食嘅牛骨髓更加唔容易食到。呢到嘅牛骨髓咬落去漲卜卜咁。令人食到停唔到口。整體其他食物質素都唔錯。但推介我會推介以上三種必點食材。

極具氣派火鍋店首先古色古香嘅環境確認咗餐廳嘅路線，非常有有誠意打卡一流👍🏻湯底方面我哋揀選左舖頭近期推出嘅雪白誘人龍躉片木瓜魚湯鍋🍲貫徹餐廳風格，一放上枱，氣勢一流，有乾冰噴煙效果，加埋原個木瓜同大量龍躉片，感覺零瀉高級。龍躉片真係啖啖肉大大塊，食落有魚味，兼且細滑。打邊爐梗係唔少得食牛，牛方面我哋揀選咗極品四國牛肉拼盤🐂同樣地分量十足，有四個唔同地方嘅牛肉，其中以日本和牛同韓牛為亮點，已承諾明顯日本和牛略勝一籌，入口即溶油花平均，火鍋嘅必食之選。配料上比較有驚喜嘅分別有即炸黃金響鈴🔔絕對係成餐火鍋嘅MVP就咁食已經夠晒鬆脆，配上香濃嘅鹹蛋味，惹未滿分，放落湯幾秒再食，更加能享受軟硬交替嘅層次差啲忍唔住叫多份。我同同行嘅朋友都鍾意食牛所以見到稀有部位一定唔會放過牛胸尖✨呢個配料真係唔係度度有得食，其實係類似牛嘅脂肪，但絕對唔會覺得油膩，反而有種爽口，滲出淡淡的油脂甘香，未試過嘅一定要試。整體來講，係一間非常有誠意嘅火鍋店鍾意打卡，又鍾意食特色食品嘅朋友，都值得一試。

看到不少人講荃灣開了間不錯的火鍋，而朋友又喜歡就和她一起來，裝潢以中國風為主，2人坐4人桌所以十分舒服。醬介已放在桌面，看到有白芝麻加分，因為可以令到醬汁更香。 椰子雞番薯蜆濃湯鍋見到這個已覺得十分吸引，所以叫了來當湯底，原來材料十足，雞幾滑身而椰子不少所以十分香濃。比較少在打邊爐食牛舌片，原來都幾特別，口感十足，牛味幾特別。菜苗帶子餃有4隻同6隻，當然我們叫6隻啦，咬落去勁彈牙，皮又滑好味推介。爽脆豬潤份量都不少，食落去面好滑身軟熟，味道都可以。再叫咗一個蔬菜萵筍好爽又新鮮。不少人食海鮮我們就選了個大蜆來吃，幾新甜。我們愉快地食了2小時都沒有講要離座，而且待應加水和湯十分快手抵讚。

荃灣原來又開咗間打邊爐，叫大滾友，這裡的椰子雞同牛肉幾靚吸引咗我哋嚟試吓，整體沒有失望都幾高質，有時想食啲靚料這裡都係不錯選擇。椰子雞是我最愛當然要叫來作湯底，椰子堆了一個小山好吸引，下面勁多雞件，湯底幾濃，之後加都是雞湯加分不少。來到噴晒煙已十分吸睛，手切本地牛肉質素的確不錯，有口感之餘又軟熟。手打蟹子蝦滑原來有2條，自己整細細粒方便煮，食落去好彈牙蝦味重，蟹子增加口感真心推介。這裡的即炸響鈴都可以，不油身夠脆口，份開6條不會太大岩晒一次食。淮山見得多，紫淮山比較少，煮完口感同白色淮山差不多但帶一個甜味同感覺冇咁易爛。嚟到打邊爐當然要飲嘢，叫咗自家制足料竹蔗芧根，個器皿好配合這裡裝潢，味道幾濃，不過我就覺甜咗少少。

打邊爐不嬲都深受香港人歡迎💁🏻‍♂️，特別係具有我哋特色嘅港式邊爐～ 基本上天氣都唔會影響到我哋對打邊爐嘅熱誠😈今日就係特登去到遙遠的他鄉荃灣 去試試一間主打宮廷風嘅餐廳😈 入到去真係好似去咗皇宮咁 一坐低就即刻俾個聖旨你😂真係會make you feel special 💁🏻‍♂️ 為咗支持環保 而家基本上都係用QR code 落單🙋🏻‍♂️咁由於全球化嘅關係 佢哋好多肉類都用上世界各地唔同嘅食材💁🏻‍♂️ 進一步升級左港式火鍋😗 不過唯一唔好處係冇水供應。一定要叫嘢飲😂怕肥呀-我哋特登叫咗為夏天而推出嘅新湯底，就係龍躉片木瓜魚湯鍋，飲落個魚湯味都幾濃 皮膚好似即刻好咗咁😛 反而掉晒啲肉落去之後，溝埋啲味就冇咁純粹 💁🏻‍♂️ 特別推薦佢個黃金炸響鈴，真係新鮮即炸，食落口係超級香口😈 反而覺得點左湯就會冇咁正😂然後肉就叫咗個四國拼盤💁🏻‍♂️ 分別有來自日本，澳洲，韓國嘅和牛🐮仲有個肥牛😂咁當然最正係日本和牛，建議大家由最瘦食起😗 如果唔係就會冇味😈在推薦一個必要嘅部位 ，就係牛胸尖，感覺上其實就係牛胸爽😛 只要煮十幾秒就可以食得😈 食落口超級爽口😙 而且好香油脂味😗 真係次次見到都要叫嚟食😗

湯底真係好味，牛拼盤成碟雪到硬綁綁，冇肉味，蟹粉餃完全吾知係乜製造，難食。豬膶冇血色，有好重梳打粉味，超級吾新鮮，豬肚結哂冰，食物未完全解凍，哪有好味可言，手打牛丸冇彈性，肉質吾新鮮，一句講晒，冇下次。

早前係荃灣行去大窩口超市見到有間火鍋店，門面都幾乾淨大體，所以行完超市就食埋個火鍋先回家。開餐前先自行調配醬汁，多蒜先係皇道。我地揀左雪白誘人龍躉片木瓜魚湯鍋，一上枱誘人嘅效果滿分，當見到整個湯底，原來份量都幾多，龍躉片肉質勁滑,木瓜甜到入心。大滾友牛肉拼盤（大），款式甚多，件件質素都幾高，每樣最少都有4件，個人最鍾意係牛舌，肉味夠濃，同埋經花鵰浸過嘅牛肉，入口重有淡淡嘅酒香。手打蟹子鮮蝦丸和三重芝士腐乳牛丸，每款有4件，個人覺得牛丸幾有驚喜，腐乳味道都幾濃。唔知點解我特別鍾意鬼馬油炸鬼，可能佢太過鬼馬，無論係上枱脆炸即食還是落鍋滾至軟身，都唔會錯過，依一款屬於落鍋滾熟，蟹子勁多，入口都好爽彈。食左咁多靚牛肉，當然要食雜菜拼盤，份量比我想像中還要多，唔怕同人爭菜食。好耐無飲過天地一號，食火鍋飲返罐，真係爽。

好慘豬豬嘅大滾友🥲～疫情第五波時期係荃灣開分店～幾乎無晚市～午市又少人打邊爐～。每次行過都諗疫情穩定返就要過嚟試吓今日係open rice book 咗lunch時段～68折由元朗開店出荃灣已經係口碑嘅保證果然無失望～而且充滿驚喜～～～～～～～～～～～～～～～～～本身唔食牛，所以無試過牛類，豬類呢到比較少，都冇叫到～不過叫咗個🥥椰子雞煲～有🐥雞又有蜆雞湯超級鮮甜❗️雞肉嫰滑～而且都幾多件～蕃薯蜆有6隻～鮮甜無沙～空氣中仲彌漫住淡淡🥥椰子香忍唔住飲咗兩碗湯而且佢會加雞湯～所以個湯唔會一路打一路變淡調味盤好靚～一定要試佢自家製嘅乾蔥油～好貪心～😆放咗好多芫荽蔥～第一款推介《肉丸拼盤》每款都好彈牙🦷🦷《櫻花蝦豬肉丸》🐷最特別～夠Juicy ～帶有櫻花蝦嘅鹹香，《蝦丸》、《墨魚丸》都包住特別嘅餡～層次豐富（原來有《牛丸》，我冇食～有食果位話牛味好濃～）跟住就係鬼馬油炸鬼好鬼鐘意呢個配搭👻👻👻蝦膠一樣係咁彈牙！好新鮮～淥一陣就熟～油炸鬼千祈唔好浸得太淋～唔係就冇咗口感～開頭以為啲蟹子放落湯到會甩晒～但原來會痴實啲蝦滑～🔻呢個賣相真係望住都開心～好想就咁食😆呢款蟹黃餃～不得了～超級飽滿蟹黃同豬肉已經

咁耐無打邊爐，趁今日收早，一於約埋同事一齊撐枱腳！去咗位於荃灣既大滾友火鍋，鄰近千色匯，交通夠哂方便～裝潢走中國風，好多打卡影相位，非常之有特色！落單掃QR code，夠環保！醬料用九宮格上，任君選擇。有多款特式湯底，最後揀咗雪白誘人龍躉片木瓜魚湯鍋，大量新鮮龍躉片配原個木瓜，一上枱好吸晴！湯頭鮮甜味美，啖啖滋補，忍唔住飲咗兩碗～龍躉片好嫩滑，原個木瓜夠清甜，好正！大滾友牛肉拼盤(細)可以試齊五款唔同嘅牛部位!包括安格斯牛肉、牛頸脊、牛舌、牛肉粒、牛𦟌同牛黃喉，擺盤相當有心思，牛舌仲砌到成朵花咁添～絕對係影相打卡位之一！最鍾意牛頸脊，有適量油花，入口鮮嫩爽滑，牛味濃郁！花膠大大塊花膠，一大碟份量十足好抵食！口感爽滑有嚼勁，膠質豐富。手打鵝肝墨汁墨魚丸 第一次試手打丸係有鵝肝，好驚艷～墨汁墨魚丸有粒粒墨魚，咬開仲有粒香濃鵝肝，邪惡得黎好惹味！食落爽滑彈牙，味道濃郁，勁正！紫淮山味道微甜，入口爽脆，有降血壓、血脂和血糖，健康又好味。菜心苗細嫰又翠綠，味道好鮮甜！

作為一個男人，最鍾意梗係去.....打邊爐～難得開返晚市，所以拿拿臨約埋朋友去打個邊爐先～餐廳裝修成宮廷風格，茶壺同個鍋都有龍既裝飾，連宣傳單張都用聖紙包裝，非常有心思～朋友唔食得辣,所以今次食健康d揀左芫荽山湯鍋（$148），味道清清地，別有一番風味極品四國牛肉拼盤（$498）包括日本和牛、澳洲和牛、韓國牛頸脊同本地雪花肥牛。淨係擺盤都好有氣勢，四種肉各有特色牛味濃郁，有油脂豐富比較豐富，亦都有肉味較濃既，4款我都咁鍾意食伊利亞橡果豬($168)食完牛到食下豬～脂肪分佈平均，而且肉質好淋牛柏葉($78）好爽口，配埋芫荽再點少少豉油食一流新鮮鵝腸（$88）打親邊爐通常都係食漂過既鵝腸多，新鮮既真係少見，鵝腸口感好脆，仲帶d肥膏既脂香蟹黃餃6粒（$98）咬開係橙黃色，好香既蟹黃味龍被餃6粒（$98）好飽滿，食得出龍蝦既鮮味台式米血糕（$58）口感煙韌響鈴拼盤（$88）有3件原味同3件咸蛋黃味，咸蛋黃味既可以唔使浸湯就咁食，入口咸香酥脆，非常惹味。美濃水蓮（$68）第一次食，原條太長,餐廳好同心提供埋較剪，水蓮入口好爽脆，味道清甜竹蔗茅根（$68）個壺好搶鏡，最欣賞佢唔太甜，解渴一流

去開荃灣做野，夜晚順便約住附近既朋友DINNER，佢話好想打邊爐，推介呢間大滾友火鍋。晚飯時間幾乎全場滿座，好彩朋友一早BOOK左位！中國風既裝潢充滿特色，無論燈具、座位定擺設都好特別呢～配合埋懷舊又經典既歌曲，成餐飯都食得好開心！落單掃QR code即可，圖文並荗，方便又環保。落完單後就奉上九宮格醬料，可以自行選擇喜愛既醬料。特式湯底有好多款，選擇困難既我揀咗勁耐，最後就揀咗雪白誘人龍躉片木瓜魚湯鍋！乾冰效果上枱勁有FEEL，大家即刻影相打卡～大大片龍躉片，仲有原個木瓜，賣相一流！雪白色既魚湯鍋營養滿滿，飲落鮮美又滋潤，龍躉片鮮嫩美味，木瓜熟度剛好，夠哂香甜！極品棉花魚肚入口軟冧冧好軟棉，有豐富蛋白質，養顏滋補！三重芝士腐乳牛丸重口味之選，三重芝士濃厚香滑，咬開彈牙牛丸仲有香濃腐乳，層次豐富！蟹黃餃橙黃色既餃子好飽滿，咬開係鮮甜蟹黃豬肉，香氣四溢～鮮秋葵秋葵好翠綠，入口鮮香又爽滑，具降血糖、血脂同抗氧化功效，仲富含膳食纖維添架，好健康～大滾友牛肉拼盤(細)兩個人叫個細拼盤就岩岩好，可以試齊五種牛既部位！有安格斯牛肉、牛頸脊、牛舌、牛肉粒、牛𦟌同牛黃喉～擺盤精美，影相一流啊～推介鮮嫩爽

其實可能只係我依啲外人覺得隠世，對荃灣人可能覺得方便，琴日去荃灣探朋友，佢帶我去，佢話未第五波疫情前，佢會周不時去滾吓，主要係用料正👍。湯底有勁多選擇，有最吸引嘅花膠雞湯鍋同養顏花膠筒雞湯鍋，鎮店之特別卜卜蜆鍋同埋深受大家歡迎嘅椰子雞番薯蜆濃湯鍋同麻辣鴨血鍋。而我同男朋友就最鍾意食嘅胡椒酸菜魚鍋（$288）。酸菜魚湯底個湯底好濃，除左有大量酸菜，芹菜，豆卜，木耳之外，唔少得主角龍躉肉，切得厚身，啖啖肉，魚質實淨，湯底飲落酸帶微甘，簡直一流。飽暖思牛肉，依度有勁多款牛選，無論本地牛定係入口嘅都有唔同嘅選擇，我地選左款特別啲嘅酒香陳年花雕浸牛肉$128，陣陣酒味，就算放落鍋之後先食，都仲有酒香味之餘，牛香味仲更加出，正！爽脆豬潤$58鍾意食豬潤唧朋友我祈唔好錯過，食薄好軟帶爽，淥耐左都唔會硬，份量又多，簡直係食過痛快！另外一樣唔可以錯過嘅食材係即炸黃金響鈴，件件大大條，外層舖滿美味嘅咸蛋，而且係佢地自己炸，唔係現成的，好美味！酒後亂性飲品，餐廳作依個名好正，原因佢地都有好多酒品，例如1664同Asahi 生啤同大吟釀等等，唔飲酒嘅可以選擇自家製竹蔗茅根，蜂蜜菊花茶，我地就飲加多寶同Coke

上網見到好多人推薦呢間打邊爐，就約咗朋友去試吓荃灣呢間大滾友火鍋打邊爐，古色古香嘅裝修，環境同氣氛又唔錯。我哋今晚就叫咗個芫茜山湯鍋 ($148)，健康之餘又可以食出材料嘅鮮味，芫茜皮蛋有好多而豆腐都好滑，湯底清甜。店員加湯用長咀煲加湯 加湯後又唔會令湯底變淡。飲品方面就叫咗自家製足料竹蔗茅根 ($68)，打邊爐必備，下火一流又解膩。極品四國牛肉拼盤 $498牛肉新鮮，油脂分佈平均，肉質軟嫩，食落牛味好濃又唔鞋。牛柏葉 $78牛柏葉十分爽口，但唔好煮過頭，就會變鞋身。伊比利亞橡果豬 $168豬肉切成薄片，好快熟，入口爽口彈牙。新鮮鵝腸 $88彈牙又爽口，每條又肥瘦均勻。蟹黃餃(六粒) $98蟹黃味濃又足料，爽口又無乜太肥膩嘅感覺。龍蝦餃 (六粒) $98每隻餃都足料夠大粒，相當飽滿，味道濃厚滋味。台式米血糕 $58香濃煙韌。大滾友響鈴拼盤 各三件 $88響鈴及鹹蛋黃響鈴，個人覺得聽落好正好邪惡，外層嘅咸蛋黃做得好好，仲要係即叫即整，非常酥脆甘香，直接就咁食都得。美濃水蓮 $68翠綠新鮮，口感爽脆清甜。