大滾友火鍋 (紅棉大廈)

营业中

休息中

終於開返晚市堂食了，期待了很久，作為荃灣人成日搭車經過千色店附近都見到依間大滾友打邊爐，晚市堂食第一餐😚「大滾友」的環境裝修得古色古香，好有宮廷風格，而且地方很大，有宮廷屏風做阻隔，令人好放心咁聊天每張枱有皇上下令的聖旨，打開才發覺是宣傳單張，有玩味得來又有氣派😙店員端上九宮格調味架給我們，有成九款火鍋醬料，搭配火鍋配料真的是錦上添花點左主打既花膠雞鍋湯$298 半隻 足足有半隻半熟肥雞，店員好細心咁幫我地剪開花膠筒，記得唔好咁心急落火鍋配料住，飲碗花膠雞湯先，雞湯煲出黎鮮黃色，再落鮮雞件輕淖三分鐘，完全係濃縮左雞既精華，雞湯濃郁雞件嫩滑，花膠筒好厚足料，湯頭十分滋潤濃稠，份量好多我地差點吃不完🥹手打蟹籽鮮蝦丸，蝦丸有4粒，粒粒都很有份量，蝦丸放滿粒粒蟹籽，增加左口感同鮮味，蝦丸彈牙充滿鮮蝦味☺️珊瑚桂花蚌雙拼，一次過有齊珊瑚蚌同桂花蚌，岩哂我依啲貪心既人，焯幾十秒就食穿得，很爽彈有口感萵荀嫩綠新鮮，配埋雞湯很夾作為食肉獸既我們當然要試下店家的靚牛，叫左個極品四國牛肉拼盤$498，一次過有齊哂四個國家不同的牛肉品種，有日本飛驒和牛，澳洲和牛，韓牛同頂級雪花肥牛每款牛肉紋理好靚，四種口感各

✨櫻唇半開特色卜卜蜆鍋 $198一上枱就啲乾冰煙霧發出黎好靚，煮左一陣啲蜆已經卜卜卜咁開晒，入面超多蜆之外，都仲有大量芽菜同埋芹菜，啲蜆完全無沙好鮮味，職員會俾個盆我地裝殼，啲蜆多到成個盆都滿晒🙈✨大滾友牛肉拼盤(細) $398有五款唔同嘅牛部位，雪花肥牛、牛脊、牛舌、牛柳粒、牛𦟌同埋黃喉，擺盤有心思，牛舌砌到成朵玫瑰花咁，又睇得又食得👍🏻最鍾意就係肥牛同埋黃喉，肥牛好軟嫩，黃喉就非常爽脆，牛味唔算太重✨蟶子皇 $188都幾大條喎，而且味道鮮之餘口感都幾彈，唔錯✨牛骨髓 $68一啲都無腥味，口感非常嫩滑，同嫩豆腐嘅口感差唔多✨勁辣跳舞牛丸 $68牛丸入面食到有香料味（花椒，辣椒），味道恰到好處，唔會太辣✨菜苗帶子餃 $78帶子餡好飽滿，餃肉咬落好彈牙✨美濃水蓮$68呢個我好鍾意食，本身帶有少少蓮花香味，口感好爽脆👍🏻👍🏻✨自家製足料竹蔗茅根 $68清甜解渴，一啲渣都無👍🏻九宮格醬料醬芥$22/位

開始容許返多過二人堂食後最佳既活動莫過於係打邊爐🍲早排見到大滾友有優惠一於約咗朋友仔一齊去食♡醬料$22/位 用QR點單 上菜速度都幾快宮廷式裝修 餐具同醬油同樣都好精緻 坐得好舒服🔺極品四國牛肉拼盤 $498太耐冇返家鄉日本🇯🇵 難得出嚟食就揀款單價高又望落唔錯既肉 (打邊爐最緊要係牛肉好食😋 拼盤包括左四款牛肉 有澳洲和牛 韓牛 日本飛驒和牛 同埋頂級雪花肥牛𝗃𝖾𝗇𝗀 四款牛肉都頗有牛味 雪花肥牛就肥咗少少🤏 一次過可以食到四個國家既肉真係唔錯🤤🔺紫菜腐皮卷 $68見到唔少人都會點哩款炸物 跟風都嗌埋先侍應都好貼心係上菜時提我地要盡快趁熱食一啖咬落去 勁脆 食落卜卜聲 正 🔺薯粉 $22大大兜 好索湯 一餐邊爐既結束最好就係食返個粉🔺美濃水蓮 $68爽口清甜 絕對係打邊爐必點既品項🔺花膠雞湯 $298花膠幾滑 半隻雞份量都唔少 雞件本身都半熟 飲落好順口同暖胃 雞肉嫩滑 有雞味😗

今日同bb去左荃灣大滾友食火鍋 我地首先叫左個酸辣魚湯底😋 湯底一來到我地面前 真係嘩左一聲 佢個湯底真係非常足料 用左新鮮厚身魚片淆製而成加大量酸菜 ，非常美味可口 。首先點左食呢個酒香陳年花雕浸牛肉 一級鮮牛肉既鮮味 配上陳年花雕既酒香 簡直係最完美配搭 。蟹黃餃$98有六粒 蟹黃餃好有蟹肉同蟹粉鮮味 佢地真係用新鮮蟹拆成蟹肉絲炮製 ，有心機。鬼馬油炸鬼 都好好食 ，蟹籽同手打蝦膠釀入油炸鬼配搭得天衣無蓬😋😋而大扇貝都好鮮甜 好多扇貝的肉汁， 我都叫左日本稻庭烏冬  爽口彈牙 好食過超市買既多多聲 😋😋之後講手打鵝肝墨汁墨魚丸 話明手打喎 睇得出入面D師傅落足心機去整 用特級鵝肝再配頂級新鮮墨魚去渣出既新鮮墨汁 再用墨魚折肉，之後用人手打成膠加墨魚粒，手功十足桂花蚌都好新鮮 爽口彈牙，即炸黃金響鈴 好有咸蛋黃味 咬下去鬆鬆脆脆，依餐我俾滿足，晚餐有得堂食未必係必然，今晚實在感恩！

終於放寬堂食啦即相約好友食火鍋，好開心啊環境以宮廷式裝修，有華麗的餐具和佈置，增添古色古香既感覺店員先會送上醬油調味盆，用宮廷九格的形式叫左個雪白龍躉片木瓜鍋大大件龍躉片放係原個木瓜上面，湯頭好鮮甜，令人想飲多幾碗大滾友牛肉拼盤（大)有牛舌，牛黃喉，骰子牛肉粒粒，牛頸脊、安格斯牛肉等牛肉質素唔錯，有肉汁豐富，油脂帶甘香酒香陳年花雕浸牛肉花雕浸牛肉，食完回甘有花雕酒味，幾特別大滾友餃子拼盤蟹粉餃好有驚喜, 蟹粉味特濃，必試!台灣米血糕香軟Q彈彈的口感，個人超鐘意仲叫左手打蟹子蝦丸，三重芝士腐乳牛丸蟹子蝦丸比想像中更加彈牙，芝士腐乳牛丸第一次食，味道好特別叫到一枱都係野，湯底和食材都好出色，超滿足！

今日慶祝母親節搵左呢間大滾友 食完真係滾 6人台只得一個爐冇得揀鴛鴦鍋 首先嗌渣菊花茶溝左水完全冇味 牛舌輕輕淥下都好un 芋頭難食 卜卜蜆有沙 牛頸脊偏un 雞子個人黎講覺得酒味太重 海蝦冇乜肉 帶子偏細粒 蠔一夾就爛唔新鮮 其他野食正常$500一位黎講好多都好食過佢 呢個價錢唔會再食佢

之前食過同一集團北角嘅分店，突然掛住佢個卜卜蜆鍋，今次就近近地收工去荃灣食多次先！原來星期一至日，晚上六點前離座有68折！可惜我收工收7點😅醬介$22/位九宮格醬料任揀櫻唇半開特色トト蜆鍋 $198上枱煙霧離漫，除咗有大量蜆之外仲有大量芽菜。開頭兩個人好努力食蜆，完全無沙👍🏻成個兜都裝滿晒蜆殼😎大滾友牛肉拼盤(細) $398雪花肥牛，牛脊，牛舌，牛肉粒，牛𦟌，黃喉擺盤幾靚，尤其是牛舌砌到成朵玫瑰咁🌹我最鍾意嘅係黃喉，印象中應該係我第一次食好鍾意個質感，爽到不得了😋蟶子皇 $1884大條蟶子王，味道鮮美口感彈牙牛骨髓 $68呢個又係我第一次食，其實食落係無乜味架，但個口感好搞笑，淋到不得了，好似入口即溶咁，但係又有少少粉粉地，滑捋捋😂勁辣跳舞牛丸 $68呢個真係咬開有麻辣嘅味道👍🏻菜苗帶子餃 $78好飽滿嘅帶子餡，咬落幾彈牙美濃水蓮 $68呢個都係我第一次食！今晚真係試咗好多新野😂食落有淡淡嘅菜味？😂好爽脆嘅自家製足料竹蔗茅根 $684個字 : 清甜解渴

終於都可以出去食晚飯，第一餐就揀左食打邊爐。呢間火鍋店一入門口就俾佢個黑膠碟機吸引住，以佢地的裝修都好有中國宮庭的風格。玲瓏浮凸花膠雞湯鍋，他們的鍋是有龍頭的，非常有氣勢。花膠同雞件的份量也很多，湯底味道鮮甜，最岩開始打邊爐之前飲返碗。鳳尾鮮蝦雲吞，這款雲吞比平時出面食到的特別，這裡的雲吞是有蝦尾的，雲吞內除了有蝦肉，還有豬肉，蝦肉彈牙，味道鮮甜。沙白蜆，蜆的份量都幾多，每粒的肉都脹卜卜而且鮮甜。唐生菜，這個湯底再加上生菜，生菜吸收了的的味道，很美味。大滾友牛肉拼盤(細)，牛魔王的我當然要食牛肉，這個拼盤來的時候還有煙效，非常適合打卡!包括有牛肉粒、安格斯牛肉、牛舌、牛黃喉、雪花牛肉等7款，牛黃喉爽口，牛肉粒牛肉味濃，而且好juicy，安格斯牛的味道也很濃，牛舌整到好似玫瑰花咁，幾厚切，味道香濃。

宮庭裝修好有氣派，周圍都可以打卡影相。加上有皇帝聖旨、杯、壺做影相道具，真係好開心丫🥳入到店，侍應即刻幫我哋洗杯洗碗消毒，亦都拎咗九宮格調味盤，服務同安排都好細心❤️打邊爐個湯底好緊要，同朋友商量完之後揀咗朝三暮四（豬軟骨蕃茄湯鍋）$198，湯底足料濃郁極品四國牛肉拼盤$498牛肉包括有：日本飛驒和牛、澳洲和牛、韓牛頸脊柳、雪花肥牛，四種牛口感各有不同，好有特色。日本廣島蠔$88、大蜆$88兩種海鮮都好鮮甜味美，日本廣島蠔完全沒有腥味，而且啖啖肉芝士泡菜餃（4粒）$68微微泡菜味同芝士好夾，食完一粒又一粒😋芝士獅子狗$68、大滾友響鈴拼盤各三件$88、蓮藕片$32、萵筍$38、娃娃菜$36、茭白筍$$58，呢d 都係打邊爐唔可以缺少，必叫🤤埋單先知原來而家有68折優惠，好驚喜🤣

一可以出去食晚飯，朋友們很多都揀選了火鍋，今日也不例外!這間位於荃灣千色店附近的火鍋店，他們的裝修以中國風為主，什有氣派!餐牌上有多款湯底和火鍋配料供選擇，而這裡落單是用手機落單的，很方便!玲瓏浮凸花膠雞湯鍋，因為兩個人的關係，所以點了半隻雞!花膠和雞上枱時跟湯分開的，店員先落花膠，待水滾便可以先飲湯!湯的味道很鮮甜，令人想飲多幾碗!雞的份量也很足，雞肉嫩滑鮮甜!櫻花蝦豬肉丸，豬肉丸內同面頭都有櫻花蝦，食落有啖啖櫻花蝦的香味!鮮淮山，這個湯底這麼鮮甜，配上淮山很match!淮山吸收了湯的精華，而且食落爽身，非常美味!滑捋捋手打蟹籽蝦滑及手打黑松露墨魚滑，蝦滑和墨魚滑都好爽口彈牙，前者加上有蟹籽，口感更豐富，而後者有淡淡的黑松露香味，味道更正!厚切午餐肉，午餐肉的擺盤很美，午餐肉有炸過，所以可以即食或再落湯食，午餐肉炸到外層脆身，很惹味!自家製足料竹蔗茅根，這個壺非常靚，好有氣派，飲品不會太甜，很清熱解渴!

位於荃灣千色店附近嘅「大滾友 」門面相當霸氣，入面周圍嘅裝潢裝飾亦古色古香，充滿着宮廷風格嘅設計。餐廳環境闊落，每張枱均有擺放皇上下令嘅聖旨（宣傳單張），令人彷似置身於古代皇宮，感受有皇帝存在過的痕跡，氛圍別具韻味，充斥着古典藝術，同時感到玩味十足。Qr code落單時，店員已自動遞上放滿醬料的九宮格（醬介$22)，衛生貼心。選擇多多，最後點咗：➺朝三暮四·豬軟骨蕃茄湯鍋 $198龍頭鍋盛載豬軟骨蕃茄湯率先上枱，上枱時已聞到濃郁嘅蕃茄味，加上入面有粟米、薯仔、豬軟骨等食材熬成湯底，令味道更加鮮甜。➺極品四國牛肉拼盤 $498牛肉嘅紋理好靚，而且肉質鮮甜嫩口，集齊四個國家品種，包括有日本飛驒和牛、澳州和牛、本地手切牛肉和頂級雪花肥牛。➺日本廣島蠔 $88+大硯$88廣島蠔同大硯肥美大件無腥味，超級鮮甜，可以過足口癮。仲有好多其他選擇，花多眼亂，每樣點啲就最啱：➺大滾友雜菇拼盤 $78➺大滾友響鈴拼盤·各三件 $88➺萵筍 $38➺茭白筍（美人腿）$58➺蓮藕片 $32➺芝士獅子狗 $68不同時段有不同嘅優惠，最平全單可享68折，可以以平價優惠滿足晒我為食嘅欲望。

終於有番晚市堂食，精心挑選左呢間「大滾友」黎開波⚽️，荃灣呢間分店開咗冇幾耐，宮廷式風格嘅裝修，包廂卡位好闊落，🐲龍頭火煱認真架勢，👑帝皇式擺牒🥢氣派非凡，抵死落單紙好鬼過引、咁樣出去滾下真係零舍開心😍😍😍食火鍋最正係大堆頭、㷫烚烚，一落單好快就黎左呢個玲瓏浮凸，花膠雞湯鍋，半熟肥雞大大隻，輕輕淖兩三分鐘就食得，雞件嫩滑鮮甜，濃湯黏黏咁好膠呀，$298唔貴吖👍👍👍快熟之選梗係要食蟶子，只係幾秒鐘就放得入口，爽彈鮮甜，廣島蠔一樣好掂，食海產只要新鮮就贏㗎喇💯牛肉拼盤夠曬睇頭，大牒細牒多款牛肉組合，唔駛唸夾下呢款又試吓果款，唔同部位，口感味道都唔架，至一爽係一路食牛、一路啤下🍻打邊爐嘅至高境界莫過於此仲有呢個黃金響鈴卷，咸咸地卜卜脆絶非一般，肉丸拼盤五種味道，粒粒手打真材實料，堅係正呀老友💡💡💡💡💡呢間「大滾友」有姿勢有實際，喺元朗已經旺到七彩，今日殺出荃灣，更加方便我地去滾，滾過嘅包你返尋味😋😋😋未滾過嘅真係要試吓

好開心、好開心、好開心，終於可以有返晚市堂食，梗係馬上即刻book位去滾啦😂呢間大滾友係我至愛，料靚抵食招呼好，真係好掛住佢呀🥰熟悉嘅環境，熟悉嘅味道，真係好耐冇嚟啦，馬上order咗個湯底，調校好啲醬汁，服務員好細心為我哋消毒食具，抵讚👍🏻招牌玲瓏浮凸花膠雞湯鍋(半隻）$297，真材實料，即場為你細心剪開，證明冇花冇假，淨係聞到個湯底，都已經口水流，超級期待😚等個湯滾起，梗係嘆返碗先喇，嘩！濃郁香甜，花膠夠淋夠滑，而且份量十足，如果唔夠喉，雞湯可以無限任添，正👍🏻大滾友牛肉拼盤（大）$498，已經有齊多款牛肉，有圖有真相，全部新鮮高質，肥瘦均勻，而且份量足夠四人😎滿分滿足☺️🉐️另外叫咗兩份海鮮，日本廣島蠔$88，蟶子皇四隻$188，呢個價錢自己都買唔到，超抵食👍🏻又鮮又甜又好味😋大滾友肉丸拼盤十粒$128，全部自家製手打，唔係講笑，佢哋嘅手打丸，款款都好好味，真正物有所值，不可不試👍🏻即炸黃金響鈴$78，非一般嘅響鈴，甘香嘅蛋黃粗粒，真係與別不同，個個搶着食完又食，絕對值得推薦🥰呢度坐得舒服，環境夠特色，而且服務態度好，效率高，自己QR code落單，減少落單失誤，仲有不同時段有不同嘅

荃灣是美食之城,趁放假專程來試這間正做緊午餐68折的火鍋名店,店內佈置也見用心,古色古香,坐下即選了消暑冬瓜湯底,再點了多個大滾友拼盤包括牛肉拼盤,海鮮拼盤,餃子拼盤及雜菜拼盤,一本可儘試餐廳名物,最重要價錢更實惠,先說牛拼個人最愛牛黃喉够爽脆和牛舌够重味,而海鮮就樣樣都好好味尤其大蟶子厚肉鮮甜,餃拼就至愛鳳尾鮮蝦雲吞原隻弹牙多汁,至於菜盤更無話可說,極緻到每棵菜都修剪切齊才上枱。另外叫了餐廳自家製足料竹蔗茅根水,用龍壼上不太甜火鍋後用超配。其實全餐就是那個冬瓜煱底令所有食物昇華,店員加湯用的長咀煲加湯可見又細心又不溝淡湯底。下次要約更多朋友來試其他食物。

晚飯限聚令仍未取消,惟有抽空中午一試這火鍋店,裝修門面已很吸睛,甫入座攞設、餐具甚至燈飾也絕不馬虎。與人很放鬆用餐的感覺,電子點餐單精簡但也頗多選擇,雖然有很多特色濃湯煱底,但偏向點選較清的冬瓜瑤柱煱以便能試出這店的招牌牛肉及海鮮菜式。店員端上龍頭湯煱時原來是原個冬瓜伴以人造翅,瑤柱乾、鮮蝦及雞肉粒買相已不得了,然後逐件冬瓜細心即場切件,建議先試了一口湯底,差些飲到停不了,既香甜又清新"正"。主角牛肉拼盤出場內有牛舌花捲、安格斯肥牛、花雕牛展、牛柳粒及牛黃喉等七款樣樣牛肉味濃及雪花分佈均勻。另一主角就是海鮮拼盤內有蟶子皇、廣島蠔、大蜆、扇貝、帶子及北寄貝樣樣都很新鮮大隻。更另外加了白鱔片八大厚切片也不用佰元實在抵食。雖然已很飽但餃子是鎮店名物,又試了它的餃子拼盤包括菜苗餃、蟹黃餃、朱肉餃及鳳尾鮮蝦雲吞。整體用餐有極好評價,待限聚令取消後一定要約大夥兒來再大刷一餐。