大滾友火鍋 (紅棉大廈)

营业中

休息中

天氣轉涼突然間好好想食返個熱辣辣暖笠笠嘅火鍋，即刻打電話去到位於荃灣「大滾友」火鍋店訂位，喜歡這裏湯底選擇味道亦不錯👍消暑冬瓜瑤柱鍋湯底好豐富真材實料，有蟹柳、鮮蝦、冬瓜粒、瑤柱和豬肉等，滾起後每人飮了兩大碗，味道好清甜，值得推介😋日本廣島蠔蠔味濃郁清甜，每一粒都帳卜卜，好爽口。爽脆豬膶/豬腰豬潤份量不少每一碟都有十幾片，每一片都厚切，加入辣椒豉油一齊食味道一流，豬腰預先切到一格格，容易煮熟又入味。龍蝦墨魚丸入口會食到墨魚粒，加入龍蝦肉，更加彈牙！白鱔片每一片都會切得好薄，外皮爽脆魚肉質鮮嫩。鬼馬油炸鬼油炸鬼面頭放入蝦滑，油條煮淋之後吸入湯底，好入味，連埋蝦滑一齊食，口感更加豐富。最後飲埋杯竹蔗茅根，呢一餐非常滿足😋

一直想吃卜卜蜆鍋 見很多人推介這間大滾友就去試試入座就奉上調味盤當中見到拍青瓜 原來每桌都會附送一份小食卜卜蜆鍋上桌時加了乾冰飄著仙氣過一會就見到鍋內有大量新鮮卜卜蜆味道跟多年前在澳門的很相似 而大滾友選用了大大隻的蜆 更鮮甜厚肉花雕牛肉平時火鍋店比較少有的牛肉用花雕酒醃過 酒香撲鼻肉質嫩滑伊比利亞黑毛豬特別喜歡這個豚肉 肉質爽彈完全沒有豬躁味桂花蚌拼珊瑚蚌鮮甜爽脆 不過每款份量都不太多下次可能單點會更好手打丸拼盤 全部都很彈牙鮮味⭐️鵝肝墨汁墨魚丸 - 中間包著鵝肝很甘香⭐️龍蝦墨魚丸 - 多了龍蝦整個味道提升很多蟹子鮮蝦丸 櫻花蝦豬肉丸 手打鮮牛丸手工餃拼盤餃子皮薄餡靚 手工餃和手打丸都是大滾友的強項黑松露蟹肉餃的鮮和香最為出色最後點個稻庭烏冬為一餐作結餐廳一直播著懷舊音樂 後來發現是用唱盤機播黑膠唱片 好有feel

媽咪生日飯 決定一家人去大滾友滾滾佢櫻唇半開。特色卜卜蜆鍋卜卜蜆隻隻都勁大隻又冇沙 足足兩斤食極都仲有湯底落左勁多蒜茸同少少辣椒 好香好惹味飲左碗湯 蜆嘅精華落晒去勁鮮甜A4黑毛和牛後腿肉呢度有唔同部位嘅和牛揀左平時唔係成日食到嘅和尚頭牛味真係好濃好濃 油花勁靚但唔會好油膩雖然係貴啲 但真係好好味陳年花雕浸牛肉另外叫左呢個餐廳推介嘅花雕牛肉牛肉都幾滑 多左陣淡淡地嘅酒香大滾友餃子拼盤每次去大滾友都一定會叫佢嘅餃子拼盤隻隻都飽滿大大粒 真材實料大滾友手打丸拼盤我淨係分到鵝肝墨魚丸同櫻花蝦豬肉丸兩個都好好食 好想食埋其他呀尤其是櫻花蝦豬肉丸 勁多櫻花蝦勁香囉大滾友雜菜拼盤份量好足大堆頭 一家人叫一份就夠食喇

📍大滾友火鍋 #荃灣🏆豬肚藏雞-胡椒豬肚雞湯鍋(8.5/10)金黃色嘅香濃雞湯，胡椒唔會好辣，非常暖胃😆 豬肚好爽，雞好嫩滑！🏆細牛肉拼盤(8/10)拼盤有頂級安排斯牛小排、本地手切牛頸脊、牛展、美國頂級雪花肥牛、牛黃喉、牛肉粒、牛舌花。我最欣賞牛小排同牛肉粒😎 好有牛味，亦唔會韌👍🏻🏆蟶子皇•四隻(10/10)極力推薦蟶子皇‼️爽口鮮嫩，非常鮮甜💯🏆大滾友肉丸拼盤•十粒(9.5/10)試左5款，每款有2粒✨最推薦手打鵝肝墨汁墨魚丸🦑 蝦丸都好彈牙！🏆日本廣島蠔(9/10)廣島蠔非常飽滿，大大隻♥️yummy!!!😋⭐️大滾友火鍋 (紅棉大廈) (荃灣)⭐️荃灣青山公路荃灣段125-133號紅棉大廈地下A&B號舖#大滾友 #荃灣 #荃灣美食 #火鍋 #生啤 #打邊爐 #手切牛肉 #花膠雞湯鍋 #卜卜蜆 #火鍋 #yoho

食店: 大滾友@荃灣之前啊張食過呢間嘅花膠雞湯底，好鮮甜都有少少驚艷，今次就帶啊梁嚟試下其他湯底～一開始已經有九隻碟仔俾你調配自己嘅醬料，其中有一碟係青瓜，啊張當佢係小食就咁食咗😂張梁點餐👦🏻👧🏻1）$288《黑胡椒炒蜆雞湯鍋🌶》評分（10分滿分）：8️⃣食評💬：秋風起有時都涼涼地，梗係揀啲暖身嘅湯底啦🔥首先係用黑胡椒汁將啲新鮮沙白蜆猛火炒香，少咸少辣好惹味，送飯一流！食到咁上下再加入招牌雞湯打邊爐，湯底已經好夠味，辣辣哋驅風正啊！🤣2）$138《酒香陳年花雕浸牛肉🐮》評分（10分滿分）：8️⃣食評💬：花雕酒好香，烚熟完之後都仲有陣酒香味～3）$98《半熟五花腩》評分（10分滿分）：8️⃣食評💬：五花腩就係要食佢啲肥肉，啲脂肪好厚好彈牙，淥熟之後都仲係大大塊，然後點一點自己親手調配嘅醬料，爽！4）$58《鴨血》評分（10分滿分）：8️⃣食評💬：份量都算多，有8大舊，爽口彈牙～不過個人覺得食開鴨血都係配麻辣湯底好味啲，食胡椒湯底有啲唔同嘅感覺～5）$78《黑松露午餐肉》評分（10分滿分）：8️⃣食評💬：一碟有8大條，上碟時已經新鮮炸好，炸到脆皮無油益味，其實就咁食已經得🤣唔洗放落去邊爐

滾呀！滾！今次嚟到荃灣嘅大滾友打邊爐🍲入面裝修得好宮廷feel🏮🍲湯底有唔少特色嘅款式揀揀咗個櫻唇半開特色卜卜蜆鍋 $218一上枱好有仙氣，非常足料，入面勁多沙白蜆，新鮮大粒又厚肉😍而且入口冇沙👍🏻用咗蒜蓉同辣椒更加提升咗沙白蜆嘅鮮味個湯底亦都鮮味十足！好好飲🤤🥩A4黑毛和牛牛腱 $398係日本直送嘅新鮮牛腱肉，勁大盤，好吸睛，一嚟到梗係影多幾張相先😬牛腱肉肉質柔軟細膩，油脂紋理分佈均勻，牛味濃郁鴨血 $58雖然食個湯底已經飽咗半肚，但係打邊爐點少得叫返份鴨血過下口癮🤤好滿足！

最近有朋友話俾我聽減肥可以打邊爐咁樣其實會食少咗澱粉質既然係咁，所以呢排呢我就瘋狂打邊爐呢間認真要推介，火鍋配料靚而且湯底濃郁，款式又多早鳥價優惠重要有78折餐廳感覺宮廷設計而且坐得幾舒服消暑冬瓜瑤柱鍋湯底清爽不膩，亦有肉味，味道層次豐富冬瓜肉吸收濃郁的鮮味經久煮後非常之入味煲煮時已傳來陣陣香味大滾友牛肉拼盤 (大)牛魔王再次出動！一個價錢多個享受和牛肉質鮮嫩，呈粉紅色，入口最嫩滑最特別當中必定是黃喉，入口爽脆另外仲有一個花雕牛肉，花雕味道在口中揮之不去脆鯇腩片新鮮爽脆鯇腩片，吾腥！份量都幾多即炸黃金響鈴響鈴外層包裹着鹹蛋黃，即食也可如放落湯底黃金2秒，吸盡湯底精華，食落去外脆內軟，咬落超鬆化菜苗帶子餃帶子餃口感厚實，餡料感覺像墨魚滑

天氣開始轉涼最啱就係打邊爐☺️☺️呢間火鍋店好特別環境佈置得好有特色連啲菜式名都精心設計而且食物好高質🥰🥰呢度嘅食物唔單止好味仲好適合打卡📸📸個湯底一上枱令我見識到咩叫騰雲駕霧即刻令我哋瘋狂影相打卡但佢絕對唔係得個樣👍🏻👍🏻佢個湯底勁清甜勁濃椰香味而且啲雞全部勁大件，又嫩滑超正🤤🤤個牛肉拼盤擺得好靚仲好好味牛味好香濃🐂🐂個五色手打丸都好有特色黑色嗰款真係超好味🤩🤩如果budget比較鬆動又想食得好啲高質啲嘅話呢間火鍋店真係好適合你🥳🥳

餐廳🍴裝潢好有濃濃既中國風，非常有特色，每個小細節都兼顧得好好，座位既擺設到成間餐廳既裝飾都好統一，整體氣氛風格都好靚❤️呢到服務都相當好👍🏻，職員會係你面前用熱水簡單咁幫手洗下啲餐具，加湯加水都勁主動勁細心🥰醬介 $24/1位櫻唇半開•特色卜卜蜆鍋 $218超級多既沙白蜆在熱鍋，一路滾一路發出「卜卜」聲，湯底配合埋蒜蓉同辣椒🌶️更加提升沙白蜆既鮮味，超級勁鮮甜，辣度係偏微，反而好香口咁，完全就係鮮香味俱全🤤，蜆既份量勁多，食極都有咁，仲要隻隻肉身都好肥美，肉汁鮮嫩，一咬入口鮮甜既肉汁會爆哂出黎，勁Juicy，湯底仲有好多芽菜同芥菜大滾友牛肉拼盤（細） $4181. 頂級安排斯牛小排2. 本地手切牛頸脊3. 牛展4. 美國頂級雪花肥牛5. 牛黃喉6. 牛肉粒7. 牛舌花賣相靚到😍，花多眼亂既牛🐮，一放上枱啲仙氣係咁湧出黎，最吸晴都係牛舌花🌹，每種牛既紋路都勁靚，每一隻都各有千秋，超級值得一食，牛香非常濃郁，完全唔洗沾任何既醬料已經好好食，牛肉既鮮香就贏哂😋😋皇帝菜 $48呢個價錢，呢個份量非常唔錯，係真係塞滿哂一個碗咁

近排天氣凍凍地，最啱梗係打邊爐，你到荃灣，雖然有好多間打邊爐可以揀，但係都係呢間「大滾友」最為吸引，一於同朋友試試佢。湯底我哋叫咗椰子雞番薯蜆肉濃湯，全因為喺其他店都搵唔到呢款湯底，一於喺度試一試。椰子味濃郁，再配埋番薯，食到甜甜嘅味道，加埋雞肉同埋蜆，既有海鮮味又有雞肉味，口味濃郁而且有層次，極之推介。點餐紙有唔同嘅食物好多都好吸引，特別推介本地手切牛頸脊、豬頸肉同埋脆魚鯇。一嚟到淨係賣相已經非常吸引，牛肉味好濃，油花分布平均，食得出牛肉嘅鮮味。豬頸肉爽脆嫩滑，好味道。脆魚鯇唔會有腥味，亦都好爽脆好食。整體來講，湯底非常好味，極之推介，食材新鮮，啱晒一大班朋友嚟食！

近排打邊爐打上腦😍 一個禮拜都起碼打一次🤤 今次去左荃灣呢間大滾友火鍋 宮廷式裝修連張櫈都係木造宮廷feel👍 幾有特色店名叫得大滾友 食物名都照樣唔方正經😂▫️玲瓏浮突花膠雞湯鍋🍲近來愈黎愈養生 花膠雞湯湯底啱哂我打邊爐之前一定整返碗湯先😍 味道超濃郁花膠剪開一粒粒 發揮骨膠原效果 令湯更濃稠😍 ▫️手切本地牛肉 ($348)喺飽暖思牛肉上選擇左本地牛頸脊 牛味較濃 油花較少 係食佢豐富嘅肉質口感本地牛就是好👍▫️大滾友肉丸拼盤 ($128) 有成十粒手打肉丸 粒粒都起哂膠蟹籽鮮蝦丸好彈牙 鮮牛丸夠濃味👍最後整多個烏冬 索哂咁濃味嘅花膠雞湯每一啖都食到雪雪聲😝 正呀！

最近愛上打邊爐，今次去左宮廷主題打卡火鍋店，餐廳裝修夠特色，岩哂打卡，醬料九宮格都好吸引，夠哂精緻，職員會送上，唔洗出去拎，服務周到👍🏻椰子雞蕃薯蜆濃鍋，好足料既湯底，見到好多椰子肉、粟米、蜆同雞，夠哂滋潤，個湯湯底好鮮甜，打邊爐之前可以飲返碗先😆佢既牛肉好高質，牛味濃仲有油花，豬頸肉成朵花咁上，見到都開心，而且粉紅色好吸引，另外分別叫左蟹子蝦滑、黑松露墨魚滑、瑤柱干貝滑，三款都好食，值得一試

繼續打邊爐系列，這次相約於荃灣的大滾友火鍋🍲店內設計古色古香，感覺置身於宮廷內，絕對是打卡都沒問題🥢 椰子雞番薯蜆濃湯鍋 - 首次嘗試有番薯的湯底，令本身清甜的椰子雞湯更加香甜，而蜆亦能提鮮🥢 手切頂級安格斯牛肉 - 肉香味濃，油花分佈得靚🥢 脆肉鯇 - 厚身且新鮮🥢 即炸響鈴 - 脆卜卜🥢 豬頸肉 - 以玫瑰花的形狀呈現😳幾靚🥢 烏冬 - 急凍的彈牙烏冬🚩 想睇多啲好玩好食推介，即刻follow我既ig page 🔗 soyum_sogood

🐝大滾友火鍋 (紅棉大廈)🐝#bee11foodie荃灣༶ ༶ ༶ ༶ ༶ ༶ ༶ ༶ ༶ ༶ ༶ ༶ ☾ ༶ ༶ ༶ ༶ ༶ ༶ ༶ ༶ ༶ ༶ ༶ ༶今日同朋友去荃灣食飯，💗食咗一間唔錯嘅餐廳，好滿足‼️✨豬頸肉佢上碟整到好靚，有成個玫瑰，好適合打卡，好有少女心🤣💗，啲肉唔會有根位，好好咬‼️✨手切本地牛頸脊好適合打卡，有乾冰自帶煙霧效果！牛味濃郁，有啲咬口，帶少許油脂感又唔會肥膩～✨椰子雞番薯蜆濃湯鍋椰子雞味濃,好足料㗎🤣🤣🤣✨即炸響鈴✨竹蔗茅根✨手打丸拼盤༶ ༶ ༶ ༶ ༶ ༶ ༶ ༶ ༶ ༶ ༶ ༶ ☾ ༶ ༶ ༶ ༶ ༶ ༶ ༶ ༶ ༶ ༶ ༶ ༶整體評分食物：🤍🤍🤍🤍🤍服務：🤍🤍🤍🤍環境：🤍🤍🤍🤍🤍價錢：🤍🤍🤍🤍༶ ༶ ༶ ༶ ༶ ༶ ༶ ༶ ༶ ⌁⌁⌁ ❤︎ ⌁⌁⌁ ༶ ༶ ༶ ༶ ༶ ༶ ༶ ༶ ༶📍荃灣青山公路荃灣段125-133號紅棉大廈地下A&B號舖

櫻唇半開-特色卜卜蜆鍋大滾友牛肉拼盤手打鮮牛丸鬼馬油炸鬼個卜卜蜆鍋真心有驚喜👍👍👍👍，隻隻蜆都又大隻又飽滿，分量仲要好多，食晒成鍋得1隻蜆喺有沙，仲要0隻死蜆，0隻臭蜆，超對值得再食。不過呢個鍋就唔喺主打食辣，如果鍾意食辣嘅可能要叫店員加d辣椒。牛肉拼盤都相當唔錯👍👍👍👍個人覺得牛粒最好食，因為好重牛味。個牛舌都值得一讚，有牛味，又爽口，一d都唔韌。拼盤提供埋牛黃喉，平時出面都小食到。而牛𦟌就比較韌，比較啱鍾意有咬口嘅人士。手打鮮牛丸都好香牛味，不過就小咗d彈牙感，但食得出真喺純肉，唔似出面d牛丸落好多粉。鬼馬油炸鬼就正常水準，不過d蝦滑又幾香蝦味。個湯底真喺相當有驚喜👍👍👍👍，下次會再嚟食試下其他湯底。