大滾友火鍋 (紅棉大廈)

营业中

休息中

繼續打邊爐系列, 今日去左荃灣青山公路紅棉大廈地下大滾友火鍋打邊爐, 餐廳鄰近千色匯，交通方便. 人少少就叫左玲瓏浮凸花膠雞湯鍋半隻, 南非鮮鮑魚, 珊瑚蚌, 秘製香醋凍蟶子, 龍蝦餃.玲瓏浮凸花膠雞湯鍋真係無得輸, 首先嘆用完花膠湯先再落雞, 等到d雞熟左, 就再嘆花膠雞湯. 呢個湯底非常香甜, 膠質豐富, 足足飲左三碗先夠喉, 花膠又大又軟, 女仕恩物. 南非鮮鮑魚 – 爽口彈牙, 肉質鮮嫩. 珊瑚蚌 – 份量十足, 目測有10條或以上, 新鮮, 快快滾一滾就入得口, 索索聲.秘製香醋凍蟶子 - 蟶子夠大條, 秘製香醋配蟶子, 又幾特別, 蟶子新鮮, 夠彈牙爽口. 龍蝦餃 – 大大粒, 材料豐富, 食幾粒都夠哂飽肚.

荃灣豪華宮庭火鍋，值得一讚！第一次食牛肉刺身，佢切得好薄，可以透光，好特別，配上壽司豉油🤤佢嘅價錢方面，其實都偏貴，三個人食咗大約2000，不過食材新鮮，成個裝修風格都好有宮廷風，我哋晚餐食，佢都幾多人！感覺都幾出名鮮蝦丸墨魚丸超彈牙，一定要叫！而且好有鮮蝦味，另外佢嘅三重芝士腐乳牛丸都好出名，會食得出佢係用新鮮牛肉整成，雖然就唔係好食得出，佢點樣三重芝士，但係整體來講我下次嚟一定會叫😛湯底方便我叫咗卜卜蜆鍋底，佢都真係比好多隻蜆，落足料！

之前食過佢其他分店，原來係到到都咁出色! 保持到水準! 湯底叫左花膠雞湯，好鮮甜!一黎就叫左大滾友牛肉拼盤，叫左個大的，有好多種部位，有頂級安格斯牛肉，手切牛頸脊，牛舌片，牛黃喉，金錢牛展，牛肉粒，美國肥牛，日本和牛同埋陳年花雕浸牛肉。朋友作為牛魔王，話好正!! 我自己就鐘意陳年花雕浸牛肉，因為比較少有，花雕雞就食得多。同埋真係好香花雕味。 手打墨魚滑好彈牙，第一次食瑤柱乾貝滑，呢個比較重口味D，都好正! 食到好飽，大滿足

鐘意打邊爐嘅一定要試吓呢一間火鍋店，湯底選擇非常多，有泰式冬陰到中式藥膳應有盡有，今次試了花膠雞湯鍋，店員悉心地處理花膠，勁多花膠以及新鮮雞件放入鍋中，湯底呈現金黃色，味道非常清甜，做出色香味俱全既效果👍🏻平時蝦滑食得多，呢間火鍋店竟提供其他選擇，包括手打爽口彈牙既黑松露墨魚滑，以及鮮中帶甜既瑤柱乾貝滑，兩款都非常推介❗️蔬菜類選擇都好多，今次試了豆苗，葉身幼嫩而葉色綠油油，補充纖維必選😋最後仲叫了大滾友牛肉拼盤（大），特大拼盤，牛肉種類繁多，款款肉油脂都都好飽滿，而且賣相超靚，打卡一流🤭

今次同朋友嚟到荃灣站附近嘅大滾友火鍋店一試佢地既邊爐，餐廳裝潢用心，每碟菜式嘅擺盤都別緻用心，整體體驗好好，非常推介😎湯底：玲瓏浮凸·花膠雞湯鍋香濃美味嘅花膠湯係可以先飲用，加入半隻鮮雞熬煮慢製，滋補養生，口感獨到😋大滾友牛肉拼盤 （大）輕精美牛肉拼盤最啱一班朋友share，肉類款式多多，口感最佳為頂級安格斯牛肉及手切牛頸脊，肉質鮮嫩結實，打邊爐一流！仲有獨特既金錢牛展+陳年花雕浸牛肉，淡淡酒香超惹味💯另外仲叫左幾款海鮮，包括秘製香醋凍蟶子、珊瑚蚌、南非鮮鮑魚，都鮮甜可口，果真一份錢一份貨👍🏻

一班friend出嚟，梗係去打邊爐，大家圍埋烚吓烚吓好開心！呢一間喺荃灣地點又方便又近千色店，交通亦都好方便，佢都有另一間分店，荃灣呢間新淨 座位舒適👍🏼坐低咗之後，店員就拎咗盤醬料過黎，好多配菜，又有酸辣青瓜、又有辣椒油，芫荽，蔥！-揀咗個半隻雞嘅花膠雞湯底，湯底又夠濃郁，女仔都特別鐘意呢個湯底，又夠滋潤！湯又好飲🤤-手打黑松露墨魚滑、貝滑！好新鮮，啖啖爽口！-龍蝦餃，龍蝦丸就食得多，龍蝦餃第一次食，又唔錯 ！又幾特別好食

呢間火鍋餐廳走中國奢華宮廷風🇨🇳🥢，所有裝修同擺設都好精緻，夠哂視覺效果，食物質素又好，如果想影吓相樣打吓邊爐，可以嚟呢一間餐廳，保證滿意😋醬介🥒（$24）醬介九宮格形式呈現，最特別係有麻辣青瓜，開胃醒神櫻唇半開特色卜卜蜆鍋🐚（$218）一上枱已經嘩一聲，加入左乾冰，仙氣彌漫，超級吸引眼球🤩，卜卜蜆大大隻，無砂鮮甜，十分新鮮，份量仲要好多接近一斤😍，粒粒都咁飽滿，湯底仲有好多蔥同芽菜，令湯底更加鮮甜手切本地牛肉🐮（$368）同樣奢華誇張咁呈現，我鐘意❤️❤️❤️，又好睇又好食，本地手切牛肩脊，肉質比出面嘅嫩滑，肉味濃郁👍🏻豬皮🐷（$48）QQ彈牙，有滿滿嘅骨膠原，最重要係能夠發揮湯底嘅精華👍🏻大滾友肉丸拼盤🐷🐮🦐（$148）有5款共10粒，大部份都手打，新鮮製作，粒粒足料彈牙，鮮味大足😊韭菜豬肉餃🥟（$78）好足料，自家製作，有滿滿嘅韭菜，一定能夠滿足韭菜控❤️鴨血🩸（$58）打邊爐點少得鴨血，能夠吸收晒湯嘅精華，唔腥爽口👍🏻自家製竹蔗茅根🎋($78）滋潤清肺，夠哂足料，飲到原材料嘅甜味，大概有四至五杯，擺耐左都可以仍然冰凍❤️

話說天氣凍好想打邊爐唔想肥 就梗係晏就或者early lunch啦見呢間近近地OpenRice book竟然有68折一定要試下！▫️去到果陣我地係第二枱客原來真係有人會好似我地咁癲4:30pm黎early dinner🤣😂▫️簡單來講牛 ⭐️⭐️⭐️⭐️⭐️爽魚皮 ⭐️⭐️(因為唔夠爽口，又唔夠凍，份量都偏少)蚌 ⭐️⭐️⭐️⭐️⭐️蟹柳 ⭐️⭐️⭐️(好普通既蟹柳，唔使係度食)蟹肉餃 ⭐️⭐️⭐️⭐️⭐️▫️湯底不得了我飲左兩三碗裝牛既容器同個湯底既煲都好打卡able 有埋乾冰出煙效果🤣😆▫️埋單有68折抵好多！

2023-01-18古式宮廷火鍋店🥘朋友推介荃灣嘅火鍋店🍲就係大滾友火鍋😀主打招牌嘅雞湯湯底🐓裝潢走古代官廷風格🥢有特色嘅九宮格醬料👏🏻平日晚市時段座無虛席🤣要等一段時間先有位😊可用手機落單📱黑胡椒炒蜆雞湯鍋，288蚊鍋💰打邊爐最緊要係個湯底，店員會即場炒蜆，好似雞煲咁食完唒蜆，就加濃雞湯湯底打邊爐，炒蜆每隻都食到黑胡椒嘅香味，雞湯非常濃郁鮮甜🐓大滾友牛肉拼盤，418蚊鍋💰打邊爐點少得有牛肉，點咗有頂級安排斯牛小排，本地手切牛頸脊，牛展，美國頂級雪花肥牛，牛黃喉，牛肉粒，牛舌花，成盤上枱賣相非常吸引，牛舌花肉質嫰滑，帶有少少咬口，入口食到有牛舌嘅質感，肥牛係係咁多款之中最濃郁牛味，口感嫰滑得來又唔韌🐂黑松露蟹肉餃，108蚊份💰將黑松露同蟹肉，切粒包成肉餃，每隻都有滿滿嘅蟹肉，非常足料，入口有濃郁嘅黑松露味，唔錯嘅配搭🦀新鮮鵝腸，118蚊份💰新鮮鵝腸睇到有肥膏，爽滑彈牙唔會韌，食完好滿足🦢即炸黃金響鈴，88蚊份💰黃金響鈴外面有層蛋黃包住，聞到有咸蛋嘅鹹香味，食落口非常鬆脆👑整體環境好有特色，通風都做得好好👍🏻服務態度好殷勤😀食物份量足，食材新鮮，適合同三五知己聚餐#大滾友#黑胡椒炒蜆雞湯

我覺得自己食完變靚咗嘅火鍋^･·̫･̥ฅ♡ (笑聽元朗國朋友們sss都好推薦但踏入呢個國土對我黎講真longd把心一橫去左荃灣分店試試佢試完覺得···點解花膠可以多到食唔哂既？這個回頭 很 可 以 🌸( ⌯'֊'⌯)🌸┈┈┈┈┈┈┈┈┈┈┈┈┈┈┈┈✧ ꙳ 醬介$24/位✧ ꙳ 玲瓏浮凸·花膠雞湯鍋(半隻) $318 （超級推薦⛲️）花膠雞件都唔係預先放入鍋裏店員會另外奉上，會將花膠即場剪開首先享用完花膠湯先再落雞足料半隻雞足料咁呈現你眼前🤩🤩花膠雞湯一飲落去已經非常濃郁清甜令你飲完一碗接住落第二碗 花膠經浸泡後，真的軟嫩淋滑 不是假的！然而雞件就可以按照自己既進度 慢慢邊食邊淥🥳✧ ꙳ 牛胸尖 $118牛胸前肋骨上的一塊筋膜肌肉而一隻牛只有一小塊牛胸油所以相當珍貴第一次食 食落係非常爽脆 而牛味相當濃郁✧ ꙳ 豬頸肉 $58 （超級推薦⛲️）我都有花花樣坐咁樣上菜乾冰造形令佢非常打卡豬頸肉薄薄切 淥兩下就食得了๑´ ³`)ﾉ〜♥薄切既佢食得出相當有豬味✧ ꙳ 龍蝦餃（四粒）$78可以烚下烚下既蝦餃真係第一次食～係龍蝦肉 x 豬肉餃 啖啖肉～蝦餃皮都apply 到喺呢粒餃度～ 食到相當熟悉既

今次去依間打邊爐店係以古色古香作為一個特色，連茶壺同打邊爐都有龍嘅雕塑佢哋嘅菜式名都好有特色，例如丸類嘅話會叫為飛機手打丸，湯底就會叫鴛鴦戲水，令人點餐嘅時候，增添一點趣味我地普通咁叫一個冬瓜湯作為湯底 ($218)，佢嘅湯底絕不馬虎，佢已經係有半隻嘅冬瓜喺入邊，而且仲有鮮蝦同雞肉作為配菜，就咁食佢嘅湯底其實已經好夠飽，而且佢個湯係好飲到會想飲晒成個湯而佢上菜嘅時候有乾冰煙霧，令到成個湯底煙霧離漫，仙氣十足，非常之好睇同夢幻既然有咁多蔬菜冬瓜，我哋就叫咗一份大嘅牛肉拼盤區拼盤，都係好多仙氣好夢幻，而且好大份，一個拼盤佢唔同部分嘅牛肉，滿足各位牛魔王，至於佢啲餃子拼盤都唔錯，有着三隻唔同顏色嘅餃子睇落都幾靚而且坐低嘅時候佢仲會送咗竹蔗茅根俾我哋飲，茅根都非常之好飲😍😍順帶一提，如果外賣嘅話，有78折，雖然就冇咗佢嘅靚靚裝飾，但佢嘅火鍋真心好食，個湯底係會令人好想飲晒佢，所以個人覺得都幾好🥰

#meloin @bigboilsclub.yl.tw近日天氣轉冷，最啱就係去打邊爐，暖笠笠。我哋揀咗胡椒豬肚鮮雞湯底，飲番啖胡椒湯，暖身又暖胃。🍲湯底非常足料，有多片豬肚及半隻三黃雞，非常新鮮好味。一上枱嘅時候仙氣十足，因為湯底加入了乾冰，打卡一流。彷如仙女下凡一樣。🫙醬料九宮格多樣化，有辣椒、蒜蓉、香蔥等香料，配上醬油和湯底混合成特色醬料。🥩安格斯牛肉，同樣氣勢十足，同樣以乾冰底坐鎮，點了細的，但份量亦足夠，每一片都鮮嫩十足。🥬點了一個生菜，放入雞湯底非常好味🫖飲品選了竹蔗茅根，清熱解渴

位於荃灣的大滾友宮廷式中國風裝修雅緻又舒適櫻唇半開特色卜卜蜆鍋（$218)上枱氣勢十足～煙霧彌漫蜆肉份量好多～隻隻飽滿鮮甜湯底帶芹菜蒜香～入口舒服用黎配海鮮肉類都很夾大滾友牛肉拼盤（$418/細)頂級安排斯牛小排/本地手切牛頸脊/牛展美國頂級雪花肥牛/牛黃喉/牛肉粒/牛舌花擺盤賣相打卡一流～牛舌堆砌成的牛舌花非常吸晴雖然是細份～但份量絕對夠2-3人食用一次可以試足7款牛肉部位最喜歡牛小排～牛肉味很濃郁牛舌厚切而且非常爽嫩龍蝦豬肉餃 ($108)6隻餃子大大隻很飽滿蝦肉豬肉口感很彈牙白鱔片（$108)最愛的白鱔片，處理得好啖啖肉無細骨口感爽彈又肥美

周公之禮•消暑冬瓜瑤柱鍋 $218感覺呢個湯底冇咁熱氣🥳加咗冬瓜，成個湯底好清甜😍入面仲有好多瑤柱、粉絲、蝦肉、豬肉等等😋所以都好豐富㗎！！之前食過佢哋好多次海鮮鍋，今次試吓新嘢都唔錯～蟶子皇•四隻 $198鮮甜彈牙，擺款仲幾靚添，可以影吓相😂大蜆總共有10粒😗全部都好鮮甜，淥佢完之後脹卜卜好療癒～😌手打蟹子蝦滑之前食過佢哋嘅手打滑同丸都幾高質嘅，仲有呢個價錢係有兩條🥹好抵食即炸黄金響鈴之前都係食普通響鈴，加咗鹹蛋黃，增加左個風味，更加香～而且佢係即炸真係好高質脆卜卜😍

呢間喺荃灣千色店附近嘅火鍋店，門面同裝修古式古香，餐具好有宮廷feel，氣派十足😄 坐低嘅時候，店員會用熱水幫手淥一淥d碗碟，消毒過放心哂😇 之後店員會送上9格醬料盤混一混醬，當中有一款係炸乾葱油，一定要加會令到個醬香好多架😋櫻唇半開特色卜卜蜆鍋🍲($218) - 卜卜蜆鍋唔係第一次食，不過就第一次見咁多蜆😱 目測有成幾十隻咁多，而且全部都好大隻！湯底好清甜，有少少胡椒味，一開始已經忍唔住飲幾碗。蜆開哂之後就要食先，2個人食左幾個字都未食哂🤣酒香陳年花雕浸牛肉🥩($138) - 今次嘅牛肉比起一般嘅牛頸脊或安格斯有d唔同，佢係用花雕酒浸過嘅，淥完之後有牛味之餘仲有好香嘅酒味，有d似醉雞咁，幾特別😋大滾友館子拼盤🥟($128) - 見menu幾款餃都特別，想試哂食拼盤就最啱😄 入面有龍蝦餃，黑松露蟹肉餃，蟹皇餃同韭菜餃4款每樣2粒。我最推介蟹皇餃，入面係蟹肉絲同豬肉，仲有香濃蟹皇味，足料👍🏼手打鵝肝墨魚汁墨魚丸🍢($72) - 加左墨汁嘅墨魚丸黑忟忟，入面加左細細嘅墨魚粒粒，口感彈牙。咬開入面有粒鵝肝仔，煮熱有d鵝肝油流出黎，唔錯😇手打蟹子蝦滑🦐($108) - 一份有2條，每條可以整到