大戶屋 (已結業)

是日拉阿朋友黎呢度食飯，原因係我見到有『鹽味雪糕』，一直好想搵返沖繩既海鹽雪糕，但之前既都幾disappointing。不過睇overall食評唔錯先敢帶朋友黎，點知ｄ野食又真係幾好喎！兩個人叫左兩個定食+兩個小食+兩個鹽味雪糕：1. 黑酢雞定食：真係好好味，黑酢雞好開胃，雞肉好滑！伴菜都好味（好似薯仔咁），菜絲加埋附上既汁好好食，ｄ汁可以refill，我地成碟清晒。2. 吉列豬排鍋：呢個就唔掂喇，厚切豬排原本係件好事，但好韌同埋ｄ豬排有唔太好既豬味，失望！我地加$30要個芋泥飯，口感幾得意，表面呢texture好似粥（芋泥），裡面就係普通白飯。3. 豆腐：呢個唔係涼伴，係冰凍豆腐！夏天好ｄ。有ｄ似百x豆腐，不過呢度既滑ｄ。豆腐清清地加紫菜原來係幾好味。 4. 菠菜黑豆：佢係撈麻醬，ｄ麻醬好好味，甜甜地，朋友話呢個要同飯一齊食。5. 鹽味雪糕：十蚊杯，好抵，平過其他地方一半有多，味道又唔見得差過佢地。雖然都係同沖繩既海鹽雪糕有好大分別，不過咁平就值得一試啦！6. 熱啡：朋友見咖啡咁平($12)就要左杯，不過得coffee mate，冇奶提供！呢度ｄ野飲真係好平。宜家要講不滿既地方：上菜

都已經係第3次黎食野次次黎親cwb都係去呢度食飯因為貪佢唔使等太耐位, 等位時有櫈坐, 價錢又合理6.45上到去, 竟然唔使等位即刻入得!今次又坐返上次靠牆的二人枱 食ge野係:吉列豬扒定食吉列雞扒飯配"穚麥"面今次d豬扒細件過上次好多!!但就依然鬆軟, 比食炸雞更有口感但個飯就好細, 好快食完, 又唔好意思要多個飯=.=而"穚麥"面好彈牙, 配埋d 醬汁同wasabi真係好香好正食完面, 仲有個飯, 呢個餐真係算飽雞扒仍然係好大塊, 好脆~埋單170幾蚊, o係cwb食, 又好味, 都幾抵啦~

好耐無寫食評, 今次為佢寫一次.以前响日本食過大戶屋, 平靚正開到黎香港, 當然要去試一試點了: 滑蛋豬排定食, 鰻魚定食, 迷你吉烈蠔, 泡菜味道可以講係ok好食, 但亦唔係太突出, 好似泡菜,就比較”水”, 唔夠韓國d咁好啦. 鰻魚無咩味, 又瘦又小, 雖然係 ”愛知縣”出品, 但取價 “$128” 再加一, 即$140就有d過份喎…最好食係吉烈蠔, 同日本食到既好相似,有蠔汁又有肉, 讚! $15一隻!滑蛋豬排無咩好講, 一般貨色反而係要講下 “添飯”呢個問題. Menu 話可以免費添飯, 我地只係一人添一個, 但唔知點解d店員既眼神好似唔係咁想你添飯咁. 而且個飯又好耐先黎. 第二個添飯, 我特登叫個女經理過黎, 同佢講話唔想浪費,只係想要半個飯, 以下係對話:“唔該我想添個飯, 但係只係想要半個”“半個? 無ga 喎… 即係係咪少d呀, 我地落單照落一個, 比少d你, 係咪?”“係呀, 食唔晒呀”“你地叫左幾個個定食呀” (叫一個定食唔可以添2個飯咩?)“2個”“um…”然後經理擰轉頭同個侍應講: “落一個添飯呀”完全無視我少飯的意見, 之前講咁多係廢話!但個飯等左10鐘都唔

我和媽叫了兩個定食 - 帶子蒸籠飯定食和黑醋炸雞定食, 味道和賣相都非常不錯, 可惜沒有相機...這裡是個不錯的食飯地方, 乾淨企理, 服務不錯, 不過等食物的時間比較長, 但只要質素是有誠意的話, 等耐一點也關係, 本人要的黑醋醋雞定食, 真是很好味, 賣相跟display一樣, 還有兩蝶小配菜和面豉湯, 價錢都係$68, 我覺得咁既quality係幾抵食, 絕對可以推介! 我媽要的蒸籠飯, 看似很少份量, 但食落都夠飽, 加上有個豆腐湯, 份量剛好足夠, 味道亦相當不錯錯!

上兩個星期同男友，姐姐、姐姐男友、媽咪去左想試好耐既壽司翔太晚上六點去到 人不多 店內佈置簡約 有日本飯堂既感覺叫左五個SET SHARE+吉列蠔單品食 分別係饅魚蒸籠飯+烏冬 味噌豬排 醋炸雞拌薯仔沙律 醬汁豬柳飯 同燒鯛魚定食饅魚蒸籠飯一般 太細個 不過烏冬個汁好味 亦夠煙UN味噌豬排 個MISO汁甜甜的好吃 豬排稍乾 不過整體都OK醋炸雞拌薯仔沙律 好似係招牌菜 不過我只吃了沙律 都幾好味醬汁豬柳飯 豬柳好乾 唔夠汁>_<燒鯛魚定食 第一次食鯛魚 魚味幾香最後叫了甜品兩個布甸好滑 蛋味濃郁 值得推薦綠茶ICE CREAM唔夠綠茶味 不過勝在不會太甜總括來講 食物OK 不過沒什麼驚喜另外一題 MENU既設計幾靚 但釘裝令個MENU好難揭

女朋友提過數次想去試試「大戶屋」，但「大戶屋」兩人枱不設訂座，Walk In的話，少說也要等上「一頭半個鐘」，實在有夠累人，因此一直沒有去過。那天女朋友補習，我們約好了在銅鑼灣食飯，於是我們決定先拿籌（當時少說也要等幾十張枱）再到Times Square逛逛，買點東西。結果我們逛了約四十五分鐘左右，時近九點十五分，我們再回到「大戶屋」，我們拿的籌已經過了，要重新拿籌。不過等候的食客已經少了很多，我們重新拿籌也只是等五張枱；於是我和女朋友就乖乖坐在門外等候好了（門外也放了不少椅子讓等候的客人稍事休息，算是比較細心了）結果我們邊談邊等，約十五分鐘後就有枱了。侍應帶我們的坐位，並非餐廳的主要位置，而是到旁邊的一間房的其中一張二人枱（房子空間不算很大，裡面放了一張長枱，可坐八人，另外再放三張二人枱）坐下後第一個感覺是入了一間密室（因為所謂房間是類似酒家的板間房）而更加加強我這種密室感覺的，是長枱的食客和另一枱食客談天時聲浪極大，令人震耳欲聾（基本上，說話的大聲程度是我和女朋友相對而坐，用正常聲線說話是沒辦法溝通到的）我們邊忍受著環迴立體的談天聲，一面看著餐牌，發覺選擇不少，冷麵、鰻魚飯、吉列定

一早book 位，原來要人齊先入得，同只留位5 分鐘… 一行6人早早企定定在門口。入到去，叫了黑醋豬柳帶子定食，吉列豬扒定食，滑蛋豬扒飯， 鐵板豬扒定食同一個同樣有豬扒的定食。 滑蛋豬扒飯: 像foodcourt 的質素。黑醋豬柳帶子定食: 很好吃，豬柳同帶于先炸再掛上酸甜汁，並有茄子、青椒等作配菜，可是配菜太油。定食的飯分量很少，但對胃口小的我是剛好，但飯是冷冷的。飯可任添。定食中有大量生椰菜，並有酸酸的沙律醋。鐵板豬扒定食:豬扒也是吉列的，只是配上鐵板一塊及炒野菜。豬扒的粉很淋而吉列豬扒定食附上鐵絲網及自己磨的芝麻，像某出名的吉列店一樣，但吉列豬的炸粉過厚，可能是翻炸的。view 很好，望時代大電視。waitress 態度不錯。

想了很久也想不到標題，因為實在想不到，沒有什麼很特別的地方，但食物又是不差的，想來想去就是覺得還可以再來的，結果就成了現在的標題了。今晚的飯局是臨時決定的，約了在銅鑼灣，想起還沒來過這裡吃飯，便 4 個人一起來到這兒了。大概八時來到，要等三張檯，比我預期中少呢! 很快便有位置安排給我們坐了。是卡位來的，但感覺還是與側邊的檯頗接近，常覺得隔離檯聽到我們的對話，因為我也挺清楚聽到他們的對話的，所以感覺不是太好，而且由於太多人客，整個環境便得有點點嘈，連帶我說話也要大聲一點。今晚在座的人其中一個食量是極大的，雖然這裡有得添飯，結果他一人吃了兩個定食，另外我們再一人叫一個。首先其中一個是藍鰭吞拿魚飯，這個我沒有吃過，所以不知道味道如何，但朋友說是不錯挺好吃的，只是份量很小，我們的食物還沒來到他已整碗吃完，並且在看MENU看看下一個叫什麼了。之後便是羊同學叫的蘿蔔蓉雞扒鍋定食，我吃了一塊雞扒，很入味，而且肉質也不差，不會有很肥很厚的感覺。極多蘿蔔蓉，和醬汁混在一起很好吃，我偷了一點來送飯呢! 再來便是我的中華冷麵，最最奇怪是有一碗白飯跟，我實在不明白冷麵如何配白飯，到底要我以什麼送飯呢，冷麵所有

周六又於銅鑼灣流連, 抬頭便見大戶屋的招牌, 很自然就走進去。 接近二時, 全場近乎爆滿, 環境很嘈, 頗局促, 想傾偈都難呢! 媽媽有事未來到, 我先坐著點菜。 不停翻動餐牌, 直到媽媽來到仍未下決定,最後擾攘很久才落單。 北海道昆布吉列豬扒定食$90: 平時都很少吃蓋飯, 雞蛋呈半熟狀態, 仍有不少蛋汁留出呢! 洋葱煮得稔, 加上甜甜醬汁伴飯, 算不錯。不過個汁好似太多, 連飯的底部都濕濕的, 令部份米飯變得糊口。豬扒炸後再淋上汁, 已預料不會太香脆, 只有邊位還是脆脆地, 唯肉質太乾, 有點鞋口。湯是麵豉湯, 味道不錯, 很濃。前菜有些椰菜, 吃到生薑咁味怪怪地。 黑醋雞肉蔬菜定食$68: 算是幾經濟的選擇。炸過的雞肉沾上黑醋再煮, 醬汁真的能掛在外面, 酸酸的夠開胃, 酸度適中不會搶喉。外皮仍保持輕微脆口, 裡頭的雞肉也很入味, 很嫩滑不會鞋。 就連配菜味道也同樣好, 蓮藕十分爽脆。 雞肉旁還有大堆椰菜絲, 已瀝乾水, 幾爽甜,另有一小兜汁, 應該用來伴菜絲的, 但份量太少了。 飯應該是珍珠米, 黏黏地唔會太爛, 都可以, 雖可免費添飯, 但只吃這碗已很足夠了。漬物有牛蒡、蓮藕

今天又來到大戶屋銅鑼灣分店吃飯這半年來，到大戶屋吃飯也不下數次。當然是十分欣賞其炸豬扒的水準啦今次我們叫了一份炸豬扒定食(跟飯)、一客炸雞扒定食(配飯+湯烏冬)先說炸豬扒定食(跟飯)，炸豬扒依然是香脆鬆軟；既炸得十分香口，亦保留到豬扒的鮮味，以至其口感鬆軟大戶屋作為炸豬扒的專門店，確是名不虛傳，保持水準加上其自磨的芝麻醬汁、芥辣醬，用來點豬扒吃，實在是最佳的醬料，唔錯！白飯相信是選用日本米，其香軟程度實教人單吃白飯也感到滿足呢！今次我也跟上幾次一樣，一口氣吃下四大碗白飯！如果是男士，這份炸豬扒定食也許未必夠喉皆因炸豬扒只有五塊，相反生菜絲就一大堆或者這才是我每次均會叫侍應添飯，吃四大碗白飯的真正原因呢！再說炸雞扒定食(配飯+湯烏冬)，炸雞扒連飯一大碗上、湯烏冬則分開上炸雞扒跟豬扒一樣，泡製得香脆鬆軟；既炸得十分香口，亦保留到雞扒的鮮味湯烏冬仍是唔錯，湯底則是傳統清甜的日式風味，烏冬也是爽口彈牙唯一有點不足的，是熱湯上的烏冬，其彈牙程度實不及凍食的烏冬相比起之前的炸豬扒定食，這份餐的份量就好明顯較多、足夠一位男士吃飽的雞扒同樣有五塊，也有一大堆生菜絲但這餐有跟大大碗白飯，也有湯烏冬...

好喇食完碗咁正嘅牛雜, 師傅又繼續同好友食家"乜都放入窿"展開覓食之旅, 既然黎開銅鑼灣, 本來諗住試下呢頭一間咖哩食店, 正準備去之際, 就比好友食家"乜都放入窿"發現左呢間食店, 呢間都係呢期人氣急升嘅食店, 既然呢期咁出位, 冇理由唔試左先, 就咁樣兩條冷決定貢上去, 睇下咩環境同多唔多人先!入到去晚上七點半到啦, 門口有食客等位, 而餐廳內又唔似爆晒, 於是好友食家"乜都放入窿"去接待處登記攞飛, 但原來呢度有規矩, 就係要人齊先可以入座; 幸好師傅同好友食家"乜都放入窿"兩個人, 所以唔係等好耐就有位, 不錯!坐底後, 當然係第一時間睇下有咩好食啦, 餐牌內嘅款式真係花多眼亂, 目不遐給, 睇左好耐大家都冇咩頭緖, 最後師傅都係唔諗咁多, 決定要客中華冷麵, 呢個跟餐都係多五蚊, 多一碗飯, 不過師傅就冇要餐; 而好友食家"乜都放入窿"就要左 “日本愛知縣產鰻魚蒸籠飯山芋蓉稻庭風凍烏冬定食”, 冇錯個名真係咁長, 絕對冇睇錯! 好友食家"乜都放入窿"話有飯有烏冬抵食, 所以就揀呢個!落完單, 大家吹下水, 談下情, 話都冇咁快就有野食喇; 率先登場係師傅嘅中華冷麵, 於是師傅

是咁的,上星期和女友到銅鑼灣搵食,特別到曾經在雜誌介紹過的大戶屋一試,8:30去到例牌要攞飛等位,不過只需等25分鐘就可以入坐了,餐牌有圖清楚易名,而差不多都是以定食為賣點,令我感覺有如重回涉谷的定食屋一樣。裝修簡潔舒適,只嚴坐位與坐位之間太近,所以進餐全程都係聽住鄰枱兩個女人不斷講是非,算是多一種娛樂吧!我點了一個雞肉沙律及自家製漢堡定食,因為一向喜愛漢堡,所以都好期待,沙律味道不過不失,而漢堡都是一貫用上日本燒汁煮,肉味一般,沒有驚喜,不過配菜如菇、紅蘿蔔、洋蔥等反而好好食,兩人埋單不過$200多,在銅鑼灣這個黃金地段算經濟了!所以如果臨近月尾,我都會再來的!哈哈第一次學人寫食評,如寫得不好請勿見怪

六個女生不太肚餓, 只叫了四個定食share.炸豬扒蓋飯+蕎麥麵 - 麵條不錯有咬勁, 夠冰凍, 但蕎麥麵汁太少, 到最後好像在吃白麵條 > <雖然一百元不到的炸豬扒我都無expect太高, 不過我一口咬下就發覺有濃濃的豬肉臊味...吃了兩口忍不住吐出來! 天啊... 最基本的功夫都沒處理好, 好失望 同是炸物的親子don較好. 甜甜的洋蔥醬汁配炸雞扒, 其實也很難煮得難吃吧. 泡菜鍋裡面只有兩三塊豬肉片, 也罷 我之前吃炸豬扒留下陰影, 所以沒吃到豬肉. 泡菜不辣, 應該是改良過的版本. 湯頭不太濃烈, 走清淡的路線, 連本應該吸滿湯後會變得辣辣的豆腐也沒入味.想不到一個最似中菜的黑醋雞肉最好吃, 甜甜酸酸的雞肉炸的比剛剛的炸雞扒還要嫩, 炒的配菜沾上一層薄薄的芡剛好夠味, 堪稱是最能送白飯的一道定食!!!以同等價錢的日式居事屋, 我覺得和民的素質更好. 不明白為甚麼晚晚大排長龍... 可能我當晚走霉運吃到below standard的菜......

細讀《正在開飯》，書內食友蝗蟲同學及壽司迷先後推介了大戶屋的美食，不禁被他們的文字提起了我對這間日本家庭料理店的興趣。這兩個月以來，已經先後到訪兩次，第一次為免受排隊等候之苦，準時收工後立即衝去銅鑼灣分店霸位，過程順利；第二次則事先電話訂位，人齊後即能入座，服務相當具效率。拿起餐牌，定食款式選擇繁多，一時間真的有點花多眼亂，但同時又令人有點又愛又恨，原因是大戶屋的定食組合是固定的，好像蕎麥麵一定要配吉列雞排飯或藍鰭吞拿魚飯，卻不能將之改成吉列豬扒蛋飯。要在云云定食中下決定，感覺有如魚與熊掌，不能盡如人意，那刻真的希望自己有多幾個胃，一次過試勻所有美食。前菜小魚豆腐沙律配和風醬汁，小魚是白飯魚，豆腐應是店方自製的，放在新鮮蔬菜上，灑上一大堆海帶，簡單的顏色對比，賣相不俗。灑上醬汁後，將豆腐放入口內，口感瞬間消失，味道卻揮之不去，值得一試。女友叫的藍鰭吞拿魚飯配蕎麥麵，這組合其實足夠二人食用，我沒有試藍鰭吞拿魚飯，據說水準不及以此作招牌菜的定食 doraya。至於蕎麥麵則口感爽滑，入口冰涼的，配合美味醬汁，難怪大受歡迎。由於對麵豉湯及漬物沒有太大興趣，乾脆單點了一客北海道昆布吉列豬柳蛋飯，

想吃吉烈豬扒但不想到日式吉烈專門店排長龍，過來這間頗新的大戶屋試試。店舖很新很大，星期六的中午時段也幾多人來捧場，幸好我們來得早啦非常日式料理FEEL的餐牌上有很多款定食，但其實來來去去也只有幾個種類。小魚豆腐沙律自家製的豆腐充滿豆香，質感較平時在所謂的「日本餐廳」吃到的為佳，好特別。其次還有新鮮的沙律菜和昆布，灑滿碟子的小魚和芝麻加上秘製醬汁，是開胃健康的前菜。滑蛋吉烈豬扒飯熱騰騰的甘香豬扒，未吃已叫人唾涎三尺；蛋是非常的滑；厚切豬扒不負眾望，很有在日本用膳的感覺呢。豬扒雖然上乘，但未夠鬆軟，還是欣賞吉烈專門店的多點點。醬汁出色，十分「搶飯」！下次可試試單點吉烈豬扒，應該比配滑蛋更脆口。自家製燒汁漢堡扒單品上桌，鐵板好熱，很危險漢堡扒味道屬預期之內，口感不錯，但我覺得可以下多少少少調味。鐵皮太大了，使旁邊的配菜看起來很疏落、不豐富，而且雖然是蔬菜，但很油膩....鹽味雪糕標榜「no additives」，未知在哪裡入貨？不太吃到鹽味，反而只有牛奶／vanilla味，有點失望。不過只是十元，幾抵吃。店員不很親切但尚算勤快，可以接受啦。埋單每人一百，飽飽的落樓，是本區又一個日式選擇。下次