大戶屋 (已結業)

一行3人黎到大戶屋....7點多竟然要等17張檯.....不過傾下計..時間都過得好快......安排o左我地坐一間房..都幾隱蔽.....不過好似無咩人理.....因為有d唔舒服....試唔到招牌吉列雞扒飯配盒子蕎麥麵....我好想食吉列雞扒rrr........最後叫o左醬燒雞扒飯配盒子烏冬.......醬燒雞扒:雞扒比較乾身....唔會好多汁.......味道不錯......烏冬:好彈牙......好爽........木魚汁夠凍....讚......朋友叫o左個抺茶甜品...好似好好味呢......為免咳死..都係忍一忍好doverall....唔錯......同好朋友食野真係會特別開胃

8-9-2009是日「罰留堂」,「逃離」西半山時間剛好撞正朋友收工, 又即興食個 dinner. SML 太 "out bud", 結果嚟了我最喜愛的日本店之一 -- Shama Apartments 大戶屋 Weekday 8:45pm 仍然要等位, 坐低後立即一人叫一份定食.朋友食吉列雞扒飯 + 盒子喬麥麵 ($72): 喬麥麵如常彈牙, 麵汁夠味配套亦夠; 吉列雞扒炸得酥脆, 但比之前食到的 (http://www.openrice.com/restaurant/commentdetail.htm?commentid=1973971) 油膩得多, 雞肉又無咁滑, 退步唔少喎! 我食「燒花魚定食」($80), 白飯轉為「小魚飯」(加 $10), 跟前菜及味噌湯:喜歡前菜呢款海草, 黑色一條條勁似茶葉 xD, 粉得來帶點咬口, 味道好清, 幾好的開始.「小魚飯」的「小魚」係白飯魚? 食落煙韌, 不過無味道的; 珍珠米粒粒濕潤飽滿, 米香就一般.燒花魚就有少少失望 -- 幾欣賞魚肉夠嫩滑又有點肉汁 (!), 但實在濕得滯, 味道亦較淡, 我都係鍾意乾身一點又鹹香一點的燒魚;

今日同斑同事黎呢度食lunch, 當中有個同事之前黎過, 極力推介距地個吉列豬扒飯, 但我想食距個烏冬咼, 而豬扒飯又唔可以轉烏冬, 所以只可以揀吉列雞扒并烏冬.一黎到個賣相都唔錯, 食落每件雞扒都好鬆趣, 但雞扒就一D味都無喇, 咁唯將視線轉移落我心愛嘅烏冬啦 ~ 將烏冬浸落D汁到, 一食....好韌啊 !! 唔係彈牙奇感覺, 係韌要用好多力水去嚼啊, 好似食條粗橡根咁, D汁又無味咼, 太差喇 ~ 可以話好味嘅係距地D椰菜囉 ~ 呢間D質素同世貿嗰間真係爭好遠, 唔怪得距地D價錢會平世貿嗰間咁多啦 ! 另外, 呢間D員工嘅服務真係好麻麻, 無笑容都算喇落餐仲粗粗魯魯咁, 好似爭距錢咁 ! 唔會返黎架喇 !

九月八日(星期二)同老公做完gym後,決定要到大戶屋吃晚餐!我們愛上了它的白飯和烏冬!一定要出發前一到大戶屋呢!今次要等位了,不過很快就有位!我想也不想,要了炸雞扒飯拚凍烏冬!老公要了雞扒蘿蔔蓉窩白飯,加了薯仔沙律!今次的薯仔沙律上面加了黑椒,多了紅蘿蔔絲,反而不太好吃!炸雞扒飯,雞扒是新鮮炸的,很香脆,但是又不覺得太油呢!下面的白飯炷得比較稔,如果硬點飯味會更香!而且大戶屋的飯,吞下去後,陣陣飯香仍然留在口內!烏冬,是次比較少了!好似少了三分一,可能做得不夠吧!但是質素依然的高,彈牙!雞扒蘿蔔蓉窩白飯,特別的!味道也不錯,可以一試,當然不夠烏冬那個配合好呢!我們去完旅行回來再吃過吧!

同阿媽去睇醫生之後，同佢去試新舖既日本菜。服務都算ｏｋ，有個女仔笑容同態度都好好，叫左帶子蒸飯配雞肉豆腐羹，另一個就係招牌定食。帆立貝同飯既比例爭左少少，不過都幾好食，配赤麵豉都唔錯；雞肉應該用檸檬醃過，有一份清新感，豆腐好滑，個湯幾鮮味。至於個招牌定食真係好大份......最後叫左個蕨餅X雪糕,姓豆好綿,蕨餅(係我至愛既笑來美餅)同黑糖都ok夾......結果飽到連晚餐都唔駛食......

一向在香港的日本菜也是很"港式"的，要去到正宗日本菜可能每道菜要數百元那種級數。今次第一次試大戶屋，令我感覺回到日本，無論它的食物，裝修也很好，唯一服務員有點對店子的貨物認識不深，不過態度也是很好的。原先想叫招牌菜"黑醋雞肉野菜定食"，不過當晚的雞賣完了，問過轉了的豬也是來自日本的，便轉了豬肉野菜定食。定食的主菜是"豬肉，菇，蛋，青瓜，泡菜，蕃茄，蔥絲 + 日本醬油" 的混合，這個配搭很好，用醬油來送飯我們不停讚好。另叫了大麥野菜蒸飯定食，這有一個雜菜煲，裡面有豆腐，不同種類的菜，湯，加上麥米飯，都是用湯來送飯，又是很美味很美味。最後要了綠茶小丸子雪糕，這個綠茶做成的糕點很有綠茶味，吃過很回味。濃濃的綠茶味在口中也不退。這是很地道的日本菜，在香港來說這個價錢算不錯了。

媽咪今日專誠出CWB辦事, 我收工之後就去CWB匯合媽咪一齊去食飯喇。因為媽咪好少出街食飯, 所以想帶佢食D佢未食過既野喇。之前甜心B泡帶左我來"大戶屋"食冷烏冬, 所以今次我就帶媽咪來食喇。 迷你藍鯨吞拿魚飯配冷烏冬 $70 (我既) - 冷烏冬好味, 好彈牙, 冷麵汁加入蔥和薑蓉, 令到冷麵汁好好味。唯一唔好既係....藍鯨吞拿魚飯只有2片吞拿魚, 而且D飯係熱(好熱), 令我有少少懷疑......乜魚生飯的飯唔應該係凍飯咩~???? 黑醋炸雞定食 $65 (媽咪既) - 雖然個餐都等左幾耐, 但好在無令我失望, 黑醋既味好特別, 但又帶出左蔬菜和炸雞既味道, 甜甜酸酸, 炸雞有5件, 有薯仔條, 紅蘿蔔條, 荷蘭豆做配菜, 有麵豉湯, 白飯, 醃青瓜, 仲有....本菇現菠菜添。嘩...呢個餐$65真係好抵食。媽咪話黑醋炸雞好好味, 而且定食所配的蔬菜係超多, 岩哂佢口味, 但係....5件炸雞佢食2件, 其餘3件要叫我食囉....(我飽到上胃頂呀....)

琴日去左銅鑼灣一轉去買鞋,同friend行到肚仔餓去搵野食,用Nanonavi search 銅鑼灣times附近有乜野食,結果揀左呢間唔係好覺眼的(其實係幾覺眼只係平時冇留意)等位等左好耐終於有得食,坐0係自閉位,order左個冷烏冬+炸雞扒飯朋友就order左個黑醋雞肉定食冷烏冬:端上來的鳥冬真係好古怪,用一個好大的木盤裝住,d鳥冬好似一條條白色虫咁pat上去,我唔buy不過其實d烏冬係好好食,因為真係好彈牙個烏冬汁都幾好,落埋蔥同蘿蔔蓉,幾好食炸雞扒飯:其實係幾好食個炸粉,但係真係太油太油太油太油啦!!!我建議將個炸雞扒隔一隔油先擺上個飯上面,因為而家個飯吸晒d炸油,真係食完都想嘔黑醋雞肉定食朋友識叫野食,呢個黑醋雞肉定食真係整得幾好食因為個黑醋味夠香同夠濃突出左d野菜清新的味道總結係: 究竟係我唔識叫定係呢度d野水準唔平均呢?PS Service好差好差好差.因為佢果一句"下次你想加位早d講囉!"

數星期前，到大戶屋銅鑼灣分店吃滑蛋炸豬扒飯定食今次再度光顧，可算是慕其味而來今次我們叫了一份炸豬扒配喬麥麵、一客滑蛋炸豬扒飯定食先說炸豬扒配喬麥麵，炸豬扒依然是香脆鬆軟；既炸得十分香口，亦保留到豬扒的鮮味，以至其口感鬆軟大戶屋作為炸豬扒的專門店，確是名不虛傳，保持水準喬麥麵則爽滑彈牙，唯一不足便是以盒子上的喬麥麵份量不太夠呢再說滑蛋炸豬扒飯定食，滑蛋炸豬扒煲、白飯分開上炸豬扒浸在滑蛋汁內，炸豬扒皮毫不感到淋，保持口感 炸豬扒經酥炸後，肉質尚算鮮嫩爽口，實屬難得，亦見其酥炸的功架 其香脆可口的程度，也不比獨立用碗上的炸豬扒差，相當唔錯！一碗白飯份量唔算多，但白飯用日本米煮，比香港人吃慣的泰國米更好吃再加上用滑蛋汁淘飯，令人食欲大振跟上次一樣，一吃便吃了四大碗白飯呢！埋單計數，還只是約$180，算抵食啦！

同friend gathering，即興來到呢家食炸物一上到樓，被長長o既人龍嚇親，已經成九點，原先估已經過o左最多人o既時間，原來唔係......只係等都要半個鐘settle down，開始叫野食頭盤:喬麥麵被佢個長長的木盒吸引住，麵質唔錯，幾彈牙，配有一種特製醬醋+少少wasabi，食落口幾香幾醒胃...食o既時候最好先點醬然後將麵條卷埋先放入口吉列雞排: 大大件，一上(木台)已經被佢金黃色o既脆漿吸引住點o左少少酸甜醬(有少少甜梅湯味)，成個人精神一賑，件雞炸得好鬆好軟，肉汁鮮，雞肉滑，完全唔會有「鞋」口o既感覺鹿兒島炸生蠔先點上旁邊的黃介辣，先被佢o既味刺激一下味雷，再慢慢品嘗生蠔肉介辣將生蠔o既鮮味發揮得好完美，再點一點之前的辣甜醬，成個人o既食慾都大d招牌定食...唔知食緊咩，好似只係唔同o既野食炒埋一碟件豬扖唔係太得...起碼只係得個脆字隻雞蛋蛋王o既顏色唔知點解會係橙色，雖然味道無咩特別同埋個薯餅亦無咩特色，一開始仲以為入面會有咩特別食材，有少少失望完全唔可以叫走所謂「招牌」其他食物:個飯係用日本珍珠米，煮得剛剛好，用水分量適中，一夾起唔會一pat pat，粒粒圓loo

09年8月7日 星期五第一次來大戶屋食lunch, 一入來發覺好熱鬧, 好似日式大食堂咁, 而且坐在我隔離枱的是2個日本妹, 心想這兒的食物水準一定不錯吧. 看見餐牌上 "香港人氣no.1" 的吉列雞扒飯配盒子蕎麥麵賣相討好, 於是點了一客. 吉列雞扒飯配盒子蕎麥麵 ($72)蕎麥麵用木盒子裝著, 冷冷的蕎麥麵麵質彈牙, 很好吃. 吉列雞扒不會油淋淋, 表面倒很乾爽, 吉列炸得脆脆的, 不會食到成口油, 炸粉也不算過厚雞肉雖然醃得不太入味, 但肉質尚算軟腍卻有口感, 沒有硬巴巴的感覺, 炸粉跟雞扒的比例也很好, 同時吃到吉列的脆口及雞肉的軟腍, 非常不錯. 雞扒的份量超大, 我只吃了7成的雞扒份量. 白飯也不錯, 是日本珍珠米, 軟硬適中, 熱騰騰的日本米吃落夠煙韌, 飯的份量也是相當多. 這個套餐相當不錯, 不論蕎麥麵, 吉列雞扒及白飯也有相當高的水準, 值得推介給喜歡吉列的朋友.

久違既飯局，去左我一路都好期待既大戶屋。對佢既店名巳經早有略聞，朋友話佢拍得住日本既主店所以當然要試下啦: )星期5 , 7點幾去到好多人，等到個幾鐘到就入席。同朋友比較中意吧檯, 因為感覺比較舒服同埋傾計好似舒服D環境唔錯 ~ 保留日本一般格局 ...因為睇去之前睇OR話呢到既雞係比較出色， 所以唔理喉嚨痛都要試一試：D-小魚豆腐沙律照例一餐點都要有一碟沙新既菜食下，嘿果然日本既豆腐真係好有豆味!! (味道同博多屋既好似‥)加埋D汁酸酸地好開胃。- 吉列雞扒飯配蕎麥麵首先上左個吉列雞扒飯 , 之後先上SOBA我失策食左SOBA先，搞到吉列雞凍哂 ...SOBA比我想像中失色左小小 , 硬左小小, 但仍然有麥香當然欣賞佢既木魚汁啦 , 加埋小小蔥同WASABI就更加香甜。(當然, 唔可以同日本既比啦 .. )好啦, 到個雞扒飯 ... 因為放得比較耐既關係, 巳經唔脆（我既錯...)但係雞扒炸得好出色 , 呢樣值得一讚! 但D珍珠米煮得過腍啦，無左食珍珠米果種口感，有小小失望唯有係咁食D 椰菜絲, HAHA 另外雞扒有個汁配上既, 個汁我覺得偏甜, 落小小其實巳經Okay.-帶子籠仔飯

據傳, 此店於日本是連鎖式炸物餐廳, 當地級數只屬廉價至一般. 吃一個連加一 $90多元的炸豬柳定食, 又是會怎樣呢 ? 烈日當空下, 我們找到這間Time Square 對面的大戶屋. 一腳踏進去入, 無論裝修及氣氛都有一絲絲日本味道, 在場約三份一為日本人,及幾枱一家四口本地客. 打開餐牌, 選擇不算很多. 但亦有吞拿魚生飯. 餐牌上寫着 - 日式炸豬柳扒定食. 這個豬柳扒三個字, 豬柳就是豬柳, 豬扒就是豬扒. 什麼叫豬柳扒 ? 我當然亦要試一試其真偽. 10分鐘後, 豬扒上場, 當然不是豬柳了. 一口咬下, OK - 合格. 炸功OK, 不見得特別油膩, 但炸粉/麵包糠稍為粗了半分. 肥瘦中略見分明, 肉質亦見層次. 不是大X樂或大X活的風乾式的豬扒.配椰菜絲的汁, 勉強入口而已, detail 位扣分. 味噌湯味道可以, 鹹得來很好喝(味之素?), 亦有洋蔥肉碎做湯料. 雖然以 $98/per set, 個人來說合格有餘. 我會再來.

八月十二日(星期三)同老公做完gym後,本想去吃瑞士雞奕,但是原來該店已經在8時休息了!唯有到處找晚餐吧!最後到了羅素街,就到大戶屋看看,應該會多人的!不過已經大約九時了!試試吧!上到去,見到沒有人等位!真好!看了menu都是點了我們喜歡吃的凍烏冬吧!那麼就要一個炸雞扒,一個醬燒雞扒吧!老公和我見到薯仔沙律!就叫這個做小食!等了一會,薯仔沙律送上!很美味呢!薯仔不漏,加上了些紅蘿絲!雖然份量不少,但是我們很快就把它消滅了!過了一會,炸雞扒飯與醬燒雞扒飯都送到了!由於本人吃飯不愛點醬,所以要了炸雞扒那碗,而醬燒飯的份量又比較少!所以加了一碗白飯(是免費加的)珍珠米好味!而炸雞扒又不太油!醬燒又惹味!一流呀!最後主角才到!烏冬!點了烏冬汁吃!很有口感!又彈牙!!推介!雖然吃得很飽(我吃了兩碗白飯和3/4盤烏冬),但是很滿足呢!

從上網得知銅記有exhibition，機會難逢，也是時候看看有甚麼東西可以添置，於是電聯太座，商議放棄了晚上在家弄餐的idea....好在不是白走一趟買完所需用品後，是時候解決口腹之慾。對Times Square內食通天的食肆全無興趣。從廣場走出來，抬頭望見羅素街對面，除了有很熟知的韓菜館伽倻及日式連鎖店魚一丁的招牌外，還看見大戶屋的名字，才想起這小店在人流數一數二的地方開了分舖。不及細想，就偕太太上來吃吃...坐在二人卡座，感覺是有些迫夾，但在客多的情況底下，不用等便有位坐，已是很幸運了。不斷的在翻看menu，最後還是點食了上次在總店吃過的吉列雞扒飯配冷烏冬定食。太座被小弟捷足先登，唯有以一份滑蛋豬扒鍋定吃來代替...飢火大旺，當烏冬先端來時，已忍不住拿起雙筷吃了一半。烏冬仍是依舊帶韌勁，咬口度十足。將之浸在微甜的湯汁內，再加上少許葱粒及薑蓉進湯再撈勻，烏冬滑入喉嚨內，實在是透心涼....記得上次在鰂魚涌店吃到的吉列雞扒飯是蠻有水準的。相反這兒的就不太行了 --- 外層脆漿很厚而且極油，吃得人口膩膩；內層的雞扒完全沒有味道可幸質地不算太嚡太韌，不然就不用吃了；飯粒不是用純用日本米，黏