大圍小館

营业中

休息中

工人放假, 夜晚出街食, 去開大圍都知喺積福街li間掛滿紅燈籠嘅中菜館, 入到去空間感非常好, 每張枱之間以大塊透明膠隔住, 既做到”抗疫”效果亦唔影響觀感, 餐具好乾淨梳化櫈舒服,🥢一坐低會serve茶&水各一壺, 我地飲”菊花”, 經理仲拎左大圍小館自家製嘅琥珀合桃, 甜甜地好好味, 仲有話梅苦瓜, 老公話兩樣一齊食唔覺苦仲好清爽開胃添. (茶水HKD20@)🥢第一次黎就遇到li位nice又健談嘅女經理👍🏻, 我地4個人無咩idea食咩, 佢推介左幾款店家嘅名物俾我地.🥢京葱爆牛仔肉 (HKD138)牛肉一食就知係靚貨, 睇下牛仔肉嘅紋路鎖住好味嘅汁料, 加上勁多爆香斜切嘅京葱, 肉質新鮮無得彈👍🏻, 一人一碗飯連京葱都清埋😛.🥢柚子胡椒鮮魷 (HKD138)menu有四種styles揀(金沙,蝦醬,椒鹽). 椒鹽鮮魷食得多, 加入柚子鹽嘅鮮魷仲要咁好食就第一次, 炸粉漿超鬆脆, 白雪雪嘅魷魚新鮮口感軟腍, 係坊間炸鮮魷嘅高level版, 加上柚子鹽味道更加清新, 碟醬都無掂過已經夠哂好食.🥢沙薑鮮雞•半隻 (HKD228) 經理特別推介本地農場飼養嘅無激素雞, 食過真係唔想再食坐

知道係大圍依間小菜館好高人氣, 就早幾日BOOK定位同埋屋企人黎食下飯。離遠都可以留意到餐廳門口串串既紅燈籠, 既搶眼又增添幾分味道, 古色古香。入到餐廳, 裝潢以白色為主調, 一張張圓枱擺放得不疏不迫, 感覺座位開揚, 特別之處係因應而家疫情下, 餐廳用左厚厚既軟身膠由天花垂放到地, 令到枱與枱之間分隔得更好更有空間, 簡直就係透明既半包廂, 我地都感到更安全同舒適。先來茶同前菜, 依度既前菜有別於一般中菜既花生, 木耳, 而係鬆化既既合桃, 特別之餘有益又好味。怪味蝦球伴西蘭花 $168好奇怪味究竟係咩味, 問左店員話係柚子同黑胡椒既配搭, 叫左黎試下, 賣相幾靚, 中間係滿滿既蝦球, 蝦球非常之大隻亦好彈牙, 柚子同黑胡椒既味道比想像中更加夾, 可以分明咁食到柚子既酸酸甜甜同黑胡椒既微微辛辣, 但卻又非常融合。柚蜜咸檸骨 $138哩個醬汁比較杰身, 包覆哂整條排骨, 酸酸甜甜食極宦唔會覺得膩, 排骨既肉軟腍, 煮得剛好唔會痴骨。伴水芹香 $118依碟伴水芹香有幾種蔬菜, 包括鮮准山, 蓮藕, 蒿荀同雲耳等, 全部都係我中意, 特別係鮮准山同蓮藕片, 口感十分爽脆! 而依道菜重點既

早幾日陪媽咪做完重要野， 知道媽咪心情麻麻地，決定帶佢食d好野等佢有好心情。帶媽咪來到大圍小館真係岩哂，因為媽咪平時煮小菜已經好出色，帶佢來食下，等佢食到好味道返屋企可以煮返出來比我地食幾正。今次我叫左幾樣呢到好出名的菜式比媽咪食， 第一叉， 呢個叉燒來到媽咪仲細細聲問我 ，切到咁大舊會唔會好硬架， 我就同媽咪講，你咬一口咪知囉， 媽咪一咬就話，好淋喎，燒得岩岩好。酥炸美國桶蠔， 即炸的桶蠔真係冇得輸，大大隻，粉醬薄，一口咬落去感覺超正。黑松露滑蛋炒蝦球， 大大隻蝦球夠哂爽，黑松露嘅香味超吸引，配上滑蛋，不其言會追住食。蘿蔔糕炒蟹， 呢一味係出面真係未食過，原來用蘿蔔糕來配炒蟹可以吸哂蟹的膏和精髓的，每一啖都好香。啫啫唐生菜煲， 夠哂正，因為佢燒到個煲超熱，落d醬汁，再係我地面前快炒。食到咁上下，侍應仲送湯水比我地，真係好服務又有禮貌。 媽咪已經講話父親節不如來呢到食了。

遲黎的母親節慶祝，我哋約咗喺大圍小館度食好彩一早book定位，晚市勁多人，餐廳防疫意識好高，要做嘅嘢都做足，枱與枱之間都有大型膠片隔住👍🏻門口有好多中國特色嘅大紅燈籠，非常搶眼坐低之後，店員送上兩款小食琥珀合桃：聽店員講係餐廳獨家秘製，合桃外層有麥芽糖，甜而不膩，非常開胃麻辣木耳：凍食，辣度剛好，好味道！柚子胡椒鮮魷：呢個10分推介，鮮魷新鮮彈牙十足, 配上柚子鹽，完美無瑕第一叉：其實即係叉燒，但一上枱就知道佢點解叫自己做第一叉，每塊叉燒都係超厚切嘅，叉燒側邊仲有微微嘅燶邊，肉質軟硬適中炸瑤柱絲蛋白炒飯：呢個炒飯會跟一個湯上嘅，店員話可以有兩種嘅食法，一種就係就咁食，你會食到炸過既瑤柱絲，好香口嘅口感；另一種食法可以係浸少少湯，湯飯嘅食法，別有一番風味黑松露滑蛋炒蝦球：黑松露鋪滿咗係蛋嘅上面，蝦球好爽脆，三種食材配合得好好最後仲有甜品同糖水食，飽飽呢👍🏻不得不提，店員有禮貌又好服務，我哋一家都食得好滿足，多謝住係大圍既朋友介紹

呢間中菜過一直都想試，今晚終於有機會啦。最近疫情緩和左，今晚訂咗7:15，去到見到生意好好，所以最好都係訂位！枱同枱之間都闊，同埋有好大塊嘅膠片隔開，所以感覺都良好🙂一去到就上前菜—話梅味苦瓜，唔記得影相但係好好味份量都幾多！茶我就叫咗杭菊，因為見到餐廳嘅社交平台有推介！🍵今晚得兩個人所以唔可以食太多野，我哋分別叫咗叉燒，西蘭花腐乳蝦，同埋鵝腸！叉燒分量非常多，我哋兩個人食咗一半，打包一半走，叉燒肥瘦合適，大大件，食得好滿足西蘭花腐乳蝦蝦爽口大隻，味道好惹味！西蘭花又唔會太油！唔錯鵝腸比其他餐廳嘅鵝腸粗大，分量尚可，不過價錢有少少貴最尾仲送咗咋喳❤️畫上完美句號

母親節與母親慶祝， 當然要揀間 用心烹調 的菜館， 好好慰勞母親的付出。 今次就揀咗位於大圍的大圍小館，單是餐廳其名「大饞涎滴嘗於圍 小酌怡情醉此館」已經知道其對食材的尊重，再嚐其出品，更加知大廚情濃於香港，皆因細致到豉油的選擇，也用上本地出產的，支持本土醬園可永續發展。前菜 話梅涼瓜 涼瓜肥大肉厚，涼瓜的甘苦被話梅汁的酸甜味掩蓋了，酸甜開胃。 琥珀合桃 香脆合桃仁塗上一層清甜麥芽糖漿及灑上芝麻，咬落香脆金銀蛋覓菜 莧菜菜身軟滑而菜味濃， 沒有平常的苦澀味 ，入口甘香， 鹹蛋可以提鮮 ，吃起來濕濕潤潤好下飯， 整道菜消暑清甜 ，晒後更把湯喝得一乾二淨。豉油皇鵝腸脆脆的鵝腸 的確讓人 忘不掉了， 店家慎選冰鮮鵝腸， 以上好的醬油爆炒， 色澤柔亮， 配以新鮮爽甜的芽菜， 甘香爽脆的確讓人不停的夾著吃。香濃腐乳玻璃蝦球， 除了慎選本地豉油廠外 ，廚師亦特別選擇廖孖記 腐乳作菜 ， 廖孖記腐乳，用料講究，不添加味精或防腐劑，味道鹹香得來帶點鮮甜， 配搭實淨青綠的西蘭花，鮮甜爽滑的大 蝦球 ，蝦的鮮味更上一層樓。大孖豉油雞先講隻鮮雞 ， 菜館每日搵人去元朗買農場雞 ，無激素 ， 選材已經讓人食

今晚又例行同沈大師，每月的行政晚飯，近來個市咁樣，大家都要諗D計，找一些出路。今日揀咗大圍小館，呢間野幾好我鍾意，門口有熟客泊車揸車好方便。例行炒幾個小炒，大魚大肉多，平日應該食清淡D。叫咗嗰個酥炸椒鹽九肚魚，幾好食。芥蘭炒雙魷，仲有個鵝腸小炒。小炒都算有鑊氣！叫咗個砂鍋炒青菜，侍應上枱順便炒幾下，有服務。糖水都非常唔錯，唔係太甜，糕點啱啱好。經過都會再幫襯，價錢都算大眾化！行過可以試吓都唔錯！😋😋

之前聽過大圍有間中菜味道很不錯 今晚終於有機會去食😋 舖頭門口掛滿一盞盞紅色燈籠 幾有特色 店內枱與枱之間都落左膠簾 咁非常時期都食得放心👍🏻坐低點完茶 店員會送上兩碟特色前菜 分別係話梅苦瓜同麻辣木耳 本來我就唔太鍾意食苦瓜 但係呢碟苦瓜真係好有驚喜 每片都充滿住話梅既香甜味 苦瓜唔苦 帶少少回甘味 高質😋 麻辣木耳好爽脆 唔太辣 好開胃😚喺店員推介之下 我哋試咗出邊好少食得到嘅豉油王鮮鵝腸😍 外面通常食到嘅都係鴨腸 呢到既鮮鵝腸真係好好食 每條都大大條 好肥美爽口🤤 豉油皇夠獲氣又夠味 配上少少蔥同芽菜一流👅 另外我哋仲試左黑松露滑蛋炒蝦球 柚子胡椒鮮魷同啫啫唐生菜煲😆 黑松露滑蛋炒蝦球一上菜已經聞到超級香黑松露味道 蝦球超大隻 而且好多 食落爽口彈牙好新鮮 黑松露滑蛋香滑無比 岩哂送飯🤤 柚子胡椒鮮魷炸漿好薄 食落香脆 鮮魷夠新鮮 加上柚子整體感覺無咁膩更清新👍🏻 啫啫唐生菜煲稱得上係玻璃生菜 火候啱啱好 帶有蝦醬嘅味道 非常惹味😋食飽飽當然唔少得甜品啦 附送既甜品一樣十分高質素一d都唔馬虎😍 分別係桂花糕 紫米糕同桃膠紅棗糖水🤤 糕點清香又唔太甜 糖水足料滋潤又養顏 女仕至

今次黎到大圍既大圍小館食晚餐係一間中菜館好近地鐵站，門口仲有好多燈籠吊住，吸引又好有氣氛入到門口都感覺到十分乾淨企理，枱同枱之間都唔逼，feel到係著重客人用餐質素同體驗既餐廳由於疫情關係，枱同枱之間仲有由天花板吊到落腳既長膠幕隔住，非常有心機，比到我地對餐廳衞生既信心餐前小食有合桃同麻辣雲耳，我個人唔食合桃但係雲耳就比我清哂，辣辣地好開胃 ☺️我地兩個人嗌左四個餸:大孖豉油雞半隻 - 超好味! 雞肉超級嫩口，經理話係無激素既雞，食落同平時既豉油雞的確有所不同，豉油都好有香味，絕對係我食過最好食既豉油雞 😍腐乳炒蝦球配西蘭花 - 有新意既配搭! 第一次試腐乳夾西蘭花，味道夠特別又新鮮，蝦球大大粒，同腐乳同西蘭花當然都夾，有驚喜 😄心多多大魚塊 - 呢個係我覺得最好食既菜式! ❤️ 粟米斑塊同甜酸魚塊大家應該都食過。呢味餸係大大塊既魚塊，然係粟米味同甜酸汁另上，比大家自己選擇，very good idea! 平時普通大排檔茶餐廳就咁淋哂所有野上啲魚度，明明汁多過魚反客為主但大家好似習以為常咁當撈飯，今次試呢味菜先令我醒覺原來應該好好細味返魚塊既滋味 🤗 兩個汁(粟米/甜酸) 都好好味，我就梅

因為落雨誤打誤撞入咗呢間餐廳食，睇門面都似係食中式嘢，入到去主要想食點心為主，其實樣樣野都好高質，當然價錢都會偏高質，最特別係有個菜脯腸粉，腸粉上面有啲脆脆嘅粒子融合埋菜脯食落去脆得來又有少少腸粉嘅滑，正 同埋坊間暫時未食過咁樣搭配嘅腸粉

大圍好多好野食，但通常店舖都比較細相對黎講無坐得咁舒服。今次想舒服啲坐低慢慢傾下計，所以就揀左食中菜館！一睇menu都眼花撩亂，因為好多選擇而且菜式都好特別同出面嘅酒樓幾唔同！依個蒜香無骨魚（$168）好驚喜，無諗到係成條炸，外面酥脆魚肉就勁滑，調味做得岩岩好而且好平均，熱辣辣食真係好正。第一叉($188)，個名改得幾有意思哈哈！真係好好食，燒得好靚，個汁有少少甜咁，肉嘅肥瘦岩岩好，咬落好嫩滑！仲叫左個香濃腐乳炒蝦球伴西蘭花（$168），用腐乳炒蝦球好特別，之前都無試過！味道都幾夾，同調味岩岩好，腐乳味濃得黎又唔會搶左蝦個鮮味，正。最後仲叫咗個金沙南瓜（$128），依到用嘅係日本南瓜，所以個南瓜好甜。另外加左鹹蛋黃去炸，味道好豐富，又係外脆內軟。食哂仲有甜品送，連甜品質素都好高！依餐真係勁滿足，食到飽都唔捨得停手，有機會帶埋屋企人黎做節都好！

在疫情底下，多咗係屋企食，但係有時都想出街食下減下壓。家住大圍附近，聽朋友介紹底下，試試〈大圍小館〉。前菜好有特色，有話梅苦瓜，同木耳。苦瓜係用話梅醃製，苦中帶些甘甜，連我朋友唔係好食苦瓜都忍唔住食多幾啖。農舍貴妃雞待應姐姐介紹.他們的雞是用元朗農埸飼養的本地雞，100 天飼養不含激素，怪不得食落口感完全唔同，皮薄肉嫩，值得推介。．黑松露滑蛋炒蝦仁一上枱已經聞到黑松露的味道，香噴噴，令人垂涎，再配以幼滑的蛋身及剝殼的蝦球，每一啖都好有層次同口感，正蜑家駌鴦魷好特別嘅傳統菜式，用了乾濕兩種鮮魷，現在坊間少有此特式小炒。．好開心最後仲有甜品送，個人好喜歡每一餐都有甜品作為終結，覺得係完美嘅點綴，糖水滋潤而且紅豆糕又好食。整體來說這中菜館好有特色，侍應態度又好，可以看到他們的菜式係用心製作，下次一定會再大多幾個朋友嚟試吓。

今晚同屋企人出去食飯，見到呢間出面全部都係燈籠嘅餐廳，咁吸睛，就試吓先。門外做足消毒設施，同供應酒精噴手消毒，放心入去食嘢。前菜先來自家製小食：琥珀合桃同話梅涼瓜，平時食中菜通常都係酸蘿蔔或者蕎頭，今次係酸酸地嘅涼瓜，冇咗苦味，作為前菜好特別呢，合桃粒粒金黃香脆，勁似手信鋪買到嘅即製合桃呢。大孖豉油雞鋪頭用既係無激素農場雞，即無添加激素，化學添加劑及人造色素，仲要係本地100日雞，由雞蛋都飼養都是在香港農場完成，同埋用高級美國進口天然飼料，令雞肉更加美味，除咗隻雞，豉油雞醬也很講究，佢地用大孖本地醬油製作，真係啖啖本地風味。黑松露兩面黃幾有fusion 風格，炸脆咗嘅兩面王係傳統潮州菜，配上西式風味嘅黑松露雜菌汁，十分惹味。無骨魚唔係真係冇骨響入面，佢係原條九肚魚，用竹籤串起，此無骨並非真係幫你去左骨,而係炸脆左，連骨都可以食埋嘅九肚魚，要趁熱食啊。小炒王雖然係一個大雜燴，但係都用咗一啲特別嘅食材，例如半乾濕吊片，係未吹乾晒嘅時候就入袋，另外仲有韭菜，蝦乾，蓮藕，榨菜，紅蘿蔔絲等，不同口感匯聚於一餸，餸飯不錯。最後仲有花生眉豆紅棗髮菜糖水，係加了15年既陳皮煮成，有點八寶粥嘅感覺，用料

朋友介紹大圍小館嘅晚餐好食所以就特登搵晚同男朋友去試下喇地點非常方便 喺大圍站真係過條馬路轉個灣就到到大量嘅紅橙籠喺門口超級易認門口仲有得泊車添 不過就緊係手快有手慢無啦入去之前店員都有先幫筆者探熱 確保所有食客都係無病徵嘅入面裝修幾簡約幾舒服當晚因為疫情關係 人唔算多 店員亦都無為咗方便招呼而將大家坐喺附近每枱都隔得開開的✨前菜醃雲耳同埋梅子苦瓜對於唔食苦瓜嘅筆者嚟講 呢個真係一大挑戰因為有梅子嘅酸同香 的確係比一般苦瓜易入口嘅不過始終點都有苦瓜嘅苦澀味嘅😛✨豉油皇鵝腸 $158呢碟鵝腸真係超肥美店員拍晒心口話佢哋啲鵝腸真係新鮮鵝腸嚟的😆食落超爽口阿 不過重口味嘅筆者就覺得唔夠入咪嘅但鵝腸個質感係真係非常之好✨第一叉第一叉係呢到嘅招牌菜肥瘦均勻 肉質鮮嫩多汁 邊邊燒到焦焦香香再加埋個醬汁真係超好食嘅叉燒阿🤤🤤🤤叉燒迷真係唔好錯過✨啫啫唐生菜煲 $128上到枱店員會幫手撈勻啲汁嘅佢一路撈啲香味就走晒出嚟🤤類似係啲蝦醬咁嘅味啦 係一個超級惹味嘅菜嚟嘅✨蛋白薑米蒜香蟹飯 $258呢個掙扎咗好耐好唔好嗌因為怕兩個人會食唔晒 但又超吸引咁最後都係嗌咗😛事實上佢個份量都真係夠3/4個人食嘅不過因

大圍小館是近期比較仲意幫襯既小菜館，最仲意就係食個叉燒，不過食得多都會悶，今次就試下佢個豉油雞。大孖豉油雞半隻：這裏的雞標榜用了本地無激素兼養了百天的雞，本地貨又健康又有雞味，而且豉油都係用了本地靚貨，所以雞肉嫩滑有雞味，而且又有豉油香味，雞皮皮下脂肪亦都少，可以雞皮一齊食，旁邊的雞腎爽脆，雞潤嫩腍。心多多大魚塊：魚柳包著薄薄的粉漿，炸至金黃香脆，另外配上粟米汁及酸汁，各有特色，酸汁惹味。蛋白薑米蒜香蟹飯：蟹飯份量足4-6人分享，蟹肉新鮮雪白，飯粒香口。發菜花生眉豆糖水：細細個成日都會飲，但好耐無見過，就算中式糖水舖都唔會有，花生煲至腍，糖水甜度適中。紫米糕：有椰汁香味，夠腍又滑。