大公館

营业中

休息中

食材、烹煮很細緻及用心，環境配合中菜的味道，由入門口一刻開始，就感受到高級的質數，上菜時間恰到好處，食味由淡到濃，刻意的安排，整晚的亮點就是【服務】，此時此刻香港最需要的，在這裏完完全全才可以享受得到，五字的總結：盡慶的晚宴

荔枝角D2有好多好嘢食，今日嚟咗呢間食中餐。呢度嘅裝修有高級酒店中菜館嘅格局，簡單而簡潔，枱同枱之間有十足寬闊空間！前菜喺清香柚子凍鮑魚+話梅鐵棍准山+潤澤素燒鵝，presentation 靚到不得了，作為開胃菜，味道恰到好處。家鄉生拆魚茸羹用新鮮石班魚拆肉做，新鮮之餘仲令到個湯底味道十足。三色藜麥金沙蝦球，蝦大隻之外仲有就係肉質彈牙，相信只有材料夠新鮮先可以做到，另外值得一讚嘅係咸蛋王醬炒得均勻！招牌黑毛豬叉燒，材料用咗西班牙嘅黑毛豬，肉質鬆軟，肥瘦適中。脆米蒜香雞，皮、黃油、肉清楚分明，連鷄胸肉都嫩滑！鮮拆蟹粉扒時菜，蟹肉夠哂多。金瑤樱花蝦蛋白炒飯，飯粒粒粒分明。懷舊芝麻卷+蜂蜜黑糖糕，甜度啱啱好。

平時行開d2 place ,都听過大公館岀名食中菜，今次見阿媽生日，一於帶佢泥食中菜慶祝下！一入門面，已經覺得大公館比人高尚既氣氛，環境絕對比得起酒店級數。入面侍應個個都好有禮貌，服務好好，令人賓至如歸。我地點左佢個dinner set，餐牌設計好特別，好有心思！先有麻香萵荀，係冷盤配上花椒粒。之後重點有人參藥膳鮑魚，上菜好有排場，有哂仙氣，用泥影相打卡一流！一口鮑魚，一口藥膳湯，好正！之後有足料魚茸羹，配上脆脆好好味。天氣凍，梗係要食個羊腩煲暖下個胃，啲羊腩炆到好淋好入味，又有冬菇生菜，阿媽都讚不絕口。食左咁多肉，再有個芥蘭菜啫啫煲，好大穫氣，估唔到大公館中菜水準真係聞名不如見面！連中式甜品都好有驚喜，有黑糖糕同懷舊芝麻卷，芝麻卷有濃濃嘅芝麻香，出面酒樓絕對搵唔到咁正！雖然價錢係貴，但係志在食環境，服務同食物質素，一次半次享受下，呢個價錢絕對抵食！

今次搞搞新意思，幫慶祝佢新婚，就搵咗間特別的中餐館好好慶祝下。大公館響D2 Place 10樓，私隱度高。坐落就提供口罩套，枱與枱之間都有膠板相隔，防疫措施十分充足，坐得好闊落。經理幫我地挑選咗以下的菜式：麻香萵荀餐前開胃小菜，先用麻刺一刺激你的味蕾，萵荀切得非常精緻，突顯師傅的刀工同心機，麻而不辣，係驚喜的開始。人參藥膳鮑魚第二個驚喜，呢個鮑魚仙氣十足，好適合女士們補身加打卡，今次要相機食先啦，藥膳湯入面有鮑魚、人參、圓肉同杞子，經理仲提我地可以飲埋個湯，唔好浪費啲精華。家鄉生拆魚茸羹看起來好似很普通的羹，但食落就知用料十足，好以用咗好多條魚熬成，經理話師傅將魚肉切到一絲一絲，呢一度真係食師傅的工夫，仲有附上懷舊薄脆，增加羹的口感。三色藜麥金沙蝦球炒香咗的咸蛋香味直撲入鼻，蝦的SIZE 十分大，唔好睇佢一人得一隻，對於女士黎講已經夠﹐大蝦爽口彈牙﹐淡淡的咸蛋油香帶出蝦的鮮味﹐齒頰留香。松露野菌雞球煲仔飯煲仔飯香氣十足，野菌吸收哂松露的香氣，雞肉十分嫩滑，臘腸加強飯的香味，份量好大，兩個女仔真係食唔哂，四人就剛剛好。薑米酒炒芥蘭清淡的芥蘭中和返今餐濃烈的味道，可惜芥蘭帶少許苦味。食完以

得知大公館最近取消了會員制所以就決定帶家人前來品嚐大師級中菜內裡裝潢古式雅致，環境舒適。⭐️清香柚子凍鮑魚 （$148)一上枱，就被整個擺盤震懾到！！！有如置身仙境般的景象大家立即舉機～瘋狂打卡！除了賣相矜貴十足，味道同樣非常出色。鮑魚十分爽口，配合柚子的清新酸甜，兩者非常配合。（推介）⭐️龍井煙燻黃花魚 ($118)很喜歡這道菜在味道上的處理，沒有丁點腥味細嚼下還滲出清幽的茶香 及淡啖煙燻的香味～ 有驚喜連平時較少吃魚的我，也停不了口⭐️黃湯海味羹 ($138/位）高湯色澤金黃，賣相吸引細味品嘗下，濃縮了的雞湯精華鮮味十足而不膩素翅混入竹笙，整體口感很豐富，彷如真翅⭐️陳年砵酒焗美國生蠔 （$68/位）生蠔肥大飽滿，如手掌般厚肉外層粉漿厚薄適中且略帶酥脆，蠔肉質感炸後仍保持嫩口juicy！！陳年砵酒醬汁調較得很好，味帶酸甜剛好中和當中的油膩感，色香味俱全，十分出色⭐️大公館秘制稻草肉 ($78/位)味道非常濃郁，選料上乘的五花腩。肉質軟熟細嫩，入口即時溶化，齒頰留香，超有滿足感另外也特別欣賞旁邊伴著的杏脯。留在最後吃，剛好作一個中和，清新味蕾⭐️西班牙火腿琥珀米皇浸時蔬 ($158)配合晶瑩的桃

是夜見完客後，被邀約到附近D2 Place 一期的中菜餐廳<大公館>晚餐，友人一向對食有所要求，所以對今次的晚餐充滿期望。<大公館>本身的飲食集團乃是經營會所式的餐飲食府，餐廳的行政總廚系出名門，曾在米芝蓮星級食府任廚，亦曾獲多項大賽美食的獎項。如今在荔枝角開設的星級粵菜餐館，能夠以合理的價位來享受高質素的美食，實在令人期待。前菜:話梅鐵棍准山: 准山非常新鮮爽口，帶清新香草及話梅的酸甜味道，非常開胃。麻香萵荀: 萵荀入口爽滑，帶有麻香及香草味道，非常特別。龍井煙燻黃花魚: 魚肉上面鋪有金箔及魚子醬，入口帶有龍井及煙燻的微香。潤澤素燒鵝: 滑身的腐皮包裹住紅蘿蔔絲及蔬菜絲，帶來先滑後爽口的口感。家鄉生拆魚茸羹: 魚茸羹用上奶白色魚湯底嚟淆製而成，魚湯味道極為濃郁鮮甜，每一啖都吃到絲絲的魚肉及蔬菜絲，配上南乳香芝麻薄脆，感覺份外滋補養生。三色藜麥金沙蝦球:金沙蝦球賣相相當精緻，蝦肉不但飽滿，爽口彈牙，而且新鮮嘅蝦球肉外面，鋪滿濃濃嘅咸蛋黃鹹香醬汁。三色藜麥亦為蝦球帶來微脆口感，特別得來，味道亦充滿層次，非常好食。酥薑香妃走地雞:走地雞全部已經去骨，肉質肥厚

大公館之前取消左會員制梗係要book枱試下啦首先前菜已經好令我驚喜話梅鐵棍准山冇諗過准山可以咁樣一粒粒凍食非常爽口 而且以話梅配搭 酸甜開胃食中菜最鍾意試下佢個叉燒招牌黑毛豬叉燒非常惹味外皮燒得少少脆身 蜜汁香濃而唔會過甜叉燒肥瘦適中 肉質軟腍特色脆皮京都骨我估見到京都骨呢個名未必好多人會點 但佢係另一驚喜菜式有別於一般京都骨 粉漿同肉融為一體佢有啲似拔絲香蕉 外層一層脆皮包裹住入面嘅肉 明顯食到外脆內軟嘅口感豆漿杞子鮮黑腐竹浸時蔬呢道菜又係十分喜歡用豆漿浸時蔬 比起魚湯味道更濃但唔會搶去蔬菜嘅鮮味 而且好香滑黑松露和牛砂窩飯砂窩鎖住食材嘅味道 非常惹味而且份量十足總括黎講 食物水準好高環境服務就普通啦

上星期朋友請吃晚餐🤩問我想去那裡吃，記起他是大公館會員，所以就想去試下😚因兩人吃飯又想試多些，所以要求位上並廚師發板，不超過1000元一位😍😍今次有口福啦！頭盤：西班牙黑毛豬叉燒、麻香窩筍、琥珀豬手凍、黑魚子煙燻黃花魚四格拼盤最具特色📍黑魚子煙燻黃花魚，魚肉嫩口煙燻味沒有蓋過黑魚子的鮮👍🏻黃湯海味羹❤️高湯的味道及色澤，濃而不膩，素翅可假亂真👍因當中混合了很多砌得幼細的竹笙，所以入進口裹的感覺仿真很高。羊肚菌炒龍蝦球這個買相已十分開心，龍蝦肉釀羊肚菌，都考師傅的細心，因面積不太大，但吃起來少少爽口，味道平均沒被一方搶過👍🏻雖然看起肉不多，但🦞殼裹仍有很多膏吃，記住叫此款式時，要打開開看下😍蟹粉香煎糖心帶子❤️下面一層脆米加上，嫩滑香口的巨大帶子，再淋上勁濃的蟹粉連肉汁，滿足到難以形容，只是汁略為鹹了少少。蝦干魚湯浸豆苗蟲草花乳鴿沙窩飯❤️😍😍這款還未上餐牌，問我們會否想試，所以，我八掛問下有什麼特別之處，當中有果皮水，花雕酒，乳鴿肉，聽到都想試， 當打開砂鍋蓋時， 熱辣辣的飯滲出花雕香味，放進口裏有果皮味滲出，鴿肉粒亦有咬口，很多時我吃到飯時都會很飽，或者試一口要求打包，但今次破例吃了兩細碗

10.1假期冇乜嘢做，見食評不錯，就推薦家人去飲餐茶。 預早book枱訂位的過程都順利。但位置有些難找，在商場沒有指示， 要在隱秘的一角搭𨋢上去。都是一般的食物，比較特別的是清香柚子鮑魚，如仙境般的噴著煙上枱及黑䐁肉鹹水角，是小豬的造型。 但味道都是一般般，不太出色。 而且整個大廳，只有一位侍應 ， 根本應付不來！這次體驗，總體來說，環境ok, 食物質素有待改善 ，價錢略貴 ，服務不到位。 不如食評說的那麼好 ，有點言過其實，令人有些失望！

今日約左個舊朋友嚟荔枝角飲茶，大公館都開業已好幾年，一直未有機會試，今日終於可以一試！星期日黎飲茶會著數啲，因為會多左啲假日精選，平日係食唔到嘅😋😋鹹水角，賣相造型好可愛！炸得香脆可口，而且豬肉是用黑毛豬，味道不錯！帶子海皇腸粉，每舊腸粉都包住似出面食嘅「春風得意腸咁」用料十足，有不少帶子及蝦仁，非常飽肚！金魚餃，造型十分精緻！而且餡料甚多，蝦肉爽口彈牙！👍🏻👍🏻👍🏻芝麻卷唔係間間酒樓有得食，濃郁芝麻味而且甜到剛剛好！糯米包每個都脹卜卜，糯米飯粒粒分明，而且質地唔會太硬！總結：大公館環境很好，坐得十分舒適，而且點心精緻，味道亦唔錯，下次會再次光臨！

好期待今晚有叉燒食！！！最開心仲要係黑毛豬🤤用麥芽糖整甜度剛剛好，嗰邊少脆，肉質夠林，一人獨食唔分享都可以食晒全碟因為真係好好食！！！脆皮京都骨酸酸甜甜好鬆化！燕麥金沙，蝦蝦蝦，金黃色鹹蛋味重，好Juicy好彈牙食完個口仲有鹹蛋嘅香味！最最最最好食係呢個懷舊芝麻卷每一啖都有濃濃芝麻味，厚薄一致 #滿足視覺嗅覺享受#成餐飯令人欲罷不能-📍 大公館 (荔枝角)荔枝角長義街9號D2 Place 1期10樓A號舖

大家很久沒見，今晚飯聚顯得份外開心🥳，吃個飽😋，談過不亦樂乎🤝📯大公館有海鮮推廣，奄仔蟹系列有兩款，每隻$108，兩隻起；龍蝦系列有四款，每位$148，兩份起，但無論同枱者是多少位，都要吃同一款味道🔰花雕汁龍蝦🦞拌天使麵，色香味全，「色」-橙色的sauce和金漆紋的黑色碟，對比成美「香」-吃時有花雕淡淡的香，卻又不會搶去勾芡的味「味」-龍蝦仔肉質剛好，結實爽口，以天使麵相襯，新穎的夢幻組合，各人吃得津津有味，尤其是我，是龍蝦控和一直喜歡吃天使麵的，不需一刻時間，整碟吃光光了🤣🔰雞油海鹽焗奄仔蟹🦀，蟹身有一股像煙燻過的香味，頂角羔蟹，蟹膏濃香撲鼻，質感綿密細膩，真的回味無窮🔰清香柚子凍鮑魚🍞🐟$148，一如以往，柚子的清香，配襯有嚼口的鮑魚，仍是天衣無縫的搭配🔰那騰雲駕霧恍如仙境的景象，讓手機拍個不停🔰大公館秘製稻草肉🐖$78，即是東坡肉，吃後一致讚好，整磚肉甘香鬆化，尤其是肥肉入口即溶，配以一碗熱騰騰的白飯，一流！🔰三色藜麥金沙蝦球🍤$258，散發着香濃的鹹蛋味，碩大而爽口的蝦肉，被十分脆的鹹蛋黃外漿包裹着，外脆內爽，邪惡得來又好吃

大公館第二次黎，價錢略貴，但係食物質素、味道絕對不會失望。非常推介食叉燒、食咗咁多間叉燒質素，呢一間真係好好味，數一數二好味。另外，乾炒牛河牛肉非常有牛味，乾炒牛河又唔算好多油，但係有鑊氣。另外，亦非常推介小籠包，汁多，肉質亦鮮。非常推介

期眾期待飲茶😋經同事先知道大公館，仲要而家唔駛會員都入得去飲！✌🏻人一世物一世，點都要試！我提早一個星期訂位，今次好有細個阿爸阿媽星期日帶去飲茶興奮🥰既感覺！服務來講，好好，因為我臨時加左人（因為政府限制令放寬），我提早一個鐘打去，佢哋好好幫我安排到枱！我屋企人話呢度有以前酒樓服務水準，隨時搵到人，會主動加水💦💦細心問你甜品後上好唔好👍🏻佢哋個個都好好笑容食物：乳鴿：醃得好入味，咬落去唔會好油，肉好嫩，皮好脆，夠熱，唔點野好食👍🏻黑毛豬咸水角：🐷🐷外形又可愛🥰加上外皮脆入面軟滑，唔痴牙，連老人家都話好食箭豬叉燒包🦔呢個好有驚喜，底煎到好脆，但上面又鬆軟，餡分量剛好，咬落好分明！芝麻卷：我初初諗應該同出面無咩分別，點知係好大分別，食得出芝麻好磨得好幼滑，好香，好似食緊好滑凍豬腸粉咁，唔駛咬架自己滑落喉嚨😍😩諗住去試魚餃，點知話今期無雖然係比一般貴少少🤏，但我覺得性價比高，值得試下👍🏻

曾經是會員制的大公館只招待會員，而家不用入會都可以品嚐🌟星級美食，在疫情中亦不乏客人，午市都有八成入坐，茶位要三十多蚊一位，但個茶真係靚茶，係又香又濃🍵先來個頭盤，清香柚子凍鮑魚，估唔到柚子同個鮑魚超夾👍🏻鮑魚非常彈牙。雞湯小籠包湯汁多，肉質鮮美😋賣相精緻。黑毛豬咸水角，🐖豬仔㚈形非常得意，除了㚈形內涵點少得，用了黑毛豬肉，所以肉質滑嫩，而又炸得好香脆。XO醬煎糯米雞，煎到面頭脆脆裡面軟軟，餡料豐富😋所有點心都一流👍🏻👍🏻功夫桂花魚翅炒米粉，當然唔係真魚翅，不過個炒米粉好有功夫，唔可以太大火咪會炒燶，炒到色澤金黃，D米粉冇貼住一餅👍🏻配埋個炸瑤柱絕配。其他菜式有機會都會試吓