大公館

今日約左個舊朋友嚟荔枝角飲茶，大公館都開業已好幾年，一直未有機會試，今日終於可以一試！


星期日黎飲茶會著數啲，因為會多左啲假日精選，平日係食唔到嘅😋😋

鹹水角，賣相造型好可愛！炸得香脆可口，而且豬肉是用黑毛豬，味道不錯！

帶子海皇腸粉，每舊腸粉都包住似出面食嘅「春風得意腸咁」用料十足，有不少帶子及蝦仁，非常飽肚！

金魚餃，造型十分精緻！而且餡料甚多，蝦肉爽口彈牙！👍🏻👍🏻👍🏻

芝麻卷唔係間間酒樓有得食，濃郁芝麻味而且甜到剛剛好！

糯米包每個都脹卜卜，糯米飯粒粒分明，而且質地唔會太硬！

總結：大公館環境很好，坐得十分舒適，而且點心精緻，味道亦唔錯，下次會再次光臨！