大公館

营业中

休息中

今次去食佢地午市，實在係少咗好多人，加上有拆，都叫做抵食。開頭諗住食點心算，但又想試下其他野，炒咗碟粉，真心有驚喜。。 疫情底下，廚房都保持到食物質素，真係好重要。 咸水角皮薄，黑毛豬肉不肥不油，加上外表可愛，有小朋友既一定要叫啦。 新鮮炸同炸定既分別會影響口感，大公館就真係新鮮炸既，咸水角既口感即時出晒來。 小籠包就唔洗講啦，一定夠肉汁。鮑魚仔就因為無咗乾冰做裝飾，即時平平無奇，但味道依然新鮮。148蚊4粒都依然叫好叫座。 呢間野都係誠意推介，訂位先會比較好。

大公館最近取消會員制，立刻同家人黎試試！平日即日book位都有位！地點位於活化工廈既D2 Place內。叫左以下幾味小菜：清香柚子凍鮑魚 - 好清新招牌黑毛豬叉燒 - 好肥美藜麥黃金蝦 - 好大粒蝦，好邪惡豆腐杞子鮮黑腐竹浸時蔬 - 略嫌個芡汁太杰🤔蒜香脆米雞 - 個皮好脆，食哂d雞皮😈櫻花蝦蛋白炒飯 - 櫻花蝦係成個炒飯既靈魂，超香！懷舊芝麻卷 - 好煙韌人均消費大約 $300，雖然餐廳位於活化工廈內，但內裡既環境、服務、食物質素有水準😋👍🏻

D2 place 其實有好多野食，之後會遂一寫出來。今日講下係一期十樓既大公館。裝修係靚既，係荔枝角既酒樓來講一定係第一，野食都係。蝦多士其他食評好似無咩點講蝦多士。當你見到呢份蝦多士，就知道廚師係好有心機做野。平時蝦多士，只有蝦同多士，呢度加埋芝麻，香口好多，本身個蝦多士係炸既，炸得來無咩油，加埋 d 芝麻就更解油啦。乳鴿係香港可以食到乳鴿已經唔多，因為 food cost 貴，如果求求其其咁整，好多人寧願唔叫，無 demand更加無 supply。呢度乳鴿都係唔平，但係幾好食，皮脆，有少少汁。春風得意我覺得個春分得意幾好食，裡面係鯪魚肉，外面係脆皮同腸粉皮。我成日都搞唔清楚點樣可以整到 d 皮脆同個涵又熟，有口感之餘，唔會覺得好齋。叉燒聽講呢度叉燒係好出名，但係我覺得有 d 名過其實。個人口味，叉燒唔鍾意太太肥。佢俾呢舊就真係太太肥了，同埋蜜汁一齊，就覺得「漏漏地」。豬仔鹹水角見到個樣，真係可愛，可惜我太飽，無食到。個懷舊黑芝麻卷好好食，不過唔記得影相。其他都係 standard 好野，唔洗多講。

應該是深水埗區格調最高的中菜廳, 大公館也是在那裡少數行會員制的餐廳, 但在武漢肺炎的關係下, 最近也取消了會員制, 至少訂位更方便, 而且晚市a la carte菜式有八五折, 以主廚陳偉庭師傅的資歷而言, 算是相當超值. 來到這裏, 必點的是黑毛豬叉燒和桂花炒素翅, 前者肥瘦均勻, 脂肪夾左兩層肉中間, 油脂豐盈而焦香味夠, 再加上甜度適中的蜜汁, 雖說二百多元例牌接近五星酒店中菜廳的價格, 但味道和口感的出色, 還是令人覺得物有所值. 後者用料簡單, 蛋炒嘅火候要控制得很好, 才不會出現雞蛋過老, 但其他食材炒不熟的樣子, 而且炒出來沒有多餘的油份, 相當乾爽, 再配上乾瑤柱絲, 更提升了它的口感.脆皮安格斯雪花牛是脆皮牛腩的Hi-End版. 除了牛肉脂肉分布平均, 雪花清晰可見外, 炸的時間控制得相當不錯, 外層的脆漿炸得香脆, 夠薄之餘也能平均包在牛肉身上, 安格斯牛內裏微熟, 肉汁豐盈之餘, 內裡的口感也不會死實. 以Cream Cheese作醬料以中和其油膩感, 是一個很有趣的配搭. 九層塔焗走地雞當中的香料味比較輕盈, 還是想吃走地雞的鮮味和本身實在的口感, 少少可惜的

之前父親節book左呢間飲茶, 雖然當日無折但味道唔錯😎 揀左幾款介紹. 招牌黑毛豬叉燒 .個蜜汁非常吸引, 黑毛豬好好食唔會好硬好韌有咬口😋好掛汁. 羅漢上素腸粉 .腸粉好滑, 好足料, 啱唒素食人士😋. 五香牛腩陳村粉 .超推介👍🏻👍🏻👍🏻👍🏻個腩汁好正非常濃郁好惹味, 牛腩炆到啱啱好，個粉撈埋個汁好好食😍😍. 刺蝟脆香叉燒包 .刺蝟🦔造型好得意☺️原來脆個位係個底煎左一層幾好食😋. 瑤柱蒸魚形蘿蔔糕 .比較淋正常發揮, 魚形幾靚👍🏻整體唔錯👍🏻👍🏻

🌈大公館取消了會員制，任何人都可光顧(記得預約)，逢星期一至五單點點心有7折🥳，太好了👏🏼📯以下是折後的價錢，當然還有茶芥和加一費🔰晶瑩鮮蝦餃$50，有筍粒的傳統蝦餃，多蝦肉且爽身，睡了覺的蝦都是大大粒的，故飽滿好吃😋🔰蟹皇香菇燒賣$48，各人都讚，肉鮮茹香😋，層次分明，吃得出又看得到冬菇粒和肉粒🔰陳皮芫荽牛肉球$43，很多新鮮的芫荽粒，香氣撲鼻盈腔，還有最佳配搭，大大粒的清爽馬蹄，點埋質量好的喼汁，很合我口味，好吃非常😋🔰清香柚子凍鮑魚$148，這騰雲駕霧美得很的效果，怎不教人興奮和開心呢🤩！🥢至於味道，柚子的香濃酸甜，配搭鮑魚的柔嫩嚼口，當然鮑魚面的sauce也記一功，各在其位的發揮，美味，回味無窮😋🔰懷舊芝麻卷$34，出色，濃香芝麻味撲鼻，質感軟滑，很久沒吃過這麼好味的芝麻卷😋🔰芹香鮮蝦金魚餃$50，造型栩栩如生，活靈活現，蝦肉鮮爽大粒，吃時透出淡淡的芹香🔰雪山叉燒焗餐包$41，這個有些失望，外皮不夠脆熱，义燒餡料不夠多，味道也不夠香濃，有改進的空間📆一定再約饞嘴的摯友們光顧🥣🥢

25折吃 😱 優惠加推至六月(父親節週末除外) 長沙灣最佳中菜廳，大公館當之無愧。疫情下以震撼價推出好玩又好食的火焰富貴雞，原價$788，晚市時段只需$188！今晚所見，每枱四人必點一隻。這浙江名菜，服務員先將玫瑰露倒在包着雞的泥殼上，然後立刻點火！整個大廳充滿着玫瑰露香氣。打開泥殻，荷香撲鼻，誘發濃濃肉香，雞肉肉質鬆化，配料非常入味，唔覺意KO了一大碗白飯。優惠又點會係度停止呢，晚市餐牌所有食物都有八五折，必吃的還有川味口水竹絲雞、黃湯海味羹、脆皮香酥安格斯雪花牛、及最推介大家吃的薑蔥花膠豬油渣撈麵！懷舊芝麻卷也是心水甜品。不過大家要留意番，富貴雞及八折優惠不能同時使用⋯⋯🙇🏼‍♀️預訂。火焰招牌富貴雞：必須一日前預訂(四位方可享用一隻)

朋友介紹又平又正嘅富貴雞，再次搞生日聚會，睇左Menu，預先訂左黑毛豬叉燒、凍柚子鮑魚同埋椒鹽蟹鉗。不過蟹鉗無貨，原來夏天蟹鉗太瘦，唔夠肉地，所以店舖唔入貨，要Keep住品質同口碑！抵讚！柚子鮑魚有乾冰出場，夠晒效果。火燒富貴雞又一影相位，不過唔知點解無比我哋搥？黑毛豬叉燒有少少過肥，石頭魚湯好鮮味，加埋花膠好養顏，黑芝麻卷剛剛賣晒，不過黑糖蜂巢糕都唔錯，師傅知道係生日，仲專登擺得靚靚咁比我地影相。多謝友人介紹！

屋企人生日飯。我個人麻麻哋鍾意食自助餐，可能年紀大左，食量唔多，自助餐唔係咁抵。講返大公館，一行5大1小，叫左7樣餸，樣樣都好好味。最鍾意係黑毛豬叉燒，非常juicy好味！雖然每樣只可以食1-2舊，不過質素真係高。同自助餐玩法唔同

食物有水準！ 富貴雞正在做特價$188 抵食！但注意要4 位起.... 唔係唔比訂的。 其他小菜也精緻美味！ 可惜服务态度一般！ 應收4 位茶$ 埋單打左8 位 ！ 是博人家不看單嗎？

味道跨啦啦！我們坐向起菜位，每次出菜，目不暇给，賞心樂事。假日精選點心無折，想食千層馬拉糕，無折都無所為，佢話無，餐牌點心有折。鐵觀音,香,滑，無澀味，未試過，淺琥珀色。話梅鐵棍淮山$78，賣相精緻的骰，雪白骰仔形 ，披上一層水晶流水式透明衣，爽爽聲，甜酸晶瑩，開胃，胃液唾液激盪，正，此處出名菜色應該有桂花，貪心的我，當然希望錦上添花，味道留在口腔翻滖，不想讓茶沖走啊！在起菜位有盤好勁噴霧好似仙境，不知乜東東，是否有仙子下凡？侍應將佢端上來，雲霧散去，就是我們點清香柚子凍飽魚$148，舌尖先嚐清香柚子，真真確確清甜香，無酸澀味，齒舌猴擒迎接鮑魚，磨啊，嚼啊，㗳出鮑味，濃，引誘，銷魂，入迷，不可自救，不願讓佢走，留戀，不飲茶！黑毛豬咸水角$62，豬形賣相可愛，有心思，肥嘟嘟，可愛，餡飽滿，薄脆外層特別薄，熱辣辣，温暖感！香菇蟹黃燒賣$68，身材豐滿，大隻蝦，鮮，小肉，肉菇彈香蓋蟹黄味。綻開白色的花~义燒包$58，賣相吸引，紋理幼细，軟彈义燒飽滿，醬汁適宜，宜嚼，酒香！懷舊芝麻卷$48 ，芝麻味強烈，又一傑作，清甜，彈彈彈。牙籤大少說主廚由新葡京8 餐廳轉過來，翻查網頁，是的，那是我在澳門

帶位 招呼可以但係坐下😤 女侍應 態度差 緩慢冷眼太過份 menu要問才有一啲都唔熱情,其實喺三年前 .來個飲下午。高貴得嚟令人接受所以今次專程再來!但係 這個 女侍應令人吃不下! 即走! 如此下去貴飯店都一定轉業。 太令人失望了😤😤😤😤😤😤 碗碟居然有的有污糟的!

多年嚟走開會員制嘅大公館終於全面解鎖，所有人都可以食得喇！除此之外而家仲做緊個大優惠，招牌菜火焰富貴雞由原價788特價188，差唔多成兩折咁滯超抵食，而且質素都非常之高，雞肉燜到入口即溶咁滯，而入面都爆餡超正！.除此之外晚市單點菜式仲有八五折，當中有幾道印象都好深刻：清香柚子凍鮑魚，平時對鮑魚印象一般，但呢度細細粒易入口而且配柚肉一齊食多咗份清新感，配搭好新鮮！.另外招牌黑毛豬叉燒好係好驚喜，睇切紋就知部位好靚，肥膏夾肉再夾肥膏咁層次感好出眾，再加上少少燶邊同埋稠糊度高夠哂掛汁嘅糖醬，不得了！.仲有雞味好濃嘅黃湯海味羹，手掌咁大隻嘅陳年砵酒焗美國生蠔，蛋花碎超細緻功夫桂花素翅炒米粉，懷舊甜品宮廷紅棗蓉糕同埋懷舊芝麻卷，全部都係啲考功夫嘅手工菜，而且仲有特價真係唔好執輸！

星期六同家人飲茶。去左荔枝角大公館。平時貴到唔捨得食。。用OpenRice 訂枱有七折就試試！假日人多。被安排到門口位。射燈照住。位置真係麻麻。不過點心真係唔錯。最近要屋企人食得開心。呢個黑毛豬咸水角🐷豬仔做型得意。脆卜卜姬松茸素鮮竹卷。松茸香濃湯鮮味。不過咸左D🦔刺蝟脆香叉燒包。🤤呢個煎叉燒包個底脆卜卜。師父好有心機，真係見到一條條刺架。本來想叫金魚香芹餃。不過一早賣晒😫叫左個蝦餃。大大粒皮薄晶瑩。蝦肉鮮味彈牙即焗迷你蛋撻。鬆脆熱辣，蛋香十足！五香牛腩陳村粉，牛腩入味軟腍，唔錯！XO醬煎糯米雞，煙韌得黎又脆邊係好味既，如果多少少XO醬就更好！點心的確高質。家人又食得開心。貴少少都值

說起來，跟「大公館」已是老朋友了。相識多年，已很熟絡，最近，我又去了一趟。這夜，我坐在偏廳中用膳，感覺寧靜，舒服。難得碰巧有緣碰上數位朋友這晚也在這裡吃飯，感覺更加特別。「清香柚子凍鮑魚」自己過往也曾吃過，這先聲奪人的頭盤，四件鮑魚仔分別以白匙盛載，上桌時，特別製造出白霧繚繞蒸騰的效果，這頭盤另一特別之處，是甜味的凍鮑魚以清新的柚子肉作為陪襯，讓這名貴的頭盤小食變得更加可口。「招牌黑毛豬叉燒」用的是優質的西班牙黑毛豬，跟侍應說叉燒不要那麼肥的，叉燒端上來後，果真是三分肥，七分瘦，符合我的要求。這碟叉燒肉質軟腍，肥瘦比例適中，伴以黏稠香甜的蜜汁，又是一道不錯的頭盤菜式。「黃湯海味羹」口感濃稠，材料甚多，味道亦十分濃郁。「火焰富貴雞」真材實料，這中看又中吃的大菜，原價 $788才可吃到，現正做特價推廣，優惠價只需 $188便可點來吃，著實物超所值。這以巨大塘泥示人的菜式，由戴上白手套的侍應首先澆以玫瑰露酒然後點燃，讓玫瑰露酒揮發出陣陣誘人的酒香，待熊熊火焰熄滅之後，再由侍應或客人親自以槌子把泥塊敲碎，就會見到裡面由牛油紙和荷葉包裹得十分密實的富貴雞。侍應隨即先以剪刀把綁著荷葉的繩子和剪開，