大中華飯店 (已搬遷) 新店位置

今天一家人來到, 因為唔記得訂BBQ PORK又無加位, 老闆娘都好好準備曬所有野比我地.台是加大不了, 但比一個好位我地等我地泊到BB車.好啦依家講下食物啦.1. BBQ PORK ($300) - 好CRIPSY, 不過真係幾肥呀,及無咩味. 食剩很多呀, 唯有帶回家用來炆野啦.2. SWEET SOUR PORK ($60)- color不太好睇不過朱肉很cripsy 無咩骨, 味道都唔錯wor3. 什菜煲-好多料, 咩菜都有, 一個字正.4. 吊燒鱔魚-非常脆口, 皮勁香口5. 豬手-上台很香black pepper味, 可是肉及皮都是無咩味.....6. 腊味炒飯-勁多料, 好食.7. 琵琶豆腐-勁多魚肉既豆腐係我食過甘多間最好味既一家, 不過個汁有點唔係好夾.第一次一家人出去食飯係不用叫白飯都食到人人包包. 以上埋單700-

一班同學去食飯，九點先開飯，已經唔多記得食咗d咩了，記憶中好似有這些，整體來說....好好食啊~~~南乳炸脆鱔，好好食，好夠味，有鱔味，熱度剛剛好，好鬆化，十個推！乳豬全體，要預早一天訂，估唔到真係禁好食，店仔細細，做到這個水準，真係超水準之作，廿個推！腊味煲仔飯，好特別的做法，暫場炒，好得意，只覺得份量少了點，但都好夠了～～鐵板黑椒豬手，嘩估唔到個賣相和實際食落一樣，都係勁好食啊！唔chi牙，好淋，好入味，汁剛剛好，真係好正好正，百個推！蒜蓉芥蘭，不過不失，我本身唔鐘意食芥蘭~~~但叫咗好耐先到law.....=__="蜆芥鯪魚球，好熱，好食，雖然普通，但值得食的。豉椒炒蟶子，還可以吧，未食過好好的，只要無沙就可以接受了，本身蟶子都有d味，好過沙X皇~~XDD碎豬肉竹笙菜心，無太多特別，平凡law~~~但間野都算多人，唔算好出名，但早一又預訂係對的，由其是個豬，真係正，預早一日訂來食，真係好值得。估唔到店仔細細，味道還比好多大酒樓好！位置唔算好好，坐得唔算好舒服，環境唔算好好，但食物的質素好高，真係好正呀~~~

:(腊味煲仔飯 材料切細, 油出來了，太肥！就是豬油飯 ！南乳炸脆鱔水準不高! 很多地方都有如此水平、蒜香骨炸得乾味道一般.椒盬鮮魷刺激感不大!鐵板黑椒豬手肉質硬實,味道亦偏咸.環境一般， 基本服務差！！！

星期六跟一家5人於晚上7時, 到大中華踫運氣, 看能否可光顧, 未到櫃台前, 已!有一位小妹妹大叫已全部 book滿, 無位了??幸好櫃台前 <<揸 FIT>> 姐姐, 讓我們先拿了一個候補號, 不到 7至8分鐘, 已可安排一張路邊櫃子, 因已於先行看過本站所有好惡評語, 心中有數, 甚麼都會要等很久, 食物也不會好到那裡?? 但得回來之效果相反,1. 食物...:.... 煎墨魚餠, 黃金鮮魷, 南乳饍片, 夠熱, 味道香, 味道正常! 蒜泥蒸勝瓜, 一家人全都大讚野味, 腊味飯, 飯與餸就更一樣香熱, 讚! 芋頭鵝, 味道亦很好, 可惜是鵝油較多!2. 招呼嗎? 並不感如惡評中差勁! 當然亦不能要求跟大酒店餐廳服務相比吧!! 3. 價錢....... 很大眾化, 以上食物才花了 530.00元, O.K.4. 照片就不用提交了, 因本站上其他朋友提供已很全面!唯一要提交之意見: 對食店好的地方, 應該加許, 差的也提意見, 令對方看得後可修正, 否則誰會有改進?

即慶去大中華飯店, 唔係假期及假期前夕, 成8點幾差不多9點, 都仲有好多人等位. 同場加映, 有人自峙熟客, 要求打尖, 飯店亦因應佢要求俾佢打尖, 由於打尖嘅人係4個樣貌幾兇惡嘅男人同埋都係打算求其食餐飯, 我決定忍佢, 好彩唔係等太耐. 不過, 問過我地可唔可以係10:00pm 交檯, 因為晨曦 book 咗果間房. 當時係8點10個字, 食成個鐘, 實無問題喇.點知執檯執咗3、4個字, 呢度落單要自己手寫, 但執完檯又唔俾板我地寫.... 之後, 終於有啦, 又無人收落單個板喎. 於是自己攞出去. 我地寫咗:黑椒鐵板豬手 - 最快到, 黑椒汁都幾好味, 隻咸豬手就一般喇, 不過豬皮炆得幾淋, 好似好多骨膠原咁... 但鐵板唔係太熱, 好快就開始涷.椒鹽骨拼大腸 - 椒鹽骨唔椒鹽, 反而有藍乳味, 好食過椒鹽骨. 炸大腸炸得好食過泉章居. 可惜都係唔夠熱, 微暖. 而且碟頭十分細, 同餐牌上嘅相片差太遠, 見張相以為正常size, 點知mini版.腊味煲仔飯 - 頭兩個餸嚟咗好耐都未見到個飯, 都知即煲要等下, 但都無理由咁耐, 同阿姐講"個腊味煲仔飯好耐都

因為慶祝生日, 經朋友介紹得知大中華飯店, 但本身呢位朋友都未去過, 當然要上openrice check一下啦….見到相同埋招牌菜都相當吸引, 好~ 即管冒險一試啦~當晚我地六個人叫左蒜香骨 -- 蒜味唔香, 炸得又唔夠脆, 一般清蒸花甲 -- 花甲過細隻, 但唔知點解個殼就好大, 而且唔夠鮮甜, 對本身鍾意食花甲嘅我略為失望鐵板黑椒豬手 -- 呢個確係交足功課, 鐵板熱辣辣拎過黎時 “炸炸” 聲, 見到已經相當吸引~ 食落豬手煮得又淋又惹味, 加埋洋蔥黑椒, 好味道~臘味煲仔飯 -- 雖然個煲好大, 但份量唔多, 可是臘味又過多, 搞到主角變左臘味而唔係飯, 有點喧賓奪主~南乳燒脆鱔 -- 炸到外脆內軟, 入口一流~ 雖然炸過, 但鱔依然鮮甜, 而且啖啖肉沒有骨, 點埋佢做得相當出色嘅南乳醬, 真係一試難忘冰鎮鮑汁螺片 -- 一般水準, 有些酒吧做得更出色, 唔會令人有深刻印象雖然佢某些菜式做不錯, 但整體感覺普通, 唔會令我有想再黎嘅衝動

睇電視曾志偉介紹依間名星大排檔, 見到幾正, 於事黎試下.叫左7樣野鐵板黑椒豬手 - 好惹味, D肉好"林"炸大腸 - 唔係太鐘意食大腸, D friend 話幾好黃金鮮魷 - 幾 OK南乳脆鱔 - 好脆!!!麻香雞 - 凍既.... 冰鎮墨魚 - 唔好食... 似橡皮膠 唔記得咩野蝦 - 幾大隻,不過唔鍾意D醬, 下次都係叫蒜蓉蒸總括黎講都幾好, 價錢亦唔貴, 下次可以試其他野~~~

因為獎門人介紹，所以去試吓。星期六7點去到，先攞飛，等咗幾分鐘， 姐姐話如果坐入面，八點半前就要交枱，唔係就要坐出面，最後都揀坐入面。三個人寫咗4碟餸。鐵板黑椒豬手大大件，味道唔錯，夠入味，黑椒味啱啱好，肉質爽滑。雖然用鐵板上，但冇乜鐵板風味。南乳脆鱔炸得好脆，但又唔油膩，南乳醬唔會死咸，鱔肉夠彈牙。腊味煲仔飯上枱時，嘩！。。。好大煲呀。。。個煲！D飯其實只有1/4煲，加埋D蔥，勉強都有1/3煲。腊味唔多，D飯煮得同出面D唔同，粒粒都乾身，有飯焦，唔錯。琵琶豆腐呢碟等咗超過一個鐘先上，一D都好食，冇乜鯪魚肉，成件都林pat pat，冇黎味道，做唔到外脆內軟。本應前三碟都ok好味，但係俾最後呢碟拉低晒整體分數。

濃味=好味？下午四時多同事想即興食晚飯，問有何好地方又要回家方便，因利成便就試一試這裡好了。橫掂要嚟梗係打電話訂位就冇走雞，準時六點半到達攞枱，阿姐話坐舖內要八點半前交枱，坐後巷就隨便，嘩！乜宜家大排檔都要做到咁？四個人坐舖內有兩小時食飯一定夠時間。我真係大鄉里 叫阿姐寫菜時，佢話你自己寫落單度交比佢就得喇連叫酒水都係。咦！咁咪連伙記都慳返，求其啦！點了以下菜色:~冰鎮鮑汁螺片冰鎮絕對做得到因夠哂凍，螺片就一啲味都冇而且唔爽，全靠點上了wasabi才有wasabi味，咁不如食wasabi！我諗應該豪少少食個冰鎮鮑魚可能會好一點。黃金鮮魷黃金真係好貴，所以只係略略有啲掛喺炸漿上不過已經好足夠，因為它的味道太濃烈喇!都食唔到鮮魷味可能椒鹽鮮魷會好一點。炸大腸拼椒鹽骨炸大腸炸得夠脆身，至於腸身的色澤實在太彩了有點假，椒鹽骨係夠味的，可惜要等埋炸大腸才能一起上枱所以冇哂火氣。南乳炸脆鱔南乳係醬汁用嚟浸脆鱔，味咸帶濃烈酒味，炸脆鱔是厚厚嘅漿粉包圍住鱔件，兩者混為一體得出結論係「難食」。薑蔥魚鰾薑蔥好多好多，不過唔知點解啲「蔥」係用大蒜？可能同北方人有關啩，魚鰾好鮮可惜似大海撈針唔太多，完全被薑「

7:15pm 到,有枱,不用等想食豉油王蝦,因是時價,問伙計,夠膽死答唔知之後7:20pm 落單,只有2個人,叫了 "上湯勝瓜" 及 "珊瑚斑塊"等到7:45pm 都未有得食,叫伙計跟跟,佢話來緊,之後等5分鐘,又5分鐘,又5分鐘,其間問伙計,態度不知所為,答完等如無答其間越來越多客了,到了8:05pm,想走之際,"上湯勝瓜"剛到,唔夠熱,只是微暖,當時真的很餓,是但啦,心想食完此味菜,若"珊瑚斑塊"都唔來便走人8:15pm"珊瑚斑塊"來了,此味夠熱,幾好味,唔錯,到8:30pm食完埋單走人其間枱枱客都等菜等到呀媽都唔認得,大佬呀,廚房做唔切就咪擺甘多枱啦,正門福榮街及後面兼善理都擺滿

九月初，晚上仍然炎熱，是夜奇雲相約了兩位損友，前往位於港鐵長沙灣站與荔枝角站之間的大中華飯店。本來預算訂七點半，但店方說：「一係訂六點半，一係訂八點半，假如訂六點半就要八點半交番檯比我地」。奇雲明白此飯店生意好，更不時有明星光顧，店方想做多幾轉生意實屬正路，只好選擇訂八點半。奇雲甫進入店，眼見裝修充滿平民及街坊風格，檯與檯之間頗狹窄，店員帶奇雲坐下。未幾，店外躺門一開，一陣熱風吹來，兩位損友先後到達。損友一號F先生：性格心狠手辣，自稱聰明絕頂的他，因曾被蠢人害到雞毛鴨血，故經常發表要將世間所有蠢人消滅之言論。損友二號Y先生：性格超級古惑，喜愛暗中將別人玩弄於股掌，腦筋轉數之高可謂深不可測。奇雲向F先生說：「生日快樂，壽星仔」。之後奇雲便跟著餐牌點了五款小菜，及三枝啤酒。黃金鮮魷 – 和黃金蝦類似，只不過蝦換上鮮魷，混和鹹蛋黃加粉醬炸，鮮魷彈牙爽口配上鹹蛋黃的濃香，粉醬薄而清脆，美味到不得了，不消五分鐘，三人已掃清全碟。鹹蛋黃加上鮮魷的化學作用原來那麼大，可是兩者皆是高膽固醇之物，不宜多吃，F先生嘴角奸笑地說：「假如家中有老人家，就應該叫呢味好好孝順佢地。」南乳脆燒鱔 – 此店炸的功夫確

訂左枱..準時到都係要等....咁訂黎做乜..今次係八月之星飯局..所以好疊馬..19個人呀不過掛住食都冇乜點影相..抽幾樣黎講冰鎮鮑片 - 所謂既鮑片...你知咩黎架啦...~但係係哩度當刺身咁食..又幾盞鬼..南乳吊鱔 - 炸得鬆化之餘又不失juicy.....黑椒鐵板豬手 - 正..!! 夠哂惹味又夠稔...仲要自己郁手切俾你過下手癮

又到了同事間的每月飯聚,這次來到了長沙灣的一間可說是傳奇的飯店.咐近蘇屋村居民遷移,鄰近又是荔枝角工廠區,入夜後街頭的人流真是少得可憐.唯獨這店門外晚晚也有在等位的人群!就連網上的評語也不錯,這夜一行十三人就來一探虛實.晚上八點半來到依然是全場爆滿!(不預先訂位的話也可,除非在六點鐘開飯.)這裡較特別的是想點菜請自行寫在單簿上,完成交給樓面便可.南乳炸脆鱔 x 2----起骨功夫甚佳吃不到有任何細骨,外層炸得酥脆香口油份不多,鱔件厚身肉質結實有彈性,吃了數件也沒有吃到討厭的泥味.南乳汁的味道沒想像中濃烈,味道調較得適中.整體水準極高!椒盬鮮魷----乾粉上得夠貼夠薄身,炸得外脆內軟,椒盬下得不算重手,味覺上刺激感不大.卻更能吃出魷魚的鮮味!蒜香骨 x 2----炸得乾身外層非常香脆,肉質肥瘦適中.味道是蒜味為主,而不像某在些店舖,無論是點叫蒜香骨或椒盬骨也好都是同一個的味道.香煎墨魚餅----煎得微焦的表面頗香口,墨魚膠打得夠彈牙,如混入多點切細粒的墨魚肉在內效果會更好.腊味煲仔飯 x 2 ----吃臘味煲仔飯,臘味就是這煲飯的靈魂.只要是劣質臘味的油份滲了入飯去,就算飯底煲得多好也是

今次是我幫襯的第三次,雖然每次都要坐後巷,但為左食到美食,今次仲要捱熱添,都抵既今次我order了三樣野:鐵板黑椒豬手 - 肉質嫩滑,唔會感覺很油膩,很野味椒鹽九肚魚 - 炸槳脆而且唔厚,味道剛剛好 墨魚餅 - 味道ok,但比起之前兩樣就瞬息左少少

兩位好友同於七月尾生日，一行人決定到長沙灣福榮街的大中華飯店食飯慶祝，並預訂了一頭炭燒奶豬作為他們的生日蛋糕。據知大中華一向深受藝員們歡迎，前排洪天明曾將這裡出品的臘味煲仔飯放上微博，勉強算是較另類的「星」級食肆吧！事前已經擬定了這晚的菜式，直接寫在落單紙上，交給店員就成，大牌檔的特色，並不拘泥於甚麼禮待，而是最簡單直接的服務效率。率先上檯的是鐵板黑椒豬手 ($80)，巨型豬手放上鋪滿洋蔥的鐵板上，香氣迫人，吱吱喳喳的聲音響個不停，看似惹味非常，大家都不禁為此雀躍起來。由我去解剖豬手，只要輕力用叉一撕，肉已可離骨，肉嫩，皮也不算太厚，而且放入口就會慢慢溶化，不算太過肥膩，再塗上濃郁帶甜的黑椒汁吃，不消一會，鐵板上只留下一塊骨頭，實有點意猶未盡之感。冰鎮墨魚 ($60)，被我們戲稱為「冰鎮保羅」，這晚終於可為荷蘭、德國、英格蘭報仇，感覺真爽！店方將墨魚切成條狀，肉質的確幾彈牙，沒有半點死韌，配以日式芥末豉油，我覺得味道算是不錯的，但可能怕難消化，朋友們對這道菜興趣不大，最後更吃剩了不少。南乳吊鱔 ($80) 先以南乳醃製，經吊乾後再落油鑊炸至外層香脆，而魚肉又不會弄至軟淋淋，相當可口，南