大中華飯店 (已搬遷) 新店位置

新春期間在電視看到某電影的製作特輯…當中就有提及過這一家很多三色台藝員都會去的大排檔…我沒有去過…以前也從來沒有聽聞過…電視影出來的食物都好像很好吃似的…雖然有生果食友說味道不怎麼突出…不過還是要親自試過才行…只有三個人…想吃豬手又想試出名的炒糯米飯…人數不多就會有這樣的慘事…最後在兩者之中選了豬手…始終飯是很飽肚的…怕叫了飯連其他菜都不能叫…除了豬手…再叫了南乳燒鱔…冰鎮魷魚和白烚花甲…本想先點點看…怕碟頭太大吃不完…不過當我們說:” 落住先啦~”, 姐姐就說…”呢度無得落住先架喎…加單要等好耐架…係你就依家叫埋啦~”…最後我們還是決定放棄加班的念頭…反正我們已經決定了下一站溝貨的地方了~~哈…花甲夠大隻…新鮮又無沙…非常鮮甜…很奇怪的事這碟花甲配了一碟酸味醬…我覺得兩者味道完全不夾…反正是新鮮的…白烚都已經十分美味了~南乳吊燒鱔…大大件的看起來不錯…一口咬下去也不會覺得很油膩…只是一點南乳味也沒有就真的很奇怪…鱔的骨不多…如果可以再肥美一點就更加好…配上帶點酸的喼汁…也算合格…冰鎮魷魚…魷魚彈牙…不過就不太夠凍…始終叫做冰鎮的…下面應該鋪著一些冰吧….新鮮的點著醬油和芥末…是好吃的

今年公司食開年飯揀左依度,但係食大排檔硬係好似跌左一個grade...朋友都問我公司係咪唔係好掂,開年飯食大排檔咁cheapo的野全部好油,o的油應該唔洗錢除左個湯係比較見唔到o的油之外,其他野食都好似搽左髮蠟咁識反光撇開"好油"唔講,味道都幾好既鐵板咸豬手:"炸炸"聲幾吸引,配埋o的黑椒汁幾惹味.臘味煲仔飯:每人只係分到兩啖,唔夠喉,但味道幾好.黑椒牛仔骨:不知所謂,咬唔開,咬開之後發現入面係生既.勝瓜蝦乾:不過不失,無乜特別.蒸魚雲:都算蒸得幾好食架喇煲仔蝦醬芥蘭:煲仔上好熱,除左熱冇乜特別不知名雞:有o的似口水雞,不過不失.碎豬肉竹笙菜心:不過不失,無乜特別.粉絲蒸帶子:不過不失,無乜特別.炸鯪魚球:不過不失,無乜特別.炸白飯魚:不過不失,無乜特別.唔知咩湯:都係無乜特別.總結:可以再黎試其他野食...　　但以上既野,可以再叫既得煲仔飯同埋豬手,其他不叫也罷

昨天於某電視台介紹此店.....見到食物非常吸引, 原本身體腸胃不太舒服....都不想吃得太油啊~怎料與友人傾開大家都有睇介紹此店的食評.....一夾下6人便即晚起行去顧...由於此店比較受藝人歡迎...都經常爆滿...先電留位.....都要坐出店外...不過都很光明...小時候爸爸常帶我去街市熟食....大排檔...當時很不喜歡..感覺像很不衛生....人大了...口味改了....終於明白什麼叫食物夠火喉, 夠鑊氣, 7:30P.M. 到達...今次見到2位藝人....都很有名氣的..但不公開他們的名稱吧~因大家都是想找個地方食好野呢~共7樣東西,大家百無禁忌吧~鐵板黑椒咸豬手....我以前是不吃豬手的...人大了什麼都去嘗一嘗, 去到德國也是 食 豬手呢..為何不嘗中國的呢真的想像不到...很入味, 肉很軟口, 外皮很滑...真的意想不到來個村麻辣雞半隻...果然很麻....但又不會要流淚的感覺蒜炒西蘭花冰鎮墨魚....很有打冷風味每人一隻$25 的蓀蒜聖子..很新鮮又夠肉厚沙爹牛粉絲煲...淨食有些喊, 如果白飯一定剛好最後鎮店是臘味煲仔飯.....人員們即時放入一碗蔥及醬

友人勁中6串22 足球，咁開心梗係請大家食飯，再來大中華﹗之前都已想帶埋食家來，難得老友相邀，當然卻之不恭﹗冰鎮墨魚﹗新鮮甜美，入口爽脆彈牙，好吃﹗再來一個細羊腩，我就當然唔食，不過友人們吃過都大叫好，不太羶，肉味濃甜，入面有勁多馬蹄，夠哂香甜﹗再來是大炒王，小炒王就食得多大炒王真係第一次試，入面是魚仔、蝦乾、腰果等，炸得鬆脆又香口，椒鹽味恰到好處，惹味非常，值得推介﹗臘味煲仔飯依然有上次既水準，足料，乾身，香口，粒粒分明又企身，香蔥粒夠哂多，啖啖惹味，天氣冷冷下整一碗真的成身暖哂。辣酒東風螺雖然係細隻不過彈牙惹味，個汁細嚼下時辣度非比尋常，小心為妙。鐵板豬手又係無我份，友人吃過說口感腍軟，汁做得很好，夠肉味﹗最後飲啤酒吹水再要埋個小炒王，是腰果蝦乾菜匍韮菜花，鑊氣足夠惹味，不過大小相比下都係大炒王更勝一籌﹗唔洗錢食野都特別好味，多謝老友，贏多0的﹗食多0的﹗

呢日臨時臨急友人吹雞去長沙灣食大中華，難得一呼百應，一行六人出發。老店格局，店內沒有裝修可言，食材紙皮盒到處疊得一層又一層，絕大部份食客都係上了年紀的男士。友人明知我唔食羊佢地就叫個大羊腩煲，話我唔食就岩哂，佢地可以食多0的﹗腩煲相當足料。友人話唔食都要影低呢件，兩條骨夾住夠肉佢話係羊之極品﹗味道香、鬆、軟，肉多有咬口夠實在，羊肉不黐口半肥夠哂脂香。六個人有三個不吃羊，另外三個竟然成煲食哂，睇住佢地一件接一件一度食一度話正﹗好食程度真係可知一二﹗辣酒花螺﹗用的是小螺，肉質夠新鮮彈牙，份量絕不少我由頭食到尾都仲有得食﹗個汁做得有酒香而微辣夠惹味，不會太嗆喉，慢慢食用來送啤酒一流﹗蒜蓉粉絲蒸大蟶子，一人有一隻﹗粉絲下得夠多配以蒜蓉同吃鮮味非常﹗蟶子大隻肉質爽甜亦脆，正﹗這一煲是這天的重點，臘味煲仔飯﹗超大煲，六個人一人有碗半﹗每枱食客均有一煲，我地一行六人當然唔執輸，叫來試下﹗臘味是臘腸、臘肉及潤腸，切得細粒的骰，待應姐姐相當殷勤，幫我地加豉油撈勻再上枱。飯粒焗得香軟粒粒分別，配以煲仔飯我至愛的飯焦，雙重口感咬口一流，香口非常，正﹗豉油不是一味死鹹貨，鹹中帶甜，同煲仔飯相當配合。鍾意佢下得

2009-10-14經朋友介紹下第一次去食感覺唔算特別乾淨, 不過唔緊要, 我黎就預左注意的係食物質素而唔係環境好....閒話短說, 我只記得兩道菜第一道菜...鐵板黑淑汁豬手份糧絕對唔少, 味道亦絕對OK, 唯一係D肉就咸左少少不過俾我感覺特別係唔用鐵板盛載豬手第二道菜.....蒜蓉蒸聖子皇25蚊一隻, 抵唔抵就見仁見智我覺得size都絕對唔呃錢味道都絕對唔錯

一行五人叫食飯，D小菜確係唔差，不過略嫌上菜速度稍耐值得推介既係咸魚煎肉餅，送酒一流又香口鐵板黑椒豬手，正，不過咸左DD生炒骨，正，脆架清湯牛腩，呢個真係超入味......

大中華呢間店, 真係要大力推介 屋企住附近, 成日心思思去食, 不過要大班人囉鐵板黑椒豬手！２分鐘冇哂！好香口好正呀！！！冰鎮鮮鮑魚　又係２分鐘冇哂！鮮味到爆哂燈＠＠＠＠椒鹽鴨舌　香口冰鎮竹節蝦（好似係咁叫）　極力推介！佢先整熟左隻蝦再冷藏！啖啖肉！一佰分好味！火腩魚頭煲　火爐十足！之後打邊爐雪花肥牛　佢地形容為極品！我唔食牛就唔知喇！好似食左２碟！大海斑　食唔哂！嘥左！肉蟹 夠多肉

祁生朋友話呢間D野幾好食, 不過佢朋友就未食過都係聽佢D同事講, 是日約左祁生的舊同學食飯, 一行六人就來左呢間大中華飯店食晚飯喇...不過....鐵板黑椒豬手 - 第一啖入口, 個黑椒汁唔錯, 但.....食真D個汁好咸, 而且隻豬手似係現成貨啦...冰鎮魷魚 - 魷魚新鮮, 彈牙有咬口, 鮮味~唔錯~南乳吊燒鱔 - 脆脆地唔太重南乳味, 鱔肉唔"醒" 我唔食魚都覺得呢味好食呀!白灼東風螺 - 本來想叫豉椒炒蜆, 不過話賣哂就叫東風螺啦, 但係出事....東風螺未熟, 用牙籤篤唔出來而且.....有沙....我都唔明點解, 我已經趵走條腸都食到有沙?冰鎮海蝦 - 初初上枱時大家都覺得好靚, 而且蝦身都好大隻添喎, 可能佢賣點係半生熟的冰鎮蝦, 但蝦膏都未熟, 一 tat tat綠色既蝦膏, 真係唔多敢食多啖呢...!炸大腸- 一貫大排檔水準, 唔錯, 伴碟的菠蘿幾好食~清湯牛腩 - 又估佢唔到喎, D牛腩雖然大部份都係肉, 但好有牛味, 好香, 蘿蔔都好入味, 但D湯好咸.....蒜泥炒菜心 - 好油...又係落左味精(師傅)................唉.....味道真係唔多達

** 此 食 肆 的 第 三 個 笑 **尋晚(27-11-08 Thur)去醫院睇完媽媽,同爸爸,大哥,大嫂,男友一齊搵o野食,前晚行去富臨時,男友見到其中一間有煲仔飯,而且尋晚明顯凍o左,於是提議食煲仔飯,點知滿晒,於是又邊行邊搵o野食,爸爸話去返!佢o地25日晚o個間食,大哥帶頭行去,但大嫂話右轉去有好多o野食o個條巷,於是改方向,中途大嫂又記得有間叫大中華o既,行到o黎,見要坐出街,再行近啲,入,面o岩o岩有枱,我o地就決定呢間喇.我想食鱔,男友見有南乳吊燒鱔,覺得幾得意,就叫呢個.我問佢o地食唔食涼瓜排骨?大哥第一時間話食,鬼咩,佢最鍾意食涼瓜.好,又叫呢個.女侍應推介羊腩或牛腩煲,細羊腩煲$120.00,但原來有痛風o既爸爸,係唔可以食羊o既,於是我o地要清湯牛腩煲,會有一籃菜畀我o地.之後叫蒜蓉炒豆苗.等o左一陣,豆苗同南乳吊燒鱔到o黎.1.南乳吊燒鱔外型好得意,一件件o既鱔被燒得脆脆o既南乳漿包住,我o地蘸醋食,,唔太多o既南乳味, 都幾OK.味道: 3分2.蒜蓉炒豆苗都好大碟喎,豆苗青綠同嫩,爸爸食o左大讚,話豆苗係好蝦人炒,呢o度炒得好靚,好好味,口感又好.味道:

嗰晚我地點左卥水拼盤,豆腐,泥鯭,味道唔錯.佢個冰鎮青瓜個造型好搞嘢,一枝枝插喺桶冰度.另外最正係黑椒鐵板燒:豬脾,好香口,大大隻啖啖肉,唔太肥,肉好嫩,勁好食!不過真係幾鬼大隻,起碼要兩三個人先解決到佢,同埋最好一去到就落定order先,隻豬脾真係要等好Q耐.

雖則沒有豪華裝修, 但也是值得一試既小菜店, 而店主一家大細都注場幫手, 實屬家庭 feel!不可不試沙薑雞...滑一滑超正, 又可以試下白滷水拼盆, 實在餸酒一流!

地方雖小，但勝在小菜美食頂呱呱。以公道價錢食一級特別用料，要食好嘢又唔想失望最好晚上6点半前入座。選料每日新鮮入貨，靚肥牛勁正，大魚頭更是不可不試，啤酒(妹)態度可人，啤酒冰凍價錢合理。冷盤、小炒送酒又是另一風味！食物OK,平庸,不算太"標青"。價格可接受。服務態度不錯。