大中華飯店 (已搬遷) 新店位置

閉關九日後的第十天……晴 (天氣 + 心情)!!大約三個月前的約會, 加上威迫 (唔知幾時會再到大中華架) 利誘 (訂咗隻豬BB喎); 再加插兩星期前向啊姐 “自首”, 沒有怪責下且溫柔地回問, 八月十二日會否出席此飯局, 你哋話可以答NO嗎??!! 同事依然book 6:30pm要8:30pm前還枱。 當日6:00pm有多才開完會, 出動人情牌要求同事直接車送到長沙灣; 先至可以响6:50pm 到達, 如果唔係都真係 “豬去人空”!!!因為有上次經驗, 而且準備工夫做足; 所以今次下單的餸菜果然 “與前不同”, 吃得相當滿足! 而且7個人坐到10人枱, 唔使好似上次迫住立時 “掃清” 每碟餸。菜心炒牛肉 = 菜心嫩牛肉滑, 不過油膩了小小; 而且相比其他餸菜是瞬息了許多。上湯煮勝瓜 = 除咗勝瓜, 食材有竹笙 + 肉碎 + 金華火腿; 個上湯都真係好有料到。相比其他餸菜, 清清地個上湯又鮮甜; 所以食得好清淡個IMS同事差不多佔為己有, 將碟餸放咗响自己前面。煎墨魚餠 = 大大粒墨魚依然保留响墨魚膠中, 墨魚味不失外且嚼感一流; 再加上金黃色紅紅綠綠的賣相令食慾大增。臘味糯米飯 =

今日特登同朋友去試下呢間大中華,果然出左名質數都無變,一樣都係咁好食!!!冰震超級推介夠香口,正呢碟蒸花甲好鮮甜,而且夠晒大隻本來想試下煎蠔餅同炸蠔餅係唔係都一樣咁好食,點知出左事煎呢種好難食,成團粉又無咩蠔仔,重要有怪味好酸

是日放假,等埋同事放工,夜晚一行四人去食飯~佢地之前嚟過,話啲嘢食好得,就嚟一試~嚟到已經好多人,等咗大約15分鐘左右,就有檯喇~大熱天時,又得嗰4條友,幾驚佢俾張街檯我地呀...好彩,個阿姐都算好人,俾張冷氣房嘅檯我地,如果唔係就真係會一路食一路滴汗...嚟之前佢地不停重覆住個鐵板豬手同埋個燒鱔一定要嗌,既然係咁,唔嗌唔得啦...於是,4條友叫咗5個餸+數碌啤酒~黑椒鐵板豬手- 呢個真係唔嗌唔得,好好食,好耐無食過咁大隻豬手喇~黃金鮮魷- 呢個相對地就普通咗啲,唔太抵食...南乳燒脆鱔- 呢個又係唔嗌唔得,真係好脆,好好食,但略嫌少咗啲...豉汁炒蟶子- 無沙,入味,啲椒都好好食~金銀蛋莧菜- 普通水準,無咩特別...整體嚟講係去得過,但都係多人去會更好,可以嗌多啲唔同款嘅嘢,因為以飯店嚟講,呢度價錢都係偏貴,唔可以話係抵食...

服務態度勁差, d野幾好食都冇用訂左位都要等30分鐘未食完已經趕客走最初真係好好食, 平靚正, 但做出名之後更加差, 越黎越貴跟本唔值囉..未去過就可以一試, 但去過的都唔會再去

一行十人，因為一早朋友已經訂了位，所以去到唔洗點等就入得。黎到坐低，係室內有冷氣的，未落單，已經不停有昆蟲不知從何來飛到桌上，環境感覺不清潔。然後大家開始研究應該點什麼來吃，最終叫了以下：乳豬（一早預訂）糯米飯豉汁炒聖子花甲西蘭花牛肉炸排骨拼大腸泰式雞翼冰鎮鮑魚片首先講下花甲及豉汁炒聖子，大家都嘩了一聲，花甲只有十二隻，無沙好味，但少得可憐，跟牆上的相片完全兩回事。跟住的聖子也不例外，只有總共十五條，大家要猜先可以決定誰來吃下餘下的五條，慘。炸排骨拼大腸，都係因為見其他食評推介才叫，誰知只係普通炸的菜式，排骨炸得很乾，大腸還可以。最期待的乳豬來了，好好味，但片下的就只有肥膏，肉只佔少部分。糯米飯味道也不錯，侍應即席炒／撈，然後大家一看，亦不禁說，睇個煲就很大，實際只有每人一匙。西蘭花牛肉就係普通小菜的分量，泰式雞翼也只有十五隻，味道一般，唔算特別。鮑魚片用冰墊底，一吃下就知只是罐頭貨色。計埋每人一罐可樂，埋單總共$960。評價：只係明星／宣傳效應，呢餐絕對係貴格唔飽，連女士也說好似無食過野咁，要動員去食甜品，絕無下次了。

因為我們只有4個人, 所以不能試太多餸, 4餸+1煲仔飯. 粵式菜要的是'火氣'和味道, 這兩個要求都能達到, 祗是'海鮮什菜煲'較為一般.值得一提, 盡可能先預約定位. 不然可能需要等上一定時間.另外, 這飯店環境較為熱鬧, 所以適合大伙兒聚會!!!!

話說此店係本人屋企附近, 都幫襯左幾次......點知琴晚去個度, 諗住叫訂左既乳豬食,某個女伙計居然話我地冇訂度,但我地明明上個星期當面同佢話訂ga ma,佢好似冇左件事甘, 嘈左一輪就去左第間食...唔止呢樣, 有次我阿ma同d朋友去呢度食都俾伙計催住要走,同埋叫左d送等左好耐(半個鐘-1個鐘)先至來,d伙計要"yup"多幾"yup"先至來,d態度真係差到呢...仲有d凳又係坐得唔多舒服同埋都幾迫下(因為長期多人...)so雖然係近, 但都唔會再幫襯佢, 話之佢開多n間分店都好!!

承上文，繼續進行我的「獎勵肚皮計劃」 。父弟沒空，是夜只有母女仨。妹妹中午撥電大中華碰碰運氣 (大人想吃小炒 )，幸運地，店家表示早場 (六時半至八時) 尚有位子。傍晚六時許我們已到達店前。成為「名店」大概是這三兩年間的事吧，如今街坊想吃非訂座不可 (Walk-in？八時後百分之九十九不可能！別圖僥倖啊 )，有時間限制，坐的位置又不能選擇，幸好水準依舊，仍是值得專程而來的好店 。店內環境不消一提，大牌檔格局尚算乾淨，只是座位空間狹窄。喜歡這裡的下單方式──自己動筆寫菜名，感覺自在 。店員放下餐牌和下單紙時順道推介不在餐牌上的煲仔飯 ($80) (臘味或黃鱔，四至五人份量)，我和大人二話不說選擇了後者。早前一家子陪嫲嫲往大陸旅遊時嘗過一回極好的黃鱔煲仔飯，至今回味無窮。不知道這裡的能否比肩 ？再來是「名物」──幾乎每桌必點的黑椒鐵板豬手 ($90)。大人喜愛蟶子，點了豉汁炒蟶子 ($80)；妹妹嗜吃大腸，來一客椒鹽骨拼炸大腸 ($68)。至於我，本想來盤青菜 (肉太多了 )，不過把餐牌翻來覆去，菜式都是簡單的、自己在家裡能做到的……結果要了琵琶豆腐 ($65)。三個女人四個小菜一窩煲仔飯

今晚去到一個人生路不熟的地區 - 長沙灣!!只知响地鐵站C2 出口直行至長沙灣體育館轉右, 再直行過馬路; 到街尾再轉左…到咗!!其中一位同事訂枱, 店員要求唔理我哋幾點入座都必須在八點半交枱; 咁大個鼻 的食店, 我就試試哩間食店點解咁大個鼻!! 一點裝修也沒有, 只是整體簡潔通爽的大排檔, 果然大得起!!!店員邊帶位邊說話…."話我哋好老實七個人就真係訂七個位”…..初時還不很明白這句話的意思, 坐下時開始有點明白。當鄰座的人陸陸續續的入坐, 我們更加清楚那句話的意思。我們被編排的枱只是四至五人枱, 反之其中一鄰座只有六人但被編排坐八人枱; 其實坐迫一點也沒所謂, 無奈是餸菜只可同時放上四碟, 當有第五碟餸送上時就要即時 “掃哂” 枱上其中一碟餸, 想慢慢享用也不可!!左改右改後, 我們下了單的餸菜是香脆腐皮卷 – 腐皮炸得香脆, 餡內都是一般素材但亦有小小的蝦仁, 所以咬下時的感覺是爽口。東江豆腐煲 – 豆腐滑魚肉彈, 而且兩者更把自己的精華滲出在湯中; 煲內的生菜及菇菇更吸收湯中的鮮味, 應該是清清淡淡的一個煲, 咁就調出個 “鮮” 來!冰鎮青瓜 – 青瓜新鮮爽脆, 再加上青芥

適逢外母生日,朋友介紹下一於訂位試試,環境可以講係差,睇個餐牌價錢唔平,心諗可能物超所值,就叫左幾個小菜砂鍋臘味煲仔飯 見到人人叫,叫個試下,煲仔白飯面鋪滿臘味,上枱時才將蔥花、莞茜、花生配料撈勻,好香,飯比較乾身,味道不錯,但不適宜小孩食吊燒鱔非想象中好食,脆漿厚而鱔冇味,全靠南乳醬攞味,一般冰鎮墨魚墨魚切得太厚,要花時間咬,賣相求其,一般鐵板黑椒豬手我諗呢個係全晚最精彩,豬手肉霖,好惹味,皮唔覺肥,黑椒味剛好,好食西蘭花炒牛肉味道一般,牛肉'拿'到冇味好霖,唔掂炒聖子聖子新鮮冇沙,鼓椒味好夾,好食香煎咸魚肉餅肉餅面用粉太厚,雖然面脆但太乾,肉餅冇咸魚味,一般海味什菜煲啖味,所謂海味只見魷魚鬚和肉碎,味道一般椒盬九肚食咁多間店最差的應該係呢間,漿厚而不脆,魚細,想叫回水煎韭菜餃味道ok,即叫即煎,好食鼓油王筒蠔蠔太濕,鼓油重未上色,太早上碟,浪費左盒筒蠔,$120不值整體黎講,咁既價錢唔需要黎呢間,一次足夠

和不同類型的朋友,就會到不同風格的餐廳. 和斯文一族的,便會去一些西餐廳,和前輩的就喜歡一起到茶樓飲茶或火鍋,和外型威猛粗野的,就會去一些打冷店或大排檔. 今晚,就是和一位高大威猛紋身漢子,我就揀選了-大中華飯店.記得也有另一位大隻猛男曾向我介紹,大中華飯店如何好食,不停讚不絕口,聽他說就聽得到,但從來沒有打算和我一起來食,想起他就覺得之前被他浪費我時間. 現在的我,一定不會了.講回大中華. 今晚我便約了一位一年多沒有見的高大威猛紋身漢子來了大中華飯店. 到達時已經是晚上9:00多了,飯店依然這麼多人,起初還以為全店無位,要等位,之後職員帶我們去了後行. 嘩,原來大中華後行也有幾個鋪位也是for食客的. 今晚,我們便坐在後行裏其中一個鋪位食飯. 嘩,今晚幸好和猛男來到後行食飯,如果和一些斯文高質素的女仔朋友,相信她們要求我去其他柔情的食店了.來到大中華,真的見了很多食客order鐵板黑椒豬手,喜歡襯熱鬧的我. 當然也來試試啦.1) 鐵板黑椒豬手平時吃鐵板黑椒豬手都是在德國餐廳,一邊享受著豬手,一邊品嚐著德國啤酒. 今次真的第一次來到大排檔吃黑椒豬手,還第一次在大排檔用刀這餐具而且也是第

電話預訂時要揀7:00或8:30，前者要8:30還枱。6:45到，但未齊人，一位女伙計(可能是話事人)已催我哋自己寫要點的食物，並「提醒」我哋要8:30還枱，未食已扣分 點了鐵板黑椒豬手 + 上湯煮菜心苗 + 炒聖子 + 冬菜蒸魚腩+ 胡椒豬肚湯。只有第一味比較好味，其他沒特別。 胡椒豬肚湯煮得好淡好求其。8:10 吃得七七八八(但仍未吃完)，大家正在言談甚歡，那位女伙計又走過來，叫我們早些埋單，話費事其他客人要等 ?!既然第一輪和第二輪的客人已知8:30交枱或有枱，為何還要我們吃得那麼緊張?? 這裡不是澳洲牛奶公司。

這間大中華飯台，之前經朋友介紹黎試下，再加上電視效應。去到個時，俾個墟撼既情況嚇親，都已經夜晚9:00，居然仲有好多人等位不特止，仲要坐埋係街邊，好彩一早book左位，但係都要等左一陣先安排到入座。坐低後梗係第一時間睇餐牌啦，8版餐牌已經表明哂所有佢既招牌菜，當日我地一行7人叫了9個餸。第一個黎既就係鐵板黑椒豬手，一上枱，熱氣逼人，香氣撲鼻，十分吸引。食落就覺得黑椒汁好好味，不過肉質就硬左些，炆得唔夠稔身，豬手基本上沒有味，只靠黑椒汁吊味。跟住黎既就係以炸為主的餸，第一個係琵琶豆腐，炸得脆口，外脆內軟，鯪魚肉味好重，而且嫩滑。之後個兩個餸真係不得了，黃金鮮魷十分好味，咸蛋黃完完全全帶出了鮮魷既鮮味，咸度適宜，賣相唔靚，以味道搭夠。最尾是南乳吊燒鱔，鱔身肥美甘香，肉質結實彈牙，證明好新鮮。脆漿厚薄得宜，不以燒，炸後，配上特製既南乳汁，真係好滋味。接著期待已久既清蒸花甲出場了，真的非常鮮甜，配上那個酸甜辣汁，真係出奇地合襯，可是不點甜酸汁更加吸引我，不知不覺間已食了5-6隻，原因是十分新鮮，所以清蒸最適合。上湯煮菜心苗，湯底濃郁鮮甜，因為用料頗多，我見到有帶子粒、竹笙、蒜子、肉碎同金華火腿

聽人講話曾xx係電視推介大中華飯店，滿心歡喜去食下啦，去到門口見到好多人排隊，我都等了成三十分鐘先有抬，一坐低就要自己寫菜單，我都冇所謂，但要係比人鬧快啲寫菜單，我都忍忍忍，啲餸如果好食我都沒所謂，但我叫了十多碟餸都沒一碟好食，碟蠔仔餅可以講話超難食來形容，最衰都係坐低未夠50分鐘就迫人結賬，態度衰到冇人有，我都未遇過都未食飽就要交枱嘅大排檔，我希望各位去食之前（停一停 諗一諗）大把大排檔好食過佢

事源因為屋企人生日，所以就揀左黎大中華食飯，第一次黎既我本以為只係普通大排檔貨式，原來都唔簡單好多人都覺得生日應該去酒家慶祝一下，但我就覺得一家人去邊食飯都唔緊要，最緊要係大家食得開心之餘野食又好食啦!!因為我地好多人關係，我地都叫左10個餸，多D人自然叫既餸就多選擇，但因為太小相可供出黎俾大家睇，所以就冇太多,只SHOW正既!!炒聖子 - 首先黎左個炒聖子先，味道一般，始終都唔係話算係一間海鮮檔，所以不過不失啦!!豪餅 - 之後黎個豪餅，呢個豪餅就真係麻麻地~因為淡冇味加上D豪仔真係太散，所以真係唔推介南乳燒脆鱔 - 黎個南乳燒脆鱔呢個炸得非常之好食，加上南乳汁，相當唔錯香脆腐皮卷 - 呢個香脆腐皮卷，都唔差!!鐵板黑椒豬手 - 呢個當然係正正正啦!!肉好林，加上用鐵板上加上黑椒汁，好配合乳豬全體 - 呢個就要去之前訂定，雖然比較耐時間先黎，但都值得等既，因為皮脆，肉質又OK，生日就黎隻乳豬慶生炸菜肉餃 - 因為我地當中有人食好多野，未夠飽所以叫左呢個小吃大家一齊食，佢都係即刻炸而唔係放左好耐個的貨色，所以都可以最後當然係我屋企人生日快樂啦，你望下妹妹個樣，哈!其實佢冇份生日!!