大中華飯店 (已搬遷) 新店位置

兩個人7點到，無Book，咁啱有街邊檯，照坐唔使等想試乳豬，$300一隻，無例牌，但係要訂先至有，留返下次落單要自己寫，寫完侍應自己又寫多張，有點多此一舉是日叫左：1. 臘味煲仔飯 (10/10 分)一流！好聰明，用大瓦煲煮約少啲飯，咁樣火路就較易控制，飯亦唔會底下燶而面頭唔夠乾身，讚！蔥花下得夠多，飯焦比例啱啱好，再讚！2. 白灼鵝腸 (6/10 分)用上新鮮鵝腸，基本上只要唔係急凍鵝腸，大致上錯不到哪裡白灼嘛，就係清囉，如果鵝腸味再騷一點就好3. 炒白菜仔 (5/10 分)合格，無特別4. 南乳燒鱔 (8/10 分)好食！鱔唔腥，皮有脂肪，肉質彈牙，大大舊，炸得鬆脆乾身，唔錯！本來好驚南乳會好重手，上菜先知完來另上南乳汁，用黎點，味道啱啱好，讚！5. 豉椒炒蜆 (3/10 分)呢味野食到'ar'晒頭，材料佢係用細花甲，即係長身啡色殼嗰種但係就奇怪在每一隻花甲個殼都係爛嘅，即係全部都係半邊殼，一半有肉，一半無肉，啲花甲肉又唔完整嘅我驚佢係將啲唔開嘅花甲，用刀分開而有咁嘅狀況.....(?)============================一提佢地嘅價錢係拍住中高等食府，埋單$3

世界盃之後既首個聚會, 亦都係暑假前既大食會, 之後張大俠去歐洲, 再到小弟去日本, 應該最快都要8月中先再聚,所以都幾難得。訂咗燒奶豬, 但要等一陣子, 因為係即燒.五個人叫咗8個餸, 先黎係黑椒豬手 , 鐵板上, 熱辣辣, 好味, 至正係D洋蔥, 大王食到停唔到口。跟住有炒蜆, 個汁比一般濃, 食唔慣。再黎鮮魷西蘭花, 炸大腸拼排骨, 勝瓜魚鰾, 味道唔錯。南乳汁燒鱔, 正, 香口又夠味。仲有煲仔糯米飯, 即場炒香上碟, 夠干夠香, 一流!!!!主角最後登場, 燒奶豬原隻上, 賣相吸引, 食落皮脆肉嫩, very good, 大王仲專食個背, 貪佢皮脆少肥羔。大俠果然冇介紹錯, 值得再食, 不過記住訂枱, 同自己寫紙落單!!!!

香港快NY十二個鐘,所以一落機就己經係下午七點落機第一餐,一定要食好D,係美國己經定好位係大中華食上菜還真快,ORDER後十分鐘就有得食,三連鋪位果然不是虛有其表南乳吊燒鱔,,一大驚喜,完全估唔到鱔可以弄得如此水準這店的冰鎮糸列還真一般,,,青瓜過熟不夠爽脆一早預訂的燒乳豬,很久都沒見過的玻璃皮,看得到廚師用隻拿叉燒出來得並不是太空爐出品,皮脆肉嫰,味亦不會過鹹,可惜因即叫即做關係,最後才上其他人都吃得很飽,不能將乳豬分解,所以我差不多吃了半隻come see the full edition http://blog.qooza.hk/maxmak

今日同女友再加多個朋友總共三個人黎大中華試一試個黑椒豬手，呢味餸從前好多大排檔都有，但唔知幾時開始愈黎愈難食到。一坐低就先叫左個黑椒豬手、吊燒鱔、大腸拼椒鹽骨加多個啫啫通菜煲。首先黎既係啫啫通菜煲，味道比較濃，主要係因為落左好多蝦醬，趁熱食都還可以，涼左少少就變得非常咸。之後就到吊燒鱔，面頭既脆漿都比較厚，食落無乜香脆感覺，如果個脆漿薄返啲應該會好好多。大腸拼椒鹽骨，大膠腸就冇乜特別，但椒鹽骨就炸得非常之乾，完全無肉汁。之後到主角出場，黑椒豬手味道唔錯，友人話黑椒味可以再濃啲，但我認為都ｏｋ，不過可以再淋多少少會仲好。食晒啲野後飲住啤酒吹陣水，再叫多個琵琶豆腐，奇怪地個汁竟然係好似泰式既酸辣汁咁，啲豆腐同魚既比列都怪怪的，成碟野似係泰式酸辣汁魚蛋咁。一般黎大排檔食野都會係慢慢食吹吹水飲飲酒咁，最少都坐三個鐘先食完，不過今次一個鐘都唔洗已經食晒啲野，同朋友講開都覺得奇怪，佢地啲野唔細碟，大家都相信最主要係因為啲伙記不停走黎走去，令到自己食野都不期然咁快起黎。同埋可能我地坐室內，頭頂開恒風扇所以啲野食好快就凍晒，連個鐵板豬手都係。最後叫左五個餸8~9枝啤酒，埋單$400，總括而言不過不失。

在openrice 打滾一段日子,認識了一群同是愛吃的好友,今次就趁子陵的壽宴,別出心裁地找一間平民食店來慶祝.其實地點真的有點難找,結果是多花了半小時才到,真的不好意思.店是開在橫街內,左右開弓地佔行人路,後巷,但依然人頭湧湧,明星效應真的厲害,難怪有時候見部份食店,硬要同光顧過的明星合照,再放大貼在當眼處,自吹自擂.人不多,只佔一檯,大家都是自已人,熱熱鬧鬧的點菜.冰鎮墨魚 : 如不是用上幾斤以上的大墨魚,絕不能做到厚切的效果,以往都會在家中泡製的一道餐前小食,但一向都是用蝦抽加麻油蘸點,今次改用上芥辣及日式豉油,變得帶有和風味道,但似乎是少了麻油的那朕香味,而且芥辣偏向有點霸道,個人還是喜歡自家出品好些~~~生炒骨 : 有人認為要知道食店是否有真功夫,由兩道菜可以試出來,一是乾炒牛河,另一味便是生炒骨,因為一道好的生炒骨須要漿粉上得好,炸得透而不會老火,此外漿汁掛得靚又不會過多,甜酸味又不會過搶,真是少點功夫也不成,老實說,此店做來四平八穩,至少大排檔水準,清碟之後又不會有太多漿汁留在碟上,不錯.南乳燒脆鱔 : 炸得外脆內軟,又不失南乳香味,而且白鱔用南乳醃制過後,不單入味,又不

5月21是佛誕, 同事提議前一日去食餐勁, 來一場佛誕前的肉食宴選左呢度, 係因為同事提議, 大中華我連聽都未聽過, 真係多得OpenRice, 唔係我都唔知道名字如此"娘", 能有多好食? 原來呢度係名人飯堂, 根本不用甚麼宣傳, 也客似雲來, 眼見坐底都似係識途老馬, 熱鬧既氣氛令到我更加期待早早已經訂左位, 亦都準時到達, 都要等左一陣先有得入, 而且仲分派左後巷既一張有冷氣機滴水既檯, 可惜真係太爆, 想換都無得換值得一提係我地有經過室內, 迫唔在講, 仲聞到好大陣油煙味, 後尾先知原來係黑椒鐵板豬手既味, 因為未開行冷氣, 黑椒鐵板味久久不散, 所以如果唔介意, 我認為外面雖然污穢但更好坐, 不過要小心可能有老鼠行過也不足為奇黑椒鐵板豬手: 認真色香味俱全既一味, 色是賣相, 一上檯已然令人興奮, 咁大隻豬手, 除左食元蹄之外真係少見鐵板一上, 白煙依舊, 感覺就像鋸扒餐一樣, 黑椒汁芝芝聲, 黑椒香味撲鼻而來, 影相更加連煙都影到, 影相過後, 刀叉起動, 豬手嫩滑一切即開但中間並無唔熟跡象豬手份量十足, 八人食都桌桌有餘, 肉質鮮嫩彈牙滑溜兼而有之, 豬皮唔肥, 豬手+豬

因為睇到食評D朋友讚好食又加上係公司附近就去試下，可能D餸叫得唔係幾好，所以感覺唔係咁好囉！首先一去到當時未夠7:00事頭婆就問有無訂位(我就無訂位)就安排去咗個唔係好夠冷氣嘅位置，因為佢地係舖內燒乳豬，雖然有抽風系統不過好open始終有陣味唔係咁好，睇到佢地用一塊唔係好乾淨嘅布黎抹乳豬塊皮真係有D恐怖。到叫餸時各位要化身做伙計，因要自己寫低想食餸菜再交俾真正嘅伙計"(唔識中文或唔識字就唔好幫襯啦，講笑）以下係當晚試咗嘅餸菜﹕冰鎮墨魚 - 好爽、好鮮甜。炸大腸 - 一般、O.K.啦。介菜肉片咸旦湯 - 好大窩，似屋企煲嘅味道，有４至６人份量。總括來講我覺得"大中華"味道一般，服務麻麻。

噚晚食完。四個人試咗貴村雞，豬手，"招炎"狗棍，枇杷豆腐。豬手幾乎每圍都叫，量，味，都中上，值得推介。狗棍嘅炸漿亦係不凡，推介。豆腐其實亦炸得唔錯，但枇杷豆腐應係用蝦膠，佢用咗一般街邊煎三寶係魚味麵粉團。扣分。貴村雞，係啖味版口水雞，雞滑，但量少，半隻100...可以忘記。另外，環境唔係好得，坐後街邊，地下有水....感覺唔多衞生。以四個人食咗280蚊嚟講，要坐後巻好似有啲唔合理，所以下次食一定要訂位。伙記太忙，亦唔多好禮，第一碟餸嚟到都仲未有茶。後來其求喺隔離枱攞過嚟俾我地，但四個人每人只夠半杯....之後頂唔順(因為味精度都算中咁啦...)自己入去鋪入面攞茶....竟然隔離枱又走過嚟"JUMP"咗幾次...可見真係無人服務....總而言之，地區級數，行開可以一試。

今年友人子陵兄的壽酒,地點在長沙灣福榮街的"大中華"."大中華"的地點算幾吊詭,但對小弟來說是沒有難度.因為在十多年前,我曾在此條名叫兼善里的小巷,渡過了三個寒暑.當年也曾在此買過外賣.所以對此一帶絕不陌生.不過對其他人來講,就有點難度.搭港鐵的話,位置正正在長沙灣同荔枝角中間,真正"兩頭唔到岸".假如在旺角來的話,坐青山道小巴,去到昌華街尾站,行兩步就到,最方便.兼善里十幾年如一日,仍然沒有變,一樣污煙蟑氣.隨時有老鼠在腳下過也不出奇.介意環境差的話,就不要坐外面,但坐在入面,也好不了多少.典型地道小炒店格局,同石硤尾強記差不多.檯與檯之間極狹窄.話須如此,場內的氣氛非常熱烈,就連啤酒妹也"熱情如火".令到主人家,差點把持不住.大中華貴為"名人"飯堂,究竟這間外表平平無奇,有什麼可令到一眾影視界人仕來光顧?是夜首先上的菜式是冰鎮墨魚片,鮮味彈牙,再點些醬油吃,味道再提升.生炒骨個人對此味一般,不過大中華做出的生炒骨,酸甜度適中,肉質也鬆化.算是不錯吧.接著的南乳燒脆鱔,外皮香脆酥化,肉質就有點散,沒有鰻魚肉的實在感,但也不失是一道佐酒之良伴.上湯肉碎竹笙浸菜心苖,個人最好索了鮮甜湯汁

哩日突意相約三位知己黎試下哩個"明星飯堂". 可能平日關係, 所以唔見有明星. 不過志不在明星, 在乎有冇好野食叫左3樣野, 當然叫d 馳名既野啦, 鐵板豬手同大煲燒臘飯. 燒臘飯唔係menu 度, 問過$80, 可以接受另外朋友想食椒鹽九肚魚, 即管一試先來一碟椒鹽九肚魚. 一手夾起一件, 咬落去似係炸斑塊, 一黎冇九肚魚條骨, 二黎肉質較硬. 不過食第二件就係真既九肚魚. 幾易夾散. 但炸得鬆脆金黃.朋友都食到一件炸豬肉之後再黎一大煲既臘味飯. 叫o個時問有冇糯米飯, 事頭婆解釋係燒臘飯, 唔係糯米飯, 係用沾米煮既.另外可配燒臘或者羊肉, 燒臘就香d. 雖然我好想食羊, 但都係受唔住燒臘既誘惑.上台個煲真係好大, 但入面只係好少飯. 阿姐倒兩兜花生同蔥入去立即大兜亂, 色澤好均勻. 的確好似糯米飯...食落每口都有飯焦, 仲有臘味同蔥既香味. 真係好食到停唔到.從此唔駛去食煲仔飯, 黎哩度食個臘味飯都夠晒滿足啦. 好過出面d 煲仔飯煲到成個底燶晒. 有飯焦都係得個睇字.最後來隻鐵板豬手, 幾大隻. 朋友先起肉. 原來肉質非常軟淋, 又唔會黐骨. 求其用筷子夾開都可以.味道偏鹹.

前晚老友約食飯，揀番佢主場大中華﹗7:00pm去到已經半爆，自從無線阿曾志偉介紹過之後真係唔同哂，客似雲來，唔訂位真係唔洗旨意有得食﹗整番支朝日先﹗$15支﹗要留意呢度有個女童工，可能係老闆個女，六歲左右放左學在大中華行來行去﹗主動埋黎同你斟酒，你飲一啖佢斟一啖，煩死人﹗建議如你不是好有愛心的話，唔理佢會好過一點﹗人未齊先來個東風螺食下先﹗呢個貴囉﹗一斤$128﹗貴就係貴，不過份量都幾多，隻隻都好鮮甜，送啤酒傾計一流﹗清蒸花甲﹗未算肥美不過又係好鮮甜味濃，食到要搶咁濟﹗冰鎮墨魚，無冰鎮住不過爽口彈牙，超有嚼勁，蘸少少芥辣豉油同吃超正﹗我鍾意﹗炸腐皮卷。入面有不同菜類及蝦仁，外脆內爽，清新怡人，好味﹗來大中華必吃的臘味煲仔飯﹗加入大量香蔥、花生、夠哂香口，飯夠乾身一0的都唔油，粒粒分明飽滿，全港最好吃的煲仔飯啊﹗炸大腸拼椒鹽骨。大腸我無份，佢地話好香脆唔腥，洗得乾淨無燥味﹔椒鹽骨普通貨色。呢個係連問都無問幾錢既蒸魚頭，大碟到嚇親人，可能幾百蚊﹗又係無我份啦食魚，全場靜哂，一件件放入口係咁啜啜啜啜，膠到個口打唔開﹗椒鹽鮮魷﹗炸粉夠薄，香脆得來椒鹽味濃，出色﹗有幸吃到唔訂無得食既即燒乳豬仔，

不經不覺又大一年了，回顧上一年發生的事，果真是悲喜交集，有如坐過山車般起伏不定，正因如此，不論將來日子如何，我也想為往年作一個總結，這一個生日飯局，還是有舉行的理由，自知不是攪飯局的料子，一切的細節安排，交給我的好友檸茶兄代辦，也就放心不過。做慣乞兒懶做官，知道高級的餐廳食肆不太適合我，只希望吃一頓氣氛熱鬧的鑊氣小炒，檸茶兄揀了這一間名為「大中華」的飯店給我，起初也不以為意，試後才知是一粒滄海遺珠，除了一環較弱之外，整體食物水平甚高，究竟是甚麼?! 煩請諸位稍加耐性細讀，文字和圖片始終有所侷限，還望加以賜教。先拔頭籌飯店晚市坐無虛席，人手上相對不夠，大部份的顧客也是揀好菜式之後，立時寫在紙上，再交給附近的侍者落單罷了。服務上不夠慇勤，也無損當晚的氣氛和食物的印象，先來的冰鎮墨魚，雖然經過拖水處理，用上冷縮的處理之法後，肉質彈牙之餘，仍然吃出其鮮味，灑了些許麻油後，更添垂人香氣，開首的印象已佳。沒期望之下，點了一個生炒排骨，誰知也是少有的水準之作，外層炸得香脆，內裡還是有肉汁，外面的滷汁份量適中，酸甜度也是怡人，加上鑊氣俱佳，直追名店的水平。青黃交接來大排檔式的飯店，怎也要一些香口炸物

大中華飯店~~一间係舊区里毫不起眼嘅飯店,却有着D好独特又好味嘅美食虽然已经嚟食过無数次,不过每逢过年过节或好友良朋生日,就会想到嚟呢度食饭.無他嘅,只因为两个字"好味",同埋选择多&有D菜式又几特别,唔似一般嘅大酒楼咁,来来去去都係個D指定套餐,食得多都闷!!不过自从新春期間,係某電影的製作特輯,俾三色台"奖門人"介绍过呢间飯店后,即刻引嚟极大回响,搞到经常一抬難求,伙計們亦無暇招呼你(太爆满),最惨係D食物水准急剧下降,搞到大家無啖好食,唔知呢D係咪所谓嘅"名人效应",见光即死!!.......

18/3(四) 8pm經過一輪食浪後,跟S先生乘風破浪回到九龍半島,再到深水埗買下新天地的珍珠奶茶及坤記的芝麻糕方才罷休!"泰山"果真食力雄厚!晚飯的選址由阿梁發辦,擬定於"大中華".提前一句鐘苦纏大叔求,若不,實在一位難求!廿分鐘後被安頓於入內的小圓桌,沒什麼環境可言,伙計們亦無暇招呼你.於阿崩叫狗的情況下,點了金銀蛋莧菜$50,鐵板黑椒豬手$80及脆鱔$70.金銀蛋莧菜--點了菠菜卻換來莧菜,莧菜份量慷慨,質地略粗糙;金銀蛋貌似嘔吐物,的確有點倒胃!鐵板黑椒豬手--於毫無準備的情況下,差點給火山口的黑椒汁玷污了襯衫.手起刀落,解剖豬手,豬手肥碩肉厚,肉質彈牙鹹香,黑椒香十足的到家豬手!炸脆鱔--脆鱔炸至外皮鬆化,白鱔肉難得的保持肉汁豐盛,蘸上自家製,味帶南乳的酸甜汁,超水準之作!三人才花消兩百大元的個性小菜局,吃得眾人叫好!

朋友生日，選擇呢度同佢慶祝，叫咗以下菜式：1. 鐵板咸豬手：好食，入味 (不過等咗成個幾鐘，唔知係咪漏單)2. 臘味煲仔飯：好好食，多臘味，熱辣辣夠惹味 (又係等咗成個幾鐘，曾經催過，佢地話太多人點，無哂煲仔喎...............)3. 蝦醬芥蘭：OK4. 花甲：OK5. 生炒排骨：與其他舖頭差不多6. 蒸烏頭：不過不失仲有1-2碟餸，唔係好記得.......