星期六7點去到，先攞飛，等咗幾分鐘， 姐姐話如果坐入面，八點半前就要交枱，唔係就要坐出面，最後都揀坐入面。
三個人寫咗4碟餸。
鐵板黑椒豬手
大大件，味道唔錯，夠入味，黑椒味啱啱好，肉質爽滑。雖然用鐵板上，但冇乜鐵板風味。
南乳脆鱔
炸得好脆，但又唔油膩，南乳醬唔會死咸，鱔肉夠彈牙
。
腊味煲仔飯
上枱時，嘩！。。。好大煲呀。。。個煲！D飯其實只有1/4煲，加埋D蔥，勉強都有1/3煲。腊味唔多，D飯煮得同出面D唔同，粒粒都乾身，有飯焦，唔錯
。
琵琶豆腐
呢碟等咗超過一個鐘先上，一D都好食，冇乜鯪魚肉，成件都林pat pat，冇黎味道，做唔到外脆內軟
。
本應前三碟都ok好味，但係俾最後呢碟拉低晒整體分數。
