大中華飯店 (已搬遷) 新店位置

一圍十幾人、叫左勁多款菜式，係一般飯店少有菜式，搵左其中兩樣講下，我都係第一次見😍😍😍人地撈起，佢又撈起，真係好鬼特別，一間平平無奇既飯店咁然有三文魚撈起，個種感覺同酒樓好唔同，多左一份清新感，好味又特別！依隻雞真係不得了，你睇佢原隻上，仲要係玩原隻手撕，外層燒到脆卜卜，內裹又出奇咁嫩滑，真係好玩又好食，超有驚喜既一餐😍😍😍

又一年啦媽咪話想食好味燒鵝唯有上網找啦唔想食大型酒樓根住睇到有人推介大中華他話係炭爐燒之後同媽咪去食啦點知真係唔差唔會覺得好最肥呀而且個皮真係好脆呀好耐無食過覺得好好味既燒鹅我覺得燒鵝值得推介比人好在媽咪都無失望呀之後再炒碟菜同超級唔健康既炸大腸但都好味既阿媽話細個好鍾意食既野所以見係做節就比她食一次都好脆呀唔健康既野係特別好食但大家都好忙想加單但唔知等幾耐唯有簡簡單單就算其實用炭燒真係好似無咩地方所以要珍惜呀

聽聞這裏煲仔飯很有名，所以專登千里迢迢去試吓。這裏的姐姐很有個性，同佢講唔該兩位吖，我還以為自己是鬼魂，冇人答你冇人俾反應你，當你透明！當我很有耐性再同佢講唔該兩位呀，佢就一句彈埋你，兩位唔做啊！ ！ ！佢都費事理你望都唔會望你！簡直不知所謂！你咁有型乾脆執咗佢唔好做啦！佢覺得兩個人食得幾多啊，阻住佢哋食大茶飯做大生意！唔理佢啲嘢有幾好食，呢種服務態度拒諸於門外簡直不知所謂，連人嘅基本禮貌都冇真係冇嘢講！我明白過時過節想做多啲生意係人之常情，但係答人嘅時候請有基本的禮貌與尊重。大家無需要去受氣，好食的地方多的是！！！

今日有同事生日就去左公司附近一間大排擋食飯，大中華飯店我地今次都叫左幾多款小菜我地叫左個大撈起，炸大腸，黑椒豬手，土匪雞，燒脆鱔，臘味煲仔飯，墨魚餅，酥炸皮蛋，咕嚕肉，蒜蓉粉絲蒸聖子叫哂所有野就黎左個胡椒豬肚湯，勁濃胡椒味，仲有勁多豬肚，好足料樣樣都好出色，大撈起係三文魚撈埋d沙律菜，個汁係魚生豉油wasabi幾fusion 幾特別炸大腸，燒脆鱔同酥炸皮蛋呢幾樣都好脆日，做吾到脆鱔可以甘好食，熱辣辣蒜蓉粉絲蒸聖子份量都好大，隻聖子勁鮮甜好食好食最吸引我嘅係臘味煲仔飯，佢地每一粒米都十分香口，同平時食到個d好吾同，佢勁多料，有花生，臘腸，臘肉，膶腸，好正，勁有鑊氣下次一定會再食呢間

一直都聽朋友講過依間大中華飯店,趁住聖誕假期一大班朋友出黎玩, 一齊黎大排檔食小炒就最好不過, 多人先抵食加嘛!我地一行9人, 夜晚8點半黎到, 等左10分鐘就可以入去,大排檔黎講環境都算唔錯喇, 都乾淨企理,食物選擇超級超級多, 仲有好多普通大排檔食唔到既菜色, 好似鐵板豬手, 炭燒奶豬, 土匪雞咁,特別一提依度仲有甜品食! 不過我地就冇試到喇,點左菜大約10分鐘菜式就陸續送上 黑椒鐵板豬手 ($130)依道係每枱必點既招牌菜,本身我唔係特別鍾意食豬手, 覺得好肥膩,但依道菜完全改變左我對豬手既感觀,用鐵板上咁大隻既豬手本身已經好吸引, 豬手仲整得好腍, 用刀輕輕一整就切得開,加左黑椒成道菜好惹味, 完全冇晒豬手果種肥膩感,果然係中華飯店必食 酥炸大腸 ($80)本身已經好鍾意食豬大腸,依度既酥炸大腸值得一讚, 炸得酥酥脆脆,配埋個醬酸酸甜甜咁, 連身邊平時唔食大腸既朋友都話好味,不過作為豬大腸怪既我就覺得如果佢冇咁乾身, 同埋再肥美D會更好 豉油蝦 (時價)最後埋單冇CHECK到每碟菜分別幾錢,所以唔知道依碟蝦實際價錢~個蝦好入味, 又唔會話太咸, 蝦夠大隻, 脆到可以連殼食, 都

為咗預備一年一度嘅冬至，一早訂咗一間房預備今日豐富嘅晚餐， 當然一定要預早訂定炭燒乳豬。呢隻細細隻嘅豬都要＄480， 但口感真係一皮好脆，肉質好淋，果然係其中一樣鎮店之寶。你一個菜係香煎墨魚餅，數量唔係好多，樣樣係真材實料，味道真係好正好爽。價錢唔算平，但中菜味道真係一流。

上湯勝瓜浸魚鰾 $90上湯鮮，有微辣薑味，魚鰾滑，食完太多熱氣既小炒飲啖鮮味既湯簡直一絕琵琶豆腐 $80好抵食，炸得大大舊，內既餡好豐富，食到有不同既味道椒鹽骨拼炸大腸 $80椒鹽骨普普通通，大腸炸得脆，但大部份都油脂不足，較瘦，有點乾，食唔到大腸個種獨有既肥美。南乳吊燒鱔 $110以為真係燒，點知外層係炸皮。。。有點失望，有點乾，突出唔到鱔既彈牙，感覺浪費左條鱔。。只可以說是一件香口的炸物。薑葱蠔 $130蠔超大隻肥美，無腥味，同薑葱一齊夠哂夾！鐵板豬手 $130豬手應該好受歡迎，幾乎枱枱都叫一碟黎食，不過一食，未如我所想咁好味，最得好既係豬手好淋，一切已經好易分開，不過味道我覺得偏鹹，亦都淨係得個鹹字，食唔出上面d汁咩味。。鍾意食鹹豬手既朋友可能會like

有朋友突然話lee間好味，其實我早幾年食過，不過吾記得味道了，再來試一試先Lee度要自己寫單，同出去買飲品的份量都好大碟下個九肚魚比起好多地方好味，粉不太厚，魚有肉的乳鴿係皮脆多汁整體都可以，不過熱左少少

話說老闆佢地一時興起, 話去搵好野食, 之後有同事就推介大排檔, 但又想搵近近地, 可以早D食完收工走人, 之後銷售同事就話, 而加涼涼地,食個臘味飯啊, 佢亦話去過呢間唔錯一去到叫左4-5樣野左右, 第一樣就係冰鎮墨魚, 咬落爽口, 加上WASABI, 味覺為之一鎮, 唔會好似舊膠甘重點菜式黎啦生炒臘味飯未上枱已經聞到香味, 賣相非常唔錯, 連有個同事本身唔食潤腸既都試左食飯香味濃, 加上有生炒, 酒香味就更加濃, 可惜就係飯太少, 大約6個人, 跟本一人一碗都冇之後同事叫左個羊腩煲, 因為本人係唔食羊既, 所以呢味菜我就唔評價啦其實中華飯店同一條街有幾間鋪, 可能出名既關係, 服務水平亦唔係好高, 人手不足一定要講,因為唔係有個人會企係附近同你落單, 埋單, 要走出去搵人先得環境同衛生都要改善一下

今晚請我的表哥，表妹食飯！他們從遠方歸來。他們曾在此食飯並讚口不絕，所以今晚再同他們來食！上湯菜心苗，麻麻。的竹笙是漂過。no good炸大腸係最好味聖子味道也可以蒜蓉扇貝，30元1隻，味道可以要加多1至2碗白飯，咁就冇咁肥，好味好多！整體來說，這餐晚餐是普通。最慘是6點半去到食，8點05分就自動拿張單叫你埋單。認真麻麻。不是聚餐的好地方。

已經唔知第幾次來吃了，不過次次都忘了預留乳豬及土匪雞，今次終於留枱時順便留埋，食早段時間人不算多，6:15到八點交枱，下一輪枱由8:15開始，此店只接受現金，不能刷卡！

同屋企人食飯，佢地一向都鍾情於地地薑。係九龍夠地道既選擇真係唔多，最後都係去返大中華！呢個柣板黑椒豬手基本每一枱都必叫。一上枱就有香噴噴既黑椒味噗鼻而來，食材採用原蹄，啖啖肉，而且佢地炆得好淋，唯獨喊左少少，送飯會好啲。上湯菜芯苗：surprisingly 竟然有竹苼，史雲生上湯，個菜好脆，火喉岩岩好！豉椒炒聖子：好夠鑊氣，聖子唔算大隻，不過都脹卜卜有肉地！不過要食得辣先好叫，佢啲椒都幾辣架～見好耐無食過乳鴿，叫左一隻試下。普普通通啦，唔叫都唔可惜囉！總括黎講，佢地啲食物都算中上，值得推介俾朋友

朋友介紹黎呢一間位於長沙灣既大中華，呢間餐廳最出名係食物味道一流，而且好有大排檔風味。椒鹽鮮魷去大排檔最鍾意食呢一度菜，因為大排檔鍋氣夠，通常都好好味。呢個椒鹽鮮魷，味道不錯，椒鹽味夠濃，不過鍋氣不太夠，如果鮮魷可以更爽口就更好，不過不失椒絲腐乳通菜味道比較濃，個汁傑左少少，都係唔夠鍋氣，如果乾少少會好d整體一般，環境服務都係一般。

適逢前排友人生日，遂決定前往一試撈起撈起 取其好意頭，也是店鋪招牌菜之一。以三文魚配豆芽木耳，粉絲，娃娃菜絲等各類菜肉混合而成。本人覺得味道較為清淡爽口 甜酸豬手。豬手肉質很鬆化，嫩滑卻不油膩，味道酸酸甜甜，很開胃，是一道很不錯的送飯菜燒乳豬因為是熱門招牌菜所以需要提早預訂，一試之下果然名不虛傳。乳豬烤得非常非常鬆脆，同時也不肥膩，配合各種點料，非常惹味道 主打招牌菜之一，也需提前預訂 😘燒鵝也很鬆脆多汁，同時肉質方面也較為鮮嫩多汁。更加沒有一般燒鵝所存在的油膩感重，非常非常非常值得推薦

聽到網上各路食家朋友大讚, 特意到大中華開眼界. 去到的感覺是我欠他店十分多的錢. 由攞位(限時1.5小時), 叫餸, 叫野飲, 埋單, 每個伙計都黑口黑面, 答句唔答句, 好串. 態度十分極度差. 冷氣十分不足, 熱到成枱人食都唔想食. 落單自助. 埋單自助. 想要飲品都係自助行出去指定店到買再自己抬返黎. 價錢係大酒樓的價錢. 服務九流, 他家燒豬價更比某大知名元朗圍村菜的平hkd20而已. 每碟餸都係大酒樓的價錢, 食物偏咸. 同樣的價錢, 食物質素, 可以在其他店內找到. 大班人食飯, 只想開心. 點知由頭受氣到埋單. 熱到人完全唔想食. 有興趣貼錢買難受的朋友可以去光顧一下. 我一枱人一致把這店放入黑名單. 錢可以用在令自己食得開心的地方.