大中華飯店 (已搬遷) 新店位置

上次係呢間大排檔鐵板大豬手, 椒鹽雞軟骨, 粉絲雞煲 等幾樣菜都唔錯, 特別係鐵板大豬手, 份量好大而且肉質亦都好鮮甜, 其他菜式都好有大檔風味, 令我下一次亦都好想黎多次。雖然環境未必好好, 但講到抵食程度, 我一定比五顆星, 三人四菜加飯, 加飲都100元內找數, 又好食, 真係好抵

好友同我補祝生日, 推介食呢間, 於是黎食, 果然無令人失望~超大隻肥美鮮味嘅花甲, 好正呀！土匪鷄嘅賣相...好特別，但我覺得好似...有d恐怖^^"味道ok但肉略鞋四蔬好新鮮~ 仲配wasabi豉油~ 好爽口好好味~這個簡直無得彈!!黑椒汁味很香濃加上隻豬手腍得恰到好處，又入味! 雖然整體上有D過咸~整體黎講, 食物質素高, 環境還可以, 下次會再嚟食！

難得的朋友聚會, 因當中有住長沙灣的朋友推薦這間, 而且對這間的美味也略有所聞, 便決定一試都很多人寫過這間的各樣菜式的寫評了, 以下就只介紹兩樣我認為最好味的菜式:1.豉椒炒蟶子蟶子炒得很惹味肥美，而且很爽口!2. 鐵板黑椒豬手 這個簡直無得彈!!濃既黑椒汁加上隻豬手肉腍得恰到好處，好入味好配合!仲有好多菜式都想試, 只好留返下次!

奶奶生日飯!!! 一行六人book o左嚟呢度食飯慶祝~叫o左好多o野食~ 隻土匪雞真係好正!!! 又滑又勁入味!!!加埋d特製薑蓉真係無得彈呀!!! 只係二百幾蚊真係抵食!!!黑椒鐵板豬手又係好正!!! 超熱辣~ d肉又林~ d皮又林~ d汁又好味~ 大家食到唔停口~墨魚餅真係超彈牙!!! 又大碟~ 強烈推介!!!煲仔臘味飯又係好正!!! 上檯前師博先加d蔥同花生入去撈勻~熱辣辣!!! 而且好多飯焦~ d臘味多過d飯tim!!! 真係抵食~冰鎮四蔬都好新鮮~ 仲配wasabi豉油~ 好爽口好好味~ 唔錯~豉油皇蝦係最貴...$320...不過味道真係好好~ 超香~不過老公食到有一隻d肉梅o左~我食o左幾隻都好爽!!! 但性價比不高...唔會encore...另外椒鹽九肚都麻麻地...太林...又係唔會encore...叫o左7樣野...$1020...又唔駛加一!!!係碟蝦貴~ 其他都好抵食!!! 交檯前半個鐘會有店員拎埋"大中華甜品"紙俾你order...中式甜品廿幾蚊一樣...可惜夏天沒有熱糖水...我叫o左腐竹白果意米糖水~ 唔會太甜~ 足料~ 只係我始終覺得呢款糖水要熱食先係

朋友介紹小炒王. 有鑊氣, 好食, 抵食.如果無訂位, 相信大班人一定好難等位.豉油王炒大蝦, 好入味, 好大隻蝦. (這裡只是我自己隻碗中的一隻蝦)燒乳豬，皮脆，肉滑。都大份. 花甲好大隻, 有鮮味. 豬手都好味。聽說是有名的必叫項目，果然名不虛傳。　　還有很多味菜不能影晒. 有些是一般的為求填飽小朋友個肚的, 就不在此特別握介了. 約十位大人用膳, 最後每人$180. 咁多海鮮, 平都呢!不過係坐得逼D.

點了網上推介的【黑椒鐵板豬手 】，放在熱辣辣的鐵板上，咋咋聲出煙，視覺及聽覺的享受。肉質林身，很容易便切好。黑椒汁味道香濃，但不會太辣，亦不會太咸，不錯!蠔餅大大片，炸得卜卜脆，油瀝得好，不會有油膩感。蠔又大又多，而且薯粉不多，推介!蔥怱鮑魚 (HK$65/隻)，鮑魚夠林，體積都OK。蔥怱很多，且蔥怱汁野味，令蔥怱都很好吃!啫啫通菜比較咸及油，但通菜不會太林。大蟶子(忘了拍照，有看到上圖左上角的蟶子嗎!?)不得了!蒜頭很多，蒜香味濃，很野味! 唯獨粉絲不夠多，有點浪費了蒜頭。土匪鷄$260，是訂檯時預留了的。以為土匪鷄是辣的，怎知道原來吃起來像鹽焗雞。切的時候比較麻煩，不過賣相真的是不錯，呃like必選。

經友人推薦下 帶了我們來到這大排檔食飯，原來要預先訂枱的，不然便要等位！幸好，早一天訂了，等了數分鐘便入坐了！ 一早做了功課查下有什麼招牌菜好食，所以很快快點好菜了。 先說說環境，很一般的大排檔環境，不要期望衛生良好，地下好「線」，濕漉漉！ 大排檔預左不會太好了！ 到食物 ：先上招牌菜 鐵板黑椒豬腳 本來沒有太大期望 ，因為不太好豬腳，很怕肥膩的感覺！而這個肉過淋 快子一督就鬆散 不過都好 食得方便啲，不用太狼狽，一夾就得！黑椒汁味很香濃，很多洋蔥，不會太辣 不過整體上有點過咸！ 用來送飯就幾好！ 評分8/10煲仔臘味飯這個一來到 我一看見煲仔上的蔥花 就覺得很惹味！雖然天氣很熱，但我仍大碗大碗地吃，份量很多，夠五個女仔吃，很入味又不會太咸加上滿滿的蔥花和香口花生是一流！ 評分8/10咸蛋介菜湯 這個在夏天吃合時宜，又可當菜，令整餐飯冇甘乾！很清甜 湯料都很足 ，每位朋友都至少喝了兩碗，而我更喝了三碗。評分：7/10last but not least 墨魚餅 這個真令我讚不絕口 ， 好好食呀！！ 為了它 我一定會再來吃的！ 一碟有十幾個， 我吃了四個 真的忍不住想狂吃，它很彈牙夠哂口

今次係第二次去大中華，第一次食過那隻招牌雞，太乾身味道又無乜特別，所以今次無預訂，豬手又太鹹所以又無叫，自己寫菜落單，無服務可言，今次點左蜆芥鯪魚球、炸大腸、冰鎮鮑魚螺片、蠔餅、亂棍打死牛魔王、墨魚餅最好味，但可惜係第二輪加單，所以開始放慢腳步開始飽，食剩一件浪費了⋯仲有碟家常小菜西蘭花炒牛肉，5個人最後都吃光光～好味

今晚我們去咗大中華飯店食晚飯！我們今晚叫咗臘味煲仔飯、黑椒鐵板豬手、椒鹽田鷄、椒鹽九肚魚、蠔餅、南乳吊燒鱔、土匪鷄同中華特色撈起！他們嘅招牌臘味煲仔飯真係非常足料，有超多臘腸、膶腸同臘肉，仲有原粒花生！真係非常香口同鑊氣十足！係本人嘅必食推介！黑椒鐵板豬手嘅黑椒汁非常濃郁，豬手嘅皮同肉質亦好嫩滑！土匪鷄嘅賣相非常吸引，皮脆肉嫩！南乳吊燒鱔肉質彈牙！中華特色撈起非常清新，喺呢個炎炎夏日嚟食真係最佳嘅選擇！椒鹽田鷄同椒鹽九肚魚亦炸得好酥脆！仲有好多特色嘅小炒我都仲未試到！所以我下次必定會再嚟食！

一家五人下午去沙灘享受美好天氣後，細佬提議到大中華吃飯。很久以前便想試試這家，不過總覺得只有我和老公兩人，點不了太多菜，所以一直沒有來，今日終於可以試試！我們沒有訂位，不過我們下午6點多便過來試試碰運氣，室內已經全部訂座了，不過還是可以安排到後巷室外位置，是悶熱了點，不過還可以吧！我坐下即點五個菜，這𥚃是要自己手寫在點菜紙上，菜牌基本上都有圖片。我們點了以下五個菜1）中華撈起，這個很特別，雖說看似是雜菜撈在一起，三文魚放面，再加魚生豉油wasabi。但吃起來很特別，味道很配，夏天悶熱天氣，吃這個很清新！推介大家試2）豉椒炒聖子，味道ok,聖子是很細隻的一種，可以讚是沒有吃到有沙，應該洗得很乾淨3）貴州豬腳，冷盤，味道很好，有點辣辣的，夏天很醒胃，男人送啤酒一流有其他客行過都問這一盤是什麼，點了一様的。4）椒鹽九肚魚，不過不失，沒有太大驚喜就不作詳細介紹5）什菜煲，整餐飯敗筆之處，整個煲啖而冇味，菜又煮得太耐，太老了。不爽口不過整體上來説這家小炒店是值得再來的是日晚共$5xx...不包括酒水，5個人，價錢合理！

今日同朋友聚會，次次食都唔記得寫食評，豬手係特別推介，濃濃既黑椒汁加上隻豬手好軟好入味！個蠟味煲仔飯飯超夠鑊氣，熱辣辣令到D飯有飯焦，鼓油底再加臘味超地道！墨魚餅又係一絕，比起其他地方彈牙好多，又有墨魚味！淨係影得切個炒飯同墨魚餅，隻豬手一上就俾人解體左~p.s. 間唔時會撞到洪x寶~~

Family DinnerWeekday七點半前唔洗Book位，全程self service 咁制，不過咁先有突色！蒸鱔-香甜，新鮮冇泥味咸豬手-入味，肉質岩岩好，唔會淋到散晒企在係度雞-外表乾，但食落juicy又香口陀地必試

朋友黎呢間之前預早訂左枱，黎到等十幾分鐘左右先有得坐...都唔緊要既。坐低落晒單，先話之前預訂既土匪雞漏落單，無得食😨。叫左豬手，太淋，黑椒味重；冰鎮墨魚，質感好膠；琵琶豆腐，咬落好散唔夠實，味道ok；炸大腸，等左半個鐘有多先黎，唔知係咪忙得滯求其切，有段成3吋長，味道一般；生菜包，味道一般。環境麻麻唔緊要，服務態度差都預左，最緊要好食，但係叫左幾碟餸都麻麻地，價錢比同類型餐廳較貴，真係令人失望。

今晚收工同陳家一齊食團年飯! 早前已BOOK好檯!繼上次老表飯局黎過, 今次又再黎幫襯, 不過點既菜式有D唔同!白果腐竹豬肚湯五個人飲咁大窩, 最少每人都要飲兩碗多先飲得晒! 今次比上次多好多豬肚, 味道好夠辣, 腐竹也煲得好溶, 讓人飲完好開胃~~土匪雞其實佢賣相真係十分搶眼! 好少可將隻雞打直原隻上檯! 都算係gimmick黎既! 不過要食就麻煩少少, 因為要搵人手撕開, 成件事, 好原始! 至於味道呢, 個人覺得有D少少似鹽焗雞既味道, 好彩肉質都好夠嫰滑!臘味糯米飯好足料既一盤糯米飯, 上檯前, 職員會幫我地混入好多葱花 (真係好多), 之後先俾我地. 上次都有食過, 覺得好好食! 其實入面真係好足料, 好多臘腸, 臘肉等, 又有花生碎~~不過真係要多人先好叫, 否則都好難啃得晒!薑葱魚鰾 (忘記影相添)UNCLE至愛! 我諗呢味餸真係好少地方有得食! 而且佢又整得好好食喎! 真係好難得!魚鰾口感其實有D似花膠, 不過佢會再爽少少, 又有D煙UN~~南乳鱔無骨既魚啱晒我! 鱔點D南乳醬食會好惹味, 入面魚質好滑漏~鹽酥骨併炸豬腸(又忘記影相)骨同豬腸都炸得好通透, 好夠鑊氣,

大中華本身已經相當出名，亦有電視台嘅飲食節目報導過佢哋，我都係因為咁先識得去幫襯，仲曾經遇見過電視台演員喺度聚餐。最近差唔多每星期都打羽毛球，然後至同波友一齊出去食晚飯，大中華就係其中我哋經常幫襯嘅一間。因為都係８點鍾之後，所以都唔駛點等位，亦唔駛怱怱食完俾人趕要交番張枱出嚟！幫襯咗咁多次，今次終於寫番個食評。餐廳嘅環境同裝修都係大排檔格局，由多個鋪位串連而成，但係好多都要由後巷入去。大中華本身唔賣酒，要飲酒就要自己去巷口嘅士多買，其實間士多應該都係佢哋嘅。佢哋另一個”特點”就係落單要自已寫。而佢哋嘅食物都秉持大排檔特色，講求味道而不重賣相，好似以前食過嘅薑蔥魚鳔咁，炒到兜亂曬咁，啲魚鳔又一舊大一舊細咁，但係味道就好好！今次４個人叫咗４餸１飯，包括燒鵝半隻，上湯菜心苗，蔥花黃鱔，煎墨魚餅同臘味煲仔飯。燒鵝係新鮮出爐，賣完就冇，有時太夜去到就冇得食。所以都能夠做到皮脆，加上皮下一層薄薄嘅肥膏，真係甘香無比。以我食過咁多次呢度嘅燒鵝，今次未算係最好嘅一次，但係已經非常好食。要食燒鵝就唔駛一定去深井或者中環間名店！作為一個食肉獸嘅我，差唔多每次都主動點呢個上湯菜心苗，仲食唔少。菜心苗每次都好