大中華飯店 (已搬遷) 新店位置

喺香港梗係要食吓大排擋先叫 local，港女今日都做返個真真正正的陀地妹，試下呢個氣勢如虹的大中華！呢到好多野都係 self-serve，買野飲至落單都係自己寫，皆因佢地真係好旺，七點都未夠就坐滿成條街，仲要一路都有人嚟，真係勁！先嚟個墨魚餅，煎到金黃色，墨魚爽滑彈牙！我地好想嗌土匪🐔，但已經冇晒😳，唯有叫乳鴿，不過都好好味，皮好脆又香，我都好耐冇食過咁正的乳鴿！蒜蓉粉絲蒸帶子都好味，D汁同粉絲，不過帶子瘦D。蒜蓉粉絲蒸勝瓜，都係D汁同粉絲，勝瓜有少少泥味。個糯米飯好多葱香到爆，上枱時仲喺我地臉前兜兩野，睇到我地嘩嘩聲！個飯好足料，但可能D葱多左D，攪到個飯濕濕地，冇糯米飯嗰種乾身同硬度，不過都好味嘅😋。最後講埋個環境，如果你要坐得舒舒服服，呢到就冇啦，不過夠晒陀地，夠晒麻甩，後面仲有一樓一！

長沙灣中式菜，夠哂wok 氣！炸鮮魷- 香口炒聖子- 鮮味夠！豬手-呢个係呢度有名嘅菜，其他人話好味，我怕太多肉冇食糯米雞- 好大隻，多料，不過太多汁，濕左小小D餸好大碟，人多先好黎～

一家六口來到長沙灣，心血來潮到大中華，星期五晚未有訂位嘅情況下大約等咗15分鐘就有位喇，不過都建議事先訂位。呢度出名黑椒豬手同罰企雞🐤好多小炒都好吸引，適合一大班人劈酒吹水🍻冰鎮墨魚，唔錯🐙，爽口唔夠凍冰上面加張保鮮紙會好d有好多冰鎮小食可供選擇黑椒豬手，必食皮脆肉嫰豉汁炒聖子不過不失，諗住應該好夠煱氣芥菜豆腐鹹蛋湯樣貌平庸，湯很甜，唔錯蒜香骨呢個都唔錯，送飯一流，鍾意食肉嘅可以諗諗炸子雞呢個幾好，香滑肉嫰，呢度係半隻唔記得叫咩名，最後一版，個名好長賴搞鬼牛肉有少少咸魚味定南乳味，食一次就夠生菜包專登叫俾好鍾意食生菜包嘅長老食，不過佢話唔好食，因為冇碎肉，勁多綠色粒粒整體上呢個晚飯抵食唔錯，有下一次嘅！下次會試吓其他嘢

公司位處長沙灣工業區，附近美食難求之至。平時工時做得超長，是晚一眾人等決定找家較為像樣的食肆，一解工作上的辛勞。店子都是類似茶餐廳物體的格局，當大家都以為是吃一般炒粉麵飯之類的時候，有幸席間有人懂得點菜，讓我們一飽口福。前菜中華特色撈起用上三文魚肉，比起一般肉絲更為滑溜，撈著爽脆的菜絲及酸酸咸咸的伴汁，更見突出。肉末勝瓜甫是一道清淡的菜式，雖然有肉碎，仍然不覺油膩；瓜肉蒸得夠腍，很好餸飯。店之名物黑椒豬手，骨膠原豐厚，以鐵板上實乃明智之舉，皆因配的是黑椒汁而非酸甜汁，如果豬手凍了才吃便恐怕太膩滯了。黑椒汁本身不會過度搶味，反之更能提升豬手的食味，肉是化開來的，讓人吃得心花怒放！竟然在荒漠中找到一份格外的驚喜，實屬罕見！

大中華已經食過幾次了，講起要食小菜，大中華一定係選擇之一，可惜今次只係兩個人來食，叫唔到好多野。黑椒鐵板豬手，雖然影得唔靚仔，但係呢個豬手味道好正，大隻之餘，肉都好淋。豉椒聖子今日就真係失色左喇！成碟聖子都好細隻，好多仲要得手指尾咁大，一條放入口真係冇乜口感。

難得同中學同學約出黎暢所欲言緊係要揀個地道既地方啤啤佢啦成日經過長沙灣既大中華飯店都人山人海今次特登約早d，六點半就去到員工安排我地坐街，而家天氣唔算太熱都可以既，但夏天真係咪搞我喇我地點左三文魚撈起，椒鹽九肚魚，炸豆腐拼西蘭花，金銀旦拼時蔬等。個三文魚撈起真係好高質，勁大碟，又好味又足料，不過由於我地太肚餓，已經秒速俾我地K.O左😂另外個椒鹽九肚魚又係好好味，唔會太多炸粉👍🏽不過份量可以多返d總括黎講，都值得再黎👍🏽

每晚到夜市時候都會好多人！ 尤其係禮拜五六日！ 一定要預約. 而今晚6點半 walkin 入去！ 好彩有位😂我每次去都會訂單必食既黑椒豬手😂🐷 同炸雞🐔椒鹽魷魚🐙 ！ 雖然每樣餐都好似好好味！選擇困難症！每樣都好正！ 而呢個鐵板黑椒豬手,每次上到黎都係熱辣辣 正黑椒味湧上黎 好香！外面既豬皮軟軟的,而且不會多油.而裡面既肉唔會好散而且好入味.炸雞既連,皮好脆,柔嫩！😍雞胸肉都好好味.其實仲推薦那個臘味煲仔飯！ 唔一定冬季食！ 幾時食你都會愛上佢 🤣🤣🤣

復活節假後我地一行6人前往位於長沙灣的大中華飯店食小炒(朋友之前食過話唔錯)，一星期前已訂枱，我地1900時準時到達後，立即安排入坐，現場格局係一般典型的大排擋格局，鄰枱有一枱係國內旅客，另一枱又有幾位日本人在隊啤，感覺好似去左外地咁，另原來這裏汽水飲品是要自己在出面士多買的，而食物就是自己寫落單去order的，感覺好自助式，講返食物，我地叫左: 土匪雞、豉汁蒸鱔、椒鹽九肚魚、薑葱魚鰾、黑椒豬手、冰鎮墨魚、臘味炒飯等(有部份掛住食忘記影相😅)，整體上食物算ok，，要推介算土匪雞同黑椒豬手比較美味，但大排擋就不要預太有服務可言。但比較失望，沒有傳聞中咁美味特別。

朋友介紹過黎試下 5個人 叫左6個餸 最後少落左一個單最正係個鐵板豬手 啲芫茜同豬手味好夾 個醬香濃 豬蹄燜到好淋 相當受歡迎黎到就梗係試下隻棟企雞啦 超級熱 撕開嘅時候會燙手 無想像中咁鹹香 但係雞肉味都幾香我最鍾意個芥菜湯 芥菜煲到淋 豆腐又吸曬啲芥菜味 正其他人覺得好食而我無法欣賞嘅係個臘味飯 just no comment 其他人覺得好香口 聞落都幾香 但係記得趁熱食仲試左炸田雞 都OK 鹹鹹哋 嘢飲可以自己行去隔離都係同一個老闆開嘅士多冇 買單平均每人120左右

有一晚朋友吹雞話去深水埗大排檔食飯，有人提議去大中華飯店，咁就行啦😂其實我想去呢間飯店好耐，今次終於有機會去見識一下中華一條街🤤佢一條街有幾個部位全部都係大中華飯店，格局同普通大排檔冇乜大分別，坐得迫迫環境普通，但係大排檔就係食呢啲氣氛同埋熱鬧！溫馨提示呢度係冇洒牌嘅！如果要飲酒就去附近嘅Store買，點解會提供冰桶👍🏼👍🏼我哋一行八個人，叫左12個餸😱其中比較特別嘅就係「土匪雞🐔」點解用自家醬料將雞醃好之後拎去燒🔥上枱嘅時候會原隻棟篤企😂熱辣辣🔥食呢啲雞梗係要手撕先有feel架啦，店家會提供膠手套，方便大家進行「分屍」講講口感先，雞肉10分嫩滑，好juicy!啲汁汁係咁滴，如果好似台灣嗰啲甕窯雞，可以配麵線咁就perfect 啦🤤雞皮好脆！雞肉亦十分之入味！唯一要彈嘅就係，醬料有啲部份搽得唔均勻，導致隻雞有啲部份過鹹！但如果送洒嘅話係可以接受的🍻🍺其他菜式就冇乜特別但都非常之有鑊氣，同比較重口味😅，所以唔詳細介紹啦😝自己睇相啦！

第一次黎大中華飯店食晚飯就不得不讚👍🏼立刻就要大中華飯店寫食評，這家店位於深水埗褔華街，有一種很令人懷念的大排檔風味。環境當然不是大中華飯店的賣點，因為他看來與一般的大排擋沒有什麼分別，所點的菜式碟碟都份量多，鑊氣足夠，而且味道絕對一流，絕對令你食過番尋味。首先要推介當然係鐵板黑椒豬手，豬皮夠煙韌，很有骨膠原感覺，肉質亦不過熟，很容易切開，配上無敵惹味黑椒汁，真係食到唔停口。椒鹽鮮魷：椒鹽味道剛剛好，入口不韌，易嚼薑蔥鮑魚：新鮮的飽魚入口有種好爽彈牙的感覺豉椒炒蜆：鑊氣夠！味道尚可白灼東風螺：食材新鮮，醬汁味道適中總結：味道勁正！食材新鮮！價錢合理

前晚又約咗舊同學出來食晚飯，今次去番上次新年冇開門休息過年，所以特登過來食去D小菜貪佢夠特別，一年仲一兩次會來呢度食。首先點左黑椒鐵板豬手呢碟餸必食推介，豬手肉質鮮嫩又夠淋，骨膠原豐厚，入口夠juice,加上黑椒汁味道香濃食落更嘢味再來係香煎墨魚餅，煎得啱啱好見到金黃色，火喉適中，墨魚餅爽口又彈牙，啖啖肉蒜香骨，size 大件，蒜香炸得香脆，肉質鬆軟，食一口骨肉分離跟著係呢度招牌煲仔飯一定要食，用煲仔熱辣辣盛住煱飯，未食已聞到陣陣香味，入口飯粒乾身，加上簡單配料同醬汁已經可以炒得咁出色炭燒奶豬，豬仔燒得皮脆鬆化，色澤深潤，入口香脆而不油膩，本身肉同埋脂肪燒得恰到好處，師傅已將多餘肉切走才炭燒，所以才食到咁有質素豉汁炒聖子,份量足料，聖子爽口嫰滑，加上豉椒汁煮得香濃，可以提升鮮味最後叫咗貴川雞半隻，雞肉滑滑，肉汁香辣，食埋就完成是日晚餐，廚藝依舊出眾。

一家人食飯，當然都係中菜為主，上網搵咗一陣，就決定去好多人推介嘅大中華飯店。佢選擇好多，花多眼亂，都唔知點樣揀。其中我哋最推介嘅就係黑椒鐵板豬手，豬手整得好琳，一次就已經切得開，啱晒有老人家一齊嚟食，另外都見到好多人買佢個燒味飯我哋就決定試吓，燒味飯一上嚟就好香好，但係因為我哋好多人嘅關係，所以冇人先分得少少，建議大家如果多人嘅話可以嗌兩個一齊拎分。

廣東小炒，鑊氣勁力冠絕神州，點出粵菜的神髓。如未曾來到此店，應在炎夏前一試俊哥的鑊氣爆炒。但須知此店是紅磡加太賀的陋巷版，怕不潔和要坐得舒適的勿來。飯店分散在各小舖，落單要去街上搵梅姐。對面有車位供泊車。原來我保持有近4次落單紙，以便點餸。出現率最多的5樣餸，是琵琶豆腐，鐵板黑椒豬手，泰國鳳爪，貴州豬腳仔，煎墨魚餅。平均每人每次130元（未計酒水）。今次是2017年第一次光顧，冷盤是雙辣:貴州豬腳仔辣度是大級數，勿撈起來吃，小心噴火。泰國鳳爪質素比得上泰國餐廳，亦很辣。這類爆炒店重味重油，所以我們每次都叫大量酒水。兩熱葷:煎墨魚餅十分彈牙，好味指數冠絕全港澳。琵琶豆腐是鑊氣勁的最佳證明，是必選。如人多，炸鯪魚球和生炒骨都是推薦之列。兩主菜:鐵板黑椒豬手是招牌菜，可食兩碗飯。今次豬手太瘦，亦偏細，大不如前。豉汁蒸鱔保持水平，份量多，鱔魚勁彈牙。這份量在街市買亦要70元，十分超值。蒜蓉炒豆苗入味，但太油膩。今次只有7人，結帳是730元。十分抵食。送酒的乳鴿是首次試試，太乾，欠汁，不合格。應多用滷水浸，保持鴿身濕潤。

大中華一條街，你見識過未。住大嶼山的朋友指定晚餐都要過來這邊食，說著就是好味道，又有啤酒飲，係一個好地方。當真味道是不錯的，大排檔的形式，環境。還厲害的是多來幾次便會發現，這裡有幾個大形的鋪位都是他的，合併在一起的話估計就可以擺番10幾20圍。還有的係除了小菜，它還有火鍋，甜品，一次過幫你滿足唒五臟六腑。特別好吃的推廣幾款比大家。手撕雞，醃的味道幾好，用特製嘅方法燒出來，火喉剛好，內面的肉仲好滑。但就麻煩少少，要親自落手撕。如果你地身邊有個好似我甘賢良熟得嘅朋友，就可以幫你地撕埋，用筷子就可以食啦。呢度最出名嘅黑椒豬手，用鐵板上，上嘅時候仲熱辣辣，出唒煙。味道有好濃的黑椒味，但又唔會覺得辣。豬手的肉質已經炆到好軟身，食嘅時候記得係一啖皮，一啖肉甘先至最好食。生炒臘味糯米飯，呢度嘅糯米飯係即炒即做，用個大嘅煲仔煮，上枱的時候都係原煲上，糯米飯都仲未係黐埋一舊，仲係一粒粒分明，但係就已經熟透。記得嚟咗之後要即刻用手攪拌一下，等啲飯粒可以充分吸唒臘味的油香，之後食就啱啱好，係一種另類的食法，唔一定要黐埋好煙韌先好食嘅。海鮮來說就中等，唔屬於超好味，但係海鮮本身係足料嘅，鮑魚係厚身有肉，對得起