大中華飯店 (已搬遷) 新店位置

終於可以去大中華食晚飯呀！每次嚟到嘅時候都係好多人喺度排隊，今日唔知點解人少少，所以諗都唔使諗就食大中華！今晚食飯有四個人，我哋叫咗三餸一飯！黃金鮮魷、香煎墨魚餅、XO醬生菜包、生炒臘味糯米飯！長洲墨魚餅大家可能都食過！依家出面有好多墨魚餅都係假！顏色好白、 完全冇墨魚味、又多粉、連少少墨魚粒都冇！但係大中華「香煎墨魚餅」就一啲都唔同！又彈牙又香口又有墨魚味！好似周星馳食神電影嘅拉尿牛丸咁彈牙！可能如果佢係圓形都可以用來打乒乓波！哈哈！「黃金鮮魷」就好似黃金蝦！都係用鹹蛋黃汁炒一樣！鮮魷都一樣十分鮮甜！舊舊都好大舊又厚肉！雖然咸蛋黃好鹹，不過唔會好似吉列嘅嘢食咁，包到成塊魷魚都係鹹蛋黃，份量剛剛好！我自問唔係一個好食得辣嘅人！不過佢個XO醬生菜包真係好野未！辣得嚟又好想係咁食！雖然差唔多食完三款餸都有啲飽飽地！不過「生炒臘味糯米飯」真係好好食！你睇住個廚師熱辣辣咁樣，成盤野攞出嚟！佢嘅香味吸引晒周圍客人嘅眼神！落枱嘅時候，香到我哋忍唔住嘩左聲！臘味有多，仲有花生！重點係仲有飯焦！生炒臘味糯米飯大家真係要必食！！好可惜已經好飽冇機會是大中華嘅甜品舖頭嘅甜品！

聽說很好吃的大中華飯店，昨晚終於一試。門面有d老舊，坐下後枱上面有個大銀盆供客人洗碗筷，然後有一塊落單牌放於枱上，食咩自己寫?!問一問，真係要自己寫架 三個人揀左好耐，呢度既食物選擇唔多，但每款都似乎好好食，認真難揀。最後order左4樣野，無骨鳳爪、炸子雞、香煎墨魚餅、琵琶豆腐。首先講講無骨鳳爪 - 酸辣的味道，酸味較重，鳳爪本身做得幾好，所以都ok好食香煎墨魚餅 - 爽口好味，不過就油左d炸子雞 - 皮脆肉嫩，好食!!琵琶豆腐 - 呢味菜認真麻麻地，味道不討好，而且朋友食到其中一粒有酸味，天氣熱豆腐都係爭d。大中華食物整體上是ok的，不過枱上總是有一d小飛飛走黎走去 不過咁先叫地道嘛!

乳豬燒得很好，皮脆肉嫩。黑椒豬手，豬手都幾大隻，豬皮好淋好滑，但不覺油膩，肉質嫩滑，但略鹹咗少少。炸墨魚餅做到好厚身，咬落外面香脆裏面煙un。酥炸皮蛋，皮蛋甘香，外面炸到吹卜卜。

應該身為香港人無邊個未食過大中華啦，鍋氣夠超惹味今日約左一班fd 又黎啤住食小炒，所有野食都好正esp.個墨魚餅真係無得彈！可惜既係限時，6半入席7點就有人企隔離等位 下次食夜d 果round 先。。。。

朋友介紹來呢度食地道中菜，餐廳環境唔好要求太大，食物才是重點。 中華撈起好特別，有火腿絲，生菜絲，青瓜絲，木耳絲，三文魚絲，多重口感，好fresh 撈起好清淡，黑椒豬手，味道好濃烈，豬手好淋，好大隻，好多骨膠原啊^^ 好落薄既炸粉，蠔仔都算大粒，最正係要點個辣醬，好正。 呢個肉反正炸得好油，不值一提 超香啫啫生菜煲，好爽口，好味！3個人食咁多野，超滿足、超飽，正！

一條街有幾個鋪，應該都有番咁上下，馳名鐵板黑椒豬手，夠淋，肉質入晒味，又夠滑，入口有溶化感覺，配合濃味黑椒汁，正到可以食多幾碗飯，另一個招牌菜，土匪雞，賣相已經很特別，食落好似柔合左豉油雞同中式雞咁，再加上黑芝麻，雞肉好嫩滑，又濃香，不過要食，就要係訂位時訂埋，好搶手架，其他小菜都好好味，好有水準，如炸大腸，撈起(冷盤),勁推介

今日星期五同幾個朋友食大中華，book枱既時候約左7點，講到明8:30要還枱，咁既然成班人都掛住佢既豬手，咁好啦，個半鐘就個半鐘啦！一坐低諗左一陣食咩，好快就叫左下列菜式：黑椒豬手 必點小菜！ 每次都一定會食，呢度既豬手無得頂，黑椒汁非常惹味，隔離枱都聞到！原隻送上既豬手好容易切開，因為肉質夠嫩滑，而豬皮好肥美而軟綿綿，充滿骨膠原。煮花甲 （$100） 花甲大大粒，因為新鮮既關係只係白烚已經好好食，食到原汁原味既海鮮甜味，旁邊亦有醬汁加以調味。椒鹽鮮魷 必點小菜！鮮魷炸得香脆但食落唔油膩，椒鹽份量剛好食落唔會過咸，而魷魚亦夠彈牙厚肉。糯米飯 $130 餐牌上寫住既皇牌糯米飯, 當我將佢放入自己碗中既時候已經知道佢唔係我杯茶。糯米飯好鬆散，並唔似傳統既糯米飯咁痴埋一齊，而糯米飯中加入好多好大粒既蔥，臘肉，花生。花生可能焗得太耐已經唔脆唔香口，飯煲底有飯焦，但整體味道麻麻，欠糯米飯香同臘肉唔夠惹味。 墨魚餅 墨魚餅內有墨魚粒粒，咬起黎彈牙爽口，旁邊有泰式甜酸醬，點唔點都咁好食食到8:15pm想加餸既時候，被侍應狠狠的拒絕了，仲比左張單我地要埋單，食唔夠飽真係呢一餐既遺憾

朋友去完日本 交收手信話想食小炒 就諗起食e間 3個男人 緊係要食d夠地道d慨！環境呢 就真係唔得 坐係後巷鋪慨門口！如對食店環境有要求人士 請三思啦 ！黑椒德國豬手一黎到 熱辣辣慨鐵板 張黑椒汁香氣帶出黎 ！豬手極之淋滑 e到食野呢就要自己寫落單到慨 朋友就寫錯豉椒 我想食豉汁囉！ 色香味形都齊慨 ！係辣左少少囉 炸大腸加椒鹽骨！！椒鹽骨就一般一般！ 大腸就夠香脆 卜卜聲架 食左咁多熱氣野 緊係要飲反下d下火慨湯啦 ！芥菜咸蛋肉片湯 ！整體黎講食物一流！環境唔得！服務可以叫做冇！所以對服務同環境有要求慨人去要諗過啦！

三個老死相約食飯，決定去食下大中華。餐牌有不少菜式選擇。最特別的是這裡下單是要自己親手寫的(別再說侍應生寫錯單了 )點了四個菜黑椒鐵板豬手，味道濃厚，豬手煮得很淋，黑椒味突出，但不會很辣。豬手本身有咸味，這是一個味道較重的菜，配白飯會更好。豉椒炒蟶子，鑊氣十足，蟶子爽滑，沒有砂。但就比較辣，如喜歡吃辣的朋友應該很喜歡。椒鹽骨拼炸大腸，大腸炸得很脆，而且不韌。椒鹽骨就一般，沒什麼特別。咸蛋肉片芥菜湯，味道不錯但偏咸。

今日公司春茗， 因為我地人多， 之前已經book 好左野食同房，食左太多款菜色，今日特別想提下依個"中華撈起"，估吾到三文魚配埋個撈起係咁夾架， 真係好正第2味就係燒乳豬仔， 皮脆，肉嫩，非常香口惹味，不會很油～　第三味是開邊蒜蓉蝦，香味十足，我是海鮮控，吃海鮮一定要新鮮！這一味我非常推介！～我個人就最鐘意個炸皮蛋， 用墨魚滑包住皮蛋黎炸，食到皮蛋既甘香年年有餘，蒸得剛剛好，還是那一句，吃海觧要新鮮！　轉眼間就只餘下魚骨！服務亦都好好 同事都玩得好盡興真的是一大班人聚會既好地方!

中國人食團年飯，當然要揾番間中菜館，一講到食小炒，點會唔諗到大中華呢？不過真係要訂枱，臨近歲晚，想有位都好難，重要訂左大枱都要等‥‥‥自助式寫單，寫好就俾伙記幫你落，就算買飲品啤酒，都要自己行過隔離士多買，食得地茂，環境就唔好諗，toilet就更加唔好提，大家志在享受食物！豬手，我都無謂介紹，都介紹都爛晒，一個字“正”！ 炒菜都OK！土匪雞，人人都有一隻，我覺得唔係志在食，係志在有得撕雞，雖則得一對手套，但大家既合作精神值得加分。講番隻雞，肉都嫩，不過都係覺得撕雞先係個gimmick位！花甲，本人少食，但都覺得好好食，清甜無沙，煮到岩岩好，大讚！因為大中華確實有太多好野食，豬手呀、雞呀，好似搶晒風頭，點知呢個鱔，個人覺得係成晚之冠，香口又脆，南乳味又唔太濃，自己想食幾重口味就自己點個碟仔，炸完之後仍然保留到鱔既味，嬴晒！全晚最差之選，外皮唔夠脆（可能都應該唔脆），入面太“林”，食落口好似係“梅”既感覺，所以對呢個印象唔太好！朋友話一定要叫呢個，我都係第一次試，少少飯焦，都香口，不過就少左臘腸味，不過都ok！因為隻數既關係，我係無緣食到，但唔緊要，朋友食完都讚不絕口，所以呢個都係推薦之

一年一度老爸的生日, 正在頭痛今年該吃甚麼時, 突然想起電視台的飲食節目曾經介紹過一間叫"大中華"的小店, 當時老爸說過想去試試, 於是便決定了生日飯的地點. 因為老爸生日是在星期六, 穩陣起見, 預早了一星期去訂位. 到達是雖然只是晚上六時半, 兩間正鋪已經滿座, 我們要到後巷的鋪才有位. 鋪位地方不算大, 沒甚裝修, 枱子密麻麻地排在一起, 住得頗擠迫; 幸好夠光猛, 而且冷氣充足, 所以不會吃到一身汗!來之前已經參考過不少食家的食評, 所以很快便決定點的菜. 當終於找到侍應點菜時, 侍應卻指著枱面的落單紙說, "食咩自己落單寫啦! 寫完拎出來!". 吃飯點菜要自己動手寫, 還是第一次. 燒鵝 ($238/半隻)據說燒鵝是新鮮出爐的, 售完即止. 燒鵝賣相不俗, 外皮不會燒得太焦黑. 入口燒鵝仍帶點微暖, 鵝皮仍然香脆, 皮下脂肪不算多, 鵝肉也燒得透, 肉質嫩滑. 個人認為, 它的燒鵝食味比中環的一樂還要好! 如果燒鵝可以再熱一點的話就更完美!南乳吊燒鱔 ($100)平時吃鱔多數都是豆豉蒸, 今次點了南乳吊燒鱔. 所謂吊燒, 其實即是炸鱔. 雖然鱔肉份量不多, 但鱔肉夠厚身, 肉

唔好睇佢係大排檔所以對佢期望偏低,真係好好味。雖然裝修環境真係好簡陋...最值得推介真係要數黑椒豬手:連本身唔鐘意食豬肉既我都對佢欲擺不能,隻豬手除左份量十足外,口感軟滑,一入口即刻feel到係用左唔小時間煮到咁入味第二樣值得推介係臘味煲仔飯,睇得出唔係平時食開ge行貨,一大鍋分出黎,而係分開一鍋一鍋咁炒出黎,d米炒到粒粒分明,勁有咬口!煎餃同墨魚餅味道無乜大驚喜,勝在一起爐就上台。個個一入口就話"好熱啊!"

晚餐15位$1300    9菜一湯之前無book位無得食。今之早左book位   所以8:30pm ，不用等，直接上樓上大房食飯。  環境：樓上房  ，得2枱。可能book位先有房坐，比樓下正門的環境來得清潔。服務：無服務員，自己落去搵職員點菜，不太方便。有個菜無上，吹左兩次先上。間野太出名，請唔夠人。如果坐下面應該會好d.食物：訂左隻土匪雞（$250左右一隻）要早一日訂先有得食。   味道普通，價錢貴。係個樣幾搞笑 ，叫來影下相。下次不會再叫。太貴了。推介：鐵板豬手$120     超好味，雖然貴。

最鍾意一家人出去搵好野食，因為多幾雙筷又可以叫多幾碟餸黎試。今次就試下長沙灣呢間以小炒聞名的大中華飯店。好在早幾日打黎訂在位，唔係晚飯都變宵夜了。去到枱枱都有咕嚕肉，我地當然唔執輸鐵板黑椒豬手，熱辣辣，豬手好腍好入味，超正天氣涼返少少，食煲仔飯最正咸蛋介菜湯媽咪話成晚食咁多熱氣野煎炸野，飲呢個湯可以下火，唔比飲可樂，好在咸咸地咁又幾好味喎黃金魷魚 & 椒鹽鮮魷將膽固醇超標一事忘得得一乾二淨蒜蓉開邊蝦呢個蝦，我可以用黎送兩碗白飯都得薑蔥煎蠔 & 炸蠔家族中有個蠔怪，要試晒兩種煮法先安樂，個人應為薑蔥惹味好多，大中華的小炒真係好夠鑊氣花甲呢個好清甜，食到原汁原味豬大腸內臟我從來唔食，no comment !!!!!!